الشاعر عامر عاصي || قصيدة خلك صبير || بصوت محمد الاميري

[@زينبْ-م7ظ5ع]

روحي سلة خوص
وهمومك جمر
أشتهيت الليله
أحبك من جديد
نصير ساگين بجذر
أنته يا فرحه يتيمه
أنته طيف معلگ
أعله ذيال غيمه
وانه هاوي
وانه خاوي
وانه جاهل
باع عمره ويه التتن
بين الگهاوي
شيبه شيبه
كبرن هموم الليالي
وضفرن سنينك ضفر
ومرجحت روحي
بگصايب وبمصايب
وبخلگ صبير
عطشان بثنيتك
ولو ما باست شفاف التيم
مطره
ولو ما ضلت بعد بالروح
گطره
بس أجيتك
واشتهيت الليله
اموت أباب بيتك
أخ مني
شگد تنيتك
وصبت هموم الليالي
دموع دم تنزل وأعدهه
العين والدمعه برمشهه
الوالده الودعت بتهه
انته الاخضيري المسچ
والهاشمي العيد بعيده
فرحة الجاهل
ترس عين
ويدف نبضه بوريده
أنته الاولايه الجديده
الواعدت روحي ونستهه
وانته أهلنه عيونهم
هدوة مسيه
والفرح بيهن جنح
زاهي برفيفه
والسوالف واهليه
انثني بطي الگصب
وأسمع وليفه
يا زلف
كلش ترف
حد المنيه
وانه ناحل
وانه ذابل
وانه ضيم اسود
مثل لون المكاحل
انه كل گطرة عرگ
صدر المغازل
وانه كل عيد الصبح
بدموعي جاهل
وانته بسته
يا طعم صاج الشته
ودورة رغيفه
انته وجه أمي التنام
متانيه اباب الصريفه
ووجهي صوره
معلگه بحيطان غربه
توجع ضلوعي البسامير
وتنيتك
وغطه وجهي تراب الايام
وتنيتك
وعلگتني خيوط شوك
وما نسينك
اخ مني
شگد تنيتك
شگد تنيتك
شگد هويتك
٢٠٢٠ / السبت ٢١ نوفمبر

[@Mgr.1_6]

عفية

[@sni_oor]

اريده

[@abbaskhanam5690]

موسيقى القصيدة شنو اسمها

[@كفانيِفخرآعراقيآكنيتيِالفراتُأ]

اااااخ يهاي القصيده
تأخذني الغير عالم اموت ورد وموت ورد
روحي صورة معلكه بحيطان غربه
توجع ضلوع البسامير وتنيتك
وغطه وجهي تراب الأيام وتنيتك
اااااااااخ مني شكد تنيتك
يبووووه مو ابياات

[@ابوعلي-خ9ل8ح]

صاحب القناة اشكرا على هاكذا نشر قصايد نخبوية واعية تحياتي لك وللمبدع عامر عاصي

[@الشعرالحقيقي]

كل الحب والتقدير لك. ... لابد من الاهتمام بالشعر الحقيقي

[@shahedalmansouri3377]

يررربي شككددد الله

[@يسريالساعدي-ه8ض]

واشتهيت الليله أموت باب بيتك 💔

[@abdullahmajid9228]

بنص الليل اسمعها وابجي صار 5 سنوات وما اشبع منها❤

[@عليالكربلائي-ر2ت]

الله الله الله الله كبير

[@مِوحزًڼ]

انت للولايه الجديدة لواعدت روحي ونستها 💔

[@دكتورةم.الطائي]

الله الله

[@عليجبار-و9ه]

الله الله الله

[@حزنالطف-ب5ف]

الله

[@لاشيء-ز6خ]

اشتهيت اللـيله احبك
من جديد

[@د_تباركالياسري]

الله 🥺🥺💔

[@Mgr.1_6]

واشتهيت الليله اموت اباب بيتك
اخ مني شگد تنيتك اخخخخخ 💔

[@6xnb]

غير كون تنمل 🥺💔

[@mimi-fd7og]

الموسيقى للعازف : فريد فرجاد❤

[@Mgr.1_6]

صح

[@aldarajealdaraje]

ممكن اسم المقطوعه الموسيقيه. للفنان

[@aligafar356]

انه جاهل باع عمره ويالتتن بين الكهاوي ...💔

[@حسينالعراقي-س4د9ذ]

راقي

[@حسونيالحجي-ع7د]

خاااايب اااااالله الله االله الله

[@ملوكةوكذا-ز4ك]

الله كلش حلوو💐😍

[@أشتاگلي-ح8ذ]

واشتهيت اليله احبك من جديد نصير ساكين بجذر

[@تَباركك-ت8ه]

متت عليها🥺♥️

[@jameljamel4131]

ولو ماباست اشفاف التين مطره

[@hassnfalh5612]

باع عمره وي التتن ابين الكهاوي ...
واشتهيت الليله اموت اباب بيتك...
وانته وجه امي التنام متانيه اباب الصريفه .....
واخر ٣ابيات صوره الم عبرت عن الم العمر كله واخر شي ايكول (تنيتك)

[@جلالحيبب-ذ3ث]

شباب شو اسم الموسيقى

[@ابوتراب-د3ق]

بس الموسيقى الله عليكم اريدها اذا تكدرون تكلولي اذا موجودة او لا

[@الشعرالحقيقي]

الموسيقى للعازف فريد فرجاد

[@aldarajealdaraje]

شنو اسم المقطوعه المسيقيه.
مو اسم العازف

[@mahdijawad3956]

farid farjad sarı gelin​@@aldarajealdaraje

[@خلكشايب-ط3ص]

ممكن اسم الموسيقا ارجو الرد

[@الشعرالحقيقي]

اعتقد بتهوفن

[@Mgr.1_6]

@@الشعرالحقيقي لا فريد فرجاد

[@mahdijawad3956]

Farid Farjad sari galin

[@mahdijawad3956]

farid farjad sarı gelin

[@Ahmed_Emad_Gaze]

القصيدة الأزلية 💔