Кӱски коому кимирттим

Кӱски коому* кимирттим
Кӱмӱштелген кырларым
Кызыл-кӱреҥ кийимде,
Кӱски кӧӧрӧм кожоҥым
Кайраканныҥ кӱӱнине.
Кӱски кааҥ кӱндерди
Кижи канай кайкабас,
Кеткиндеген куштарды
Кемис кӧрӱп кӧӧрӧбӧс?
Кӱндер кезем кыскаарлайт,
Кӧптӧӧгилейт кыруулар.
Кучыйактар кунуклайт,
Какталгылайт кайыҥдар.
Кайыҥашты кактаган
Кӱски куйун куудыркайт,
Кеткин кушты кеттирткен
Кӱндер кӱнӱҥ кааҥжыгат.
Кӱлер-кӱмӱш кеберлӱ
Кырларыста кӱлӱмји,
Кӧстӧринде кӧӧрӧмдӱ
Келиндерде каткымчы.
Кӱсле кожо кӧӧрӧмим
Кӱнӱҥ кӧптӧйт, кӧӧркийим.
Коомуркаган кожоҥым
Кӱйбӱредет кунуугым.
*-музыка