@@Yosef511 صاحب التعليق يقول هذا موروث شعبي يميزنا عن باقي الدول وانت تقول هذا موروث الحجاز وكأن الحجاز من غابات الأمازون مهي من الجزيرة العربية. الله يهديك بس
والله ابيات صياف رحمه الله ابيات مصنوعة صناعة، مع كامل احترامي لبقية الشعراء رحمهم الله جميعا واطال الله عمر خلف على طاعته، تشعر أن صياف يبني البيت بناء وفيه كل المعاني الجميلة والعبارات اللطيفة والتراكيب الجزلة، وبيته الأخير جعل الجميع يضحك ويعتبر هو خاتمة المحاورة وانكشف المعنى. الله عليك ياصياف لن تتكرر. ربما هناك شاعر في نفس قوة صياف وهو وصل العطياني
@@بتارالشهري-ز6غ الله يجعلهم كلهم في الجنه .. يعجبوني جميع ويطربني صياف .. صياف يقول مستور مثل الاذاعه والثبيتي في الاذاعه يذيع .. كلهم ضحكو من هالبيت يعني لاتوضوحون المعنى
@@فيصلالفريدي-س1غهذي من أفضل المحاورات حسب ما ذكر كانوا في الكويت الله يغفر لهم يرحمهم قام خلف بن هذال بزيارات أحد شيوخ الصباح ومعه صياف وعند العودة سالهم مستور العصيمي وقال ليش ما علمتوني انا ومطلق بزيارة كانوا نايمين ولا حبوا يزعجونهم حسب ماذكر
تراث يكتب بماء الذهب، وفيه متعة وعمق لغوي، وصوت روعة، ما امل من سماعها، وتكرارها، وأروع ما فيها صياف، ثم مستور، وكلهم عمالقة، ودهاة، رحمهم الله من مات منهم واحسن الخاتمة لمن بقى،،
يازين نفوسهم وادبهم ومعناهم مطلق وصياف مدرسة بالادب والشعر والمرجلة ومستور وخلف على نهجهم رحم الله من مات منهم وغفر لهم وشفا الله خلف واطال الله عمره ، اشعر بغربه وانا اسمع اصواتهم والحانهم وهم قد رحلوا اللهم اجمعنا واياهم والمسلمين ومن مر ع تعليقي واحبابه في جنتك واعفوا عنا وعنهم واغفر لنا ولهم وللمسلمين
اولا الله يرحمهم جميعا ويسكنهم فسيح جناته هولاء الشعراء والله اننا نفتخر بهم لانه لايوجد بالعالم محاورات بهذا الشكل وهذا يدل على ذكاء وسرعه بديهه رجال السعوديه لو جبت شعراء العرب كلهم لايستطيعون الرد بهذه السرعه
المحاورة جميلة والجميع أبدع فيها وتحديدا صياف كانت ردوده متينة ورمزياته معبرة .. وللمحاورة قصة من عرفها أدرك هذا الجمال وهذه المتانة التي أتحدث عنها . رحمهم الله .
فخاااامه رباعية فخمه كل واحد يعطي بيت اقوى من الثاني الله يرحم ذيك الايام ماراح تتكرر ابدا 💔💔 الله يرحم مطلق و صياف و مستور و يرحم امواتنا و اموات المسلمين اجمعين و يمد في عمر خلف و اعمارنا على طاعة الله ان شاء الله
هذا الشعر واهذي المعاني بعيد عن المهايط والعنصريه حربي وعتيبي على ثنين من العتبان الله يرحمهم واتمنى من بعض الشعار يتعلمون من الشعراء القداما الاخلاق قبل الشعر
الله على هاك الأيام القديمه ليتها ما تضيع .. ضاعت بيوت الدرر وانهدمت الكلمه وجمالها .. سلمت بالصوت شعر ولج بالمعنى شرار وليع.. يسقيك يا عز ناس تحتمي من دون منزالها .. الله يرحمهم برحمته جميع الحي والميت ويجمعهم بجنات النعيم " نـواف الجعيد ..🖐🏻❤️
الذيب يسرح و جحر النوم ترقد بة كبار الضبيع و الناس لا شافت وجية الذيابة ترخص أموالها بيت من شاعر حكيم واديب. بيت يتداول بين العرب للان الله يرحمك ياسطورة المحاورة ((صياف الحربي)) ويرحم الاساطير مطلق ومستور َيمد خلف بالصحه والعافية ياناس صياف الحربي. شاعر مجنووووووووون مبدددددددع مهما مدحنا لن نوفيه حقه
الله يرحم صياف يا اخوان الرجال فيه تواضع عجيب حتى مايخطي على القبايل لو الي قدامه بالمحاورة غلط على حرب لي فتره اشوف محاوراته عنده فكر وارتجال وتواضع عجيب الله يرحمه 💔
@@ahmadsalman6844 المحاول كان يسخر من حرص الحربي على الجوائز ، فرد عليه انه الذئب يخرج للرزق بينما كبار الضباع تنام كسلا ، والناس اذا رأت الذئاب واصحاب الكفاءة - تكثر العطاء وتبذل كل الأموال تقديرا لهم
الذيب يسرح وجحر النوم ترقدبه كبار الضبيع والناس لا شافت وجيه الذيابه ترخص أموالها هذا البيت عن المحاوره كلها الله يغفر لهم ويرحمهم ويطول بعمر خلف على طاعته
طااااروق لايجيده إلا الكبار وابيات ومعاني قيمة رحم الله الشعراء الاعلام مطلق وصياف ومستور وغفرلهم واسكنهم فسيح جناته وشفى الله شاعرنا خلف بن هذال وامد بعمرة على الطاعه ومن يقراء .
تكفون اطلب من جميع يشوف المقطع او يعلق. يترحم لهم ويدعي لهم بالرحمه والمغفره جزاكم الله خير. رحلوا ولايريدون الا الدعاء تكفون انخاكم نخوه ادعولهم ولكن بالمثل. الله اكرم الاكرمين ولايخيب مسلم يدعيه
ياليتني حربي وربعي بني عوف من غير قاصر لابتي حي لابه عتيبه الهيلا لها فعل معروف ولاهوعلي ولا علاهم غرابه لاكن انا معرف ولااسمع ولاشوف شاعر مثل صياف شاعر شبابه شاعر وتطربله جماهير وصفوف في غيبته منهو يجي بالنيابه عاد القوافي من يبا يحوفها حوف هاذا السوال الي يريد الاجابه مار الأمل بالله وثم فالابن سوف سوف ايتزهب مزهبن من زهابه قسم الاسد مع ابنه الشبل منصوف وهمه سوا الاثنين ملاك غابه وان عودت للحرب برماح وسيوف حربي ولاهمه كثير الحرابه الشاعر مطلق حمود الشيباني
@@قناةشعرالمحاوره والسحيمي ويش يعود هـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـ
انعم واكرم عز الله ياعتيبي والله يرفع قدرك ياكحيلان وصح الله لسانك وصح منطوقك واشهد انننا اخوااان كلنا وعلى عيونا وروؤسنا وبقلوبنا الله يعزكم ويحفظكم ان شاءالله
ما تاخذ دقيقة من وقتك : - سبحان الله ♥️ - الحمدلله - لا إله إلا الله 💛 - اللهُ أكبر - سبحان الله و بحمدهِ - سبحان الله العظيم 💜 - استغفر الله و أتوبُ إليه - لا حول و لا قوة إلا بالله 💚 - اللهُم صلِ وسلم على نبينا محمد - لا إله الا الله محمد رسول الله 🤍
صياف رحمة الله عليه وعلى موتى المسلمين أجمعين لا قبلك ولا بعدك ف قوة الفتل والنقض، شوف كيف ينقض ويفتل ف بيت واحد من رباعية أقسم بالله إنه ملك المحاورة بلامنافس
رحم الله من مات وطول الله في عمر خلف بن هذال، هذا اللي ينقال عنه شعر وشعراء كل شاعر منهم أسطورة وقامة شعرية نادرة. وين هذيك الأيام والمحاورات الراقية والابداع في الفتل والنقض والمعنى اللي يجمله الكلمات الجزلة والتركيب الأكثر من رائع. وحتى الأصوات والأداء في اللحن كان له ذوقه ونكهته الخاصة لو يقارن بالوقت الحالي مع كامل احترامي الشديد لكل شعراء المحاورة الحاليين.
الله يرحمهم قصة المحاورة أن خلف وصياف عزمهم شيخ بالكويت الصبح وما علموا مطلق ومستور وقال مطلق ابي خلف ومستور بهالطاروق وصارت (رباعية) للمرة الأولى بتاريخ شعر المحاوره
@@user-illlm انت عقلك واعي ؟ اقرا عدل الله يرحم والديك قدام تدعم في الطوف انا اقوله ما ادري يمكن هذي اول رباعيه لكن قبلها قد صارت محاورات اكثر من اربعه فيها ؟. وبعد ما تاكدت هذي مهيب اول رباعيه قد صارت قبلها .
اقول والله مابعد المحاوره هاذي شي،، عسا الله يرحم من مات منهم ويطول عمر الحي هو ومن يقرأ،، عز الله انها طواريق وابيات ذهب صدددددق،، عز يمال العز ويمال الجنه البارده للمتوفين،،، ❤
المحاورة بالكويت والقصة ان صياف وخلف قاموا بدري وراحوا يسلمون على امير من امراء الكويت والامير اكرمهم بفلوس وزعلوا مطلق ومستور والمحاورة على هذي القصة رحمهم الله تعالى
والناس لاشافت وجيه الذيابه ترخص اموالها الله أكبر علي هاذا الوصف. مسرع شردت الشرود إذا شاف الموت يتخلي عن كل شي من هؤلاء العمالقه تعلمنا الحكمه والاخلاق والمراجل وكرم الاخلاق نماذج لجيل نفتخر بهم ونتمنى ان يجود الزمان بامثالهم. الله اجعلهم علي سرر متقابلين في جنات النعيم
افضل محاورة سمعته وجمعت رباعي من كبار الشعراء رحمهم الله جميعاً وشفا الله خلف بن هذال يا زين الطاروق ذا ابيات جزلة صياف ماشاء الله جمع الحنكة والصوت والاداء ولا قصور في الباقين ابيات المحاورة: . مطلق الثبيتي صياف ويا خلف هذال نبغاهم جمال جميع حتى نحمل عليها الصبح حملتها وتشتالها مستور العصيمي اللي يضيع خويه ما نقول انه بدرب سنيع واللي لقاله طماعه فالضحى ما قال هيالها خلف بن هذال الله يسلمك يا رجال حرك سوق تشري تبيع بعض البضايع خساره عاطله بيدين دلالها صياف الحربي اللي تخلف عن الغزوات ماهو فالمكان الرفيع وان شاف له نار في شط البحر مر وتعدى لها مطلق الثبيتي يا شين خوتك يا رجال في وقت الشتاء والربيع عقلتها يا خلـف لكـن وليـا تطلـق عقالهـا مستور العصيمي ما ني بخابرك يا صياف راعي طيب والا صنيع لكن خل القضيه يالحريبي ليـن نفضـى لهـا خلف بن هذال لو انك اليوم زبده يا ثبيتي فالقدح ما تميـع ليل الشتاء يحفض الزبده ويتركها على حالها صياف الحربي مستور مثل الاذاعه والثبيتي فالأذاعه يذيع يا لين قالت له العمه تصلي لي وصلالهـا مطلق الثبيتي اثرك كما الشنه اللي فوق جنب شعيل تقرع قريع وان مروا الزير والا البير حطوها علـى جالهـا مستور العصيمي لو ما ركبها الفحل يا صاحبي ما بان فيها ظريع صياف توميله ام الغيث بالمنديل واومـى لهـا خلف بن هذال مطلق تراها الوداعه والوداعه صرت انا الها وديع ادرا عليهـا واعلقهـا علـى المعـلاق بلحالهـا صياف الحربي من يوم نمتوا على ديس اللبن مثل الوليد الرضيع يحرم عليكم قـدوع التمـر والدلـه وفنجالهـا مطلق الثبيتي الناقصه خلها فالخرج لا تبدي بهـا كـل ريـع والشوكه اللي تحت رجلك تبا تدخل وتصحى لها مستور العصيمي يا طول خطوتك يا صياف وان شفت الغنيمه سريع واليا عقدنا العقد يـا صاحبـي منتـه بحلالهـا خلف بن هذال الناقصه ناقصه والوارده لو ضيعت ما تضيع ارقد عليها قبل تقعدك بنت ابليـس لعيالهـا صياف الحربي الذيب يسرح وجحر النوم ترقد به كبار الضبيع والناس لا شافت وجيه الذيابه ترخص اموالها
الله على الروعة رحم الله صياف ومطلق ومستور وأمواتنا وأموات المسلمين واطال الله في عمر خلف هنا التقى العمالقة الكبار ...لن يتكرروا روعة وجزالة وسبك ونقاش للمعني بكل أدب وروح فكاهية ...
كلهم ماتوا إلا خلف... رحمهم الله رحمة واسعة.. وشفى الله وعافى شاعر الوطن خلف بن هذال العتيبي... رحلوا وتركوا محاورات أدبية شعرية قيمة لا تنسى 💞... وهكذا الدنيا حل وترحال
موروث شعبي يميزنا عن باقي الدول
هذا الفن الأصيل
الله يغفر لابطال هذا العمل الجبار ويتجاوز عنهم ويرفع دراجاتهم بقدر ما اسعدو من أشخاص إلى قيام الساعه
@@Yosef511 صح
@@Yosef511 يا شين الفلسفه المحاوره البدايه الفعليه لها كان بين بديوي الوقداني وشاعر لحياني
@@Yosef511
صاحب التعليق يقول هذا موروث شعبي يميزنا عن باقي الدول وانت تقول هذا موروث الحجاز وكأن الحجاز من غابات الأمازون مهي من الجزيرة العربية. الله يهديك بس
مستور مثل الاذاعه والثبيتي فالاذاعه يذيع مامعنى هذا البيت ؟
@@Ashotbيعني تابع له والله اعلم ورحمة الله عليهم جميع
فرسان الشعر ورجاله ..
جيل لن يتكرر ..
امثال هؤلاء الشعراء لا يسد مكانهم أحد
اللهم بلغهم الفردوس الأعلى من الجنة
محاورة اقل ما يقال عنها اسطورية
رحم الله مطلق ومستور وصياف وامد بعمر خلف بالصحة والعافية ، ( جيل لن يتكرر )
والله ابيات صياف رحمه الله ابيات مصنوعة صناعة، مع كامل احترامي لبقية الشعراء رحمهم الله جميعا واطال الله عمر خلف على طاعته، تشعر أن صياف يبني البيت بناء وفيه كل المعاني الجميلة والعبارات اللطيفة والتراكيب الجزلة، وبيته الأخير جعل الجميع يضحك ويعتبر هو خاتمة المحاورة وانكشف المعنى. الله عليك ياصياف لن تتكرر. ربما هناك شاعر في نفس قوة صياف وهو وصل العطياني
يمكن لانه مايضيق و باله وسيع وهذي الميزه كانت بصياف
@@ابوياسر-ظ7ث4ع رحمة الله عليه إنسان في قمة الأدب والتواضع
وصل هو اللي يقول الرجاله !!! شاعر يقول الرجاله !!!!
قلت اللي بخاطري يابوعتب،،،، يعجبك جمهور المحاورة الذويق
بس ماهو اقوى من مطلق مطلق شاعر قيادي ولايمكن احد يهزمه من الشعراء بشهادة كثير
اشهد شهادة حق انهم شعراء بكل مايحمل الشعر من معنى الله يرحم من مات ويطول بعمر الباقين على طاعة الله
اقسم بالله اذا شفت هالمحاوره تخنقني العبره .. الله يرحمهم ويطول بعمر خلف .. أسعدونا بشعرهم وأحزنونا برحيلهم 💔
كل ماشوف هذولي الشعراء ويامهم تزل الدمعه من أمجاد الماضي الله يرحمهم ويغفر لهم ويسكنهم فسيح جناته
صراحة توي عرفت ان صياف أقوى شاعر محاوره ولايتقارن بأحد واللي مو مصدق يشوف اخر بيت مين هذي المحاورة بيت كل كلمة فيه معنى
أشوف عبدالله المسعودي افضل منه او في نفس الدرجه مع صياف
@@بتارالشهري-ز6غ الله يجعلهم كلهم في الجنه .. يعجبوني جميع ويطربني صياف .. صياف يقول
مستور مثل الاذاعه والثبيتي في الاذاعه يذيع .. كلهم ضحكو من هالبيت يعني لاتوضوحون المعنى
@@فيصلالفريدي-س1غ ههههههههههههههههههههههههههههههههههههههههههههههههههههههههههههه
@@فيصلالفريدي-س1غهذي من أفضل المحاورات حسب ما ذكر
كانوا في الكويت الله يغفر لهم يرحمهم
قام خلف بن هذال بزيارات أحد شيوخ الصباح ومعه صياف
وعند العودة سالهم مستور العصيمي
وقال ليش ما علمتوني انا ومطلق بزيارة
كانوا نايمين ولا حبوا يزعجونهم
حسب ماذكر
@@أبوخالد-ز5ي4ط نعم زي ماذكرت وزيد على كلامك حصلو من المعازيب أضرف ماليه وهاذا هو المعنى الي دار بينهم الله يرحمهم ويمد خلف بالصحه
الجميع يتفق انها اطلق محاوره من جميع النواحي 👍
تراث يكتب بماء الذهب، وفيه متعة وعمق لغوي، وصوت روعة، ما امل من سماعها، وتكرارها، وأروع ما فيها صياف، ثم مستور، وكلهم عمالقة، ودهاة، رحمهم الله من مات منهم واحسن الخاتمة لمن بقى،،
هل الابيات تكون محضرة مسبقا ومتفقين عليها او في بنفس الحاورة يشعرون ويلقون
@@majedqaysi4491. لا ياخوي لا متفقين ولا شي هذول شعار اول مو الحين
الذيب يسرح وجحر النوم ترقد به كبار الضبيع
والناس لاشافت وجيه الذيابه ترخص اموالها
يملا الجنه ياصياف والله يرحمهم جميع عمالقه 👍🏻
انشهد
انشهد 👍🏻
آنشهد الله يرحمه
انشهد ان صياف امبرطور
آنشهد الله يرحمه
اشهد بالله ان اخر بيتين لصياف بتاريخ كل الشعراء الحين، الله يرحمهم جميع ويطول بعمر خلف.
البيت مكسور اجل الضبيع هههههع
@@slmanksa275 مكسر كيف ؟ ماشي على نفس القافيه
@@slmanksa275المكسور والله راسك
اجل مكسور هههههههههههههههههالله يخلف عليك@@slmanksa275
@@slmanksa275
كسرو رقبتك . مابقي الا انت تصحح لشاعر الخليج
راح طعم المحاوره معهم جعلهم للجنه وخلف للعافيه
انا اشهد الله يرحم من راح منهم ويشفي من عايش
آنشهد بالله
ويجيك واحد يقول ابن شايق ولا المنقره ولا الغامدي ولا من في مستواهم ملوك المحاورة هههههه
@@سناافي-غ5ت هههههههههههه والله يذولا مايجون لحفله وحده لصياف ولا مطلق
@@سناافي-غ5ت صدقت لأنهم مايفهمون في المحاوره شي...
الله يرحم صياف ومطلق ومستور ويشفي خلف ويطول بعمره شعار ما يتكررون جيل ذهبي لايمكن يجي مثله انتهت المحاوره بعدهم
ما اجملك ياصياف الله يرحمك وبسكنك الجنة
قال بيت من اجمل بيوت المحاورة
الذيب يسرح ............
وحجر النوم ترقد به كبار الضبيع
يازين نفوسهم وادبهم ومعناهم مطلق وصياف مدرسة بالادب والشعر والمرجلة ومستور وخلف على نهجهم رحم الله من مات منهم وغفر لهم وشفا الله خلف واطال الله عمره ، اشعر بغربه وانا اسمع اصواتهم والحانهم وهم قد رحلوا اللهم اجمعنا واياهم والمسلمين ومن مر ع تعليقي واحبابه في جنتك واعفوا عنا وعنهم واغفر لنا ولهم وللمسلمين
أحسنت كلامك صحيح 🌹🌹
الله يرحمهم ...اجتمع في هذة المحاورة ...الشعراء الكبار ...واللحن الكايف ....والروح المرحة بينهم ...
الله يجعلك ف الجنه يا صياف أقوى شاعر مر ع المحاورة
الظاهر انك صغير سن وتوك متعرف على المحاورة وشعارها
صدقت ي الاسمري
@@الفريد-ر2ك كل واحد و ذوقه يا كبير
وين المسعودي وجارالله💔☹️
آنشهد ي الاسمري
شعار كبار لكن ابيات صياف مبنية بناء هندسي متقن واعجازي
انا احب مطلق الثبيتي كشعر ومعنى وصياف يناس بحر والله ولا يهونون البقيه الله يرحمهم جميع ويطول بعمر خلف ❤️
خلف حي مشاء الله
الله يطول بعمره وإذا كان توفي الله يرحمه
اولا الله يرحمهم جميعا ويسكنهم فسيح جناته هولاء الشعراء والله اننا نفتخر بهم لانه لايوجد بالعالم محاورات بهذا الشكل وهذا يدل على ذكاء وسرعه بديهه رجال السعوديه لو جبت شعراء العرب كلهم لايستطيعون الرد بهذه السرعه
المحاورة جميلة والجميع أبدع فيها وتحديدا صياف كانت ردوده متينة ورمزياته معبرة ..
وللمحاورة قصة من عرفها أدرك هذا الجمال وهذه المتانة التي أتحدث عنها .
رحمهم الله .
ياليت تعلمنا عن المعنى اخوي
يحرم عليكم قدوع التمر والدله وفنجالها
كلام من ذهب الله يرحم من سبقنا ويحسن خاتمتنا يا رب
انشهد ان المحاوره تبدأ وتنتهي عند صيّاف (ضلع طويق) 👌🏽
الله يرحمه ويغفر له ويسكنه فسيح جناته ويرحم جميع اموات المسلمين
انشـهـد👌🏻🚶🏻♂️♥️♥️
الله يجمعهم في الجنة
في الفردوس الاعلى من الجنة
ويجعل حياتهم بالبرزخ نعيم وطمأنينة
وسائر موتانا وموتى المسلمين
امين
أمين
فخاااامه رباعية فخمه كل واحد يعطي بيت اقوى من الثاني الله يرحم ذيك الايام ماراح تتكرر ابدا 💔💔 الله يرحم مطلق و صياف و مستور و يرحم امواتنا و اموات المسلمين اجمعين و يمد في عمر خلف و اعمارنا على طاعة الله ان شاء الله
صدقت
امين
ما شاءالله تبارك الله ما شفت اجمل من بلاغتهم ووصفهم بالمحاوره الله يرحمهم ويطول بعمر الحي منهم
والله انه ابداع ولو للشعر علم كان علمه شعرا السعودية.... محبكم من سلطنة عمان
هذا الشعر واهذي المعاني بعيد عن المهايط والعنصريه
حربي وعتيبي على ثنين من العتبان
الله يرحمهم
واتمنى من بعض الشعار يتعلمون من الشعراء القداما الاخلاق قبل الشعر
لنك منت فاهم وش السالفه 🤓
صياف رحمه الله يصنع البيت باحترافية وينقض نقض يروع جعل ربي يرحمه ويرحم العمالقه اللي معه
كلهم عمالقه رحم الله الميت واطال عمر الحي
ولكن بصراحه صياف ابياته قويه ورده رد شاعر متمكن
الله على هاك الأيام القديمه ليتها ما تضيع ..
ضاعت بيوت الدرر وانهدمت الكلمه وجمالها ..
سلمت بالصوت شعر ولج بالمعنى شرار وليع..
يسقيك يا عز ناس تحتمي من دون منزالها ..
الله يرحمهم برحمته جميع الحي والميت ويجمعهم بجنات النعيم "
نـواف الجعيد ..🖐🏻❤️
صح لسانك ،، راحوا الطيبين الله يرحمهم
هي وقفت على الشعر عسى الله يعين
@@Ali_Alali صح الله بدنك لاعدمتك ، عسى الله يصلح الحال ومشكور على مرورك الجميل ♥️
يامال الجنه يامطلق يضحك من بيت صياف.قلوب نظيفه
رباعية تاريخيه بين عملاقة شعر
والمحزن انهم انتقلو لرحمة الله ما بقى الا خلف الله يشفيه وبقيت هاذه الرباعية خالده
5:59 ضحكة صياف ومطلق يامال الجنه عسى الله يرحمهم ويرحم مستور وجميع موتى المسلمين 💔
اللهم امين
ي قوة ابيوتهم وسبكهم وتمريراتهم لبعض عمالقة رحم الله الميت وطول عمر الحي 💔😢
مستور داهية رحمة الله عليهم أجمعين والله يطول عمر خلف ويمتعه بالصحة والعافية
كل واحد فيهم يقول الزود عندي الله يرحمهم ويشفي خلف
@@الحربي-ت1ذ
صدقت يمحلفنا
يا جماعة المحاورة راحت مع شعراء الحجاز الله يرحمهم ..
اي والله الله يرحمهم
ايه والله الله يرحمهم ويغفر لهم
هذا شي معروف
حقين نجد اللحين نقلو المحاورات عندهم ومسيطرين عللى المحاورة بذات المطران والقحاطين خربوها خراب هناك ولا ادري من متى صارو اهل محاورات
@@A2030S المطران من قبائل الحجاز ياخوي !وفيه بدوي يقول حقين نجد 🤣🤣
الذيب يسرح و جحر النوم ترقد بة كبار الضبيع
و الناس لا شافت وجية الذيابة ترخص أموالها
بيت من شاعر حكيم واديب.
بيت يتداول بين العرب للان
الله يرحمك ياسطورة المحاورة ((صياف الحربي))
ويرحم الاساطير مطلق ومستور َيمد خلف بالصحه والعافية
ياناس صياف الحربي. شاعر مجنووووووووون مبدددددددع
مهما مدحنا لن نوفيه حقه
خلف بن هذال ابدع بكل شي غنى وابدع وشعر النظم والمحاوره وضابط وشاعر الوطن
والله صياااااف فحححححل فحللللل الله يرحمه .. بيوت تدرس وردوده تصيب الهدف 👍🏼👍🏼👍🏼
الله يرحم صياف يا اخوان الرجال فيه تواضع عجيب حتى مايخطي على القبايل لو الي قدامه بالمحاورة غلط على حرب لي فتره اشوف محاوراته عنده فكر وارتجال وتواضع عجيب الله يرحمه 💔
احسنت
الله يغفر لهم ويرحمهم ويتجاوز عن سيئاتهم ويحفظ الباقي منهم عز الله أنك تحس بالحماس الشعري الي له قيمة ومعنى
رحمهم الله واسكنهم فسيح جناته وجميع موتى المسلمين ياروعة محاوراتهم ياربي اغفر لهم واجعلهم في جنات النعيم
صيااااف صيااااف ابيات محكمة
الله يرحم صياف
ويرحم حال المحاورة بعده
عز الله انه فقيدة
الله يرحم الي مات ويطول بعمر خلف ويعافيه..دايمآ صياف عنده الضربة القاضية صدق حبيب يوم يقول اخاف منه في نهاية الطاروق لايتكرر شاعر الخليج
رد ليس اي رد
الذيب يسرح وجحر النوم ترقد به كبار الضبيع
والناس ليا شافت وجيه الذيابة ترخص اموالها
وش يقصد فيها
@@ahmadsalman6844 المحاول كان يسخر من حرص الحربي على الجوائز ، فرد عليه انه الذئب يخرج للرزق بينما كبار الضباع تنام كسلا ، والناس اذا رأت الذئاب واصحاب الكفاءة - تكثر العطاء وتبذل كل الأموال تقديرا لهم
المعنئ ان صياف وخلف مسوين مقلب بمستور ومطلق عل انهم صباح الحفل انه راحو لشيخ من شيوخ الكويت يبون شهرهات وجا العلم لمستور وزعل علشان ماعلموه
@@sadeq1990 كبار الضبيع = مطلق ومستور
@@هلالي57 نعم
تمدح من وتخلي من كلهم شعراء كبار رحمه الله عليهم واطال الله في عمر خلف بن هذال
الله يرحمهم ويغفر لهم واموت المسلمين اجمعين شعر ومعنى وفن على أصوله واحترام في الكلمه وقوه في البيت
ابطال المحاورة ،لاتمل من سماعهم ،رحم الله المتوفي وامد بالعافية من بقى حي
الله يرحمهم .. صياف قوي قوي محد يقدر عليه الله يرحمه
ما شاء الله تبارك أبيات صياف ذهب
الذيب يسرح وجحر النوم ترقدبه كبار الضبيع
والناس لاشافت وجيه النشاما ترخص أموالها
الذيب يسرح وجحر النوم ترقدبه كبار الضبيع
والناس لا شافت وجيه الذيابه ترخص أموالها
هذا البيت عن المحاوره كلها
الله يغفر لهم ويرحمهم ويطول بعمر خلف على طاعته
طااااروق لايجيده إلا الكبار
وابيات ومعاني قيمة
رحم الله الشعراء الاعلام مطلق وصياف ومستور وغفرلهم واسكنهم فسيح جناته وشفى الله شاعرنا خلف بن هذال وامد بعمرة على الطاعه ومن يقراء .
الطاروق هو نفسه طاروق الملك فيصل واللويحان؟
تكفون اطلب من جميع يشوف المقطع او يعلق. يترحم لهم ويدعي لهم بالرحمه والمغفره جزاكم الله خير. رحلوا ولايريدون الا الدعاء تكفون انخاكم نخوه ادعولهم ولكن بالمثل. الله اكرم الاكرمين ولايخيب مسلم يدعيه
الله على ماضي الايام كيف اقفت ومرت سريع
سود الليالي عقب فرقاك واش حالها
شبيت وسط الحشاء يا الزين جمراً وليع
واليوم يا صاحبي غيبتك ما اقوى لها
ياليتني حربي وربعي بني عوف
من غير قاصر لابتي حي لابه
عتيبه الهيلا لها فعل معروف
ولاهوعلي ولا علاهم غرابه
لاكن انا معرف ولااسمع ولاشوف
شاعر مثل صياف شاعر شبابه
شاعر وتطربله جماهير وصفوف
في غيبته منهو يجي بالنيابه
عاد القوافي من يبا يحوفها حوف
هاذا السوال الي يريد الاجابه
مار الأمل بالله وثم فالابن سوف
سوف ايتزهب مزهبن من زهابه
قسم الاسد مع ابنه الشبل منصوف
وهمه سوا الاثنين ملاك غابه
وان عودت للحرب برماح وسيوف
حربي ولاهمه كثير الحرابه
الشاعر مطلق حمود الشيباني
صح لسانك
معلاك زود
@@قناةشعرالمحاوره والسحيمي ويش يعود
هـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـهـ
انعم واكرم عز الله ياعتيبي والله يرفع قدرك ياكحيلان وصح الله لسانك وصح منطوقك واشهد انننا اخوااان كلنا وعلى عيونا وروؤسنا وبقلوبنا الله يعزكم ويحفظكم ان شاءالله
@@y_ok201 صح بدنك ولاهنت ولافيه شك كلنا واحد وصياف الله يرحمه يستاهل وحنا نعد الحق
رحمهم الله جميعاً
عمالقة المحاورة أنشهد
ضحكة مطلق وابتسامة صياف في نهاية المقطع أوحت بنهاية الجيل الذهبي صاحب النفس الطيبة والسريرة النظيفة
ما تاخذ دقيقة من وقتك : - سبحان الله ♥️ - الحمدلله - لا إله إلا الله 💛 - اللهُ أكبر - سبحان الله و بحمدهِ - سبحان الله العظيم 💜 - استغفر الله و أتوبُ إليه - لا حول و لا قوة إلا بالله 💚 - اللهُم صلِ وسلم على نبينا محمد - لا إله الا الله محمد رسول الله 🤍
عين المحاورة البيت التالي من صياف رحمه الله :
الذيب يسرح وجحر النوم ترقد به كبار الضبيع
يازين ضحكتك يامطلق
صياف رحمة الله عليه وعلى موتى المسلمين أجمعين لا قبلك ولا بعدك ف قوة الفتل والنقض، شوف كيف ينقض ويفتل ف بيت واحد من رباعية أقسم بالله إنه ملك المحاورة بلامنافس
عز الله المحاوره راحت بعد صياف وبعدهم 💔
🚶🏻♂️💔💔
رحم الله من مات وطول الله في عمر خلف بن هذال، هذا اللي ينقال عنه شعر وشعراء كل شاعر منهم أسطورة وقامة شعرية نادرة. وين هذيك الأيام والمحاورات الراقية والابداع في الفتل والنقض والمعنى اللي يجمله الكلمات الجزلة والتركيب الأكثر من رائع. وحتى الأصوات والأداء في اللحن كان له ذوقه ونكهته الخاصة لو يقارن بالوقت الحالي مع كامل احترامي الشديد لكل شعراء المحاورة الحاليين.
الله يرحمك ياصياف شاعر معنى وابياته مصنوعه صناعه
مفروض تترحم على الجميع ياعنصري ، اما تفضيلك الشخصي لولد عشيرتك فهذا حق لك مع انم ماتدري وش معنى صناعة بس تردد اللي تسمعه 😅
اجمل رباعيه بلامنازع حتى لو المعني مكشوف الله يرحمهم جميع ويشفي خلف
الله يرحمك يا ضلع طويق ويرحم مستور ومطلق، راحت المحاوره مع صياف
صياف صياف ي ناس حتى اسمه وشكله غير الله يرحمه ويغفرله
الله يرحمهم قصة المحاورة أن خلف وصياف عزمهم شيخ بالكويت الصبح وما علموا مطلق ومستور وقال مطلق ابي خلف ومستور بهالطاروق وصارت (رباعية) للمرة الأولى بتاريخ شعر المحاوره
يمكنها اول مره تسير رباعيه لكن ترا قد جات اكثر من اربعه قبل
@@user-illlm انت عقلك واعي ؟
اقرا عدل الله يرحم والديك قدام تدعم في الطوف انا اقوله ما ادري يمكن هذي اول رباعيه لكن قبلها قد صارت محاورات اكثر من اربعه فيها ؟.
وبعد ما تاكدت هذي مهيب اول رباعيه قد صارت قبلها .
اقول والله مابعد المحاوره هاذي شي،، عسا الله يرحم من مات منهم ويطول عمر الحي هو ومن يقرأ،، عز الله انها طواريق وابيات ذهب صدددددق،، عز يمال العز ويمال الجنه البارده للمتوفين،،، ❤
رحمهم الله عمالقة زحول لكن صياف غير طبيعي يضرب كبد المعنى وهامة القاف ولا يهونون البقية
مستور مثل الاذاعه والثبيتي يذيع
يقصد الثبيتي اللي داز مستور عليه وعلمه بالعطيه اللي جاتهم
هههههههههههههه
خطير صياف
جلدهم صياف أخر بيت
الله يرحمهم و يغفر لهم و يطول في عمر خلف هذال
الله يرحمهم الله يالدنيا كل من عليها فان ويبقى وجه ربك ذو الجلال والإكرام
فعلا صياف كبير الشعراء ذاك الوقت الله يرحمه ويغفر له كان الافضل بينهم
المحاورة بالكويت والقصة ان صياف وخلف قاموا بدري وراحوا يسلمون على امير من امراء الكويت والامير اكرمهم بفلوس وزعلوا مطلق ومستور والمحاورة على هذي القصة رحمهم الله تعالى
والناس لاشافت وجيه الذيابه ترخص اموالها
الله أكبر علي هاذا الوصف. مسرع شردت الشرود إذا شاف الموت يتخلي عن كل شي
من هؤلاء العمالقه تعلمنا الحكمه والاخلاق والمراجل وكرم الاخلاق نماذج لجيل نفتخر بهم ونتمنى ان يجود الزمان بامثالهم. الله اجعلهم علي سرر متقابلين في جنات النعيم
اقوى شاعر مر على الَمحاورة عبدالله المسعودي رحمه الله ورحم اخوته الشعراء واطال بعمر خلف بن هذال صاحب الراحلة الجميلة جدا
الله يرحمك يابن العم مطلق الثبيتي ويرحم صياف ومستور ويطول بعمر خلف شعراء فحول راحو وراحت معهم المحاوره.
يازين صوت مستور الله يرحمه
الله يرحمهم ويغفرلهم معد باقي غير خلف عسى الله يطول بعمره وعمر الباقين 😪💔
يازين شاعر حرب بيوت جزلة وتراكيب مدري كيف يجيبها
مستور مثل الاذاعة والثبيتي في الاذاعة يذيع ههههههه
الله يرحمهم
الله يرحمهم برحمته يازين لعبهم واسلوبهم وسعة صدورهم
المشكلة بعضهم وضع نفسه مقيم لقامات شعرية
وهو لو تسأله عن معنى بعض الكلمات ضاع
كلهم مبدعين الله يرحم الميت منهم ويطول بعمر الحي منهم
افضل محاورة سمعته وجمعت رباعي من كبار الشعراء رحمهم الله جميعاً وشفا الله خلف بن هذال
يا زين الطاروق ذا ابيات جزلة صياف ماشاء الله جمع الحنكة والصوت والاداء ولا قصور في الباقين
ابيات المحاورة:
.
مطلق الثبيتي
صياف ويا خلف هذال نبغاهم جمال جميع
حتى نحمل عليها الصبح حملتها وتشتالها
مستور العصيمي
اللي يضيع خويه ما نقول انه بدرب سنيع
واللي لقاله طماعه فالضحى ما قال هيالها
خلف بن هذال
الله يسلمك يا رجال حرك سوق تشري تبيع
بعض البضايع خساره عاطله بيدين دلالها
صياف الحربي
اللي تخلف عن الغزوات ماهو فالمكان الرفيع
وان شاف له نار في شط البحر مر وتعدى لها
مطلق الثبيتي
يا شين خوتك يا رجال في وقت الشتاء والربيع
عقلتها يا خلـف لكـن وليـا تطلـق عقالهـا
مستور العصيمي
ما ني بخابرك يا صياف راعي طيب والا صنيع
لكن خل القضيه يالحريبي ليـن نفضـى لهـا
خلف بن هذال
لو انك اليوم زبده يا ثبيتي فالقدح ما تميـع
ليل الشتاء يحفض الزبده ويتركها على حالها
صياف الحربي
مستور مثل الاذاعه والثبيتي فالأذاعه يذيع
يا لين قالت له العمه تصلي لي وصلالهـا
مطلق الثبيتي
اثرك كما الشنه اللي فوق جنب شعيل تقرع قريع
وان مروا الزير والا البير حطوها علـى جالهـا
مستور العصيمي
لو ما ركبها الفحل يا صاحبي ما بان فيها ظريع
صياف توميله ام الغيث بالمنديل واومـى لهـا
خلف بن هذال
مطلق تراها الوداعه والوداعه صرت انا الها وديع
ادرا عليهـا واعلقهـا علـى المعـلاق بلحالهـا
صياف الحربي
من يوم نمتوا على ديس اللبن مثل الوليد الرضيع
يحرم عليكم قـدوع التمـر والدلـه وفنجالهـا
مطلق الثبيتي
الناقصه خلها فالخرج لا تبدي بهـا كـل ريـع
والشوكه اللي تحت رجلك تبا تدخل وتصحى لها
مستور العصيمي
يا طول خطوتك يا صياف وان شفت الغنيمه سريع
واليا عقدنا العقد يـا صاحبـي منتـه بحلالهـا
خلف بن هذال
الناقصه ناقصه والوارده لو ضيعت ما تضيع
ارقد عليها قبل تقعدك بنت ابليـس لعيالهـا
صياف الحربي
الذيب يسرح وجحر النوم ترقد به كبار الضبيع
والناس لا شافت وجيه الذيابه ترخص اموالها
ي وجة الله اجمل رباعية في تاريخ المحاورة
انشششهد👍
لا اله الا الله اللهم صلّ على محمد وعلى اله وصحبه اجمعين🤍
الحفله هاذي بالكويت بالمنقف
سنة ١٩٨٨
ابوي موجود بالحفله
الله يرحم من مات ويعافي الحي ..
آمين
الله على هذا الرباعي رحمهم الله جميعا وبالفعل صياف فقيدة افتقده الشعر قبل حرب
نبي جيل زي هذا الجيل
هذا جيل لن يتكرر اطلاقاً
مستحيل
منين
الله يغفر لهم ويرحمهم جميع.... اول الشعر جزاله ومعنى والشعار مرجله وسعة خاطر والحين المحاورات صارت مهاترات ومالها ثمره
رحمة الله عليك يا ضلع طويق،.❤
صياف صياف ( لا يوصف ) عليهم رحمة الله واللي حي طال الله بعمره
الله على الروعة رحم الله صياف ومطلق ومستور وأمواتنا وأموات المسلمين واطال الله في عمر خلف
هنا التقى العمالقة الكبار ...لن يتكرروا
روعة وجزالة وسبك ونقاش للمعني بكل أدب وروح فكاهية ...
الذيب يسرح وجحر النوم ترقد به كبار الضبيع
والناس لا شافت وجيه الذيابه ترخص اموالها
الله يرحم صياف وكل مسلم
ياطيب روؤس الرياجيل طيباه كلهم بدون استثناء وين الناس هذي فنت ذباتهم حلوه ولافيه حقد في صدورهم الله الله
كلهم ماتوا إلا خلف... رحمهم الله رحمة واسعة.. وشفى الله وعافى شاعر الوطن خلف بن هذال العتيبي... رحلوا وتركوا محاورات أدبية شعرية قيمة لا تنسى 💞... وهكذا الدنيا حل وترحال
الله يرحمهم برحمته
الله يشفيه ويمده بالصحه شاعر الوطن
صياف الحربي شاعر كبير الله يرحمه