روتين تحفيزي صباحي💪 ساعة للتنظيف العميق في المطبخ💪تبهديلة تنقي بيديك😱 جوابي ليك 😌حبيبتي
ฝัง
- เผยแพร่เมื่อ 9 ต.ค. 2024
- عودة للروتينات💕ساعة صباحية للتنظيف عميق للمطبخ 💪كي مانقيش ركاين داري🏠واش نقعد ندير؟؟فيديو تحفيزي
-*-*-*-*-
بعض من فيديوهات التنظيف و التنظيم ;
أسرار المنزل النظيف : التنظيف العميق لأماكن و تفاصيل في المنزل تغفل عنها أغلب السيدات
• أسرار المنزل النظيف : ...
-*-*-*-*-*-*-*-*-*-
اسرار المسمن ❤ مع حشوة المختومة ( المحاجب)
• مسمن ناجح و مورق للمبت...
-*-*-*-*-*-*-*-*-*
جانا البرد : أفكار لترتيب البيت لاستقبال فصل الشتاء تهم كل ربة بيت بسيطة👍👍
• جانا البرد : أفكار لتر...
-*-*-*-*-*-*-*-*-*
روتيني مع أولادي وقت المدرسة..كيفاش عودتهم على النوم الباكر و أمور أخرى
• روتيني مع أولادي وقت ا...
#روتينات#عالم_النسايم
تابعوني على صفحتي بالانستغرام 👇👇
/ nassayem_world
-------------------
▶︎Contact me 💕💕
-------------------
nassayemworld1@gmail.com
لا تنسوا تضغطوا على زر الإعجاب والإشتراك بالقناة وتفعيل جرس التنبيهات 🌙.
لايتضمن الفيديو اي اعلان تجاري*
صباح الخير حبيباتي نتمنى راكم بالف خير حبيتكم تفيدوني بتجربتكم حابة نبدل الكوزينيار و حابة نشري وحدة تكون فيها خمسة عيون و يكون الفور انتاعها يطيب مليح افدوني بتجربتكم واش هي الماركة المليحة و الصحيحة راكم عارفين نبدلو مرة في الزمان مش كل يوم انا شخصيا كنت حابة LGلكن جاتني كبيرة فيها 90 سنتم و انا الفراغ الي عندي فيه 83سنتم و صبت في ماركة GEANT تجيني قدقد لكن خفت تكون ماشي مليحة انصحوني بتجربتكم راني نستنى حبيباتي
انا راني نخدم في المطبخ نتاعي عندي كويزنيار تاع 5كوانن بصح حبيت نبدلها وندير لابلاك علاهمدريش لا بلاك احسن مجرد فكرة وكل واحد ورايو
@@walaewalae569 كي حسبلها السعر لابلاك و تزيدي تشري الفور زوجي صابها تستقام غالية ضعف الكوزينيار
والله يا اختي كائنة في لامارك ميديا تبان مليحا
انا تبانلي كويزينيار احسن من للبلاك من جهة الدراهم خاطر لازمها فور ويستقامو غاليين بزاف و الفور صغير أنا تفضل كويزينيار على جال الفور تاعها طيبي ضربة وحدة وتتهناي
عززتى نسايم اشري كوزنيار وفى نفس الوقت من فوق تشبه لابلاك فيها زجاجة والفور مع بعض احسن من كي تشري الفور وحدو ولابلاك وحدها شوفى تا ع الشاف هشام شراها جديدة عجبتني الله يبارك لعقوبة ليك ورجعى لى باخبر
شهيتيني في الرغاوي انا الله غالب راني مريضه وقاتلي الطبيبه استخفضي علي روحك ايلا يطيحلك البيبي راني نستحفظ لاخاطر موالفه نطرح وهادي الخطره خفت ادعيولي ربي يكملي ويفرحني بصغيري رني نخدم غير وين يشوف احمد
حبيبتي كل شئ مخلوف استحفظي على روحك ربي يكملك على الف خير و يرزقك الذرية الصالحة
ربي يثبت حملك أنشاء الله وتشوفيه فحجرك أدعيلي معاك نكون حامل هاذ الشهر
@@ayatarahman4469 ان شاء الله ربي يعمر حجرك ويعطيك الذريه الصالحه كتري من الاستغفار ومن الدعاء وربي يرزق كل محروم راني مجربه وعارفه فقدت شحال من جنين والحمد الله رزقني ربي باجمل اولاد ربي يخليهملي
@@user-sg8xr6ks1b شكرا حبيبتي أنا عندي مشكل البويضات صغار وميكبروش حتى بالدواء وربي يفتح علينا كامل وحافضي على روحك أختي
ربي يثبت حملك اختي وتفرحي بمزيودك
تنظيفك للمطبخ يمدلي النشاط و تعجبني طريقتك انت امرأة نقية و متولة ربي يحفظك و يباركلك في صحتك و عائلتك ان شاء الله
انا هاداوين حطيت روحي كملت شغلي لافينيسيو باركيلي صبغت كزينتي بلرمادي الفاتح خرجت روووعة ليوم فرشتها والله خرجت روعة
بصحتك
راني صبحت عليك من النوم ومتأكدة يكون نهاري زين ومبروك مجربتها 🥰💕متغيبيش علينا وأدعيلي نكون حامل هاذ الشهر والله تعبت
يارب ياعاليم ان شاء تكوني بالحمل و بذرية صالحة يارب العالمين ان شاء الله
@@_nassayemworld5802 ريمة حنونتي ربي يخليك يعجبوني بزاف الفيديو نتاعك الله يبارك في قمة تواضع والاخلاق انا من جلفة بنت بلادك حنونتي ممكن تبعثلي الحساب نتاعك في الفيس من فضلك حنونتي 😘😘😘💝💝💝
ادعو لي ربي يفرجها عليا و ندير داري وحدي يقولوا دعوة أربعين غريب مستجابة
يادرا ختي درتي دارك ولا والو
شحال تعجبيني افضل يوتوبورز عندي نحسك تعرفي تصرفي و تخمي قبل ما تشري اغراضك الله يبارك
سلام حبيبتي حابة نعطيك نصيحة المرة الجاية استعملي قرعة تاع الما باش تشللي الحيوط و التواقي عملية أكثر جربيها و رديلي الخبر
السلام حبيبة .المرة الجاية ان شاء الله كي تديري المسمن حطيه لاولادك غير هو وخبي القاطو هكذا ياكلوه بالسيف عليهم ههههه. ربي يحفظك ويحفظهملك
لاحول ولا قوّة إلاّ باللّه ،مانيش عارفة في بلادنا علاه كاين فيهابزّاف جيران أنانيين يرمو على جيرانهم كلّش خاصّة اللّي يصيبوه عاقل لذلك مانستغربش علاه الاولاد معضمهم ماعندهم حتى علاقة بالتربيّة لأن عائلات بزّاف يربّو في أولاد وهم الللّي محتاج تربية
يختي سكتي برك انا سلافاتي هبلوني يرمو كلش عليا والله كرهت حتي الحجر ولادي توام كانو في سحين راماو الحجر قريب قتلوهم وزيد وزيد اختي دعيلي ربي يفرج عليااااااا
والله غير صح
Même ana kifkif
ربي يخليلكم لعزيز عليكم ادعولي ليما رهي بلكورنه او بعيدا عليا ادعولها ربي يشفيها تعيشو عندي غير يما ربي يخليلكم لعزيز عليكم
ربي يشفيها يارب العالمين
ربي يشفيها يارب العالمين
ربي يشافيها ويعافيها
اللهم البسها ثوب الصحة والعافية
للعيون تاع الفرن عززتي نسايم استعملى الابرة احسن وحركى تتسرح عيون الفرن هى تتسدلسقوط الفتات داخلها تولى تشعل كما فى الاول
شكون لحمارة ل وجعها قلبها من النضافة باين مم تعليقها عمرها نضفت يعطيك الصحة اختي لا يهمك من تعليقات السلبية راكي فور ونحبوا نشوفو كيفاش تنظيف ونظامك وترتيب نتعلمو من بعضنا صولح ملاح
حبيبتي احبك في الله❤️❤️❤️💋💐
اللي معجبهاش الحال ما تشوفش تبهديله اللي خلي دنيا معفنه ما ديريش عليهم ناس مرض من قلبهم
سهلا الشاطرة بنت بلادي الله يبارك عليك مجرد اقتراح بالنسبة لتنظيف النافذة نحيها والريدو خليه لاصق باش يسترلك الحالة واغسليهم في الدوش تسهال عليك خير من التعنقيش
ماعرفتش انحيها هههه
@@_nassayemworld5802 ههههههه ساهلة ماهلة ارفعي الطاقة الفوق راه كاين فيدالداخل تتنحا وكي تولي تركبي فيها نفس الطريقة ركبي من الفوق وطبعيها للفوق ومن بعد بلاصيها التحت جربي راها ولا اسهل
حبيبتي حبيت نعطيك راي والله يعلم ادا يعجبك بدلي ريدو كوزينة ديريه لون فاتح فيه الوان باهية باش كوزينة تاعك تكون ضاوية 😊😊😊
اكيييد حبيبتي هو و الكويزنيار راني بالحاجة ان شاء الله
@@_nassayemworld5802 انا تقلك ابني بوتاجي كمليه مع لاخر وديري فيه لاك شوفنت وتحت فور ايجك يهبل ويبدل منظر كوزينة وحاجة عصرية خير ماتشري كوشة راني كتبتهالك في قبيل مانعرف لا شفتي تعليقي بوسة كبيرة من بنت بلادك
عندك الف حق انا والله لكان منحكش بايدي وكما قلتي كي تعود داري منعيفش نحك كلش ومبعد تتعاود يتغسلو الايدين وندير الفازلين وقالعافية
هههههههههه
السلام عليكم تقدري تنحي التاقة تغسليها تحت دون تعب وترجععيها بكل سهولة وتتنظف احسن اسفة على التدخل بالتوفيق حبيبتي
مانعرفش انحيها قاسية شوية هههه
سلام تاقة تاعي كما تاعك نحيها ونغسلها طلعيها شويا لفوق تتنحها بسهولة ،🤗
طلعيها للفوق شوي واجبدي عندك بشوي تتنحى بسهولة قولي للزوج يساعدك
يا رب العالمين ارزقني بسكن وكل من قال امين
ربي يرزقك المسكن الواسع والجار الصالح في أقرب وقت انشاء ألله
@@abdo28abdo52 الله يعطيك ماتمني
المجرى في الكوزينة غيريلها مكانها في البالكون جايا بيزار المجرى في الكوزينة
ربي ينورك كنت عجزانة وكي شفت الفيديو تحفزت نقي ورا الكويزينياغ يعطيك الصحة 😘😘😘😘😘
فكرة الغازالمبوشي جات في الوقت ..قناتك روعة ومنطقية وغير مبالغ فيها وحقيقية ماشي كيما باقي القنوات
حبيبتي نصيحة اشري يلاك وفور احشن شريت جيوخمس كوانن بصح هذيك الي نصاصيب نتاعها فونت راهي دير خمسة وحاجة بصح تعيي تمسيها بك تطاشا وطيابها هايل ومن وماتتفتخش باش تنقي الفور من تحت راني بعتها وشريت فور ونديباني ببيتغاز حتان نجمل ونشري بلاك كوزينتك تهبل يليقلها بلاك وفور وساهلين للنقا
أنا ندير إبرة لأن المسمار لا يدخل لذلك ندير إبرة، اشحال يعجبوني روتيناتك خاصة الكوزينة تعلمت بزاف حوايج منك لأن كوزينتي تشبه كوزينتك، ديريلنا هكا باش نستفاد اكثر،ربي يحفظك يا اغلى حبيبة على قلبي
الابرة ماتسرحش مليح المسمار وقفيه برك على الثقبة و دقيه
انا خطرة درت لبرة نقطعلي الراس وحصل فيها وبوشاهالي حرزي روحك مالابرة
يا الله اشفي كل أم راهي مريضة ياشافي ياودود
صبح الخير اختي وحبيبتي ريما .شكرا شكرا شكرا على هاذ النوع من الروتينات التخفيزية والمشجعة .انشاء الله تكثريلنا منهم.بالنسبة للتعاليق السلبية نتمنى حنونتي متعمريش كامل راسك بيهم خليهم يهدرو واش يحبو.الله يهديهم.موفقة انشاء الله ربي يعاونك ويعطيك كل الخير.
الله يبارك ربي يدوم هناك
يعطيك الصحة راكي متواضعة وطبيعية جدا في خدمتك ولازم تنقي دارك بيدك والي تقول العكس راهي غالطة ربي يعاونك وعاونا لانو الدار غولة
ما شاء الله عليك كلش يشعل روتين زوين تحفيزي ما احلى النظافة تعطيك طاقة ايجابية ربي يحفضك حبيبتي
انا وحدة نقيها بيدي ديري وش يخرج عليك ربي يعاونك مشاء الله
ممكن تكون خطورة بدقك المسمار يا اختي لاقدر الله تصرا تسربات غاز نعطيك بديل نخدم بيه تعمري لاسيرانڨ بالخل وتفرغيه في الثقب ترجع تشعل كي الأول و أحسن
التواقي تقدري تنحيهم تغسليهم خير وتكوني الاز ختي وتاني يخرجو خير
نعطيك نصيحة ، كي تروحي تقلي حاجة فوق الكويزينيار ، حطي كراطن عراض اغطيو كامل الحيط لي يتوسخ بليذام و الزيت ، راح تخلعي كيفاش يتوسخ ، و حيطك يقعد يشعل
انا حابة نشري لابلاك مليحة راني حيرة دبرو اعليا لمارك لمليح البيضاء او اينوكس ويعطيك الصحة على النقا يا لحبيبة لعجينة تبات في لفريجدار او في الكوزينة ننتظر في الجواب
انا خليتها تبات برى و غطيتها مليح مليح لكن اذا كانت السخانة قريبة للمطبخ ديرها في الثلاجة احسن
صباح الربح لبنت بلادي أنا عندي كوزنيار كبيرة كوندور سريتها عندها ثلاث سنوات بصح والله قاروعة
الله يبارك كوزينتك تشعل في رايي خاصك تبنتري لبلاكارات تاع لبوطاجي في الابيض والطابلة تاع الاكل يجوك روعة تولي تهبل ديري برايي وشوفي وانت حرة في كوزينتك اكيد احبك في الله نادية من تلمسان
حبيبتي الله يحفظك فرحتيني بتعليقك و انا ايضا حابة نصبغهم في الرمادي الفاتح هم و الطابلة راني نحلل في زوجي مانعرف خخخخ
متصبغيش في ابيض والله تولي تسوفري معاهم سقسيني انا
كنت مش طايقة وراسي ولغريب بصح شفت فيديو تاعك نوضت دوق دوق وكان ربي يحط لبراكة ونريح
ربي يشفيك حبيبتي
@@_nassayemworld5802 امين يارب
يعطيك صحة ختي
ولمجيرية شحال من مرة ولدي يرمي فيها حوايح ندخل يدي ونخرجها ✌ونقيها مليح بيديا ومداومة عليها فنظافة وربي يعينا أجمعين
يعطيك الصحة كيما قلتي يامحلا النقا لوكان يبقا وحيرتني هذي المخلوقة اللي قاتلك عيب تنقي المجيرية بيدك وتوريها قولها اذا ضرك قلبك ماتشوفيش كاين اللي راه يستفاد
الله الله مشاء الله نقى لوكان يبقى صح فيديوهاتك يحفزو على نشاط ونظافة الله يبارك واصلي حبيبتي رانا نتشجعو بيك 😘😘
يعطيك الصحة يا حرة لحراير ولي قلك تنقي بيدك هوما مينقيوهاش لا بيدها لا بحاجة اخرى
ريمة نتمنى منك درينا كاش وصفة تنقس من انبات الشعر في الجسم واعطينا رأيك في منتجات نزع الشعر وأفضلها
ما شاء الله عليك فحلة تعجبني طريقتك في التنظيف و الحاجة اللي تعجبني كثر الطاقة الاجابية اللي تمديها صدقيني ما نجيبش روحي خبر نوض نظف مام نكون عيانة واصلي قناتك في القمة
سلام.. الله يبارك عجبتيني خاصة هدوءك يعطيك الصحة
الله يبارك دارك نظيفة ومرتبة وحياتك منظمة ماشاء الله ربي يحفظك من العين اختي
يعطيك اصحة ومديريش علي لي ينضفو وين يشوف احمد عجبتيني بزاف كي نقيتي المجيرية انا ثان نحب نقي داري كيما نتي ومنعيفهاش لانو رني عارفة بلي داري نقية
متعة المشاهدة.... فعلا محفزة جدا.... يعطيك الصحة والعافية 💖
ماشاء الله راحة نفسية
شكرا لك اختي ممكن طريقتك كيفاش تقري اولادك كيفاش تحفظيهم من فضلك حبوبتي
امرأة من ذهب بارك الله فيك
الله يبارك و عادي قع نقو المجرية بيديناا ديري ڨون ولا حاجة و تتنقى احسن باليد و نغسلو عاادي واش فيها
السلام اختي يعطيك الصحة ربي يحفظك وبالنسبة للتعليق لي قلت عليه تاع تنظيف المجيريات انا نقولك شخصيا بالي نحب نشوف روتيناتك خاطرش يحفزوني وزيد نتعلمو شحال من حاجة ممكن مانعرفوهاش ممكن غفلنا عليها يعطيك الصحة واصلي مشاء الله عليك
ختي دايما نحتاجوك ترسلينا فيديوات تحفيزيه
الله يبارك عليك بنت ويلايتي بالعكس اذا منقيتهاش بيدي منبردش قلبي خطرش يتراكم فيها الوسخ بالزاف والماءوالجافيل والصابون ينحو عفن الميجرية واليد
يعطيك الصحة اختي تنظيف عميق يبرد القلب وكما قلتي صح أنا تاني نخدم داري بيدي مانعيفش داري
يعطيك الصحة ختي ريم راني نشوف في الفيديوا في الليل قريب نوضتيني نسيق هههههه وبالنسبة لي ماتنضفش مجيرياتها حشاك بيديها هذي ماشكيتش انسانة نضيفة وربي يهدي ماخلق
ريمة نحب التواضع نتاعك انا اسمي كيما انتي وفي نفس العمر نتاعك قريت في بوزريعة الدفعة نتاعك انت قريت علم الاجتماع على ما اضن انا فلسفة نحبك بزاف
انا تاني والله نقيهم مجيريات وتواليت وكلش ونفرح كي نشوفهم نقيبن
و انا كيفك.مزين نقا لوكان يبقى.
يعطيك الصحة زيدينا روتينات تاع التنظيف والرغاوي نحبوهم وأنا تاني نحب لما نظف داري بيديا برافووو.
يعطيك الصحة انا راني مع تحرحير ربي يعطيني الصحة وصبر ان شاء الله
ماشاءالله تبارك الرحمن ربي يحفظك من كل شر وتجي الجلفة بالسلامة ونشوفك على خير جاااااااااام من ولايتك
الوحيدة الي مانكرهش روتيناتها لخرين نحسهم مصطنعين غير اشهرات
حنونتي فكرتيني في أجواء الجلفاويات الصباحية ريحة لمسن تعبق وقت الفجر
أللهم أغتنا جو ربيعي
يعجبني التنظيف تاعك كيما نحب انا الله يعطيك الصحة يا اختي وبالنسبة للفرن عندي geant راهي عندي قريب 3 سنوات الله يبارك العقوبة ليك
اول مرة ندخل قناتك والله العظيم غير روعة روعة وتدخلي للقلب الله يبارك ورب يخليك
بالعكس النظافة باليد احسن انا ثاني منعيفش نحب نخدم من قلبي .يعطيك الصحة حبيبتي
ما حلا النقا لوكان يبقا يعطيك الصحة يا الشاطرة🌹❤️سؤال على الغلاف الفضي لي راكي مغلفة بيه جانب الكوزنياغ وين شرتيه وشحال الثمن نتاعو ؟؟؟
شريتو بمئة الف مايصلحش قابل للاحتراق عكس ماهم يقولو و فوقها مايلصقش يطير بسرعة
غير ماتشريش ،كما قالت الاخت مايلصقش ويطير خسارة فقط انا كل مرة نلقى جهة طائرة ،ارحم يا ورق الجدران مايتنحاش خلاص
غيرتييييييييني كي شفتك بالرغاوي والما يتشرشق،انا هادو ليام راني نصوم والله مانقد نسيق ونغسل كيما يلزم الحال، راني غييييييييييييير بالشويا وكل يوم نقي حاجة
شفتي حتى انا كون جا ليا نسيق كل يوم كل يوم ندير لماء لومو جافيل أممم مبهاها نظافة والله صحتنا رانا غير بشوي معاها وراني نصوم حتى انا ليامات ربي يتقبل علينا
اناجميلة من ولاية بشار يعطيك الصحة شحال نحبك ربي يحفظك اتمنى لك التوفيق والنجاح الدائم تستاهلي مليون جام هل من ترحيب
و لكي بالمثل حبيبتي
كيراكي بنت خالتي
تعرفيني شكون في بنات خالتي 🌹
☕صباح النور والسرور الله يبارك عليك انسانة طيبة وحنونة وبسيطة ومتواضعة ربي يحفضك ويحفظلك زوجك وولادك🤗 نحبك ونحترمك حبيبتي ريما انا متبعا من وادي سوف ونتبع فيك من اول فديووو لحد الان ❤😘😘
حبيبتي الله يحفظك الف الف شكر حبيبتي
يعطيك الصحة حنونتي تعجبني طريقتك في النظرة الى الحياة
سلام حبيبتي ربي يحفظلك وليداتك أمين حبيت نڨولك الإزيس والجافيل مش مليح يتخلطو مع بعض أم يولي مادة سامة وضارة لجسم الإنسان من الأحسن تخدمي بكل واحد وحدو 🥰🥰🥰🥰🥰🥰
صباح النور على فحلات بلادي نوايل نموت عليكم
سلام عليكم أختي يعطيك الصحة 🌹 ماشاء الله عليك أنت نضيفا ومرتبا ومتواضعة ربي يحفظك ويسعدك يارب
السلام عليكم اختي ..ماشاء الله عليك ،ربي يعطيك الصحة على النقاء والشطارة مرا ونص 😘
يا ريمة عندي شحال و انا نتبعك و مارانيش عارفة بلي تسكني قدامي حبيبتي ان شاء الله ربي يوفقك
علاه متصبغيش البلاكارات وليزبليمون بالابيض تخرجلك روعة وتبان الكوزينة وااااسعة
ماشاء الله نظافة ربي ياطيك الصحة اختي
الله يبارك بصح بلاصة تاع المجرة ماهيش قاع و ديما تتخطايها ماشي مليح
صحيتي يا لفحلا 😘😘
أنا والله غير راني مكسرة من ڨوايمي ماما ڨاسمتني ولموصيبا تع بابا زائد غير يستعصا ربي وكيلو راني نخزر غير في سما ومكسرة😭😭
يعطيك الصحة حنونة وايسلم ايديك على النقى
صباح النور والسرور اروع روتنات لنبغيهم مشكروة حبيبتي
يعطيك صحة بنت بلادي وبنت عمي كملي راكي فور ومتديري على حتى واحد اصلن تواضعك هذا هو لي حببنا فيك ربي يحفظك ويحفظلك وليداتك
0
فحلة ونص وسبعة وعشرين ماشاء الله عليك
يعطيك الصحة عجبني روتينك ونظافة نتاعك ريحة النقا راهي واصلتني ماشآء الله
ربي يوفقك وديري وش تحبي إن شاء الله أما بنسبة للتنضيف شيء عادي وكلنا نضفوفيها بيدينا ومكاين حتى مشكل
يعطيك الصحة ،كاين برك وحد الملاحظة هادوك الدفف تاع الطاقة ام يتنحاو باه يجيوك ساهلين للغسل هك ندير انا
سلام اختي ريمة اهدريلنا علا تقوية الشخصية.
وكيفية التعامل معا الناس النمامة
التجاااهل و تديرلهم صدمة في حياتهم تقوليلهم ماتزيدوش تنقلولي الكلام حراااام عليكم
اختي حبيت نسقسيك وش اسم المنضف لي راكي تغسل بيه في الحيط تع كوزينة
السلام عليكم النافذة علاه متنحيش الدفات تغسليهم وترجعيهم ساهلين طلعيهم شوية يتنحاو
قاسيين حبيبتي جيت انحيهم ماعرفتش هههه
@@_nassayemworld5802 صباح الخير يا الشاطرة يعجبني النقى ديالك النافدة شدى بالجزء وارفعيه للاعلى يخرج من هديك السفيفة لى يتحرك عليها انا جربت فى نافدتى ورجعت ننحيها وحدى جربي ورحعى لى لخبر نسايم
صباح الربح الفتح يعطيك الصحه و ربي يحفظك ويسعدك ويوفقك شحال نحبك
ذاك الحيط لازم تعاوديلو السيمةالبيضة لاخطرش الاولى توسخت
راكي دايما تشجعي فيا ❤❤❤❤❤❤❤
يعطيك الف عافية مشكورة
ماشاء الله عليك،نڨولك برك الطاجين يحرڨ الكوشة ديري على الطابونة
ربي يبارك عليك خفيفة على القلب
عالسلامة يا الحمامة الحمد لله انا كارية عند الناس والي يدخل يتشاها فالنقا وكي سكنت جديدة جارتي مقابلة قاتلي تسيقي بزاف وتنقي ديجا ماشي دارك قلتلها راني عايشة فيها لازم نقيها ودمدايرتها داري وربي الرزاق
الله يبارك ماشاء الله تبارك الله عليك ربي يعطيك الف الف عافية
سلام اختي. تعيشي وريلي كيفاه اطيبي في لكوزنيار تشبه لتاعي ،تاعي انا تمشي بالقرعة ،جاوبيني من فضلك
مساء الخير هههه اليوم غسلت الكوزينة بالجافيل والصابون كملت غير العشية وشفت فيديوك