《聲夢》畢業騷落幕 Rock台上感謝女友支持

15位學員首次演唱會《聲．夢飛行》一連4場已經圓滿落幕，最後一場仲吸引咗唔少人到場支持，好似 #郭可盈 就帶埋非常迷 #Yumi #鍾柔美 嘅囡囡到場喇，仲大讚佢讀書好又同樣兼顧到表演好叻女添。
咁叻女嘅佢，仲同 #Chantel #姚焯菲 兼任埋主播，反訪問返我哋同事 王鎮泉 添呀。呢晚 衛蘭 同 AGA 兩位導師都有同佢哋一齊表演，而原來場館對 #文凱婷 仲有好特別嘅意義架。
而 #Rock #何晉樂 就趁尾埸喺台上公開戀情，更加多謝女朋友對自己嘅支持，仲公開示愛添呀。《聲夢》播出以嚟各位學員都得到外間唔少支持，呢日佢哋喺台上唱出《拼圖》時，仲獲全場觀眾一齊大合唱， #潘靜文 同 #張馳豪 就認為大家嘅支持就好似將唔完美嘅佢哋拼湊成今日嘅完美喇。
完騷後終於展露笑顏嘅 #蓮姐 #林君蓮 #林沚羿 同 #蔡凱穎 就話喺台上非常感動，仲爭啲喊出嚟添呀。而同樣爭啲忍唔住嘅仲有一班男學員，好似 #黃奕斌 咁，而 #火雞 #孫漢霖 嘅感受相信可能係最深喇，因為尾場當日就係佢嘅23歲正日生日呀。
而喺表演期間以瀏海造型現身嘅 #詹天文 ，就透露新造型嘅原因，仲好擔心又脫髮嘅煩惱喎。至於一班支持者，喺完騷之後都留喺場外，送禮之餘， #Gigi #炎明熹 嘅歌迷仲用好特別嘅方式歡迎佢添。
#聲夢傳奇 #聲夢飛行 #鍾柔美 #郭石盈 #姚焯菲 #衛蘭 #AGA #文凱婷 #何晉樂 #潘靜文 #張馳豪 #林君蓮 #林沚羿 #蔡凱穎 #黃奕斌 #孫漢霖 #詹天文 #炎明熹
即刻Follow TVB娛樂新聞台Facebook專頁
/ tvbenews
登入myTV SUPER享受睇TVB自製節目7日免費點播
bit.ly/2TXLlM0