مؤثر يشجع على الزواج بدون حفل
ฝัง
- เผยแพร่เมื่อ 8 ก.ค. 2024
- #بزلافة_طعام_و_تزوج وسم أطلقه مؤثر جزائري بعد تجربة شخصية .. شاهد كيف تفاعل معه الجزائريون
ـــــــــــــــــــــــــــــــــــــــــــــــــــــــ
#الحدث_الجزائري تقدم لكم آخر الأخبار المتعلقة بكافة جوانب الشأن الجزائري على مدار الساعة
ــــــــــــــــــــــــــــــــــــــــــــــــــــــــ
لمعرفة أحدث المستجدات لحظة بلحظة.. يمكنكم متابعة البث المباشر لقناة الحدث 👇
• البث المباشر لقناة الح...
ويمكنكم متابعة حساباتنا على منصات التواصل الاجتماعي المخلتلفة 👇
➤ الحدث الجزائري على فيسبوك: / alhadath.algeria
➤ الحدث الجزائري على انستجرام: / alhadath.algeria
➤ الحدث الجزائري على تيك توك: / alhadath.algeria
كما يمكنكم زيارة موقعنا الإلكتروني لمعرفة كل جديد.. من هنا 👇
www.alhadath.net/
#الحدث.. هنا زمانه ومكانه
ــــــــــــــــــــــــــــــــــــــــــــــــــــــــ
#قناة_الحدث #الجزائر #Algeria
في هذه الظروف التي تعيشها الأمة العربية و خاصتا الحرب في غزة، القتل و الجرحى و المرضى و المجاعة و غيره ،... الأولى أن تبعث المصاريف لأهلنا في الغزة،،، و لاننسى إخواننا في السودان و اليمن.و كل محتاج لإخوانه المسلمين
احسنت القول
إعلان الوليمة شرط في الزواج
بل ادعو الى تخفيف التكاليف والتخلي عن المبالغة طعام بسيط وكلش بسيط مهر وحفل لباس....البساطة هي الصح
@@Rouag-xf7xp
يعطيك الصحة ،لا يكلف الله نفسا إلا وسعها
أما تاع مانديرش العرس و مانعرضش ( و لو بالقليل لي عندي ) فهذا لا يدخل الا في إطار البخل و البعد عن الدين
السلام أنا مادرتش عرس والحمد لله راني 20 سنة زواج باركنا ربي العام الأول ناب عليا ربي بالسكن وبالذرية الإنسان يمشي بالنية والصفاء والحمدلله.
أنا 22سنة زواج مادرتش عرس والحمد لله
كيفاش مادرتوش لعرس ما عرضتو حتى واحد ولا بالسكات و الغاشي كاين وبارك الله فيكم .وش من ولاية . أنا تاني حابة نتزوج ولدي بلا تكاليف
في ظل الغلاء الفااااحش في ثمن قاعة الحفلات و الحلويات و اللباس وووو انا اايد الفكرة دراهمي نصدقهم نصيبهم حسنات عند ربي
InchaALLAH yarz9ak rabi azawj asalih Hasan edine wa el kholok..❤
اخواننا في غزة يموتون جوعا
#شمال_غزة_يموت_جوعا
#شمال_غزة_يموت_جوعا
اذا كان الشخص غير مقتدر ليس ملزم بعمل حفل كبير المهم أن تصون نفسك من الوقوع في الكبائر
لعنده مال من حقه يدير عرس مهم مايبدرش عرس مليح خطرة في حياة تبقا ذكرايات ولماعنهدش مايديرش لايكلف الله نفسا الا وسعها
@@rihebddine8919 أنا هذا قصدي
انا تزوجت بلا عرس مع العلم كنت قادرة ندير عرس، ركزت على الراحة والذكريات لي لازم نوريهم لاولادي وفقط والحمدلله مارانيش نادمة عشت احلى ايام عمري، ننصح المقبلين على الزواج يشوفو واش يخرج عليهم ويصنعو السعادة بالبساطةوالافكار المناسبة، نتمنى زواج سعيد لكل العرسان
عنده مليار حق و المرأة اللي تقولك دير و دير خليها وشوف غيرها و اتكل على الله
أحسن رد . شوف غيرها
والله يا أخي عندك الحق ..للأسف طغت المظاهر لذلك قلة البركة وكثر الفساد والله المستعان .
نتوما الرجالةبخلاء مية بالمية يابن عمي ماكش سامع باكرام الضيف ، مادامك عارضهم لازم تكرمهم كون اموا جيتو تقولو نتبرعوا بالوليمة لاهل غزة نقوللكم راكم على حق مي نتوما الرجالة تموتوا على السوارد ومبعد تموتوا وما تستفادو والو
وشكون قالكم المرا لي راها تشرطلكم ياك ماليكم تعرضوهم نحشم من هذا وعذا يا وحد الكذابين المفتريين نهار كامل تفترو على المرا وحدة لي تعرفك هي لي تشوف غيرك يا حثالة ياك المعاريض معاريضكم والماكلة لماليكم والحلاوي لماليكم والزبل لماليكم وش دخل المرا هنا علاجال زوج عباد تجيبهم رجعتوها العرس كامل في راسها هنا.. تعيف واقسم بالله غير ريحة الرجلة مفيكش لي نهار كامل دابو وداب المرا الله يقعدو بلا مرا
ياو تزوج بلا ماتخرج مرتك توريها للعالم ، اما العرس رانا علابالنا بلي راهو تبذير وفقط ! استروا نساكم الله يهديكم
كل واحد يعمل عرس حسب قدرته
عندك الحق لي يقد يقلش ضيافوا يقلشهم مي لي ما يقدرش عادي وما فيهاش عيب يعطيك الصحة
تحدث عن التكاليف والاهدار ولم يبالي للصونها و سترها التي ظهرت للجميع ٠
يا أخي صورة المرأة حرام إتقوا الله أين ذهب حيائكم يا مسلمون.
وين ما لاحظتش؟ ياك اللي تصدع الراس هي الموسيقى لي راها في الفيديو
يا اخي وين راهي المرا الي شفتها ماشاء الله عليه ماخلاش زوجتو تبان
رجاء حذف الموسيقى حتى نفهم ماقاله السيد
بصح كلش مكتوب اذا حبيت نقص للصوت واقرا وافهم
@@bocherahadil7001 الاسف ما ظنيتش يكون هادا الرد
اللي تخسرهم في الخرطي صدقهم عاون المرضى دير الخير عندو الحق انا معاه
يا اخي الناس عايشة للناس باش يقولوا وهدا هو الجهل بعينه .الله يهدينا قبل مايدينا .ويغفرلنا ولجميع المسلمين والمسلمات الاحياء منهم والاموات
نت تهدر غير باش تهدر
هذا هو الرقي الحقيقي .الاعراس والعادات والتقاليد مجرد تبذير بدون جدوى .شكرا جزيلا.حياة طيبة .
أصبح من هب ودب يعطي النصائح والعشاء الذي نقدمه لزوجتك وأهلها بدعة الله يهدينا ويهديكم ولماذا تحتاج لولي أمرها حتى يتم الزواج حسب رأيك والذي لا أظنه بالراي السديد يمكن لاثنين فتاه ورجل يتزوجان هكذا لا إعلان لا ولي لا شهود لالا لا لا لا ....... إلخ إنه الرجوع الى الجاهلية
كل واحد يدير العرس بالشيء اللي يقدر عليه وكل واحد كيفاش حاب يفرح
والمقارنات اللي بين الناس هيا اللي خلاتهم ميرضاوش وميقنعوش بواش عندهم .
مدرتلهاش عرس بصح ديتها تحوس هدي كامل يقبلوها😂😂😂😂😂😂
لالا هادي عادة وتقاليد تع بلادنا الجزائر مالازمش نسمحو فيهم كل واحد يدير على حساب مقدورو هاكذا الهوية الجزائرية تروح
الرجوع الى الأصل ، بكري كانو يطيبو غير الكسكس في العرس كي المرفه كي الفقير و من بعد زادو الشوربة و الكسكس و من بعد شوربة و مثوم و من بعد شوربة و يغيرو بين مثوم و شطيطحة لحم والمحمر و المجمر و الرولي و البوراك....
نعم يختي لم اسمع قط ان الجزائريين مبذرين ومسرفين العكس زمان كان العرس بسيط خاصة في الارياف يقومون بأعراس بسيطة لكن توب لا حلويات ولا شئ سفنج وبغرير وكسكس والسلام والترف والتكاليف شئ مستحدث
@@wboudraa7906ههههههه والله صدقت
انا ظروفي الصحية مااسمحتليش ندير وليمة اكتفيت ببعض المقربين و طلبت السماح من باقي العايلة لكن راهم مخاصميني و تعداو عليا بالاكاذيب و عرفت شكون يبغيني و شكون لي يكرهني.
المهم صحتك و ظروفك الناس مشهم حا يعيشوك فوق السحاب كي يحبوك و ربي يشفيك و يعينك و يباركلك❤
@@ManarSd بارك الله فيك الله يرزقك الجنة لكلامك الحلو.
@@user-pm1ce2oo1b آمين يارب العالمين كلنا ان شاء الله 💗 💗💗
الله يبارك عليكم ويرزقكم درية صالحة ويكثر من امثالكم زوجوا بناؤكم كثرت الامراض الله المستعان
هو راه يصور فالبذخ و يقولك لا للاسراف!!! الفيميجان هذاك اللي راه شاعلو قادر يتصدق بيهم زوج جاجات لعائلة فقيرة!!!
🔴 اين البذخ ‼‼‼‼‼
🔴 هو #مادارش حفل في قاعة افراح وحلويات باللوز ومغني او ديدجي عشاء والخ... ولكن نحن لسنا في مجاعة ‼ هذا لايعني ان العريسان لايلبسان فستان وبدلة عرس ولا يستحما ولا يتزينون ولا يفرحون‼
🔴 امة ضحكت من جهلها الامم💯💯
واش هذا الجهل هو رآه يتكلم على البذخ الي يحدث في الأعراس مشي قلك ما تلبس مانفرح ماترقص مادير فيموجان
@@appletn4707
انا ما يعطينيش قلبي نشري فيميجان ب1500 دج و نحرقها في 5 ثواني و نجي نفتي على الناس. جابلي ربي راه تناقض صارخ. عالاقل يجي وحدوخر زاهد شوية هذاك ممكن ينصح.
@@linediabi123
الامة اللي ضحكت عليها الامم هي تبع هذا و امثاله من "المؤثرين". اهدري على روحك آلمتأثرة. انا خاطيني التأثر.
بصح كاين وحد الناس تعطيلهم بنتك بزلافة طعام كي يتخاصمو يقولها أنتي ما تسواي والو ديتك بزلافة طعام إلا من رحم ربي والله المستعان
هذيك كي يديها واحد رخيس يقلها هاذ الكلمة
😂😂
كاين تكملة قال فيها لازم نديرو السنة وتسمعو الناس بلي تزوجنا ومايمنعش دير عشا للعايلة والمقربين ..هو دار عشاء للاقاااارب
والله لو أنفقت الملايير في عرس لما رضي عنك الناس والنساء. وبالتالي هو الخير فيما فعله قدوتنا محمد صلى الله عليه وسلم، شاة او شاتين واعمل طعام وعزومة عادية للبركة والاعلان وعيش حياتك بلا ديون، وتكون البركة، أما الاعراس المكلفة والمرهقة التي ليس فيها بركة وتنتهي في المحاكم سريعا فلا
اللهم صل على محمد و على ال محمد كما صليت على ابراهيم و على ال ابراهيم انك حميد مجيد وبارك على محمد و على ال محمد كما باركت على ابراهيم و على ال ابراهيم في العالمين انك حميد مجيد
بارك الله فيك وبارك لك
اولى خطوات التمرد على العادات و التقاليد التي تعدو عن كونها كذلك
سجن بمعنى الكلمة و خصوصا للذين لم يسعفهم الحظ و ظروفهم لإقامة حفل كما يجب
صرااحة تحية من هذا المنبر تفكييره ذو ابعاد اقتصادية بحتة و هذا ما يشهده العالم حاليا
اغلب الاقوياء اقتصاديا سببهم الوحيد عدم اهتمامهم بالمظاهر
بارك الله فيك وبارك لك 🌹
فكرة جيدة عسى ان يتبعها شبابنا
بمثل هائلاء نقتدي الفكرة البنائة. هرم شبابنا وهم. يحضرون لزواجهم. وفي الاخير قد ينجح وقد لا ينجح
والله عندك الحق ماجاش البلاء للناس الا التبذير والتفاخر كل واحد يقول ندير خير منه ربي يهدي ماخلق
ربي يبارك لك فيها يااارب تحية احترام لك سيدي خطوة جبارة نتمنى يقتدي بيها الشباب
الله يجيب له الطيب ومن حياته في الدنيا نصيب..هذا عرس صح بلا طبطيب.الله يبارك له
انا ايضا عملت عرسي بدون وشطيح ولا رديت ولا عرضات فقط عشاء لحلال وصدقة نتاع جفنة كسكسي خرجتها صدقة واحد.راحة تهنيت من لفوضى ولجري كل حاجة جات ساهلة مرنيش محتومة هههه
هههه ضحكتيني اضحك الله سنك ...بالصحة و الهناء على قلبك
ربي يبارك
ربي يسخرلك
والله صحيح و تولد البراكة في زواجهم و في اولادهم
عندو الحق الناس تهدر تهدر سواءا درت عرس شباب او لا نستعرف بيك انت اقتديت بالرسول صلى الله عليه وسلم وإن شاء الله كل الشباب والشابات يديرو كيفكم وايضا ينحوا الغناء والموسيقى من الحفلات لانه مابدأ صح يكمل صح ومابدأ غلط ينتهي غلط
كل واحد ينام على الجنب ألي يريحو 🎉
اصلا اعراسكم بزلافة طعام 😂ما جبتيش الجديد الفقر كلاكم من زوككم
ربي ييسر لخويا لحبيب في عرسو ويباركو يارب
عندما الحق، و هادوك اللي يجوا و تحطلهم يجوا يشبعوا و يصابوطيو بكاع ماهيش مليحة هدي الماكلة و يضربوك بحسدة منها ماتنوضشش انا منهار الحفلة نتاع البيام مالقيتش روحي و زدت كملتها بالعرس راني نسوفري و الحمد لله على كل حال...
ونعم الرجولة 🎉🎉🎉بارك الله لكما ❤❤❤❤🎉🎉🎉🎉🎉
مبادرة رااااائعة
والتمسوا ولو خاتما من حديد قول الرسول عليه الصلاة والسلام من اين جاءت كل هذه التفاهات فالزواج ارحمونا من العادات السيئة وزوجوا الشباب
يجب الاعلان في الزواج امر مشروع ومطلوب في حدود اامعقول واضف الى ذالك ضرورة الغيرة على العرض والشرف وعدم اضهار الزوجة لعامة الناس
السرال المطروح هل لازال هناك شباب يرغبون في الزواج لا أعتقد بتاتا و إطلاقا 😂
بنات فاميليا قلال لهذا لم يعد هناك زواج
كل واحد يمد رجليه على قد لحافو لي عندو ربي يزيدلو ويدير العرس كيما يحب خاطرو ولي معندوش يدير على قيسو وبالبراكة عليه بصح باش تزوج اولادك بلا ما تفرح بيهم هذي لالا طول عمرنا هذي هي عاداتنا وتقاليدنا حبيتو تمسحو كل شيء
شكرا ❤❤❤❤
اذا كان الرجل مقتدر ماديا فما تخليهش يقول لك لا داعي. اذا كان غير مقتدر...سايسيه و لا تنسي حقك.
موسيقى مزعجة...سبحان الله الا يوجد تقنيين موهوبين يعرفو يديرو مونتاج بدون ازعاج اذان المتفرج
عندك الحق لا للتبذير
واش من تبذير هذا راه ما دارش الوليمة
الحفل لمن استطاع إليه سبيلا...حقا العرس كي كان بالبساطة ديالو و لكن غلاء المعيشة مرات يضطر الواحد يدير حفلة محدودة..لا يكلف الله نفسا إلا وسعها..و يبقى في الحلال لله الحمد و المنى و مبروك عليه
سلام عليكم برافو عليك أول مرة اشوف شاب يتصرف في الحكمة لأن عندك حق كل شيء التبدير في هذا الوقت لي راني عايشين في العائلات لي بدروش حلم المليار علاج العرس وما فيش فايدة يطلقون أحسن الفلوس دير فيهم مشروع او تشتري فيه هذا هو الي فيه خيرماشي عشان نرضى الناس يا ريت كل الشباب مثلك الله يتمملك على عقلك بحكمتك سلام
الموسيقى ذنوب جارية
العرس فرحة و العروس هذاك هو نهارها
من حقهم يفرحوا مع أحبابهم
و كل واحد حسب مقدوره يعمل عرسو
اخيرا وجدت من يوافقني الحمد لله وإنا مثلك نويت ان ازوج أولادي بدون صخب والله هذا ازيد على هذا ولى الزواج مشروع مثل بناء منزل او شراء يخت و من بعد مدة قليلة الطلاق خراب البيوت لماذا مبروك عليك يا ابني اتمنى احد من صناع المحتوى ان يتحدثو ايضا على الخيانة الزوجية من الطرفين
كل الزواج هذ الزمن باطل ماشي مبنى على القرآن الكريم وسنة رسوله صلى الله عليه وسلم في أول يوم الخطبه
انا ضد هذا تماما الحفل واعلان الفرح ضروري 🤍🌷 ولا يكلف الله نفسا الا وسعها
عندك الحق ولكن بدون إسراف البنت تفرض على والديها وعلى زوجها فوق طاقتهم هي ليله وفايته بصح كي بخلاص العرس يلقوا روحهم معمرين كريدي
الرجوع الى الأصل ، بكري كانو يطيبو غير الكسكس في العرس كي المرفه كي الفقير و من بعد زادو الشوربة و الكسكس و من بعد شوربة و مثوم و من بعد شوربة و يغيرو بين مثوم و شطيطحة لحم والمحمر و المجمر و الرولي و البوراك....
انا مع لغنى كي كايديروهش فالقرآن خاصة نوع من الغناء البديل اما انك تحضر اعمامك واخوالك وبعض من الجيران هدا نورمال
حفلات الايام دي من اساسها لا يجوز مبالغه واسراف وتبذير وفشخرة ...فهو تقليد غربي فقط ..نسخ لصق.
يعطيه الصحة الشباب اصبح لايفكر في الزواج بسبب المصاريف والمظاهر وانتشرت العنوسة وكثر الفساد ولا احد يغير من الواقع المر
مليح العرس تتجمع العاءلة الكبيرة و الاجباب
عندو الصح راه يهدر على لمعندوش مش صحاب الهاهاي
تزوجو بلا حفل بلا وليمة زيدو شوية و نحيو المهور تاني و دو بنات الناس باطل و تهناو و الله غير حالة و لينا فيها عوض يشجع الشباب على الجد و الاجتهاد في العمل... بنات الصحبة ولي خاطيين طريق تفورنو عليهم بلملاين و نتوما تضحكو و بنات الفاميلية لي حابين الستر و الحلال حسدتوهم في ليلة وحدة في حياتهم يفرحو فيها ملي تتزوجو بنات الناس و نتوما باخلينهم لخر ديرولهم عرس مبعد كملو في قحطكم ماشي شرط عرس تاع ملوك بلقليل و خير من والو ديرو القنطة يا ربي
@@Usermeee691 اوووه ،بردتيلي على قلبي ،يعطيك الصحة ،صح لسانك
@@ghalialaila621 والله غير يغمو
مبروك عليه ويستاهل صح التكاليف بزاف والزوخ بزاف الانسان ولى يزيد على روحه
كل واحد يعمل عرس على مقدورو
اهم شي عدم الاسراف و التبذير و مراعاة القدرة الماليه
مؤثر😂😂😂😂 كامل ولاو مؤثرين هذي البلاد معمرة حثالة وطفلين وحشرات حاشى أولاد الفاميليا لي خافوا ربي
و انت وين تعرفوا و على حساب هدرتوا راجل و الحثالة يعرفوهم الي كما هما الخثالة
ياأخي اتقي الله ،وين تعرفو
2011تزوجت ارخس زواج وقتها بهدلوني ماخلاو ما قالوا ..بنتك جايحة كيفاه مادارتش الذهب بنتك مريضة من عقلها كل واحد وكيفاش يقول كلفني زواجي اربع ملايين فقط ....ثلث ملايين خاتم الزواج يعني المهر ولا جهاز لاكورتاج لا ديجي لاعشوات لازلافة طعام ....حضرت خالتي الكبيرة رحمها الله وامي واخواتاتي وغقط ....لاتصدرت لاهم يحزنون واليوم اعيش راضية والحمد لله ودايما نقول لاتنتظر مدح من احد ولاتهتم لذم عش بما يرضي الله ويخرج عليك وفقط ......انا فقط صاحبة القرار ....تحيا الجزائر .
انا تاني ما درتش عرس قعدة و خلاص
بصح انت راك درت اكثر من زلافة طعام
وريت عروستك كامل للغاشي
صح تبذير الاموال في الاعراس هي العودة للجاهلية الحقيقية...يقدر يكون الاحتفال بسيط بين الاهل...تلقاه الدار معندوش و يدير عرس ب 300 مليون و هو عايش بالكراء...يا و خبو دراهمكم للامور الاهم...الزوخ و الفوخ تع ليلة معندو حتى معنى
الموسيقى مززززعجة عالية
لاباس تهنينا من الاعراس
😅
والله هو عندوا الدراهم و دار العرس على طعام و كسكسي للجامع و خلاص😊😊 و الزروالي يفلس في روحوا على جال العوايد الفاسدة و طيب وكل و اعطي و زيد و زيد
والله ما يتزوجوا😂😂😂
كل شيء من اهل زوجة اما يحترمو اما يولفقو
مش وقت الحفلات
نستعرف بيه ، هاذا هو الصح تروح تتزوج ب 100م وياربي ولا تنجح جيبها قيس قيس وما ديرش روحك في الحرص
يسما يا اما تبذير و بذخ و مباهاة يا اما بخل و مانعرضو حتى واحد ؟؟؟!!!!!
مكانش وسط ؟؟
الناس لي تقول ما نعرضش و مانديرش ،ياك من شروط صحة الزواج الاعلان والله ؟
و صلة الرحم و اكرام الضيف قبل ما يكونو عادات راهم من ديننا الحنيف و الله ؟؟؟ وايلا عادو الأقارب عقارب ؟ فالاحسان الى من اساء اليك يوصلك لدرجة الفضل عند الله ☺️,ولا دايرين رواحكم ماتعرفوش هاذ لحوايج كي توصل المسالة عند الجيب ؟؟؟
وهذا السيد لي ماعندوش باش يعرض معارفو للعرس ( ولو بالقليل ) ،كيفاه راح يصرف على امراة و ولاد ....
و لي تقول انا مانشرطش عرس و مهر ( لي هوما حقوق عطاهملكم دينك باش يحفظ قيمتك )
غدوا لي جابك بعشرالاف لي حطيتيها في العقد ،يعايرك بيها 🤚🤚 و اسالي المجرب 😉😉
مبروك عليكم الحياة الزوجيه وآلله اخي رأي من رأيك هدا كله تبدير اموال لازم نتعلموا كيف نسير امورنا نحو الاحسن والاصح
زلافة طعام يعني صحن كسكس
القضية قضية دين ، لا قضية آراء و لا أهواء . لأن :
المعازف محرمة و الاختلاط بغير المحارم محرم ، و كشف النساء اكثر من الحد المسموح للعورة امام النساء و الرجال كذلك محرم ، و تبذير الاموال على المفرقعات النارية و التفاهات اكيد لا يجوز لأن الله لا يحب المسرفين ، و اذا نتا تتمنى الهنا و الذرية الصالحة و ربي انعم عليك بنعمة عظيمة و هي الزواج كيف تقابل نعمته بالمعاصي ؟! ( الموسيقى ، التبرج ، الاختلاط و الانحلال الاخلاقي …. ) كيف تريد ان تصلح ذريتك و تتهنا في حياتك مع زوجتك و انت بنيتها من الخطرة اللولة على الفساد ؟! الدنيا فانية و " أغلبية " العادات و التقاليد تاعنا معمرة بدع و منكرات و بعض الناس عنده مخالفة العادات و التقاليد اعظم من مخالفة شرع الله و العياذ بالله ! و دير في بالك مليح بلي ربي يوم الدين ما يسألك لا على العادات و التقاليد و لا على حتى خرطي انما يسألك عن شريعته و كيف عملت بها ، و أنت مسؤول يوم القيامة عن مالك فيما أنفقته و عن جوارحك و ماذا عملت بها لقوله صلى الله عليه و سلم: ( لا تَزولُ قَدَمَا عَبْدٍ يومَ القيامةِ، حتَّى يُسأَلَ عن عُمُرِه؛ فيمَ أفناه؟ وعن عِلْمِه؛ فيم فعَلَ فيه؟ وعن مالِه؛ من أين اكتسَبَه؟ وفيم أنفَقَه؟ وعن جِسمِه؛ فيمَ أبلاه؟ )
و قال تعالى : ﴿أَفَمَن أَسَّسَ بُنيانَهُ عَلى تَقوى مِنَ اللَّهِ وَرِضوانٍ خَيرٌ أَم مَن أَسَّسَ بُنيانَهُ عَلى شَفا جُرُفٍ هارٍ فَانهارَ بِهِ في نارِ جَهَنَّمَ وَاللَّهُ لا يَهدِي القَومَ الظّالِمينَ﴾
خمم فيها مليح .
باريت
Hhhhh Hedi hdarna aliha ça fait longtemps gbel ma tahdarha ntaya
ااسلام عليكم. نعم ابني عندك حق .زواج مبارك بإذن الله بدون رنة شيطان تعود عليك بالحرمان...اتمنى ان تكون صاحبتك اي زوجتك الفاضلة ترتدي حجاب شرعي ..واطلبي العلم الشرعي علم الأصول الثلاث والقواعد الاربع والأصول الستة وكتاب التوحيد ..واحذر اخواني من الفرق الضالة كالسرورية والقعدية والخوارج الاخوان والصوفية الخرافية ..واتبعو سنة وهدي نبيكم محمد صلى الله عليه وسلم تفلحو ...كن بطل نفسك لا بطل المتابعين
للتفاهة ناسها ... من هب ودب يدير حاجة جديدة من اجل البوز خلاص دير واش حبيت وعلاه تشهر فيها
نصيحة برك للبنات في سن الزواج : لي ماهوش مستعد يخسر عليك في بداية حياتكم ،ماتستنايش منو حاجة كبيرة مبعد 😉👌👌
كذب وليس من هدي الرسول، أأنتم خير من فاطمة بنت محمد صلى الله عليه وسلم كان مهرها درع قديمة من علي اعطاها اياه الرسول! وكانت البركة. وقد رأينا زواج غير مكلف صمد لعشرات السنين ورأينا زواج اسطوري انتهى في شهور بالسب والقذف والاتهامات
عليه الصلاة والسلام
@@d.zah.9127 هي كانت فاطمة رضي الله عنها و ارضاها و هو كان علي كرّم الله وجهه مبشر بالجنة و الاجمل ان ابيها هو رسول الله صل الله عليه و سلم هو قدوتنا فمن اراد ان يتبع القدوة فله ذلك و من اراد العكس فله ذلك و بناتنا لسن فاطمة و ازواجهن ليسوا بعلي رضي الله عنه
🤣🤣 نهار كي تلقاي راجل هدا اذا لقيتي تما طبقي عليه هاد الشيئ
@@tito5370 هو المسلسلات التركية والاجنبية تصور الزواجات كانها الف ليلة وليلة وكل تلك الممثلات من العواهر ولا يعتد بهن ولا يتزوجن بل يدخل عليهن الرجال في العلن امام الكميرا وفي السر ماخفي اعظم، فهن بغايا يعلمون بناتنا ما يجب فعله لسوء الحظ
ان خويا شهر ليفات عمل عرسو كثر 100مليون
شقا روحو باطل
@@tito5370 ههههه لا لا ان شاء الله زواجة الدهر .... و ربي يعوضوا
لعفسة هذي يديروها الرجالة .
كون ستر غير عرضو ياسر عليه
@@Mmmmo24 لا
@@Mmmmo24 من الوسط المدية
@@Mmmmo24 الله يبارك في خويا من العاصمة
@@Mmmmo24 تفضل أخي.
@@Mmmmo24 عفوا. لا مش متزوجة
نسترف بيه
تفاهة في القمه
والدراهم تروح تحوس بيهم ياك !!! الزورنة و لاغوب جبتوهم يالمشحاحين
دبر على روحك
عندو الصح راه يهدر على لمعندوش مش صحاب الهاهاي