استشارات قانونية : عقوبة الضرب و العنف الجسدي في القانون الجزائري .
ฝัง
- เผยแพร่เมื่อ 9 ก.พ. 2025
- جرائم الضرب و العنف الجسدي :
نتطرق إلى أركان هذه الجرائم
الركن الشرعي و الذي يتمتل في المواد القانونية التي تجرم هذا الفعل
الركن المادي الذي يثمثل إما في ضرب و إما في جرح و إما في عمل من أعمال العنف أو الإعتداء مع ممارسة هذه الأفعال على شخص مهما كان سنه او جنسه..
الركن المعنوي تشترط جريمة الضرب و الجرح العمدي أو أي فعل عمدي أن القصد العام و القصد الخاص أن يتوفر ذالك متى إرتكب الجاني الفعل عن إرادة و علم أن هذا الفعل يترتب عنه مساس بسلامة جسم الضحية أو بصحته..
و هذه الأعمال يمكن إثباثها بكل الطرق ، يمكن إثباثها بشهادة الشهود و غيرها من وسائل الإثباث ..
عقوبة هذه الجرائم :
في أعمال العنف التي لا يزيد عن 15يوم المبدأ أن تكون مخالفة طبقا للمادة 442 فقرة ١ عقوبة الحبس من 10 أيام إلى شهرين و غرامة مالية من 8000 دج إلى 16000 دج الإستتناء أن تتحول إلى جنحة هذه المخالفة و تصبح جنحة إذا كانت مع سبق الإصرار و الترصد أو مع حمل سلاح
جناية و تشدد :
السجن من 10 الى 20 سنة اذا كانت مع سبق الإصرار و الترصد
السجن المؤبد اذا كان من الاصول مع سبق الإصرار و الترصد
السجن من 10 الى 20 سنة اذا كان الضحية قاصر لا يتجاوز 16 سنة
السجن المؤبد اذا كان الضحية قاصر لا يتجاوز 16 سنة و الجاني من الاصول او ممالهم عليه سلطة و يتولون رعايته
طبقا للمادة 278 من قانون العقوبات نصت على أسباب التخفيف وليس الإباحة
الإستفزاز
التسلق
تحطيم مذخل المنزل
حالة التلبس في حالة الزنا
حسبنا الله ونعم الوكيل في الظالمين
خاوتي نسقسيكم تعيشو ردو عليا أنا طفلة عمري 15 نسكن في بطيمات وهنا في بطيمات كاين مشكل تع الماء عند كامل جيرنا هذي جارتنا تسكن تحتنا طلعتنا لينا على جال الماء وكنت أنا جايا من ليكول هدرة معاها بأدب باه تهبط لدارها تعدات عليا بضرب روحت شكيت ودرت سرتافيكا طبية مدولي فيها 6 أيام أيا في لول حنا كنا روحو وهيا مجيش حكمو عليها غيابيا عام حبس وغرامة ماليا وضك كسرة شرع وكي رحنا يوم انا حكيت واش درتلي في هذاك نهار وهيا جبدت مشكل تع ماء وصورتو وفي لول راحت شكات بيا نهار صرات حديثة راحت لجدارمية وقتلهم سبتني وضربتها ويوم في محكمة قتلهم مضربتهاش حكم لصالحمن في هذي قضية
هيا راهي تخلط في الهدرة نتي تربحيها
لندوووش حبيبتي ألف مبروك ربي يوفقك غالتي😘😘😘💋💋💋💋❤❤💕💕💕😘💋
السلام عليك يا الاخت انا عندي جاري يضرب لي ولدي على منطقه الراس بعد مده ولدي مشكله في راسه من بعد درت له عمليه ثاني بعد مده ما تولد ربي يرحمه ويجعل مثواه الجنه
يا الاهي ربي يرحمه
ربي يرحمو ويجعله من أهل الجنة إن شاء الله
حببتي الغالية❤️ بالتوفيق إن شاء الله 🌹🌹💖💖💖💖💖💖💖💖💖
صوتي حبيبتي ربي يحفظك😍😍😍
ختي من فضلك جاوبيني على قضية الضرب بالسلاح الابيض ادى الى عجز لمدة اسبوع و الشتم و السب بالالفاظ السوقية ل قاصر عمره 9 سنوات من طرف رجلين (جيران)ما هو الحكم 4:36 من فضلك الإجابة اذا كان ممكن و شكرا جزيلا
أختي أريد نصحتك في أقرب وقت لقد قدمت شكوى ضد أخي الذي يضربني لكن شرطة رفضت شكوى وقالو يجب أن أخبر والداي بذلك بماذا تنصحني
شدرتي معاه ؟
سلام عليكم تبارك الله فيك لاخت اريد ان اتحدث معك في موضوع جد مهم ارجو الرد منك وشكرا
نعم أختي تفضلي
بعد سلام و تباعد مدة سنتين عاد جاري الى ضرب ولدي متهما اياه يضرب ابنه ضلما كيف اتصرف
هل عندي حق بش نسجل فيديوهات وصور في ملكي عقاري خاص بي
بالتوفيق والنجاح الدائم انشاء الله ليندو حبيبتي 🤲❤♥🎀🌹🌹🌹🌹
عيشك ربي يحفظك ميرو حبيبتي😍😍😘😘😘
اخي او اختي انا اخي بيضربتي كتير كل مرة يضربني في بلاصة وزيد كل مرة يحبو يخبسوني من لقراية واش ندير معا لعلم عمري17 سنة
وكيل جمهورية وكيل دولة بالمحكمة روحلوا سقسي يوم ليخدم ادخلي عندوا قلوا راني صغيرة وعنفوني
أختي من فضلك زوجي ضرب شخص وعمل شهادة طبية مدة 15يوم من بعد لم يشتكي ولكن يبتز في زوجي ويأخذ عليه نقود.سؤال.هل الشهادة الطبية عندما تطول مدتها لها نفس المفعول مثل اليوم الاول
أستاذة ربي يحفظك مخالفة ضرب و الجرح العمدي المفضي لعجر لا يتجاوز 15 يوم هل هنا سورسي أم غرامة مالية أم حبس ؟؟؟
6اشهر سجن
@@mohfaw9265 قضية ضرب وادى الى كسر على مستوى الانف محكموهش ليلة في لحبس اونبليس وفق الشرع وخرجاته لجوجة 😢😢😢😢😢😢 ع
السبب ؟؟@@MalakMalak-h6p
استاذة انا اتعرض للضرب من ابي واخواتي بضرب مبرح وراح ندير شهادة طبيية هل ياترى اذا شكيت بيهم للشرطة ناخذ حقي ولا مكانش عقوبة ليهم؟
إن كنتي تعيشين وحدك اشتكي بهم لكن ان كنتي تعيشين معهم أنصحك أن لا تشتكي عليهم لأنهم سيعنفونك أكثر
انا خويا لمادة تاعه 264 ضرب والجرح العمدي وعاهة مستدامة يقدر يستفيد من العفو الشامل الإجابة حمبوك 😢😢😢
هل 15يوم عجز من طبيب شرعي تنطبق عليها مادة العقوبة أو يجب أكثر من 15 يوم
بالتوفيق ان شاء الله
ماهي عقوبة اخ ضرب اختو وتسبب في كسر في اليد مدة العجز 21يوم
جنحة الضرب عفوبتها الحبس و غرامة مالية
@@lyndadebzاذا وحدة شكات بيا ودارت ضرب وجرح عمدي و سرتفيكا فيها اربع ايام واش عقوبة ؟؟
انا ضربني جار هو وزوجتوو مع العلم حامل في 6اشهر ورماني مع درج وتقدمت بشكوى. واش الحكم فيهااا من فضلكم
اختي نسقسيك ربي يحفظك اخي يضربني ضربا مبرحا دائما واحيانا يحاول خنقي يضع بفمي اشياء لكي لا اصرخ ويخنقني حتا اكاد اموت هذا اذا لم افعل له شيء كجلب له قميصه على الساعة 23 ليلا لانه يأتي بذلك الوقت لانه يعمل ويحتجزني بالبيت لا اخرج ابدا الحل رجاءا ارجو الاجابة وشكرا
قضية الشتم و حمل سلاح ابيض و تحطيم املاك الغير في حالة سكر ڨداه طيح لواحد معندوش سوابق ريبوندي الله يحفظك
Thanks you
أختي الله يهنيك جاوبيني
قضية الضرب و الجرح العمدي بسلاح الأبيض / التحطيم العمدي لملك الغير
واش راح تكون العقوبة تاعها الله يرضي عليك جاوبيني فرحيني
السجن و غرامة مالية
@@lyndadebzواذا تشاجرت جارة مع جارتها في منزلها وعطاها طبيب شرعي اربع ايام ودارولها ضرب وجرح عمدي واش عقوبتها
كم مدة صلاحية شهادة طبيب شرعي؟ تع ضرب كف على طفل صغير اقل 4 سنوات
6اشهر
منورة الدنيا حببتي ياليندتي 👍🌹🌹💐🥰🤩😍😘😘😘❤️❤️
تسلميلي حبيبتي سيمبتي😍😍😍😘😘
انا تهمتني زوجتي بلي ضربتها وجابت سارتفيكا 12يوم واشتكت بيا وزادت حرضت ناس ضربوني وجبت شهادة طبية 5ايام عجز ماذا افعل
طلقتها
@@SamahHamad-wd5dd طلقتها
@@SamahHamad-wd5dd حكمولي ست اشهر حبس نافذ وكسرت الشرع منعرف كفاه فا المجلس لا ينحيوهم ولا نن
@@LaouarMoustafa-p2v ربي يعوضك بزوجه صالحه . .. واحد مضربش طلاق وفرات
هل يوجد مساعدة معلومات رقم الهاتف وشكرا
0676010564
شكرا لكم جميعا والله الموفق للصواب
انا ضربني وانا بالحمل ودرت سرتفيكا ولكن ضاعتلي ودك مرو 3 سنوات على حكاية و درت خلع هل يمكنني رفع دعوى عليه افيديني اختي وبارك الله فيكم
متقدريش لازم شهادة متفوتش 6اشهر
شكرا على كل ما تفدمبه لكن لكي نتتبعك جيدا
اكتبي شكرا
انا صرالي حروق ودرت سرتفيكة وقالي طبيب عجز لمدة 7ايام حبيت نعرف شحال مدة الغرامة
السلطة التقديرية للقاضي
بالتوفيق والنجاح 🌹
كي يطيحو 2عليك فالمحل ويدربوك وتجبد سكين تع عمل دفاع عن نفس ويصورك السيد كيفاه الحل رد عليا
مامعنى الاصول الشرعيين؟؟
انا عندي اسبوع قام اخواتي بضربي ضرب مبرح اخي الكبير بشد شعري وضىب ولاكم في وجهي حتى سلت دماءي ثم اسقاطني في الارض ثم بداء بالركل والسبب انه قالت له أمي اختك تقل الحمل عليها لانا أمي طريحة الفراش مع العلم أنا فتاة وحيدة بين 3 اخواة وفي نفس الوقت اعاني من نوبات الصرع تاتيني اغلبها من التوتر وخاصة منذ مرض أمي لم يعجبه الكلام أخي الكبير هذا السبب الذي جعله يضربني ثم جاء اخي الاخر واخذ يضربني ضرب مبرح مع العلم هذا متعوذ على ضربي منذ وفاة أبي رحمة الله عليه أريد أن اعرف ماهو الحكم بخصوص هاته القاضية لأني رفعت شكوى ضدهم
بالتوفيق ان شاءالله حبيبتي🌹
تسلميلي حبيبتي😍😍😍
@@lyndadebz
السلام عليكم الأخت الأخ تاعي ضرب واحد بدبزة لانف تاعو دارلو كسر راه يقول عطاه الطبيب 20 يوم ماهو حكمه
اختي بعد شكوى نحسب لبوليس هوما ليبعثوني للطبيب شرعي نقدر نروح للطبيب الشرعي بعد عام من الحادثة لانه عندي ضيق في التنفس حاد بسبب اعتداء شخص عني وضغط على صدري
رحتى طيبيب وبعد شكيتي
bitaoufik el daim
انا ضربتني مرة لوسي وخبشتني شكيت بيها وعطاوني 5أيام زعما عطاوني حقي وزيد راني 28يوم ملي درت سيزاريان جاوبوني برك يلا نقدر تحريرها فالشرع
ووش حكمو عليهم
واش حكمولها
انا كيفك وعطاوني 8 ايام واشتكيت من اوت مازال ما عيطولنا
واش حكمولكم اختي
وش حكمولكم الاخت
أنا لدي عنف من الاب والأم دائما يفضلون اختي عني ويضربونني وامي كانت تأخذني ........ لكي تعنفني واصبحت لا احمل العنف هل يمكنني قطع علاقتي معهم بالقانون وشكراااااااااااااااا
نفس شيء انا تاني هكا واش درت انا راني نخمم ندير شهادة طبيبة ونروح نشكي بيهم
نفس شيء انا تاني هكا واش درت انا راني نخمم ندير شهادة طبيبة ونروح نشكي بيهم
سؤال اذا كان الاعتداء من قبل الفروع كم تكون مدة الحكم
ممكن رقمك اخت نستفسر على قضية عندي فيها غموض إن أمكن من فضلك
بالتوفيق والنجاح حبيبتي
بالتوفيق الدائم حبيبتي
اختي الله يخليك انا امي ضربها ابن أخت أبي و من بعد راح جرح روحو و راح شتكا بيها و شرا شهود باه يشهدوا ضدها مع انوا أمي هي لي نضربت و هددها بالموت هي و بابا وراهم هاربين من دارهم على خاطش محبوش يبيعوا معاه الدار قالولوا حقنا منبيعوش حنا شوابن معندنا وين روحوا وقالهم يا تبيعوا يا تنحبسوا يا تموتوا يدوا واصلة و الله غير شرا حتى البوليسي و حتى لي في صبيطار أمي كي عملت السرتافيكا محبوش يعطوهملها قالولها البوليسي يديهم و مبنبعد ملقاوهمش في الملف و معندنا أي إثبات حتى الكاميرا لي كنا دايرينها طفى الكونتور قبل ميبدى يضربها انصحيني الجلسة قربت و ارجوا من كل واحد يقرأ يدعيلنا ربي ينصرنا أمى عندها 68سنة و مريضة و زادهابالضرب عوجلها الأصبع ديالها و زعزعلها البراسيون تع ودنيها و الإثبات مكانش عندنا غي تع طبيب بريفي
اختي عندي قضية كيما تاعك ڨوليلي كيف فاتت ؟
اكتبو ورقة الوكيل الجمهورية واحكيولو بالتفصيل
يضربو ما قدامي و انا نشوف ؟ اقسم بالله يلا كتلته نشاله ربي يكون معاكم
الله ياخد فيه الحق وتتنصرو على هاد الضالم
وش درتو في القصة تع امك
نهار السبت ضربني راجلي وخنقني ودرت شهادة طبية واليوم نروح عند طبيب شرعي ، عندي شامة زرقاء في الرقبة وفي الذراع .من فضلك أستاذة ممكن تنصحيني على حقوقي
بالتوفيق لكبيدة
استاذة أخى ضرب واحد بلموس شهادة طبيبة فيها شهر ودارولو اصرار وترصد شحال يحكمو عليه ولعلم خويا ياكل دول تاع لاعصاب
كيفو انا صراتلي ليوم
في حالة الدفاع عن النفس
تعرضت للتهديد عن طريق الهاتف مباشرة بعد المكالمة جاء شخصين في سيارة جاؤو الى منزلي ومعهم اسلحة بيضاء دافعت عن نفسي ضربتهم بكل قوة اليوم عندي محاكمة وتهمة الضرب الجرح العمدي بإستعمال السلاح ما هو الجزاء القانوني في هكذا حالات
من فضلك اختي زوجها ضربها صفعات للوجه حنة قام بتقطيع طبلة اذنها من الداخل وطبيب شرعي اعطاها شهادة طبية مدتها 16يوم فماذا يك ن الحكم على الزوج في هذه الحالة ارجوك جاوبني
...
بليز جاوبوني في اقرب وقت ابني ضربه المقتصد بتيو للوجه بدون سبب كان داخل للمطعم طرده وشكينا واش هيا عقوبة تاعه
هل كاين طبيب شرعي في المستشفى يعني بالمجان .وين نقدر ندير شهادة طبية
نعم
نعم يوجد طبيب شرعي بالمجان في مستشفى زرالدة
اخي متهم بجنحة الضرب وله 10اشهر ولم يحكم عليه متى يتم الحكم عليه؟وكم يحكم عليه ؟ارجو الرد
لى هذا تمردى علينا الاطفال و المرهقين ولينا منقدروش ندفعوا على روحنا منهم .حتي باش نربهم مقدرناش.
استاذة ربي يحفظك زوج خاوة كبار في لاج 62 سنة تهاوشو واحد من الإخوة دارولو في المخضر مخالفة الضرب و الجرح العمدي عن عجز أقل من 15 يوم هل هنا بروسي ولا سورسي ولا حبس
وش دارولك بعد هذا انا عندي كيما هاك
Slm khti bghit ns9sik hmbk rodi 3liya
سلام أختي ماما كبيرة لوق لخمسين ضربها جارنا كان حيضرب خويا قاسر بسيلاح لأبيض وجاب صحابو وجاب فميلتو باش يتقواو على دارنا ودارنة وحدهم تم ماما جات تسلك خويا طبعاتو باش ميدربوش بسيلاح أبيض ضربها ب3دبزات كسرلها لعضمة لي تشد لوجه وعينها وزاد خبشها وسحبها يديها تخبشو وبابا قاسوه بلموس فكرشو واش هيا لعقوبة ولجيران كامل راهم شهدين ضضو يعرفوه بالي ماشي إنسان مليح
الله يكون في عونكم
شكرا ربي يسطرك 🌹
مسيرة ناجحة ان شاء الله يا قمر🥰❤👏
انا ضربت بنت حمايا هي جات عندي قبشتها من وجها وعيطولي في لابوليس واش زعم الحكم من فضلكم عمرها 22سنة
دك قانون العنف مفهوم لي مش مفهوم هو كيفاه تثبت انه لايوجد تلاعب بقضية العنف ضد المراة من قبل المسؤولين عن القضية مثلا المحامي وكيل الجمهورية الشرطة والمتهم وكيف ولمن تقدم دلائل من دون جهات لي ممكن تتحايل على المواطن مدام مانقدروش نثبته تحايل ومانقدروش نديرو تشهير بهم يعني ماكاش حتى فايدة من هدي القوانين ..درت قضية فيها كل ملفات لازمة ولكن الشرطة رفضته ورجعت في امور اخرى ..مثلا كيفاه نشكي بشرطي ماعاملنيش مليح لما رحت مركز شرطة او مثلا اهانات من طرفهم بسبب قضية العنف الاسري حبو يؤثرو على قراراتي لمصلحتهم الشخصية من دون اي احترافية لعملهم وكانه رحت لعندهم مش للدولة
أنا أيضا حدث معي نفس شئ الشرطة لدينا ذكوريين وجهلة ويقفون ضد المرأة في حالة تعرضها للعنف ويسخرون منها نحن بحاجة إلى نساء يعملون في شرطة يكونو مختصين في مجالات عنف ضد المرأة لدعمها
هل الضرب باليد يحدث جروح او كدمات وما هو حكم القاضي في مخالفه ضرب باليد وجرح عمدي 3 ايام شهاده طبيه مع وجود شهود
وش قالولك على هاذ ؟؟ وش كان الجواب
إذا كان سن القاصر 17 سنة والعجز 06 أيام انعدام سبق الاصرار وانعدام السلاح الأبيض
أريد الجواب من فضلك ما هي المادة التي تنبطق على هذه الحالة
واحد يدير فيدو لطفلة وينشرها بدوم تهديدها تقدر ترفع دعوة قضائية عليه
OUI
بعد اذن حضرتك معالي المستشار المحترم
ازاي اعرف ان المحامي حضر الجلسه ولا لأ
ولو اتضح لي أنه محضرش الجلسه وانا كان صادر لصالحي حكم ع متهمين في جنحة ضرب ٤ شهور ع كل متهم واخدوا براءة
في جلسة المعارضة الاستئنافية
مع أن كل الدلائل كانت بتقول أن الحكم هيتأيد عليهم ومعي تقرير طبي و٣ شهود ومعي دافع من جهة حكومية مختوم بأن المتهمين هجومي عليه واحدثوا ما بي من إصابات
والمحامي
قالي بنفس النص ده (احنا اتحكم لك في التعويض المدني ب ١ جنيه والعبره موش في الجنيه بس يبقى من حقنا تعويض )
ولما عرفت انهم خدوا براءة فبسأله ع التعويض المدني قالي احنا مطالبناش بتعويض مدني
فأنا موش عارف إذا كان حضر الجلسه ولا ده تقصير منه ولا ايه
وهل كده حقي ضاع من المتهمين موش ممكن اعمل نقض في الحكم
ولو كان المحامي قصر مع اني لم اقصر معه في أي طلب
ازاي اخد حقي من المحامي
الله يبارك فيك دلني ع الصح لاني بثق في رأي سيادتك جدا وانت راجل محترم
وجزاك الله خيرا عنا يارب العالمين 🤲
خطيبي ضرب واحد بتورنيفيس حكمو عليه 3سنوات حبس كي كسر شحال ينقصولو من فضلكم 😢😭😭
😂😂😂مزلتي يضربك انت
ختي شحال حكمو عليه من فضلك جوبني
مور محمد شرف الدين العنف بنتي زهرة
انا ضربني جارنا بكف وضربني تاني على يدي وعندي شهادة طبية من عند طبيب الشرعي 4ايام واش يكون الحكم زعم
عندي عجز عشرة ايام ومدارولي والو
@@abdelmalek7295 سمى مكاش قنون
@@abdelmalek7295 شحال حكمو عليه ؟
قريبتي تتعرض للعنف الجسدي. الشديد يوميا من اخيها يتيمة والديها متوفيين.. كبيرة وليست قاصر لكن تتعرض لكل انواع الضرب . يضربها ضرب خطير . في كل مكان في جسدها. يوميا . هي لاتستطيع ان تخبر عنه الشرطة تخاف منه ان يعنفها اكتر لو اشتكت عليه وانا كل مرة تروادني فكرة ان اتصل بشرطة. لكن انا خائفة من ان الشرطة تذكرني ويخبرون من اشتكى .انه شخص خطير.. كيف اساعدها . من فضلك
لازم هي تتخذ موقف و تشتكي به و تعملو محضر عدم تعرض و بهذا لا يستطيع ان يفعل لها شيء
@@lyndadebzأختي رأيت أكثر من فتاة تشتكي على أخوها الذي يضربها لكن للاسف هناك بعض رجال شرطة جهلة وغير مؤدبين بدل أن يقدمون دعم لها يستهزءون بها ويهينوها
نفس مشكلتي تعرضت للضرب من طرف اخي حوالي تسع سنين وكدت ان اموت في تلك الحادثة وزاد قام بدذالك والان اصبح يسبني ويشتمني بكلام عمري ما سمعتو وخصوصا من اربعة سنوات جاءني اكتءاب فعوض ما يوقف معي و والوالدة السب والشتم حتى تجرا الدخول على غرفتي وتصوير غرفتي لانو كنت اعاني من اكتءاب ولا انظفها قالي غيرا فضحتك ونبعتها كامى الناس! كل هاد لاني لم اتزوج يشتمني ويسبني والجيران يسمعون ماذا افعل ارجوكم افيدوني؟
بعد اشتكاءها عليه سيقتاد فورررها لمركز الشرطة
انا روحت لدار نسابنا نهدر مع يمات مرت خويا راحت هي وولادها و راجلها هجموا عليها حكموني من يديا و خرجوني من دارهم يكركرو كيفاش نقدر نشكي عليهم ؟؟؟
سلام عليكم اختي انا عندي شهادة طبية لمدة 15يوم بسبب ضرب وكسر في انف وماهي العقوبات عند المحكمة الجزائرية
5مليون الى 20مليون و الحبس. من سنة الى ٥
جاوبني الله يحفضك دروق اب تاعي ضربني جهة يسرى مانيش قادة نحركها و زيد ضربني بسقلة عندي 21 عام نقدر نشكي بيه و لا كاين كاش قانون يحميني الله يحفضك جاوبني هل لازم دروق نمشي لسبيطار و نعمل ورقة و لا كيفاش ؟؟
حبانعرف زوجي متهم بضرب أبيه وحكمت عليه بي سنة و هو في سجن في خمس أشهر وهل يتم إفراج عنه في 5جويلة بلييييييز تجوبوني😢
مادة 265 جناية الضرب و الجرح العمدي شحال يعطولو ؟
عقوبة شهادة طبية فوق15 يوم حبس من سنة الي سنتين
ولي تدرب علا رسه 11 نقطة خياط وعطوه 14 يوم في شهادة واش ينجم يديرو للمجرم
@@hafidhaj4777 يلا راك عايش في الجزائر حقك راح
انا راسي محلول زوج غرزات عطاتني 8ايام ايام حسبي الله ونعم الوكيل الانها صحبتها طبيب
@@شيخبلحمرابومسلمواذا كانت شهادة طبية اربع ايام وش عقوبتها
واحد عندو سرتفكة شهر مالحكم
تعتبر جنحة لكن الحكم يكون على حسب الظروف التي وقعت فيها الجنحة و الأضرار التي خلفتها ما إذا كانت عاهة مستديمة او مؤقتة و هي في كلتا الحالتين الحكم يكون مابين عامين إلى تلات سنوات و غرامة مالية
@@lyndadebz ماحكم ضرب عجوز بصلاح الابيض من طرف رجل شهادة طبية 12يوم ما حكم ذالك
مفضلك ردي علي اذا كان ضرب قاصر ضرب خفيف واب الطفل يقول قدمه زرقاء وضرب غير بليد واش هي العقوبة
يديرو وساطة فقط مع وكيل الجمهورية و يصالحكم
@@mirabadache4000اختي ربي يحفضك اذا تاجرت مع جارتي باليد و عطاها طبيب شرعي اربع ايام و دارت ضرب وجرح عمدي واش يحكمولي
@@mimimicha6077 مش حاجة قادر يمدلك غرامة وتعويض للضحية لكن الاحسن حاولو تتصالحو
@@mirabadache4000 هوما محابوش الصلح وقال زوجها نمد رشوة باش نربح القضية. شحال تكون مثلا الغرامة. علما اني انا رحتلها لدارها. ردي عليا ربي يفتح عليك راني متوترة
@@mimimicha6077 شوفي هو واحد مايقدر يقولك قداه تقدر تكون لان السلطة التقديرية للقاضي وحدو وشيا مدامها كبيرة و زيد 4 ايام برك رحا تكون عندك غرامة 2 ولا 3 على الاغلب و تعويض للضحية بصح قادر كثر على حسب توصل حتى 20 مليون
بالتوفيق اختي لعزيزة😍😍😍😍😍
ماهي عقوبة الاستاذ الذي يضرب تلميذ فالابتدائية ؟ وكيف نقدم شكوى ؟ وهل فعلا يعاقب
ادا يشكي بيه يتعاقب
من فضلك الضرب في حالة الدفاع عن النفس
سبب من اسباب التخفيف في العقوبة فقط
Good
ربنا يوفقك يا رب ❤️😘
انا يا خاوتي مضلومين خالي فكلي قشي انا مو ماما و طيشنا في شارع ولينا رحنا عند خالي لوخر ايا ليمات لوالة مليح معانا و ممبعد تبدل ولا يتحرش بينا و يضربنا خمج لينا صمعتنا عند ناس برا وزيد فك لكارت نتاع ماما وشاك وا يديلينا في دراهمنا غصبا عنا مع علم ان ماما مطلقة كون نشكي هل قانون راح يجيبلنا حقنا ارجوكم الرد السريع
الله يجيب الخير انت من وين
سرتافيكات قدم نقدر نقدمهم ولا صيي ميصلحوش لعنده علم يقولي عندي جلسة هدو ليامات
حطيتهم تحتاجين لازمني ويعاونك في قضية
إدا كان الجنات من الجران بتحريض من الأصول وليس لي شاهد لعدم مخالطة الجران العجز 07 سنوات لم أخرج من المنزل نتيجة الخوف والدعر مع العلم أنني مريضة مزمنة ولم أراول متابعة الطبيب المعالج لإصابتي بظرر اللحاق بي وشتمي خارج المركز وصحتي الآن في خطر لا أحدا يسأل عني ولا أحد يجيب عن ندائي فهل من حلا
انا زوجي ضربني ضرب مبرح بصح ما شكيتش بيه وعندي تصاور تع ضرب هل نقدر نشكي بيه بي صوة
مطلقتيش يعنف فيك
بالتوفيق يارب ياحبيبتي اختك مرفت
حبيبتي مرفت😘😘
انا ضربتني معلمة حلتلي راسي زوج غروز او عطتني 8ايام فقط حسبي الله ونعم الوكيل الانها صحبتها طبيب عندي أمراض مزمن القلب ورئة
كم عمرك حتى تضربك المعلمة ؟!؟! ولماذا والديك أو الكبار ما دخلوش ؟
حكم سرتفيك ثلاث ايام بعد اعتداء من شخصين
المشاجرةوالضرب والعجز 12
ماهي عقوبة شخص يضرب زوجي واولادي مع اخوه ظرب مبرح تسلط كل عائلته على منزلي محاولة قتلي عقوبة وغرامة كم مدة سجن له ولعائلته استاذ
اب طلق زوجته و يريد اعادة الزواج و هو الان يطالب بناته بالخروج من المنزل هل القانون يحميهم مع العلم فاتو السن القانوني
البنات يسقط عليهم القانون حتى يتزوجو نعم يحميهم اذا خرجتهم تكريلهم
انا ضربني زوجي بصح مدرت حتى سرتفيكا كان يدربني بلا ميديلي سيكاتريس ومن بعد نتصالحو ودرك رفع عليا قضية طلاق وكاتبلي بلي المدعى عليها كان تحاول تعدي عليا بضرب واش رايك حمبوك جاوبيني
تطلقي ابتعدي عليه
ضربني. زوجي. استادة. لاكن. لم. اخذ. حقي.ضربني.على.راسي.وكتفي.وانا.في.العامين.ولايوجد.شيء.لم.اخد.حقي.حكم.عليه.عامين.وفقط.من.فضلك.رديلي.جواب.ربي.يخليك.
السلام عليكم نسقسيك اختي ماهي عقوبة ثلاثة ايام ضرب من شخص عمره 37 ضد طفل عمره 11سنة بدون اي أثر من عند الطبيب الشرعي وشكرا
سلام عليكم هدي وين صرات
سمعت بحكاية غير كيما هكدا
@@Belk.mohamed ياو انت الغالط و السيد لي عندو الحق او انت طيح هدرة عند دارو عندو يماه و اخواتو ز زوجة تاعو تسمع تطياح انت هذي انت كون جيت في بلاصتو تقبلها؟ مالا بلع فمك حبيبي وريح عاقل خطش الغلطة انت لي غلطت نرملمن تروح تطلب سماح
حنا يا اخي طفل عمروا كان 9 سنين ضربوه زوج (2)جيرانا و عليه أثار الضرب و عندوا شهادة طبية من عند.طبيب شرعي و خلي لكلام لي ما يتقالش و خلي و خلي و المشكل وين القانون ف بجاية مش نورمال
في حالة حبس الشكوي المعتدي عليه
انا ضربني خويا و دوخت و رعفت بصح مصرات حتى أثر نقدر نشكي بيه ردي عليا تعيشس
هل الاخت من الاصول الشرعيين اذا كان المعتدي هو الاخ
ماهو سؤالك من فضلك
@@lyndadebz في حالة قيام الاخ بضرب اخته مع وجود شهاد طبيب شرعي تحدد مدة توقف عن العمل سبعة ايام في هاذه الحالة ماهي لعقوبة المحددة
@@kokigzl8417 عقوبة الحبس بطبيعة الحال على حسب الضرر
@@lyndadebz اعلم يكون فيه الحبس ولكن المدة المحددة كم هي؟؟؟؟؟؟؟
ضرر سبع ايام عطل عن العمل
@@kokigzl8417 راه خوك انعلو الشيطان
أختي حبيت نسقسيك أخي ضرب شخص أدى بيه آلى كسور على مستوى اليد وهذا شخص قدم شهادة طبية لمدة 3أشهر مع العلم أن الضحية بعد مدة 15يوم بدأ يمارس مهامه اليومية فما مدة العقوبة
عام سجن وغرامة
@@fatihadahou1969 سلام ماحكم ضرب عجوز 70 سنة من قبل رجل شهادة طبية 12يوم بصلاح الابيض يعني العصا وشكرا
السلام عليكم ورحمه الله وبركاته كيف حالكم أنا هنا أسألكم إذا كان العقوبة لها تأثير في العمل ب شهادات الجامعية أو المدرسية وعلى وضائف مستقبلية و سأل أخر إدا سمحتم فشخص قام بضربي سكين عمدا وقم بشكوى له وما زال لم يأتي المحاكمة إلى يومنا هذا و لكنه استفزني بسلاح الأبيض عدة مرات و في هذا اليوم خرجت عن السيطرة و قد قمت بضربه ضربات مبرحة و هل سيأثر علي في المحكمة رغم إمتلاكي معه قضية واحدة
مور محمد شرف الدين العنف زهرة
ممكن تجاوبيني بسرعة من فضلك شرطي دخل لدار ضرب قاصر عمرو 16السنة بالضرب واستعمل الادات تاع الكهرباء ماهو الحكم ارجو الاجابة