يا روحي اللي عن الهفوات مانعها لو كان من صوبها يحداني الحادي هي ودها تمشي بدربٍ ما ياسعها وأنا ماودي بدربٍ فيه نقادي أجاهد النفس لين تصد وأقنعها عن زاد ماهو بقدر لي ولازادي مطاعة الله في دربي تطوعها اليا هدى الله روحي صحصح فؤادي يازين صوت المؤذن يوم ينشعها اللي يكبر بآيات الله وينادي الله أكبر على الأفاق ماأوسعها الخير والشر فيها صار متلادي المؤمن اللي يفكر في موادعها عنده يقين إن بعد الزرع حصادي والجاهل اللي يباريها ويذرعها يرصد لها في خلايا مخه أرصادي من طاوع النفس قامت به على أربعها وأومت به وماي لين يحدر الوادي إليا انحدر حولت به في مصانعها مصانع الذل والخبية والأنكادي النفس تبغا لها رجل يصارعها رجال ماهو قليل دين وربادي ترى الرياجيل معروفه طبايعها صدق ونزاهة ودين وزاد وزنادي غض النظر واقصر الخطوة وسنعها احفر بها حفرة الميت والإلحادي رح للعناية وعاين في ودايعها جسم بلا روح وأرواح بلا أجسادي تعين الأجهزة واسمع لعالعها لاتنشد أحدٍ ولا ينشدك نشادي حتاك تروي خدودك من مدامعها تشوف ماشاف غيرك يابن الأجوادي رح للفقارا وعاين في مضاجعها وأعلم ترى الخافيات أدهى من البادي العسر خلى الرجال تعض أصابعها ياما كسر من مقام وكسر أوتادي مايطعم المرة إلا من تجرعها انشد مجرب يجيك بعلم الأوكادي الطيبة في المكان الطيب ازرعها انفق من المال لاتطغيك الاعدادي ابعد عن الشر والفتنة ومولعها النار تمسي شرار وتصبح رمادي ارفق على النفس واحذر من تراجعها خلك مجاهد جهادٍ صدق ومفادي على الهوى واصل الرحلة وتابعها ارجع كما كنت ماعنها تلدلادي أصل المحلات الأربع لاتقاطعها حتى لو صدفةٍ من غير ميعادي ميصالك إلها يذكرك بمنافعها فزعة وجزعة وتذكير وتعبادي ترى الوداعة بترجع عند مودعها والصفحة تبين الممتاز والعادي لابد من يوم ينزعها منازعها تدور اللي يذكرها التشهادي مهما تطول العمار اللحد مرجعها رعيان الأدباش وإلا ملوك وأسيادي
افضل قصيدة لمصلح بن عياد حفظه الله وامد عمره على طاعة الله
شاعر مخضرم . ما شاء الله تبارك الله
صح لسانك وطيب الله فالك
هذا الشنب راعي العلوم الغانمة كلها
شنب شناااب صدق
حظكم يا بلحارث بهذا الشيخ الحكيم 💛
والله اني احبة فالله
تسلم يالامير
ماعلاك زود
هذه من طيب اصلك
والله من احسن الشاعرين بني حارث ونعم والله يامصلح
بل من افضل شعراء الجيل النبطي
صح الله لسانك يا عم مصلح الله إن حنا نحبك وانت رجال تستاهل صح الله لسانك ورحم الله والديك
صح لسان أبو فهد والله يطول بعمره .
الله يطول عمره
اللهم صل على محمد وآل محمد نسألكم الدعاء لي ولوالدي ولااهلي حيهم وميتهم ولجميع المؤمنين والمؤمنات
قمه في الحكمه يابو فهد
الله ع الجزاله يامصلح
صح لسانك يا بو فهد
صح الله لسانك
الله الله
سياد الّْسيَادي
صح السانك
صح لسانك
فهد عيضه الحارثي
السلام عليكم
اذا كان فيكم احد قريب من هذا الشاعر
يقبله على جبينه نيابة عني
اقسم بالله انه شنب ورجل من صلب رجال
@@MmMMmM-mh4yc ابشر يالامير احب على جبينه وعلى خشمه
واقول هذه من واحد يحبك فالله
يا روحي اللي عن الهفوات مانعها
لو كان من صوبها يحداني الحادي
هي ودها تمشي بدربٍ ما ياسعها
وأنا ماودي بدربٍ فيه نقادي
أجاهد النفس لين تصد وأقنعها
عن زاد ماهو بقدر لي ولازادي
مطاعة الله في دربي تطوعها
اليا هدى الله روحي صحصح فؤادي
يازين صوت المؤذن يوم ينشعها
اللي يكبر بآيات الله وينادي
الله أكبر على الأفاق ماأوسعها
الخير والشر فيها صار متلادي
المؤمن اللي يفكر في موادعها
عنده يقين إن بعد الزرع حصادي
والجاهل اللي يباريها ويذرعها
يرصد لها في خلايا مخه أرصادي
من طاوع النفس قامت به على أربعها
وأومت به وماي لين يحدر الوادي
إليا انحدر حولت به في مصانعها
مصانع الذل والخبية والأنكادي
النفس تبغا لها رجل يصارعها
رجال ماهو قليل دين وربادي
ترى الرياجيل معروفه طبايعها
صدق ونزاهة ودين وزاد وزنادي
غض النظر واقصر الخطوة وسنعها
احفر بها حفرة الميت والإلحادي
رح للعناية وعاين في ودايعها
جسم بلا روح وأرواح بلا أجسادي
تعين الأجهزة واسمع لعالعها
لاتنشد أحدٍ ولا ينشدك نشادي
حتاك تروي خدودك من مدامعها
تشوف ماشاف غيرك يابن الأجوادي
رح للفقارا وعاين في مضاجعها
وأعلم ترى الخافيات أدهى من البادي
العسر خلى الرجال تعض أصابعها
ياما كسر من مقام وكسر أوتادي
مايطعم المرة إلا من تجرعها
انشد مجرب يجيك بعلم الأوكادي
الطيبة في المكان الطيب ازرعها
انفق من المال لاتطغيك الاعدادي
ابعد عن الشر والفتنة ومولعها
النار تمسي شرار وتصبح رمادي
ارفق على النفس واحذر من تراجعها
خلك مجاهد جهادٍ صدق ومفادي
على الهوى واصل الرحلة وتابعها
ارجع كما كنت ماعنها تلدلادي
أصل المحلات الأربع لاتقاطعها
حتى لو صدفةٍ من غير ميعادي
ميصالك إلها يذكرك بمنافعها
فزعة وجزعة وتذكير وتعبادي
ترى الوداعة بترجع عند مودعها
والصفحة تبين الممتاز والعادي
لابد من يوم ينزعها منازعها
تدور اللي يذكرها التشهادي
مهما تطول العمار اللحد مرجعها
رعيان الأدباش وإلا ملوك وأسيادي