東張西望｜88歲老伯港鐵被擠墮月台險死 反收告票變「違法衝閘」？！

【東張西望】88歲老伯港鐵被擠墮月台險死 反收告票變「違法衝閘」？！
88歲嘅吳伯伯於2月23日喺上水站搭東鐵去深圳探孫仔，正當佢上咗車，關上嘅車門竟突然打開，令當場被擠出車廂，直墮月台空隙！當時車廂內陳女士目擊整個過程，立即伸腳頂住車門，不停用力拉住伯伯，加上之後有位年青人幫忙，先至將伯伯拉返出嚟。
最匪夷所思嘅事在於，據講港鐵車站職員趕到之後唔單只冇問吳伯伯要唔要送醫或報警，而係竟然向佢派咗一張違反鐵路附例通知書，指他「不當進入列車」，令吳伯伯相當氣憤，希望港鐵可以還佢清白。
港鐵回覆查詢時話，當時吳伯伯上車時車門已經開始關閉及播出關門提示，故向佢發出警告信提醒佢注意安全；另外當時車站職員已即時到場處理，當時乘客表面冇受傷，同伴亦婉拒叫救護車，。
另一位受訪者林女士亦都係喺乘搭港鐵時飛來橫禍：佢喺8月1號中午，喺金鐘站乘搭扶手電梯期間被一個爛喼從後重擊，當場眼前一黑，好在有人及時喺後面扶住先冇碌落電梯，最後由救護車送院救治。
林女士左肩膊受傷嚴重，之後要由物理治療師跟進傷勢，佢希望港鐵能夠改善配套設施，並保留追究權利。
#東張西望 #TVB #港鐵 #墮軌 #扶手電梯 #社會 #民生 #時事
東張西望為你直擊香港民生時事：bit.ly/35Ba1zK
想免費睇番呢集嘅精彩內容？登入myTV SUPER免費點播最近7日TVB自製節目：su.tvb.com/q/e...