شيلة في الشيخ بداح بن عبدالله بن هايف الفغم (رحمه الله)كلمات الشاعر مشاري الروقي اداء مهنا العتيبي

يالله اللي يرسل الريح ويدف الغمام
البدايه خير مابدا بسم رب البشر
كل شيٍ غير ملكك معرض للحطام
نطلبك دبرتك يالله لا شانن الدبر
مدحة الهافي حرام وعليّه بالحرام
مدحة بداح اشهد انها من اصناف الفخر
في مديحه مالحقني مشاريه وملام
الفغم طاريه لا مرنا مثل العطر
فزعته تظهر لا جات المواقيف الجسام
انشد اللي قد نصاه وبرى جرح الصدر
خلّف صقورٍ تهدد لعسرات المهام
والنعم يتلى النشاما على طول الدهر
الخلف في اللي لهم فالفخر قدر ومقام
والله انهم للمراجل وللفزعه ذخر
ياعيال بداح مني لكم ازكى سلام
السلام ورحمة الله عدد وبل المطر
تفرقون بفعل لاصار فالوضع احتدام
وصيتكم فوق الثريا موازي للقمر
ولا غرابه وانت اكرام من نسل الكرام
وفي صدور الطيب تلقون توقير وقدر
والفغم قومٍ حشامٍ يردّون الجهام
ماتهاب الموت في سلم ولا في قشر
من مطير زحول قومٍ تضيم ولا تضام
من مطير اللي مضاربهم تفج النحر
مزبن الخايف حللهم ومنصى للحشام
يوم كلن عايشٍ فالجهاله والخطر
مشاري الروقي

[@user-vd3cc6ul9w]

الله يرحمة ويطول بعمر عياله طيب ونسله الطيب

[@FahadFahad-cx1sw]

الله يرحمه ويرحم آخوي عبدالعزيز ويغفر لهم ويسكنهم جنات النعيم يارب

[@alyaalfaghum8444]

الله يرحمه ويجعله في جنان الرحمن