فزاعيه للامام الكاظم [ع] حسبالها اتـشوف الـولي مالحگــت معصـومه😭💔القصيده بالوصف

حسبالها اتشوف الولي مالحگت معصومه
ـــــــــــــــــــــــــــــــــــــــــــــــــــــــــــــــ
لا شافهه ولا شافته
للجسر عنوه تعنته
تصعب عليها فرگته
يابويه وينك صاحت المهضومه/
*******
يابويه صاحت عالجسر
حالي بغيابك مايسر
وجهك حسافه ينخسر
وانته الكلف والحيد والجيدومه/
********
أنته الشهم وانته الكلف
وجهك بعد ماينخلف
ياحيف والله تنجتف
متونك الحلوه مجرحه ومهشومه/
********
متونك الحلوه مجرحه
ماكو اعله نعشك نايحه
وياهو القرالك فاتحه
واهل المراجل والزلم بالحومه/
*********
أهل المراجل والشيم
لا رايه شالو لا علم
گلبك تگطع ماسلم
وروحك ضعيفه وگاضيه ومالومه//
********
روحك ضعيفه وناحله
من السجن والسلسله
وأهلك ضحايه ابكربله
وعافو الدور امسدده ومهجومه/
*******
عافو الدور امسدده
جا ليش سموك العده
امصابك صعب ماله جده
ويشبه مصاب السالبين اهدومه
ــــــــــ@@@@@@
الشاعره ام هجران العمارچيه
ديوان مسلوب العمامه
الجزء الخامس