ليل الخبر | عبدالله البكر
ฝัง
- เผยแพร่เมื่อ 21 ต.ค. 2024
- قصيدة الشاعر عبدالله البكر
ليل الخبر
،
أرض الأحلام وأشجار الأماني يباس
وأنت ظالم .. ولكني أحبك كثير
،
واضح إني خسرتك للأبد وإنت حاس
خلك أقوى حبيبي وإعترف بالمصير
،
رحت يوم إرتوت فيني عذوق الحماس
مثل .. من ياخذ اللقمة من افم الفقير
،
عندي إحساس وشوية رجاوي وياس
وما بغيت أزعجك مادام وقتك قصير
،
قلت أبنساك يمكنّ المسافة تقاس
بين ذاك الزمان اللي مضى واﻻخير
،
صاحبي .. مارضيت أنساك من قو باس
يوم أبنساك كنت أبغى يموت الضمير
،
الغرابيل تلحقني وأنا بدون ناس
عفت ناسي عشان أبقى بعينك كبير
،
يوم كان الوفاء تحت الخديعه يداس
والغرام آخر حلول الوسط للعشير
،
كنت غالي وكان الناس حولك نحاس
كنت صادق وكان الكل حولي يغير
،
ليت اﻻيام ثلجه ذابت بوسط كاس
كان عوّدت من برد العلاقة صغير
،
كنت أنا وأنت في ذيك المحلات ماس
واسرقتك الحياة الهادية وصرت غير
،
بس كأنك تبي فرقا مثل مانت حاس
خل " ليل الخبر " يذكر همومي بخير
،
عبدالله البكر