【生產紀錄(上)】東區醫院催生👶🏻陣痛1X小時無得開刀?單靠老公愛的止痛法就夠? 新小編登場 |公立醫院|催生過程|生產Vlog|懷孕生產|Birth Story|《跟住小編做媽咪》
ฝัง
- เผยแพร่เมื่อ 24 ส.ค. 2024
- 大家好,我係BK新小編阿珊,亦都係前隱藏同事,最近加入咗媽媽行列👩🏻🍼第一次同大家見面就想分享一吓喺東區醫院嘅生產經過👶🏻
話說到39週+3日,我去公立產檢時就要求催生,因為喺私家照到BB有少少大粒,加上我身型好細粒,驚好難順產,所以就膽粗粗提出催生要求,點知醫生話第二日就有位,當時嘅我反應唔切,不過諗諗下,快啲生仲好,一來肚太大唔舒服,二來第二日係星期六😂😂(老公放假方便陪產),好似幾好咁😆
到咗第二朝,好快就入產房,老公都可以全程陪伴,姑娘仲提供咗好多止痛方法,其中一樣老公好幫得手!最後幾經辛苦,終於生到女女啦👶🏻
如果大家嚟緊都會去東區醫院生bb,想知醫院助產士同醫生們係點,就去片啦!
#生產日記 #生產記錄 #東區醫院 #公立醫院
#BK小編阿珊
==========
記得Like同Follow埋我哋嘅FB IG!
啊珊|
Instagram: / waishan.momlife
Ivy|
Facebook: / why.so.qq
Instagram: / why.so.qq
Salome|
Facebook: / salome.peimame
Instagram: / salome.peimame
大力:
Facebook: / mrs.daailik
Instagram: / mrs_daailik
【跟住小編做媽咪】
全港首個懷孕實況全記錄!
CLS TH-cam Channel🎥 Baby Kingdom
我都係啱啱係東區醫院,生完BB,體驗東區醫院所有姑娘,助產士,母乳護士長謝姑娘(靚靚姑娘) 俾我滿滿力量,支持我順利生產🎉東區醫院的確生產專業,舒服友善❤畢生難忘
好羨慕有老公陪產同按摩呀,我生仔時是疫情高峰唔俾陪產,當時自己在產房痛足10個鐘真係好孤單😢😢😢。我係41週催生,在產房頭6個鐘只靠呼吸法忍痛,後面我再三要求先俾到笑氣我聞。期間我都有要求過打無痛,但醫生話胎心曾經下跌,唔俾我打。最後開到10指,但陣痛卻變疏了,試生咗一個鐘,中間胎心又不穩,醫生怕BB缺氧,要內診伸入去刮胎兒的頭皮血,試咗幾次都唔成功,唯有緊急開刀。之後BB出世,聽到佢喊聲響亮,我即刻忍唔住喊咗出來,那一刻覺得如釋重負了。
媽媽辛苦你啦!要自己一個面對真係想像一下都覺得好驚😖產程咁耐,到生完一刻真係覺得如釋重負, 完全唔係電影嗰種感動流涕嘅感覺...
我都係東區醫院生,上年2月果陣係疫情最嚴重既時候,無得陪又無得探😢因為bb無轉頭所以係開刀,自己一個推到冷冰冰既床,完全覺得自己好無助,喊左出黎🥲果陣有位姑娘見到我都比我嚇親,佢好好人陪左我幾分鐘😂生完之後一路要帶口罩咩都係自己攪,真係唔堅強d都捱唔到🫣🫣
我都係東區 都係良好感受❤東區真係住足4日3夜密集式mami training, 但教得好仔細
好開心有新小編當媽媽,辛苦生仔已成回憶,祝BB健康成長❤😊🙏
我上年8月生完,又回憶起當時生唔出要用吸盤生,真係好驚,好彩BB無後遺症🙏😁
好喜歡呢個新主持,期待出多啲片, 多謝分享 及恭喜曬 🎉
多謝你支持💕
狂賀😍😍😍期待皮Q魚嘅互動🥰
我都係東區催生,9點入產房,11點baby出世,姑娘話由打催產針開始計55分鐘baby就生出來了。不過超級痛,笑氣無用,我大叫要打無痛,但麻醉師來時已經開了十度。姑娘話,如果要生第三胎,一做動要馬上去醫院,不然可能就生路上了。
努力按摩樣😂好好笑又溫馨❤
多謝你支持💕
我今年1月係QE生果時無姑娘介紹止痛方法既🥲佢地淨係叫我聞笑氣又無啦啦痴粒香薰貼俾我😂但笑氣一啲用都無同埋真係要好用力吸好攰😂😂😂好彩人手穿水後4個鐘就生得🥹
終於有新小編🎉BB好精靈好靚呀!
多謝你支持💕
我40週係廣華催生,穿水後痛足11個鐘,用半個鐘生,全程無用笑氣/止痛針/無痛分娩,只靠呼吸法同意志😅😅😅諗番起都覺得自己痴線
冇咗笑氣真係會痛到尖叫😂
@@jeasiu4601 咁我又無,全程到生都無尖叫過,因為吾想徙力
媽媽你真係好勁呀!不過捱過咗就真係唔記得咗😂
我開到8度都仲玩緊手機 又係全程乜止痛都無用 我都覺得自己痴線🤣🤣
我覺得笑氣係最有用😂吸左2枝氣
按摩最冇用😂痛到唔想有人掂我🫠🫠🫠
真係人人感受都唔同😆
我係屯門醫院生,開刀。當時因爲bb發燒我無發燒,佢地無比我同BB有任何接觸,抱下都無就送左bb走,净係比我望左眼就算😢
幾好笑,睇完只係記得好痛好痛好痛
我上年都係東區催生,醫護對待過程都有啲唔同😅都要視乎個生產情況
公立醫院真係講彩數😣
我第1胎都係大粒廣華催生穿水6個鐘生出
第2胎37周6都係大粒廣華催生,穿水13個鐘先生出
所以2胎生得快d係呃人😂
辛苦媽媽啦!我都以為第2胎產程一定好快😱
如果產婦在香港生產生唔出医生都会用推同壓方式去幫助產婦生產嗎?這樣子合法嗎有經產婦同意嗎
我148cm而家21w😊同是細粒mama thx information ❤
我都係催生,都係冇打無痛、 冇打止痛
😂痛左23個鐘 產檢仲同我講好快生得呃人嘅😂出嚟3.6 kg。我未懷孕之前都38 kg細細粒😂最後用產鉗扯出嚟生不如死😢個護士問我要唔要抱下個BB 我果下真係諗我同佢唔識嘅😂去到產後病房我先接受到自己做咗媽咪死死地氣餵奶
嘩!3.6kg真係好重磅!媽媽辛苦你啦!
我生女時候係東區姑娘唔係咁😂
我威院41週都係直落產房穿羊水催生。由痛開始計,一開始4個鐘check一次宮頸,第一次佢地見我好痛苦主動比笑氣我聞,不過對我冇咩大作用,到第2次check(8個鐘),已經分幾2分鐘左右痛一次,但都係開得一度,真係喊咗,助產士見到就叫我有需要就打無痛,好彩等咗半個鐘就等到,最後過多6個鐘就開哂10度。雖然有發燒,但除咗陣痛果時個止唔到肋骨痛之外,其他腰痛,陣痛甚至生完縫針都一d都唔痛。不過好彩肋骨識痛我就知陣痛要用力,如果唔識用力醫生都話要開力。揀多次我會早d request 無痛,因為痛緊真係好難hold住比醫生打針落尾龍骨。
又多一個兵馬俑了😂😂
東區醫院request打無痛易唔易?會唔會係甘拖你?
每個人嘅身高唔同
所表現嘅狀況唔一樣
我本身身高170
我生大妹同埋二妹
分別係六個鐘頭同埋四個鐘頭
所以你可以立刻明白
點解小編姐姐可以咁耐
我都識有身高較高的朋友,生產過程好快,唔通高啲真係著數啲?🤔😆
因為咁就關乎物理學
身高比較短嘅人
個腿都比較短
所以使出嚟嘅力就會長時間啲
因為我係170呀嘛
咁你本身除咗身體裏面
仲可以靠個長腿嚟分擔
所以自自然然就會快啲
我阿媽都係咁講
如果連痛開始計我係14個鐘
但計俾人推上產房計係兩個鐘😂
我本身高168😂
我都168..做開運動,懷孕期間都有做
陣痛+穿水開始計總共26個鐘先生得出🫠
係咪要加護病房先有得好似shan 咁陪產架?
我想問下個過程咁耐 如果真係急屎同急尿點算🙈
照痾囉🙂😬😬係真架
@@hmmmpc會有尿兜?🙈
@@Appleeeee666都係催生,個陣姑娘叫我痾尿,有兜架😂😂😂
@@hmmmpc 完全係咁🙈🙈謝謝解答😂😂
俾個兜你屙 屙唔出就插管導尿