“O‘zbek tili va adabiyoti” kafedrasi: 2024-yil 17-aprel.O‘zbek filologiyasi: muammo va yechimlar”

Alisher Navoiy nomidagi Toshkent davlat O‘zbek tili va adabiyoti universiteti “Ona tili va adabiyot ta’limi” fakulteti “O‘zbek tili va adabiyoti” kafedrasida 2024-yil 17-aprel kuni “O‘zbek filologiyasi: muammo va yechimlar” mavzusidagi respublika ilmiy-amaliy anjumani oʻtkazildi. Anjumanni Ilmiy ishlar va innovatsiyalar bo‘yicha prorektor Odinaxon Jamoldinova ochib berdi. Anjumanda filologiya fanlari doktorlari: Ravshanxoʻja Rasulov, Usmon Qosimov, Nishonboy Husanov, Margʻuba Abdullayeva tomonidan qilingan ma’ruzalar yosh tadqiqotchilar va konferensiya ishtirokchilari uchun yangi ilmiy qarashlari bilan ahamiyatli bo‘ldi. ToshDO‘TAU tadqiqotchisi Otabek Safarovning “Faxriyor prizmasi: tasavvur tarbiyasidan ijtimoiy mas’uliyatgacha” mavzusidagi ma’ruzasi ham yig‘ilganlarda katta taassurot qoldirdi.
“O‘zbek filologiyasi: muammo va yechimlar” mavzusidagi respublika ilmiy-amaliy anjumani qizg‘in, bahs-munozaralarga boy o‘tdi. Konferensiya ishi tushlikdan so‘ng shoʻbalar doirasida davom etadi.