Medley Méditation - FFPM 20 -FFPM 470 -FFPM 109 -FFPM 417 -FFPM 473 - Louange instrumentale Malagasy

Medley FFPM 20 - FFPM 470 - FFPM 109 - FFPM 417 - FFPM 473 - Louange instrumentale Malagasy
Mélodie Céleste Malagasy
Malagasy Musique
FFPM 20
1. Tsaroanay tokoa izao
Ny soa be noraisinay,
Tsy tapaka avy taminao
Ry Andriananaharinay.
2. Ny lasa itodihana
Dia mampiseho avokoa
Ny tanam-pitiavana
Miahy sady manasoa.
3. He! Koa ‘ty andronay ity,
Izay diavinay izao,
Dia voahodidina ery
Ny fitahiana aminao.
4. Dia tokinay tokoa izay
Fa mbola ho arovanao
Anio, ampitso, rahatrizay,
Izay miankina Aminao.
5. Ka dia mba velomy re
Aty anatinay ny fo
Hahay misaotra Anao anie,
Ry Rainay be famindram-po!
FFPM 470 - Ny foko, ry Mpamonjy
1. Ny foko, ry Mpamonjy,
Mangetaheta Anao,
Maniry lalandava
Hikambana aminao.
Fiv : Tsy afaka ao am-poko
Ny faniriana Anao ;
Oneno, re, ny foko
Ho lapanao!
2. Ny androm-pahoriana,
Raha lapanao ny fo,
Manjary fitahiana,
Izay manadio ny fo
Tsy afaka ao am-poko, sns…
3. Ny ora fifaliana,
Raha ao anilanao,
Mamelom-paniriana
Hanao ny sitrakao :
Tsy afaka ao am-poko,sns…
4. Ho lao ny fahotako
Raha akaikezinao,
Tsy misy hadalako
Izay tsy afakao :
Tsy afaka ao am-poko, sns…
5. Finaritra ny saiko
Raha ipetrahanao,
Fa reraka ny aiko
Raha halavirinao :
Tsy afaka ao am-poko, sns…
FFPM 109 - Nahafoy ny aiko Aho
1. Nahafoy ny aiko Aho
Hanavotako anao.
Ka nalatsako ny rako,
Nisoloako anao.
He! ny aiko no nomeko
Ry mpanota very e!
Aiza izay afoinao re
Mba ho Ahy Tomponao?
2. Lapan-dRaiko ao ambony,
Voninahi-dehibe,
No nilaozako hamonjy
Sy hanafa-doza anao,
‘Zay voafitaky satana
Sy nozoin-doza be;
Aiza izay afoinao re
Mba ho Ahy Tomponao?
3. Soa be sy mahagaga
No natolotro anao,
Famonjena tsy vidina,
Famelana ny otanao,
Fitiavan-tsy voafetra,
Lova ao an-danitra ao;
Aiza izay afoinao re
Mba ho Ahy Tomponao?
4. Indro Tompo! Fa omeko
Ho Anao ny tenako,
Ka tsy misy izay tsy foiko
‘zay rehetra tianao;
Eso, latsa, tsy ahoako,
Fa ny ho mpanomponao
No ho zavatra kendreko,
Raiso re ny zanakao.
FFPM 417 - Nandao Anao ela aho
1. Nandao Anao ela aho, Raiko ô!
Izao dia te-hody aho;
Maniry hiankina an-tratranao,
Izao dia te-hody aho.
Fiv : :,: Inty tamy aho,
Raiko malala ô,
Raiso ny tanako. :,:
2. Maniry hanana fiadanam-po,
Izao dia te-hody aho,
Sy mba hivesatra ny zioganao,
Izao dia te-hody aho,
Inty tamy aho, sns…
3. Itambesaran’ny ota natao
‘Zao dia te-hody aho,
Matoky anefa fa horaisinao
‘Zao dia dia te-hody aho.
Inty tamy aho, sns…
4. Raha tsy mendrika ny ho zanakao,
Izao dia te-hody aho,
Ataovy isan’ny mpanomponao,
Izao dia te-hody aho.
Inty tamy aho, sns…
5. Indro fa tazako ny sandrinao,
Izao dia te-hody aho,
Mitsotra mba hisakambina re,
Izao dia te-hody aho
Inty tamy aho, sns…
FFPM 473 - Mombà anay, ry Jeso Tompo ô
1. Mombà anay, ry Jeso Tompo ô !
Fa maizina ny alina aty;
Tsy misy vonjy raha tsy aminao;
Mpamonjy tia ô ! Mombà anay !
2. Mandalo koa ny andronay ety ,
Ka mihalò ny fifalianay;
Miovaovao izao rehetra izao;
Ry tsy miova ô ! Mombà anay.
3. Aza mba mivahiny aminay,
Aza mihevitra ny helokay;
Aoka ho be ny famindranao fo;
Ry Jeso Tompo ô ! Mombà anay.
4. Tsy mahaleo tena izahay,
Fa mora resy, mora kivy koa;
Ry Jeso Tompo ! Aoka honenanao
Ety an-dasin’ny mpanomponao.
5. Ny teninao no fifalianay;
Ny masonao mitari-dalana;
Ary ny herinao no tanjakay;
Sakaiza tsara ô ! mombà anay.
6. Izay ombanao afa-tahotra,
Tsy mety kivy na mamoy fo ;
Tsy misy fahoriana izay
Haninona ny fo arovanao.
7. Rehefa tonga ny fotoana
Hitànay ilay ony maizina,
Aoka ny tavanao hazava ao,
Amin’izany re mombà anay.

[@villamia9063]

❤ Tena tsarabe Voninahitra ho an'Andriamanitra irery ihiany ❤

[@faraniainapierrebernardram6703]

Hira mampitombo ny Fitiavana an'i Jesosy Kristy nanavotra antsika. Mankasitraka indrindra tompoko ! DERA LAZA SY VONINAHITRA AN' ANDRIAMANITRA IRERY, ny FAHASOAVANY HIROTSAKA ANTSIKA HATRANY !

[@oracle33nanie13]

Tahiny JESOSY o,je cherche
Face de SEIGNEUR AVEC CES MUSIQUES. A LUI SEUL LA GLOIRE. TOHIZO RE FA TENA MAMPAHERY

[@nirinaramangasalama3265]

Mankasitraka. Voninahitra ho an'Andriamanitra ireryihany. Faly raha maromaro n'y feon-kira toa ireny , hivavahan'ny bé s'y n'y maro. Misaotra indrindra tompoko.

[@florentr9525]

Miarahaba tompoko. Mahafinaritra ny mozika ataonao. Misy moyen ahafahana mifandray aminao ve Atoa Marco Andria. Mirary soa tompoko

[@tsinjoandrianirina2491]

Mankasitraka indrindra. Voninahitra ho an'Andriamanitra

[@irinaandriantsoa3366]

mankasitraka indrindra fa tena tsara be mahefa be amin'ny asan'ny Tompo

[@MegaRanjee]

Tena tsaroanay tokoa Ray ô, ny soa be noraisinay tamiNao! ❤️ misaotra indrindra!

[@rakotoarisonfifa4091]

Mankasitraka nizara:)

[@ralahatrajaspierrenamby2473]

tena mahafinaritra, elaela tsy tany ampiangonana fa tampakevitra ny hiverina @zao aretina efa milamindamina zao maheno an'ito medley mampisy haim-panahy ito

[@irinaworshipper]

efa in-20 angamba nihaino an'ito medley ito hahaha
misaotra e

[@kevinahprisca5042]

Tsara lotra ❤️

[@MegaRanjee]

Tena tsara, babo ny fo mihaino azy ❤️

[@victorienranaivombelo1810]

Mankasitra eee

[@sandramahery5043]

Mankasitraka indrindra tompoko fa tena mampahery no tsara be ny arrangement, mankahery anareo mpitendry ô 🙏🙏🙏

[@jocelynerajosoa4153]

Tsara misy aim- panahy

[@nirinaramangasalama3265]

❤️

[@njakaandria-ntoanina1848]

Misaotra Tompoko.

[@paulinetsiky6238]

Kanto an

[@nirinaramangasalama3265]

❤️