Բաբկեն Չոբանյան / Babken Chobanyan - ՄԱ...

Երաժշտության հեղինակ` Խաչիկ Եղոյան
Խոսքերի հեղինակ` Պետրոս Հոկտանյան
Գործիքավորում` Վահան Նահապետյան
Դուդուկ` Կամո Սեյրանյան
Լուսանկարիչ` Արվին Քոչարյան
Created at Life 12 Records
PH production
Մա
Քո մասին պատմող իրերն իմ սենյակում այսօր լուռ են,
Լուռ են ժամացույցի սլաքները, որոնք կանգ են առել՝ ենթարկվելով անշարժության օրենքին,
Լուռ է անգամ երկինքը և ծաղկի բույր չի արտաշնչում,
Ու միշտ գարուն է մեր տանը,
Ամառ թե ձմեռ գարուն է
Բայց մի տեսակ ցուրտ գարուն, սառը գարուն…
Որքան փակ են իմ տան դռներն ու պատուհանները,
Էնքան հաշիվներս են բաց հիշողությանս հետ,
Ու լսելի են սրտիդ զարկերը, քանի դեռ չեմ դադարել շնչել…
Հոգիս դառնում է աշխարհի տերը, երբ քո խաղաղ աչքերով
Նայում ես ինձ ու քնքշորեն գրկում տառապանքս,
Եվ գուցե դա է պատճառը, երբ
Մի պահ դադարում եմ տեսնել ժամանակի անգութ երթը
Եվ երգս չի մնում կիսատ ու խեղդվում կոկորդումս,
Իսկ ընդհատված երազներս թև են առնում նկուղից ու ընկերանում լույսիդ,
…
Դու կաս դու միշտ կաս, մայրիկ
Չնայած քեզ դրախտի ուղեգիր են շնորհել,
Իսկ ես այս ծուռ աշխարհում
Դեռ շարունակում եմ ենթարկվել ապրելու փորձությանը
Եվ լսել ոտնաձայները հեռացող օրերի…
#BabkenChobanyan #PetrosHoktanyan