དྲན་ལྷང་ལྷང་། ཚིག རྨ་འོད། དབྱངས། ཨ་མཆོག་སྙིང་དཀར། ལེན་མཁན བསང་སྐལ་བྷེ་དངོས་གྲུབ་སྒྲོལ་མ།
ฝัง
- เผยแพร่เมื่อ 22 เม.ย. 2024
- དྲན་ལྷང་ལྷང་།
思念成灾♫. ♪~♬..♩ ཚིག རྨ་འོད།
词:玛奥
དབྱངས ཨ་མཆོག་སྙིང་དཀར།
曲:阿木曲娘格尔
ལེན་མཁན བསང་སྐལ་བྷེ་དངོས་གྲུབ་སྒྲོལ་མ།
演出:桑尕白 欧智卓玛
རོལ་མོ། གྲུ་བ་ཚེ་རིང་།
编曲:智瓦泽旺
↓ ↓ ↓ ↓ ↓ རྩེད་ར་ཆུང་ཆུང་མེ་ཏོག་ཁྲ་ལམ་ལམ།།རྩེད་རྡོ་གོར་མོ་དགའ་འཛུམ་གྱི་ལི་ལི།།རྩེད་གྲོགས་ཆུང་ཆུང་དྲི་ཞིམ་ཡ་ལ་ལ།།བྱིས་པའི་དུས་ཀྱི་འུ་གཉིས་སྐྱིད་ལྷང་ལྷང་།།ང་བྱིས་དུས་ཀྱི་རྨི་ལམ།རྨི་ལམ་ནང་གི་བདག་མོ།མིག་ཁྲ་རིས་འདབ་མ་ཅན་མ།
ཁྱོད་ཀྱིས་བསླས་པའི་མགུལ་རྒྱན་ལྡ་མ་ལྡེམ།།ང་ཡིས་རྩིག་པའི་གཞིས་ཁྱིམ་ལྷ་མ་ལྷུན།།ས་རྡུལ་གཞུང་གི་དུང་བ་ན་མ་ནེམ།།བྱིས་པའི་དུས་ཀྱི་འུ་གཉིས་འོ་མ་ཆུ།།ང་བྱིས་དུས་ཀྱི་རྨི་ལམ།རྨི་ལམ་ནང་གི་བདག་པོ།མགོ་རལ་བ་སྲུང་མདུད་ཅན་པོ། བརྩེ་བ་རླུང་གི་འགྲོས་ན་འདར་ར་ར།།དུངས་པ་འཇག་མའི་རྩེ་ན་སི་ལི་ལི།།སེམས་པ་ཆུ་ཡི་ཁ་ན་ཉི་ལི་ལི།།གཞོན་པའི་དུས་ཀྱི་འུ་གཉིས་འུར་རུ་རུ།།ང་གཞོན་དུས་ཀྱི་རྨི་ལམ།རྨི་ལམ་ནང་གི་འཇའ་ཚོན།མིག་རྫི་མ་ལྗང་ཤ་ཅན་མ། ལོ་ཟླ་ཞིག་གི་ཁུག་སོ་གྱ་མ་གྱུ།།མི་ཚེ་གཅིག་གི་གོམ་ཁ་འཁྱའ་མ་འཁྱོར།།འཇིག་རྟེན་སྣང་བའི་རླུང་བུ་འཚབ་མ་འཚུབ།།གཞོན་པའི་དུས་ཀྱི་འུ་གཉིས་ཡ་མ་ཡང་།།ང་གཞོན་དུས་ཀྱི་རྨི་ལམ།རྨི་ལམ་ནང་གི་འཇའ་ཚོན།སྐྲ་ལན་ཆེན་ཚོན་རྩི་ཅན་པོ། རྒས་པ་གཉེར་མས་བྲིས་པ་སྐྱ་ཤར་ཤར།།སྐྱོ་བ་མཆི་མས་ཐིག་པ་ཁྲ་རིལ་རིལ།།དྲན་པའི་མིག་འབྲས་གཏིང་ན་སྔོ་ལྷེམ་ལྷེམ།།རྒས་པའི་དུས་ཀྱི་འུ་གཉིས་འགྱོད་རྡོག་རྡོག།ང་རྒས་དུས་ཀྱི་རྨི་ལམ།རྨི་ལམ་ནང་གི་ཞེན་ཆགས།བློ་རྒྱུ་མ་རྒྱ་མདུད་ཅན་མ། ལོ་ཟླའི་སྡོང་ལོ་སེར་པོ་འདར་མ་འདར།།དྲན་པའི་མཚོ་མོ་སྔོན་པོ་སྐྱ་མ་སྐྱོམ།།ཆུང་ཆུང་འདྲིས་པའི་ཕྱིར་དྲན་ལྷ་མ་ལྷང་།།རྒས་པའི་དུས་ཀྱི་འུ་གཉིས་གྱ་མ་གྱོག།ང་རྒས་དུས་ཀྱི་རྨི་ལམ།རྨི་ལམ་ནང་གི་དྲན་ཤིང་།འདང་ཞེ་རྩིས་རྩིག་པ་ཅན་པོ། - เพลง