Maha Samaya Sutta

Maha Samaya Sutta from The Great Book of Protective Blessings - Piruvana Poth Vahanse
Pali Chanting by Ven. Weragoda Sarada Nayaka Maha Thero
Evaṃ me sutaṃ ekaṃ samayaṃ Bhagavā sakkesu viharati Kapilavatthusmiṃ mahāvane mahatā bhikkhusaṅghena saddhiṃ pañcamattehi bhikkhu satehi sabbeh’eva arahantehi Dasa hi ca lokadhātūhi devata yebhuyyena sannipatitā honti Bhagavantaṃ dassanāya bhikkhusaṅghañca
Atha kho catunnaṃ suddhāvāsakāyikānaṃ devānaṃ etadahosi
Ayaṃ kho Bhagavā sakkesu viharati Kapilavatthusmiṃ mahāvane mahatā bhikkhusaṅghena saddhiṃ pañcamattehi bhikkhusatehi sabbeh’eva arahantehi Dasa hi ca lokadhātūhi devatā yebhuyyena sannipatitā honti
Bhagavantaṃ dassanāya bhikkhusaṅghañca
Yannūna mayam’pi yena Bhagavā ten’upasaṅkameyyāma
upasaṅkamitvā Bhagavato santike paccekagāthaṃ bhāseyyāmā’ti
Atha kho tā devata seyyathā pi nāma balavā puriso
sammiñjitaṃ vā bāhaṃ pasāreyya pasāritaṃ vā bāhaṃ sammiñjeyya evamevaṃ suddhāvāsesu devesu antarahitā
Bhagavato purato pāturahaṃsu Atha kho tā devatā Bhagavantaṃ abhivādetvā ekamantaṃ aṭṭhaṃsu Ekamantaṃ ṭhitā kho ekā devatā☼Bhagavato santike imaṃ gāthaṃ abhāsi:
Mahāsamayo pavanasmiṃ Devakāyā samāgatā
Ᾱgatamha imaṃ dhammasamayaṃ Dakkhitāye aparājitasaṅghan’ti
Atha kho, aparā devatā Bhagavato santike imaṃ gāthaṃ abhāsi
Tatra bhikkhavo samādahaṃsu Cittaṃ attano ujukamakaṃsu
Sārathīva nettāni gahetvā Indriyāni rakkhanti paṇḍitā’ti.
Atha kho, aparā devatā Bhagavato santike imaṃ gāthaṃ abhāsi
Chetvā khīlaṃ chetvā palighaṃ Indakhīlaṃ ūhaccamanejā
Te caranti suddhā vimalā Cakkhumatā sudantā susunāgā’ti
Atha kho, aparā devatā Bhagavato santike imaṃ gāthaṃ abhāsi
Ye keci Buddhaṃ saranaṃ gatāse Na te gamissanti apāyaṃ
Pahāya mānusaṃ dehaṃ Devakāyaṃ paripūressantī’ti.
Atha kho Bhagavā bhikkhū āmantesi☼Yebhuyyena bhikkhave dasasu lokadhātusu devatā sannipatitā Tathāgataṃ dassanāya bhikkhusaṅghañca Ye’pi te bhikkhave ahesuṃ Atītamaddhānaṃ arahanto, Sammā Sambuddhā tesam’pi Bhagavantānaṃ etaparamāyeva devatā sannipatitā ahesuṃ seyyathāpi mayhaṃ etarahi Ye’pi te bhikkhave bhavissanti anāgatamaddhānaṃ arahanto Sammā Sambuddhā tesam’pi Bhagavantānaṃ etaparamāyeva devatā sannipatitā bhavissanti seyyathāpi mayhaṃ etarahi
Ācikkhissāmi bhikkhave devakāyānaṃ nāmāni Kittayissāmi bhikkhave devakāyānaṃ nāmāni Desissāmi bhikkhave devakāyānaṃ nāmāni Taṃ sunātha, sādhukaṃ manasikarotha bhāsissāmī’ti Evaṃ Bhante’ ti kho te bhikkhū Bhagavato paccassosuṃ Bhagavā etadavoca
Siloka manukassāmi Yatha bhummā tadassitā
Ye sitā girigabbhāraṃ Pahitattā samāhitā
Puthusīhā’va sallīnā Lomahaṃsābhi sambhuno
Odātamanasā suddhā Vippasanna manāvilā
Bhiyyo pañcasate ñatvā Vane Kāpilavathave
Tato āmantayī satthā Sāvake sāsane rate
Devakāyā abhikkantā Te vijānātha bhikkhavo
Te ca ātappamakaruṃ Sutvā Buddhassa sāsanaṃ
Tesaṃ pāturahū ñānaṃ Amanussānadassanaṃ
App’eke satamaddakkhuṃ Sahassaṃ atha sattatiṃ
Sataṃ eke sahassānaṃ Amanussānamaddhasuṃ
Appeke’nantamaddakkhuṃ Disā sabbā phuṭā ahū
Tañca sabbaṃ abhiññāyā Vavakkhitvāna Cakkhumā
Tato āmantayī satthā Sāvake sāsane rate
Devakāyā abhikkantā Te vijānātha bhikkhavo
Ye vo’haṃ kittayissāmi Girāhi anupubbaso
Sattasahassā yakkhā Bhummā Kāpilavathavā
Iddhimanto jutīmanto Vaṇṇavanto yasassino
Modamānā abhikkāmuṃ Bhikkhūnaṃ samitiṃ vanaṃ
Cha sahassā Hemavatā Yakkhā nānattavaṇṇino
Iddhimanto jutīmanto Vaṇṇavanto yasassino
Modamānā abhikkāmuṃ Bhikkhūnaṃ samitiṃ vanaṃ
Sātāgirā tisahassā Yakkhā nānattavaṇṇino
Iddhimanto jutīmanto Vaṇṇavanto yasassino
Modamānā abhikkāmuṃ Bhikkhūnaṃ samitiṃ vanaṃ
Iccete soḷasa-sahassā Yakkhā nānattavaṇṇino
Iddhimanto jutīmanto Vaṇṇavanto yasassino
Modamānā abhikkāmuṃ Bhikkhūnaṃ samitiṃ vanaṃ
Vessāmittā pañcasatā Yakkhā nānattavaṇṇino
Iddhimanto jutīmanto Vaṇṇavanto yasassino
Modamānā abhikkāmuṃ -Bhikkhūnaṃ samitiṃ vanaṃ
Kumbhīro Rājagahiko Vepullassa nivesanaṃ
Bhiyyo naṃ satasahassaṃ Yakkhānaṃ payirupāsati
Kumbhīro Rājagahiko So’pāga samitiṃ vanaṃ
Purimañca disaṃ rājā Dhataraṭṭho taṃ pasāsati
Gandhabbānaṃ ādhipati Mahārājā yasassi so
Puttāpi tassa bahavo Indanāmā mahabbalā
Iddhimanto jutīmanto Vaṇṇavanto yasassino
Modamānā abhikkāmuṃ Bhikkhūnaṃ samitiṃ vanaṃ
Dakkhiṇañca disaṃ rājā Virūḷho taṃ pasāsati
Kumbhaṇḍānaṃ ādhipati Mahārājā yasassi so
Puttāpi tassa bahavo Indanāmā mahabbalā
Iddhimanto jutīmanto Vaṇṇavanto yasassino
Modamānā abhikkāmuṃ Bhikkhūnaṃ samitiṃ vanaṃ
Pacchimañca disaṃ rājā Virūpakkho taṃ pasāsati
Nāgānaṃ ādhipati Mahārājā yasassi so
Puttāpi tassa bahavo Indanāmā mahabbalā
Iddhimanto jutīmanto Vaṇṇavanto yasassino
Modamānā abhikkāmuṃ Bhikkhūnaṃ samitiṃ vanaṃ
Uttarañca disaṃ rājā Kuvero taṃ pasāsati
Yakkhānaṃ ādhipati Mahārājā yasassi so
Puttāpi tassa bahavo Indanāmā mahabbalā
Iddhimanto jutīmanto Vaṇṇavanto yasassino
Modamānā abhikkāmuṃ Bhikkhūnaṃ samitiṃ vanaṃ
Purimaṃ disaṃ Dhataraṭṭho Dakkhiṇena Virūḷhako
Pacchimena Virūpakkho Kuvero uttaraṃ disaṃ
Cattāro te mahārājā Samantā caturo disā
Daddallamānā aṭṭhaṃsu Vane Kāpilavathave
Tesaṃ māyāvino dāsā Āgu vañcanikā saṭhā
Māyā Kuṭeṇḍu Veteṇḍu Viṭucca Viṭuḍo Sahā
..........

[@anandpandit3162]

SADHU SADHU SADHU

[@numanng]

TQ Venerable for your nice chanting. Your recordings will be beneficial to those who wish to learn & chant at home. Well Done.