តោះទៅបោះចំណីត្រីនៅវត្តអង្គរជ័យ (ស្រុកកៀនស្វាយ)

វត្តអង្គរជ័យ ស្ថិតក្នុងឃុំបន្ទាយដែក ស្រុកកៀនស្វាយ ខេត្តកណ្តាល ចម្ងាយផ្លូវសរុបពីភ្នំពេញគឺ ៣២.៦គ.ម តាមដងផ្លូវជាតិលេខ១ (ភ្នំពេញ-ស្វាយរៀង)។ យើងធ្វើដំណើរចេញពីភ្នំពេញ ឬ តាខ្មៅត្រូវឆ្លងស្ពានព្រះមុនីវង្សតាមផ្លូវជាតិលេខ១ ដល់គីឡូម៉ែត្រលេខ២៩ ហួសប្រហែល ៥០ម៉ែត្រ ខាងស្តាំដៃមានក្លោងទ្វារមួយដាក់ផ្លាកថា “វត្តអង្គរជ័យ” ចូលតាមក្លោងទ្វារនេះ គឺផ្លូវលំចម្ងាយ ១.៦គីឡូម៉ែត្រ ទើបដល់ទីអារាម។