ไม่สามารถเล่นวิดีโอนี้
ขออภัยในความไม่สะดวก
តួនាទីប្តីប្រពន្ធ សូត្រសម្លេងសុទ្ធ |សូត្រដោយ កញ្ញា ថាវ ម៉េងលី |និពន្ធដោយ ភិក្ខុ ស៊ីម សុភក្ត្រា
ฝัง
- เผยแพร่เมื่อ 10 พ.ย. 2021
- តួនាទីប្តីប្រពន្ធ សូត្រសម្លេងសុទ្ធ អត់ភ្លេង
សូត្រជាបទព្រហ្មគីតិ
សូត្រដោយ៖ កញ្ញា ថាវ ម៉េងលី
និពន្ធ៖ ភិក្ខុ ស៊ីម សុភក្ត្រា
ដឹកនាំសម្ដែង៖ ភិក្ខុ ស៊ីម សុភក្ត្រា
ថតដោយ៖ និស្ស័យ សក្ដា
រៀបចំការផលិត៖ ភិក្ខុ ស៊ីម សុភក្ត្រា
កាត់ត៖ និស្ស័យ សក្ដា-សឿន សុថារ័ត្ន
សំអាងការ រៀន ស៊ីនឿន
-------------------------------=====---------------------
១.នេះគឺបទព្រហ្មគីតិ ជូនគំនិតជនប្រុសស្រី
ទុកគ្រាន់ដាស់ស្មារតី គូមេត្រីសាងគ្រួសារ។
២.បានគ្នាប្តីប្រពន្ធ រឿងស្រាលធ្ងន់ចេះមេត្តា
អត់ធ្មត់ក្នុងចិន្តា កាយវាចាគោរពគ្នា។
៣.ប្តីត្រូវមានចិត្តស្មោះ ទ្រព្យរបស់ផងនានា
ទុកដាក់នឹងភរិយា ឲ្យសមងារជាគូគាប់។
៤.គំនិតគិតឲ្យល្អិត ច្បាប់ក្រមក្រឹត្យប្រព្រឹត្តជាប់
ធ្វើខ្លួនឲ្យគេរាប់ ជាទម្លាប់ដឹងខុសត្រូវ។
៥.ដើរតាមស្នាមដីកា ព្រះសាស្តាចារជាផ្លូវ
ធម៌ប្រាំដាំទុកនៅ កូនប្រុសឪស្ដាប់ឲ្យបាន។
៦.មួយគឺពាក្យសម្តី ចេះលកលៃច្នៃក្សេមក្សាន្ត
ពីរោះផ្អែមកល្យាណ គួររាប់អាននៃភរិយា។
៧.ពីរគឺមិនបៀតបៀន ឈ្លោះបំពានហាននិន្ទា
ឲ្យនាងទុក្ខគ្រាំគ្រា ចិត្តកំព្រាណាកូនអើយ។
៨.បីគឺចិត្តស្មោះស្ម័គ្រ មិនប្រឡាក់ស្រីផ្សេងឡើយ
រួមសុខទុក្ខដល់ត្រើយ នៅកៀកកើយមួយជីវិត។
៩.បួនគឺទ្រព្យរបស់ ប្តីចិត្តស្មោះប្រគល់ពិត
ឲ្យនាងចេះលៃគិត មានគំនិតអាចចាត់ចែង។
១០.ប្រាំគឺគ្រឿងតែងកាយ ត្រូវខ្វល់ខ្វាយគិតស្វះស្វែង
តាមកាលគួរជាក់ស្ដែង បានតុបតែងកាយជាស្រី។
១១.តាក់តែងថ្លែងតម្រាប់ ប្តីណាត្រាប់ច្បាប់សក្ខី
នាំយសខ្ពស់សិរី នាទីប្តីប្រាំនេះហោង។
១២.ប្រសិនអស់ទាំងប្រុស ប្រព្រឹត្តខុសច្បាប់ចែងចង
ធ្វើខ្លួនឲ្យសៅហ្មង ជាប់ចំណងស្រីស្រាល្បែង។
១៣.បាត់យសគ្រោះចង្រៃ មកប្រល័យអស់តំណែង
ជីវិតរស់ដូចផ្សែង ឃើញជាក់ស្តែងច្រើនមកហើយ។
១៤.មួយគឺជនប្រមឹក ដើរស៊ីផឹកអត់ឈប់ឡើយ
ប្រពន្ធទុក្ខឥតស្បើយ កូនចៅអើយខានសូត្ររៀន។
១៥.វក់វល់ពុលល្បែងភ្នាល់ រហូតទាល់ខ្សោះធនធាន
បែកឆ្វេងលេងគ្រឿងញៀន ច្បាប់ធរមានដាក់ទោសចង។
១៦.រឿងប្តីចប់ត្រឹមនេះ មកត្រិះរិះប្រពន្ធម្ដង
តាមដឹងមកកន្លង ខ្ញុំសាកល្បងត្រឡប់ប្រែ។
១៧.នាទីភរិយានោះ រាប់សង្គ្រោះប្រាំយ៉ាងដែរ
ចូរកូនស្រីមាសស្នេហ៍ ចងចាំថែឲ្យខ្ជាប់ខ្ជួន។
១៨.មួយគឺការងារផ្ទះ ត្រូវរូតរះទម្លាប់ខ្លួន
បាយទឹកឲ្យសមសួន ភាពមាំមួនទាំងចិត្តកាយ។
១៩.ពីរគឺសង្គ្រោះញាតិ កុំវិវាទឪពុកម្តាយ
រាប់អានទោះជិតឆ្ងាយ សុខសប្បាយគ្មានហ្មងសៅ។
២០.បីគឺទ្រព្យសម្បត្តិ ចេះប្រយ័ត្នគិតក្នុងក្រៅ
ចាយវាយចំគោលដៅ ច្បាប់លោកហៅស្រីគ្រប់លក្ខណ៍។
២១.បួនគឺមិនប្រព្រឹត្ត មានគំនិតពីរបីនាក់
ធ្វើខ្លួនឲ្យសមជាក់ ស្មោះរួមរ័ក្សតែស្វាមី។
២២.ប្រាំគឺមិនត្រូវខ្ជិល អស់មន្ទិលកើតសិរី
ការងារត្រូវឃ្មាតខ្មី នេះហៅស្រីខ្ពស់ថ្កើនថ្កាន។
២៣.នេះជាច្បាប់មង្គល ប្រុសស្រីយល់រស់សុខសាន្ត
ភោគទ្រព្យចម្រើនបាន ញាតិសន្តានកោតសរសើរ។
២៤.រីបទព្រហ្មប្រាជ្ញប្រាយ ខ្ញុំបរិយាយតាមដំណើរ
ជាផ្លូវសម្រាប់ដើរ គ្រាន់នឹងប្រើឲ្យបានផល។
២៥.ចែកជូនដល់កូនចៅ ធ្វើសំណៅយកកុសល
ត្រិះរិះគិតខ្វាយខ្វល់ ចប់យោបល់ត្រឹមនេះហោង។
follow on:
/ simsopheaktr. .
Music in this video:
Song តួនាទីប្តីប្រពន្ធ
Artist ថាវ ម៉េងលី
Author ស៊ីម សុភក្ត្រា
ពិរោះណាស់ ព្រះម្ចាស់ថ្លៃអឺយ
បងស្រីសូត្របានឋពិរសសណាស់😘😘☺
អត្តន័យគ្រប់ដណ្តប់ ជាតិជាមនុស្សដែលមានគ្រួសារ
ពិរោះណាស់ ស្ដាប់ហើយចង់ស្ដាប់ទៀត !
ពិរោះណាស់❤️❤️🥰🥰
ពីររោះណាស់
ល្អ
💚💚
ពិរោះ ណាស់
ពិរោះរណ្ដំ
❤️️❤️️❤️️❤️️❤️️❤️️
❤️❤️
ពិរោះណាស់
👨👩👧👧👨👩👧👧👨👩👧👧
💗💗💗
មានអត្តន័យណាស់ សូត្រក៏បានពិរោះទៀត😍❤️👉🇰🇭
ឋ៥រុំ
ដាក់រូបព្រះសង្ឃសំពះ ។ដាក់រូបស្រីអត់សំពះ មិនទំនងសោះទាន។
ប៉រា
ពីរោះណាស់អាយដល🥰🥰
ឆ