Ginsbergu dhe çmenduria sipas Dr. Stevan Uajn; Toni Milaqi: Fytyra të familjes, fytyra të shoqërisë

Dr. Stevan Uajn (o. Weine), profesor i Psikiatrisë, dikur ishte i dhënë pas letërsisë së “Beat Generation”. Ditën kur mësoi se Alen Ginsberg (o. Allen) kishte qenë pacient në psikiatrinë ku ai bënte praktikën si student i mjekësisë, vendosi ta takojë poetin që kishte shkruar hapur për skizofreninë brenda familjes. “Kaddish”, poema madhështore për nënën e tij që vuante nga psikoza e rëndë, është sot një nga tekstet poetike më të lexuara në Amerikë. Këtë histori, Dr. Uajni e bëri rast studimi: “Mendjet më të ndritura. Si e ktheu Ginsbergu çmendurinë në poezi revolucionare”, prezantuar së fundi në Prishtinë dhe Tiranë.
Ai tregon në “Artes” si i mbijetojnë shkatërrimit disa njerëz që, edhe pse prekin fundin, përpiqen të kuptojnë si ta jetojnë jetën dhe si të bëjnë art.
Në pjesën e dytë të emisionit, njohim një piktor që mendon “me kokë të vetë”, Toni Milaqi. Tablo pas tabloje zbulojmë portretet e fëmijëve të zhytur në përvojën e të rriturve, e prindërve pa horizont të ardhmeje dhe të Krishtit i zbritur nga një varkë refugjatësh. Artisti, sipas Tonit, “është qenie kryeneçe, anarkiste dhe i lirë, brenda burgut të krijuar posaçërisht për të. Artisti nuk mund të jetë vegël e askujt, nuk mund të jetë çirak i asnjë mekanizmi politik. Të gjitha modelet e tjera që serviren sot si shprehje e potencialeve artistike, s'janë gjë tjetër veçse nevojat e kamufluara të tregjeve të artit dhe të mafies social-politike në pushtet për dominimin e hapësirave pamore.”
"Artes" nga Elsa Demo, një emision mbi aktualitetin kulturor dhe artin shqiptar në të gjitha dimensionet e tij. Falë bashkëbisedimeve, debatit, diskutimit dhe analizave të ndryshme në studio do të zbuloni më tepër rreth dritëhijeve dhe problematikave që shoqërojnë artin dhe kulturën.
Subscribe to our TH-cam Channel:
bit.ly/3H0S7oQ
Find us at:
www.rtsh.al/
Follow us on social
Follow us and get updates from RTSH on social media:
Facebook: / rtshqiptar
Instagram: / rtshqiptar
Twitter: / rtshqiptar
Tik Tok: / rtshqiptar
#Artes#RTSH#RadioTelevizioniShqiptar