كنه يصحيني من النوم جاثوم اللي يصحّي غارقين الحلومي - عبدالله بن زويبن رحمه الله

ياعلي قول ولا لواردك ملطوم
ياراعي الخرمة حديدَ البقومي
عندي علوم وخابر عندك علوم
وتبي تعلمني وتاخذ علومي
لا كن أنا ماني رفيق لك اليوم
أنا رفيق للشقاءَ والهمومي
البارحة واليَوم ماجاني النوم
بيني وبينه مِثل حرب النجومي
سهران طول الليل لا ارقدَ ولا اقوم
اقالب الجنبين تقل محمومي
وان نمت صحاني مِن النوم جاثوم
اللي يصحي غارقين الحلومي
الله علي اللي مقدمه تقل مبروم
شَدَ الخواجه ما ببديه هشومي
ماجيب عَن السمكريين مصدوم
ولا قيل هُو مسيوم ولا نسومي
مقوس الصدام وجنوطه كروم
فكسار منوة كُل راعي لزومي
الي مشي بالخط ولخط مزحوم
يروج مِثل السيل بَين العقومي
بالوصف كنه فارس يمنع القوم
يرخي العنان ولا يحزم الكمومي
فارس وشيخ للمغاوير زيزوم
قدام شَيخان العبي والختومي
شيخ بكفه رمح مسقي ومسموم
اما مِن الدوشان والا الفرومي
والي اعترض خطه لشعبان وحزوم
يشبه لسباح يغوص ويعومي
ما قص لَه لوحات بحروف وارقوم
الا سندَ جمرك بدفع الرسومي
ابيه عَن دَار بها الصدر مكتوم
يبعدَ مسايه قَبل امزع هدومي
لارض يساقيها مِن الشبط دَيموم
ومن أول الوسمي عَليها قدومي
فياض وجبال لهن طور ورجوم
ملس المراقي مكنعات الخشومي
ما فقست بلجوفهن بيضة البوم
مرفا الحرار مخاشرات السهومي
ماكني الا عايشَ دَايم الدوم
الي رقيت مناطحات الغيومي
ارتاح والقي متعة الطير بالحوم
يوم الهوي ينفض شَماغي وتومي
وياعلي أنا قَبلك عَن الشعر ابا اصوم
زينه وشينه مبعدَ عنه حومي
وشَ عادَ ابا بالشعر والشعر مظلوم
والي سمعت الناس ردوا عزومي
اللي ليا سمعوا شَريط ام كلثوم
مِن الطرب كُل يطق البهومي
هيضتني يا ذخر مِن يذبح الكوم
فِي ساعة فيها البخيل مهزومي
يقلط وهو كنه علي الوجه مرثوم
يطيح وجهه مَع وجيه الرخومي
واصل البخيل خمام معطي ومحروم
وكفه ليا جات اللزوم محزومي
والناس بالافعال فايز ومذموم
والي النواصي ما عَليها وسومي
وانته مَع اهل الطيب لك حظ وقسوم
وعن الردي فِي كُل حال محشومي
لك مسهم بالطيب ما هوب مِثلوم
ياطيب الرفقة شَريف السلومي
وتم الكلام اللي مِن الراس منظوم
وعسي حياتك يازميلي تدومي
وان مت جعلك مِن سنا النار معصوم
فِي جاه غفار الذنوب الرحومي

[@user-pg6go4pj8k]

هو في كفه والشعار في كفه الله يغفر له ويرحمه

[@ابوعبدالرحمن-ض8ن3ش]

رحم الله الشاعر العلم داهية الشعر وأمير شعراء النبط في هذا الزمان الشاعر عبدالله بن زويبن الحربي اللهم ارحمه واغفر له وأسكنه الفردوس الاعلى من الجنة لن تنجب ساحة الشعر والادب مثله الا أن يشاء الله فقد أتسم شعره بالجزالة والقوة والحكمة والتدفق الشعري والابتكارات اللفظية التي لم يسبقه عليها احد وعلى كل شاعر مغتر او معجب بشعره أن يسمع قصائد بن زويبن رحمه الله ليعرف كيف يكون الشعر وكيف تكون الجزالة

[@user-ub2wf9cp4o]

ناقص اول شطر من اول بيت
يقول
ياعلي قول وما لواردك ملطوم
ياراعي الخرمة حديد البقومي

[@عمرعبدالله-ل2ف]

كتبه بالوصف اول شطر.
ولكنه غير بالصيده وقال فالبيت القبل الأخير الشطر الثاني " عسى حياتك يا زميلي تدومي "
والصحيح قالها ابن زويبن الله يرحمه بالمقطع "عسى حياتك يالسبيعي تدومي"

[@f-15alharbi15]

الله يرحمه و يغفرله

[@user-dw7qc4ub3d]

الله يرحمه ويغفر له داهية الشعر

[@AsAs-df9ov]

الله يرحمه ويغفر له ويسكنه فسيح جناته ساحه الشعر فقدت شاعر يحكم الشعر بكل جداره

[@almatansh]

رحمك الله 💔

[@puie832]

الموسيقى ليش طيب خلونا نسمع الابيات بدونها أرجوكم كل قصايد ابن زويبن حرمتونا منها بسبب الموسيقى لاحول ولاقوة الا بالله خاافوا ربكم ياللي تصممون القصايد الشاعر مات لاتحملونه الاثم هو بحاجة الدعوة الطيبة الآن