CCIX ΣMER D CCIX SAKKU (23-07-1999)

Ass wiss 23 g wayyur n yulyuz n useggas n 1999, immejmaɛ Ccix Ɛmer d Ccix Sakku mmyinin rebɛa n izlan n uḥidus :
Ccix Sakku ayd isawlen d amezwaru, inna-s :
Idda lbas d wagu, yuwey asemmiḍ,
Han itran qqad afin tamelli !
Iwajeb-as Ccix Σmer, inna-as :
Han afrux axatar, meqqar t-iwet bayyuḍ,
Sulen iɛettag amm netta llan g-gʷakal !
Iɛawed Ccix Sakku inna-as :
Bu tiskert-ddaɣ ixxan ayd iwet bayyuḍ,
Widdeɣ imeẓẓann, ur nessin mayd d-uwin !
Iwajeb-as Ccix Σmer, inna-as :
Ḍfaren isekʷla abda aqbu g d-lulan,
Ǧǧin tannid uẓu n tazart ad ig aḍil ?

[@Tatfi-n-usara]

Tawuri izdign ,tanemmirt

[@hamidtalibi3263]

Tanemmirt-nnek, a dda Ali. Da, ur illi ghas krad' izlan ayd inna, mani wis kkuz' ?

[@INNAASCCIXAMER]

Ula maɣef, a Mass Ḥamid.
Kkuẓ n izlan ayd dinnaɣ illan. Ɣas izli wiss kraḍ, isman-t Ccix d wawal allig ur d-ibayen idd izli ayd iga.
Inna-as Ccix Sakku :
Idda lbas d wagu, yuwey asemmiḍ,
Han itran qqad afin tamelli !
Iwajeb-as Ccix Σmer, inna-as :
Han afrux axatar, meqqar t-iwet bayyuḍ,
Sulen iɛettag amm netta llan g-gʷakal !
Iɛawed Ccix Sakku inna-as :
Bu tiskert-ddaɣ ixxan ayd iwet bayyuḍ,
Widdeɣ imeẓẓann, ur nessin mayd d-uwin !
Iwajeb-as Ccix Σmer, inna-as :
Ḍfaren isekʷla abda aqbu g d-lulan,
Ǧǧin tannid uẓu n tazart ad ig aḍil ?