ฝัง
- เผยแพร่เมื่อ 5 ต.ค. 2024
- #MM #試一次 // 煙齡近20年 阿京挑戰禁煙10日能成功嗎？9成人使用意志力戒煙法 尼古丁替代療法可提高成功率50至70%?
根據統計處數據， 2021年有每日吸煙習慣的人，佔全港15歲及以上人口的9.5%，即約58萬人；而在這58萬個煙民之中，MM的主持阿京就是其中一位煙民。年過30，煙齡近20年，並且每日抽約20根支煙，這一集的《試一次》中開展一個10天不吸煙的挑戰，究竟他會否成功，從而戒煙呢？除了實測挑戰，這次也邀請來了香港大學護理學院副教授王文炳博士，詳談吸煙由輕微至嚴重的害處，以及不同戒煙方案的成功率，務求令阿京及其他煙民可以盡早戒煙，換來更健康的體魄和人生。
策劃：林京賢
攝影：黎安敏 許先煜 潘志恆 葉天榮
剪接：黎安敏
#戒煙 #戒煙方法 #戒煙貼 #戒煙過程
#尼古丁 #吸煙 #林京賢 #MM_Phaedrus #MillMILK
--
如果你都想戒煙，可以考慮參加第13屆「戒煙大贏家」比賽，會有專人跟進戒煙情況，提供建議及小工具。只要你參加後3個月或6個月核實成功戒煙，就可以獲得$500現金禮券，仲有機會贏取澳洲、新加坡或泰國旅遊套票，或$5,000元超級市場現金購物禮券！
網上報名：www.quittowin....
網站：www.quittowin.hk/
#戒煙 #香港吸煙與健康委員會 #戒煙大贏家 #quittowin
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 TH-cam APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
SA｜@salyt
/ salyt
京｜@phaedruslam
/ phaedruslam
KAREN｜@karen__yukiu
/ karen__yukiu
MANYI｜@manyishum
/ manyishum
MICHAEL｜@guai__k
/ guai__k
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
![[LIVE] : ONE ลุมพินี 82 วันนี้!! คู่เอก | ยอดไอคิว vs อับดัลลาห์](http://i.ytimg.com/vi/hSsyTl_9bqs/mqdefault.jpg)
聽我媽講，我爸爸同我爺爺曾經都係重度煙民
直到想當年我姐出世，佢哋為咗要小朋友健康而戒菸
當時我爸煙齡過10年，我爺爺過30年
距離現在40年後，我爸都冇再食過
而我爺都係一直維持到過世
呢件事我媽真心以我爸為榮，可以講足一世 😆
雖然好老土，但係我覺得最大的動力，應該都係愛
他们都是非常有责任感的家长😊
我阿爸都係，10幾年煙民話戒就戒到
Zen, 愛嘅力情真係可以好大！！！！
我當年都係為咗下一代戒煙, 我嘅感覺係, 當你真心愛你嘅家人嘅時候, 你好自然就做唔出任何方式或程度傷害佢地嘅事.
咁佢地真係好好
個女5歲時當街同我講，爸爸你好臭......嗰一刻個心死咗，人生第一次想死想揾窿捐。隔咗半年老婆問我係唔係戒咗煙，我自豪答係戒咗煙，嗰一刻個心跳返。
好型🥹 respect
雖然你咁做有益自己同家人健康都會有改善，我係絕對贊成既。但另一個例子我外甥五歲，屋企煮魚香茄子、鹹魚、甚至韮菜都會話臭。所以佢地其實所有濃味既野都會話臭，唔洗咁介懷。
我由13 14歲開始食 到18歲有左小朋友，懷孕期戒左，生完又忍唔住食番，每日食2至4支，到2023年尾突然之間唔想食，第一個星期係最辛苦，成日覺得有啲嘢未做咁樣，個心好囉囉攣好唔舒服，反正就係好想食煙，但係又要忍住唔食，結果喺第一個星期我用飲水去解決，想食煙就飲水，到依加冇再食，屋企人食煙都頂唔順要入房個隻，因為真係明白人哋所講既臭味！ 到依加再有小朋友，同先生一齊戒咗， 為左自己同小朋友健康，真係要努力改變，錢都慳返唔少，開心咗😂
有時入笠，就算冇人都会聞到煙剷D3手煙味，好L臭
@@HaHaYo411凱婷？
阿叔今年50，煙齡30年，前兩年疫情開始成功戒咗煙，到今日都冇食返，介紹幾個方法畀你哋，沖定一支檸檬水，煙癮起就飲多兩啖，戒茶戒咖啡戒酒，唔好去夜場，少見D食煙朋友同事，盡量唔好食重口味嘢食得清淡啲，唔好食香口膠香口膠會煙癮起，買多啲零食朱古力糖，食多啲甜嘢，因為初頭戒煙，無咗尼古丁，個人會成日好唔開心，好空虛，所以食多D甜嘢，令到個人開心D，另外最重要最重要，要搵一樣興趣引開自己注意力，同唔好無聊，其實好多時食煙係因為無聊，個時我選擇自學日文，等自己沉迷，慢慢就對食煙無興趣，兩年過去，煙戒咗，日文成功學識，令到自己自信心提升好多，戒煙真係一D都唔難，真係早D戒，唔好輸俾支煙仔，當唔食煙之後，先發覺，吸啖空氣都係甜，為自己為家人快D戒，信我好過信專家，專家唔食煙又未戒過煙，佢識鬼咩。
勁呀👍
師兄，希望有一天我都能做到。
（我現在輸咗俾煙酒，被操控，內心都幾辛苦）😭
嘩 …… 因為戒煙而成功學識日文，呢個經驗好有趣！！
解煙最難係個心成日諗住支煙， 尤其無聊個陣。 揾到精神寄托就可以減少諗住佢。 樓主兼學埋日文， 更勁！
本人五十幾歲，中學嘅時候己經開始食煙，不過06年已經戒左😬。祝各位戒煙成功
我爺爺嘅煙齡大大話話都有四十幾年
上年我嫲嫲生蛇 好辛苦又好痛
爺爺怕佢自己食煙會影響到嫲嫲休養
決定戒煙 直到今年一支煙都冇食過
愛情嘅力量真係好大啊❤️❤️
關關難過關關過❤️🔥❤️🔥
有咩驅使到你戒煙，係愛定負責？
😅😆
用愛情嘅魔力戒煙！！又係一個方法啵
好sweet 呢！❤️
@@9x9garyfung 係窮丫，74蚊啦小拿聲
@@chunfungyip4902 已戒煙就1年，努力呀師兄
我由15歲一直吸煙，直到去年43歲戒掉，期間看了Allen Carr's 的《Easy Way To Stop Smoking 》，裡面有一個故事令我印象深刻，作者出席女兒婚禮本該很開心，但因為自己煙癮深，心裡只想著「幾時行完禮?快讓我吸口煙」，人生如何被香煙支配。
最後，不能說容易，我在這本書的陪伴下，加尼古丁香口膠(後來改吃普通香口膠)，成功戒了。每當我想再吸，我就告訴自己，「它不是香的，其實是臭的，不是嗎?」
再說，連背痛喘氣的問題也改善了不少。年紀開始大，想好好跟朋友家人吃頓飯，好好愛惜身體。
各位煙民，加油!
只要堅持，無論用甚麼方法，你也一定做得到!
呢本書都有幫過我戒甩一d嚴重心癮 雖然已經過左7年 但我都仍然放左一套喺床頭
真心推薦所有想戒煙（甚至係有其他心癮）既煙民去瞭解
如果有人有興趣 我樂意協助 祝各位重獲自由同埋健康！
@@dreamylai519 這本書真的頗有奇效👍，真心推薦
欣賞!
我也是看了这本书，加上疫情的氛围，二十年的烟龄就这么戒掉了。
《Easy Way To Stop Smoking 》睇睇先, 謝謝分享
我已經超過半年無吸煙，我個秘訣就係完全遠離所有吸煙的朋友，就算出街都要盡量遠離煙民打邊爐的地方，吸煙係一種精神，唔只係物質需要，所以見唔到你就會大大提升成功率
超認同，如果身邊有家人，朋友，同事有人食煙，你無時無刻比人引誘緊！ 所以真係想戒，第一條件係遠離呢d人先！ 如果唔係真係好難戒， 戒幾個月都可以食返！🤣仲要食多過之前！
你煙齡多少？
當年戒煙身邊啲朋友10個9都食，根本避免唔到，只有單純用意志力去低抗
洗乜，唔食就唔食， 唔通等自己成功戒煙先至見朋友咩， 如果你要靠咁樣先至戒到煙？成功戒煙係講緊係一個乜嘢嘅環境底下你都唔食 , 唔會受到誘惑咁樣先至叫做成功。
咁都係㗎，有時候見到啲人喺垃圾桶旁邊食煙都會想整返支
經驗分享，我食左十年，戒左十年，一句說話總括："食煙係一個習慣，而唔食煙都可以係一個習慣"。只要你習慣唔食煙，其實戒煙呢個terms只會令你帶嚟心理壓力，我無迫自己戒煙，social 煙依然會食，但唔會再主動搵煙食，而呢十年基本上同戒左煙無分別，因為我唔會主動去問人攞煙亦唔會買，久而久之就養成唔食煙呢個習慣了。
Fung 多謝你嘅分享呀！你呢個經驗都幾特別！
我而家嘅情況係可食可唔食，我覺得唔好俾“戒”呢個字限死自己，好似我咁，Social 煙一年夾埋都唔知有無食到一包，意義上無錯係無戒到煙，但其實同戒左都差不多效果了。
總之，你可以養成食煙呢個習慣，同樣地亦可以養成唔食煙呢個習慣。
多謝分享，努力嘗试
全對
本人曾經戒煙多次，最後都失败，最長一次有半年多無食煙，以為成功，但感情失意又再食番，目前都無乜動力戒，因為食煙量不多，一日幾支過日辰咁
我煙齡差不多有二十年，戒煙已經超過十年以上。由第一日戒煙開始到今日都未食一口煙。未戒煙前做運動連跑步1k都辛苦，到依家每星期二至三次每次跑8至10k。最重要係我今年已經52歲喇😅
叻！
最難係戒心癮同埋有「放煙break」嗰種生活節奏。個人經驗係用一啲行為去代替煙break呢個習慣，例如食粒糖企埋一邊玩下手機幾分鐘，會覺得好似食左煙咁，久而久之就習慣唔需要煙都可以break。即係用其他gesture去代替食煙但比自己有同一個break，戒左個媒介，之後就可以改埋個行為。
食左煙十年，至今戒左三年，有時壓力都會想有食煙嗰種感覺，通常我會係seven買啲朱古力食下企下發下呆，就會有放左break嘅感覺。
Station Grey,
你「戒咗個媒介」呢個形容得幾好！
我同呀京都幾似，15歲開始食煙，直到35歲，足足20年煙齡，自己都係做媒體行業，經常食煙，每日至少一包煙，由真煙食到電子煙，又食返真煙，20年來戒過無數次煙，最長一次都過唔到三個月。
直到我個仔差唔多兩歲，有一晚點我訓唔著，望住個仔，突然間係度諗，如果因為自己身體有事，睇唔到個仔大個，陪唔到佢成長，會係人生最大既遺憾。突然決定，不如對自己身體好d，戒煙啦。然後我當晚立即狠心掉晒屋企所有同煙有關既野。
呢次戒煙既原因，可能同之前唔同，完全發自內心，只係頭一星期食尼古丁糖，其他乜野代替品都無，期間當然有想食煙，尼古丁脫癮症狀其實主要係心理，但一路同自己講都堅持左咁耐，無理由衰收尾，慢慢唔去諗食煙，連尼古丁糖都無食了。其間睇過一本戒煙書，都算係我當時戒煙既心靈雞湯，確實令我決心大左好多。
由2020年6月開始，直到呢一刻，戒煙已經超過兩年。所以提提大家希望戒煙既朋友，藥物可以幫助戒煙，但一個有力既原因，會係戒煙過程入面既一個重要原素！大家共勉之！
加油師兄！
講得好啱 其實都係心癮問題 身癮其實唔係咩大問題
清楚明白戒煙會令自己獲得幸福而唔係帶黎痛苦 你就會成功
祝福大家
如果個個都好似你咁無私就好啦 , 因為好多人都好自私..
35年煙齢，一手戒煙分享：15/7決定戒煙，開頭十零日可能有食返兩三支，最近十日完全冇食。
瞓覺冇影響，集中力冇影響，開頭幾日條脷成日係個口裏便打圈，慢慢慢慢打圈次數減少。心得就係遠離吸煙朋友，冇得癡就自然冇得食，慢慢就習慣。
P.S 冇靠藥物，幾年前戒咗四個月，之後食返，希望今次斷尾，加油。
加油！
加油！
師兄一定可以成功戒煙，respect 加油
加油
加油
我爸都食咗半世人煙，成功戒煙，不過佢係知道有鼻咽癌才決心戒，最後人無事亦戒到煙。健康真係無價，初時見佢狂食香口膠都幾辛苦，最後靠意志力戒到都好西利。希望京你都成功👍🏼💪🏼
Candy, 多謝你嘅分享！祝大家都身體健康 💪🏼💪🏼
醫到cancer已經好好彩
其實冇失敗架
打從你決心同實行戒煙開始
你事實上真係已經食少左架啦嘛
就算破左戒
都係食少左好多架喇
所以你已經做得好好！
繼續加油！
一係就沒食 咩叫食少左 唔好呃自己
@@kelvinleung7307 食少左咪係食少左
唔識字？
即係你讀書由拎F進步到拎C都係叫唔合格？
@@Onnnnnnnnnnn可以認同進步，但未到合格。我嘅角度係由0分進步到40分，可以拎進步獎，但未到合格目標
戒煙頭48小時最辛苦，之後越來越無感覺。但個集中力會好差。舉個例子，例如諗吓，午餐食咩好，可能要重覆諗四、五次先完成到，原因係你可能幾秒到，你就會發呆，唔知自己做咩，以我經驗可能要兩到三個星期先正常番。如果成日要諗野，好易食番。仲有會有少少抑鬱，要做少少運動對沖。
用戒煙貼我覺得無用，反而會降低個成功率，因為無論從心理到生理都不斷提醒自己食煙，煙癮反而更大更難頂、更易放棄。 (純個人意見)。
過來人，話食少啲係廢冇用的，真係決心一支都唔食先會戒到
Complex Numbers, 聽落你戒煙前嘅煙齡都幾長啵！
@@mm.millmilk 煙齡廿年以上
食咗煙好多年，戒咗煙啱啱一年，分享一下感受同我個人戒煙嘅方法，希望畀想戒煙嘅朋友一啲幫助。有啲囉嗦，其實戒咗半年左右，最大感受就係呼吸非常之舒服，唱歌運動肺活量大咗好多，以前深呼吸會感覺有d緊同辛苦。想戒煙想咗好多次，其實覺得自己隨時可以戒，但係往往食完飯做完嘢就想食一支，同班friend出去玩又食，可以唔食但係靠意志力最多一個禮拜又忍唔住買一包諗住食一支算，結果第日又開始一日一包咁上下，係好難戒，最後諗到一個辦法，就係將買煙嘅錢，比如每個月用1800蚊，雖然唔多，但全部用嚟買曬其他嘢，唔可以買食物消耗品之類，一定要買睇得到，無論衣服鞋包包甚至玩具模型都可以，最好係你平時唔捨得買嗰d，總之亂買嘢甚至淘寶都得但要駛曬佢，但係又唔好超過，因為要記住筆錢，而且心入面諗反正呢筆錢食煙都係用咁多，宜家唔食都係多出嚟，錢就駛曬啦，想食煙就下個月啦，買返嚟啲嘢睇到就好似精神寄託咁，下個月又有1800蚊買下嘢，一路落去，開始係辛苦，試過買一包食一支，跟手狠心丟曬佢，2個月都仲會想食，我會飲多d水，同埋每個月堅持用d錢買額外，甚至可有可無嘅嘢係最好，因為買鍾意嘅唔會令你覺得浪費，到宜家就算出去食飯，去大排檔佢哋個個食我都可以唔食，亦無諗過買嚟食
過來人，煙齡 30 年，前 2 次食戒煙療/糖是戒唔到，我自己用戒煙療個副作用好大，皮氣差咗多好多，重點就係貼住戒煙療去偷食煙＝同時即多一支煙，最後都係戒煙失敗了，去到 2021 年 12 月係自己突然唔想食煙，無用戒煙療/糖就成功戒到，【意志係最最最重要】，煙癮同心癮我用了近 4 個月就戒除，去到今日都無食過一支煙，只係食我爸二手煙，而我爸戒不到了，都 80 幾歲人由得佢，條路點行係佢選的
Dennis一齊努力MM支持你！
我覺得用乜嘢戒煙療法或者係針灸 都係有一個潛在意識 最有效都係自己同自己講唔可以再食煙 我阿爸同另外我一位長者朋友煙齡60年 85至86年之間政府有計劃話加煙稅三倍 我阿爸 同我另外一位長者都係每日三支後來三支都戒埋
食咗12年，戒咗年幾煙。 我嘅方法係
1.要有一個好明確嘅原因點解想戒煙。
2.環境真係好重要。少啲接觸食煙嘅朋友。
3.每次有煙癮就深呼吸冥想。
加油，戒咗煙之後真係有好多好處。精神左健康左氣色都會好好多。
食咗30幾年煙的我於5年前才成功戒掉, 原因是唔想因為食煙而令自己或他人的健康受到影响, 希望阿京成功戒煙 !
我食左煙25年一日兩包黑冰8煙駁煙可以不停! 直至2017年頭痛血壓靜止不過都160就決心戒煙! 一個人走去東華三院報名戒煙! 過程都阿京一樣，反覆又食又戒😌由於跟進義工每日都關心問候有冇偷食煙，最後講大話講到都唔好意思🙈好大決心一支都冇食✌我一塊戒貼都冇用，用跑步去迫使自己戒煙! 最後再愛上長步! 阿京加油，你會慢慢發現d煙原來好臭😎
我食咗都差唔多二十年，我都係第二次先得，我就去博愛醫院用針灸戒煙。
針灸加信念，最後成功戒煙。
。祝阿京成功戒煙。
我呀媽曾經係一個十幾年煙齡既人
因為身體開始出現警號就決心戒煙
佢當時既方法係去一個旅行 唔帶煙去
因為去旅行個時地方同習慣都會改變
返香港就成功了
希望去得返旅行個時大家都可以試下呢個方法
食煙真係得壞處架渣💪🏻💪🏻加油
煙齡30，每天两至三包，無食7年了。分享心得，煙不用戒，不吸便可。不用壓制吸烟的念頭；最重要是（念起莫隨），即是想吸烟時不管它不理它，不管生起多少次吸烟的念頭，總之就是不瞅不睬，不要跟住念頭走，堅持7天，其實已成功不吸烟了。但，念起莫随系座右銘，必須時刻保持清醒。祝大家 平安吉祥 🙏😊
加油啊 阿京！雖然我唔係煙民，但本身自己係讀nursing嘅，知道食煙真係會令人病痛多咗好多，所以見到你咁努力戎煙，真心希望見到你成功，有一個更健康的人生！
我18歲開始吸煙，去到47歲戒煙(一日兩包半)，用意志一次揽掂，已經7年一口煙都沒有吸過！！你都要努力d
勁
佩服你👍🏼
一次斷尾咁勁！
我小四開始食煙，高峰期一日四包煙，食到差唔多三十七歲，第一次戒左兩年，但因工作壓力比左個借口自己食返，之後工作壓力大左六年半左右，現在又再決定戒煙，雖然現在見人食煙時都有個沖動想食，但最後都同自己講，食左就返唔到轉頭，唔好比自己一個借口，話有下次，係無下次的，大大話話這一年都無食過，成績算係唔錯，我乜野戒煙貼、糖、中藥都無用，純粹用意志力去話比自己唔好食，要同你身邊成日比煙你食既人講，你要戒煙，每日都提醒自己無下一次，總之忍得就忍！加油！
加油阿京💪🏻我都成功戒煙！我15歲開始食煙，食咗差不多廿年，2017年開始跑步，2019年1月，有個跑步教練分享過佢戒煙故事，嗰日跑步教練有鼓勵我試吓戒煙，所以先令到我有戒煙嘅想法，其實我都想跑步嗰陣時唔會咁喘氣，所以2019年4月開始戒煙，認真從來無偷食過一啖，開頭半年可能會唔習慣，但真係靠意志，總之我想食煙嘅話就會諗跑步，尤其是放假唔使返工想食煙嘅話就落街跑步🤣做運動真係好有用㗎💪🏻
我2012年都因為跑步，練marathon 戒煙.之後成功咗戒咗6年，又跑咗幾個馬。但可惜，這兩年冇乜跑，生活太悶又食返！無可否認，運動幫好多嘅！
小弟25年煙齢, 中段戒過3次都失敗（戒煙貼、香口膠、針灸）
4年前試IQOS, 食咗2個星期已經食唔返傳統用火點啲煙,
再食多1年IQOS之後, 直接試戒, 頭一個星期係辛苦,
之後就到現在都冇食過, 已經戒咗4年, 現聞到煙味都會頂唔順
頭兩個星期最辛苦，3個月之後就冇嘢！
我自己心法
1:我將包食咗兩支嘅煙， 成包揼咗喺電視機櫃後面， 如果食煙就要執番啲包煙先， 記住屋企有煙唔好去買
2：
重點!每次想食，都諗返自己到底有幾耐未食， 恥笑自己之前嘅夭心夭肺死忍爛忍， 而家食返咪好戇居
， 2日食返=柒左2日，一個星期食返→做左成個星期on9仔......
3: 永遠唔會話自己戒煙成功， 重戒緊煙
十年煙齡，每日一包→戒煙十五年(進行中)
試吓啦，加油
只有自己可以叫自己戒煙
其他乜都都係值口
Dive in Hong Kong, 感謝你分享嘅心法呀！！好具體好詳細！希望其他想戒煙嘅人都見到！
好鍾意你嗰句每日都仲戒緊去提醒自己🥳
我由16歲開始食煙,食左15年,最高峰期1日3包煙,之後平均1日1包半煙,用左半年先戒到煙,半年戒煙時間表:由1日1包半減至1包,之後再減半包,再減5支,再之後1日1-2支煙,維持左1星期,再之後就試下1日唔食,7日唔食,3個月后唔食,問到煙味,覺得臭,就成功戒煙了,我點解會決心戒煙,其一:注要食煙真係對身體唔好,其二: 1包煙竟然有$50係税收,假如你1日1包煙,1年365日,税收係$18250,其三: 我細舅父戒煙,我也想試下戒煙😁
真心，我食左十幾年，自己話戒煙已經無數次，直到黎到澳洲，煙真係太貴，唔係買唔起，只係生活比起煙更重要。你無錢食既時候，就唔會想食😂 同埋我好同意搵野忙去代替食煙！事後戒左一兩星期再食番，結果好似第一次食煙個陣禁..又嘔又頭痛😨 加油啦💪🏻戒煙唔容易，但你哋都一定做到
同你相反。當年係澳洲最平10蚊一包煙。做左1日工出糧即刻去買包煙獎勵自己
仲勁過生酮🤣🤣🤣🤣🤣好片...MM Channel 成日用側線去令大家注意生活上既""壞習慣"...感激用心良苦..謝謝啊, 講真, 睇完你地既片, 例如生酮個集..(真係會實行上易d, 好似有人陪咁, 我唔係全生酮, 是減低cabs food, 已經3天了, 然後飲水, 綠色菜, 小量生果)....
原來阿京有食煙
食煙其實最大係心癮，只要堅持，一定可以戒到煙的。我之前都食左十幾年煙，話戒就戒，收埋所有同煙有關嘅嘢，堅持兩個星期唔食煙，之後會好討厭食煙嘅氣味。加油！堅持！
我都戒左好多年，本身食左十幾年，有次有個好好既醫生見我有食煙就同我講，如果有一日你病左要戒煙，5係就會死，相信你即刻可以5食
當你係死同戒做出抉擇，好多人會義無反顧5洗食支煙
聽完佢講後，😱覺得佢講得好有道理
當日我就無再食煙👍🏻純意志話戒就戒左
Ps 以前1日1-2包煙
我外父從年青做裝修工一直都煙不離手，但近年退休後竟然一支煙都無食過，佢話以前做嘢人食佢又食，退休後收入減少決定唔食，佢做得到真係叻過好多人令我非常佩服！
作為一個過來人，之前試過戒過煙，用戒煙糖都試過都戒唔到，戒買唔戒食又試過，唔帶火機又試過，到最後係因為仔仔出世比我原動力去戒。無用個其他嘢幫手去戒，已經戒左十年。戒煙最大難題係身邊多人食煙，就算唔買都可以食死你，要戒煙第一步就要唔好人比煙你就食，你推得一次又一次朋友都唔會再玩你，你就會開始邁向成功💪
菸齡12年，戒菸失敗過幾次，這次下定決心戒菸！目前戒菸第三天，看完影片鬥志滿滿了！ 每次想抽菸就看別人戒菸的影片，會好一點，會感覺大家都在努力戒菸，自己也不能輸，加油
有偷抽嗎?
有偷抽嗎
最後嗰句「Ah!祝你好運～」真係篤中我笑點🤣🤣🤣
祝你好運好像有點貶義的感覺🙄
運動;例如夜晚或早上係海旁慢跑。開始果陣會覺得唔夠氣, 特別係上斜路。隨著慢慢食少D煙，就發現開始跑得長佐，快佐。一邊戒一邊會見到自己進步。
加油啊, 我今年34, 又係15歲一直食, 食左幾乎20年, 最近呢一兩年一直keep住戒,
最近係keep到兩個月完全一枝都唔食, 不過有時心癮起又會買一包然後食完個一包又戒, 希望戒食既時間可以越黎越長,
近排阿京又煙又酒又保護女同事，男人味出晒嚟😂😂😂
祝你戒煙成功啦
我大概9年煙齡，喺2020嗰時谂住唔食，過咗第10日就基本冇乜食煙嘅衝動，過程覺得都係心癮影響最大，不過喺谂住戒之前，我有梳理好自己嘅思緒先，①我同自己講我本來就係唔食煙嘅，第一次接觸煙嘅感受就係唔舒服，所以唔食先會令自己舒服；②每次煙癮都係上一枝煙累積落嚟，咁會俾佢一直控制我，唔得，應該係我控制佢。所以喺嗰段時間，我煙癮一起我就谂住嗰幾句，提醒自己我唔需要戒煙，因為我本來就係唔食嘅，放低佢我冇任何壓力，係我主動放棄呢樣嘢，所以唔應該覺得好似少咗啲咩或者要戒啲咩，而係我知道我本身就係唔食煙，所以放低先會舒服自在，就係咁，喺嗰大概半個月時間，我癮一起就咬緊牙關谂清楚，再唔係飲杯齋啡頂一頂，過咗10日基本冇乜癮，並且我知道我唔會再食番，係打從心底討厭煙草。
睇完覺得有少少似自己戒糖嗰時，我係超超超鐘意食甜一日可以食勁多甜，意識到身體再咁落去真係唔得就決心要戒。一開始會心煩易躁難集中覺得少左D咩就會去食結果失敗，但反反覆覆努力過一兩個星期就唔會無咁想食直到而家就算全檯甜品廢水我都可以唔食一啖，已經唔係刻意而係習慣。
其實我無完全戒因為我知道無可能同埋唔實際，只係唔會刻意去買／食，但聚會去玩我都會食，各方面都比以前好（個人經驗）
糖都唔容易戒呀真係！！！
我同你一樣 好感動搵到同類人 我係誇張到每個星期至少要食4次蛋糕甜品 所有錢都去左買甜品。。今次真係想戒
@@ninachan3067 我係每日未計零食每餐都要有蛋糕朱古力糖水之類大件嘢，未計必備盒裝嘢飲，有時早餐已經係大蛋糕，而家望返轉頭都好痴線中毒咁
少少建議：一開始係難係燥係憤世嫉俗但堅持一啖都唔好食，過兩個星期咁上下慢慢就無咁想食（情緒都會正常）可以堅持的話就繼續唔好食，過一排就算見到甜都唔會狂食。而家少食甜體能狀態都好左，希望你都成功👍
我真係好鍾意阿京把聲🥰
煙齡14年，煙史內第三次戒煙，13/7開始戒，隔離房老豆仲有食煙
當晚睡前真係忍唔到偷食左兩支，之後訓教訓到醒一支煙都冇掂直到依家
頭1星期會買香口膠食，想食煙就食粒香口膠，完全冇買乜野戒煙X黎用
之後果1星期再冇食香口膠，而係隔日去遊泳跑步
依家一聞到隔離房老豆食，就覺得好難呼吸同要開抽氣機唞氣
第一次睇到戒煙者咁真情嘅自白和當中過程，令我想起已過身13年嘅老豆，佢食咗一世煙，只在人生最後的幾年（醫生話佢知再唔戒就死梗）才肯戒煙。佢話冇煙食，個口會酸，就食糖頂癮。
我食左煙十年，我d同事都係煙進產，不過，我用左三日就戒左煙。果三日係好辛苦嘅，燥，心情飄忽，冇耐性...好似道友咁釣癮流鼻水。當你戒煙時，就要令到自己攰同唔好飲任何提神飲品，淨係飲水，要做好多嘅運動排汗，排出身體嘅毒素。每當想食煙時，一係食好酸或好甜嘅野。我請左三日假去戒煙，因為呢三日要係咁做運動同調整番個人。
重要戒煙TIPS : 將屋企既煙存貨食哂佢後就唔好買令到你想食都冇得食. 如果係屋企冇煙食你都要唔怕煩走落街買煙既證明你未準備好, 咁失敗既機會好高.
我老豆食煙廿幾年，住左醫院成個月，就戒左，佢自己話已經吾想再食添
我1997年開始食，食到今年二月因為中武肺跟住因為食晒屋企所有嘅煙而全家又中晒所以無得落街買所以索性戒埋…. 之前完全未試過戒，第一次試就成功，最辛苦都係頭一個禮拜因為覺得無聊…. 而家非常之滿意自己嘅身體狀態，心肺功能好咗好多，每星期打羽毛球兩個鐘可以完全唔使休息💪🏻
勁呀！
35年煙齡，一話唔食就戒到，其實冇難道，要輔助去戒應該大部份都戒唔到，最緊要係自已心態。
同意, 因為我都係咁。一話戒就戒咗。
加油啊 多謝你鼓起勇氣去戒煙拍呢條片 影響更多人 令身體更健康✊🥹
我阿爸都係超過30年煙齡
我細個有哮喘 一聞到煙味就會係咁咳同透氣唔順
但當時佢身邊全部朋友都係煙民
同埋佢番地盤 一熱一辛苦就會係咁食
最癲時都係聽佢講過1日3-4包
之後到我中學時
佢就忽然話戒煙
初頭我同阿媽都覺得佢唔得 都已經咁多年
同埋我地細個叫佢戒煙
佢成日話 戒左之後死得重快啊
但最後佢就靠食香口膠戒左
我地屋企唔係話好熱情 會成日將d打氣鼓勵講出口嘅屋企
只係每次行經7仔超市時 都會買番同一隻香口膠
比阿爸補充番
就係咁樣大概2個月時間就戒左
現加諗番都覺得佢好勁
我相信我老豆咁大煙齡都得
阿京你都得!
希望下期會分享下戒J嘅心得🙏🏻,因為戒J難過戒煙好多😂😂
戒左幾年 仲打緊
@@drumkit_kit8673ah，祝你好運😂
一刀切（左），自然戒左
戒煙難啲，J嘅嘢年紀大自然打得少，煙就唔係
因為心中有隻瘦布歐
我戒煙第8個月，頭一個月每日一兩盒香口糖同herbs 代替，戒斷尼古丁之後就唔需要呢2樣野，到而家偶然想起但已經冇左癮，一支都冇再食過，同埋重新搵個可取代食煙嘅習慣／喜好。
你都要加油啊💪💪💪
我本身係食煙超過三十年既，之前都係戒煙幾次唔成功，唔夠幾日就食番煙，今年我終於成功戒煙，靠意志同食戒煙香口膠，當你想食煙既時間就啪粒，慢慢就可以搣得甩煙癮，加油
其實已經開始見到你眼袋細左，樣子也開始有番光澤，加油，專家都有提到要慢慢減的，
不是破又食番，不要失望，
而是你已破了好多日，好多個小時無食而光榮！
加油，身體一定會好起來的，給力👍👍
我亦曾經是超20年的煙民，當時每天吸1.5包煙。 在2001年1月7日晚上7時，電視節目是張國榮講述他戎煙，當時他說自己從沒有做過一些對自己好的事情，但最近已戎了煙。
我聽到後對自己說，我亦要對自己好。於是這一刻鐘開始就再沒有再吸煙了，現在是2024年6月。戎煙23了。
我十一歲就開始偷食老豆煙，二十歲要吸四包一日，我冇講錯，係四包一日，我的花名叫煙通，情況一直持續起三十幾歲，感覺不能再繼續下去，於是下定決心介煙，過程十分痛苦，心慌意亂，不能專注，冇胃口，頭髮根被風吹過時產生巨烈痛楚，最後經過三個月的折磨，我成功了。希望我的經驗可以幫助到朋友仔介丟煙引！
阿京，只要有決心，堅定意念，一定可以做到。
我爸爸煙齡30年以上，已成功戒煙十年 ，一開始嘅時候會唔慣，我爸爸用跑步去分散注意力，唔比自己諗食煙，慢慢由偶爾會想食一支，到最後成功咗。
其實我由16歲開始都食咗大約三十年煙，每一日都食一包以上 因為諗通咗食煙對個人根本一啲好處都冇，之後決定去戒，初頭戒都幾辛苦後尾去咗東華三院戒煙中心，用咗唔夠一個月時間就成功戒咗到依家幾年我一支煙都冇食過，如果有決心一定做得到加油！
我都有類似嘅情況，雖然唔係煙癮而係茶癮
以前飲茶都係禮拜日先飲一次，之後變為一至禮拜日都要飲
宜家朝頭早冇飲嘅話嗰日會變得好冇精神，所以試過前一晚整定啲茶，裝落個不銹鋼扁酒樽，聽日係有得飲，但係份量太少，又要洗呢樣又要洗嗰樣，最後都不了了之
最後都係放工返屋企直接攞個茶壺用嘴飲，雖然返到去先有得飲，但係都解到茶癮之餘，要洗嘅淨係得茶壺一樣
食小啲，我好中意阿京把聲，佢做旁白好好聽。
同意！
我抽煙廿多年，介煙N次!今年5月開始到今日為止末衰過，為咗今次成功，嘗試加入大量運動同煙瘾起時用咖啡去替代，以前吾飲嘅而家每日一杯感覺自己恢復返嗅覺!過兩日牛一，今年生日願望就糸成功介煙！希望介煙嘅朋友一齊加油!
第一次係片度見到自己個DM出現🙈🙈
點都好 呀京掂既！
多謝你鼓勵！
我都分享下我既戒煙經驗,
1. 現實戒煙法 無錢食唔飽飯,個時連煙癮都無埋,不過有錢就食返就FAIL左
2. 心理法, 有時做野或者諗野要解決問題都要食煙,但每次食完煙都無解決到問題或者諗到有用既,之後次次點煙同自己講你老母食煙都解決唔到我現實問題,久而久之就慢慢戒
3. 食物轉移法, 因為都知自己用腦或者放鬆個時食煙變左習慣, 所以以上情況個時都食M記或者炸野,之後加第2個方法.
BTW 呢家唔知點減肥 HAHA
身邊有好多人戒煙都唔成功🤣,
有D 話食唔食都得,晒氣! 最後咪一日2包
有D 岩岩食左幾支, 話無咩野WO!!! 最後都變左煙民😝
結論係,唔好食煙!
阿京高難度嘅試一次！ 🚭🚭
希望最終可以成功，對住啲煙癮講聲！
係好大嘅挑戰呀！！
我也是過來人，頭三日只帶6支煙出街，第四日第五日只帶3支出街，多飲水一想食煙就飲水，午餐食完立即散步，晚上早d訓，晚餐一食飽就訓，有時用長距離步行分散注意力，後期用運動分散注意力。成年人無理由輸比一支煙仔。重點個身上沒有煙仔就容易好多。
加油😊支持所有吸煙人士戒煙﹗
我都25年煙齢，當加到$78嘅時候，我就決心戒煙，頭幾日靠自己個身體真係好唔舒服，終於下定決心打去戒煙熱線，由上個禮拜開始貼戒煙貼，貼咗真係冇咁唔舒服，到呢一刻一支煙都冇食過，所以大家如果戒煙的話有唔舒服，就打去戒煙熱線嗰度搵幫手，佢哋一定幫到你，大家加油💪🏻💪🏻💪🏻
我17-8歲開始食煙, 食咗接近20年, 直至4年前倒我太太懷孕就好自然戒咗了, 一路到而家都冇食返. 其實呢20年來我都曾經試過唔少次戒煙, 當中有試過用戒煙糖, 但無一次成功. (我以前都做過紙媒, 當時環境真係少人唔食煙, 係令我更加難戒) 每當我諗到二手煙對孕婦同BB嘅傷害時, 係根本無可能會想拎支煙出嚟點, 或者呢D就係父母對兒女嘅愛吧.
阿京加油!
我煙齡25年
一天約需要兩包（40支）上下
目前戒煙第78天
沒有使用任何藥物
我的方式提供如下
1.常告訴自已 香煙是什麼？我本來就不會抽煙！
2.有煙癮就喝冰水 自人感覺有效
3.超涼口香糖 有煙癮就吸個兩口
前3~4天比較難受 約一個星期後就比較沒煙癮了
其實戒煙難受的不是身體變化 而是那個想抽煙的「心」
也就是那個習慣 飯後？酒後？起床後？等這些習慣！
感覺來了 喝冰水 吃超涼口香糖 也告訴自已 跟本沒抽煙 不需要戒煙癮這類的
感快把心思轉到別的地方
以上我的方式 目前作夢還是會夢到自已偷抽煙 還會自責...還好只是夢....
每日一包 食左三年 戒過一年 再食左十六年 戒左三年到而家 應該唔會再食 我係純意志派
首先你要堅定 點解人地做到 我點會做唔到 無需特别理由 純粹我想 我就應該做到
頭一星期 24x7個腦做任何嘢 都會有超過一半比重有個煙字塞滿個腦 所以個人好煩躁同好難專注 忍到就係機會
一星期後盡量唔好打邊爐 打機 飲酒 釣魚 吹水之類嘅氛圍 過到一個月 你就成功一大半
加油
其實那2飛煙都唔算叫做失敗喎，我反而覺得係進步嚟，你回想返之前你係點樣食煙的？
加油！繼續努力！
京，
靜靜雞話你知，我煙齡超30年，但今天係我第20日戒煙，現在已經沒有那種想攞枝煙出嚟食嘅感覺了。
但利申先：我呢20日內在初初的頭10日都有打咗3至5枝煙嘅煙炮，一定無吸落肺的，所以成功不一定是一步登天嘅。
總之有繼續戒就一定得，加油
你都好勁！！！
我係一個煙齡超過20年嘅人，巔峰時期每日包半煙，其實一直都知食煙對自己對屋企人都冇任何好處，但係又冇動力去戒，覺得唔係好關自己事咁。
年初嘅時候機緣巧合睇左條片，片中介紹戒煙方法，原來戒煙係有口服藥可以食嘅，而且食完係完全唔會想食煙嘅，所以我就好似發現新大陸咁打去東華三院預約見醫生。
早一個星期我收到東華三院跟進電話，先發現原來自己已經戒左煙有半年。真係好開心，估唔到俾支煙仔控制咗自己20年終於可以擺脫佢，呢種先係真正自由嘅感覺，唔駛每隔幾個鐘就要保充尼古丁。
希望想戒煙嘅人可以多利用政府或者公共機構嘅戒煙服務，戒煙貼唔得就同醫生講要食藥，總有一種方法適合你，加油！
真心介紹Allen Carr既輕鬆戒煙法 其實明白左之後戒煙唔係咩難事
我自己都係靠佢戒甩左d嚴重心癮
上網下載又好 淘寶又好 要搵本書唔難 想戒煙既人真心推薦去瞭解下
或者聯絡我都樂意幫手 祝大家成功戒煙
30年移民，2016戒煙，用咗1個月成功戒煙，無用任何工具，靠嘅係意志，戒煙嘅契機係覺得食煙好嘥時間，祝你成功。其實中間食一支半支，唔好當係失敗，咁你會好氣餒，我會視為應酬煙，無咁大罪疚感，戒煙係一件開心事😎
我过去也抽了好多年的烟，而且烟瘾也非常大，每天都要抽两包烟。我是因为信了耶稣后，在某一天突然不能闻到烟味了，感觉烟味奇臭无比就像地毯被烧焦的味道，从那以后我就开始抗拒闻到烟味了，所以我很感恩我的信仰帮助了我。
我食左十幾年，平均一日一包，有次無聊見東華送戒煙貼，貼左一星期，全程用左兩星期就戒左，依家戒左2年多。最難係第一日全日唔食果日，忍到就會成功！都係睇你意志
我都食左差不多15年，小朋友出世前我決心一次成功戒左。但當然唔係clear cut 既，我第一步係只係返工同同事一齊先會食，出街返屋企堅決唔食，慢慢覺得食煙好臭，最後連返工都冇食。
加油呀
經驗分享
先戒買，再戒食
食左十幾年 戒左10年
最後係決心將屋企所有 係所有煙同火機有關野全部掉晒
最後買返一排尼古丁口膠，一次過放曬入口，嘔咗兩次，之後半年都對煙味反感，
之後一戒就戒咗五年，係冇法五年後飲酒會食下social煙， 戒買
手法有點激進但你可以一試
有本書叫做“這本書能讓你戒煙”,值得一睇，不過我睇完都係戒唔到！🤣🤣
🤣
你講咗最後一句即刻冇晒說服力
🤣🤣🤣🤣🤣🤣🤣🤣🤣🤣🤣🤣🤣
Btw, 我睇緊“點解學校無教過情緒科”
極力推介👍👍👍👍👍👍
@@stephencheung5422 多謝推薦，我又睇吓先！
睇完仲食多左😂😂
試吓呢本呀 “1000萬人都說有效的輕鬆戒菸法”，我都食咗差唔多20年 睇咗呢本書之後戒咗😌 我仲介紹咗比幾個friend 佢哋都一齊戒埋 🙌🏻 好有成就感😂😂
好想幫你針灸戒煙！！ 加油呀京！用貼唔得唔緊要
最緊要你踏出左嘗試嘅一步
好多病人都係第二三次過嚟針灸 或者再轉其他方法先成功戒到㗎！
多啲搵朋友或者專業協助
去到後期我好多時候都係用輔導去幫佢哋戒埋剩低嗰一支❤️🔥
請問邊度可以做針灸？
@@jaikuen3657 博愛中醫有提供免費戒煙！
煙齡22年，每日一至兩包，戒左一年，頭個幾兩個星期最辛苦，不過到最後知道一切都係心癮，買煙會搵藉口，所以試下搵藉口俾自己唔去買煙，忍得住唔買，無得食，慢慢就戒到，而家一年唔食，我覺得未叫戒甩，久唔久都會有想食嘅衝動同諗法，但身體總算健康左，之前瞓覺一定會半夜喉嚨痕，狂咳，長期有痰，仲有呑咽困難，呼吸心口會癮癮作痛，而家夜無再咳，痰少左，希望其他不適都可以慢慢減弱，我無咩特別方法，純粹就係唔買煙就無得食，分享俾有心想戒煙嘅朋友啦。
阿京加油，繼續努力戒煙！戒煙真係好重要，要keep住身體健康。
我爸爸食煙都應該食左40年，平時成日叫佢戒煙，佢都唔理。
上個月佢突然入院，發現大動脈撕裂，最終手術都未開始做就走左🥹
醫生話導致大動脈撕裂的原因，其中之一就係食煙🚬
雖然年齡都有關係，但佢都只係62歲，都唔係好老
今年仲未過生日，又未退休、享福
依架我先20歲，咁快就冇左最親嘅親人🥺
所以為左健康著想，真係要繼續努力戒煙呀
唔好到時真係因為食煙，而危害到自己身體😢
到時你身邊嘅人就會好傷心 加油🫂
我都係10幾歲開始食煙 差唔多10年 肺炎期間介左
其實介煙 單靠意志想一次介到 係難到仆街
我介煙都係一步步黎
我自己本身食8 到食5 再食1
然後一日食大半包 到限死每日最多10支 然後最多5支 2支
等身體既尼古丁每日都少啲
自自然然我就介左
我都食咗十幾年煙 而家戒咗六年 而家聞到煙味就憎
初初戒煙係辛苦 最難戒係心癮 但唔好比藉口自己再點返著枝煙
大壓力咪停一停去洗面飲水食零食 總有方法代替煲煙
今日才看到這個故事，雖然唔知阿京最後是否成功，不過好似專家咁講，失敗嘅話，再嘗試，不斷嘗試，唔放棄，一定會有成功嘅一日，做人、處世都係一樣，年輕人，你得嘅，加油呀！
3:14 😂😂😂😂 個鏡頭
要改變一個習慣
就要搵另一個”習慣”取代佢
但係過程極度困難
不過唔代表無可能
只要唔放棄搵
總有一日會搵到
一齊加油！！！💪💪💪
等於重度咖啡因濫用者一樣（試過700ml開水咁飲）… 有時好難搵另一樣代替品… 工作累，煩，諗唔到野就想嚟一杯…. 雖然明知要改生活習慣作息… 不過香港人…..
分享一個自己嘅經驗就係將煙仔換煙斗（起碼由過肺到唔過肺）。玩煙斗又有情調啲，但一黎買草煩，二黎學抽斗煩，成日要支支整整先可以開始食，慢慢就都唔想搞，成功戒煙🥲
加油！唔好拍完片就放棄呀！繼續戒直到成功
我17歲開始食煙, 後來只吸 M 紅包或重味的煙( 淡煙冇興趣) , 試過 ( 集體戒煙）乜都試過,… 全失敗 ,点知有一日,我覺得吸煙好臭 ( 冇上帝及乜七神仙幫助) 突然間唔想食, 一直到而家 已經3O幾年 ,冇野幫我,只係唔想食煙 ,唔知点解 ！！
可能你身邊有珍惜你嘅親人或朋友希望你身體健康，私底下向 神祈禱幫助你戒甩煙癮都唔定。你唔信唔等於 神唔存在，更唔等於 神唔愛你呢。
想當年我煙齡廿幾年，試過三次戒煙都唔成功，最後一次成功，全靠一個秘訣，就係你需要一個長假期，隨時可以瞓覺，每當煙癮發作時，身理反應覺得好眼瞓，就去瞓覺，過咗一星期左右就控制到煙癮。成功👏
12歲開始到而家食咗15年煙 18歲開始就每日一包 一直都有諗過戒煙 只係停留咗喺諗嘅階段 睇到你呢條片我自己都喺度諗 點解要等到底喺度等啲咩 不如就由今日開始戒煙 多謝阿京 milk milk 一齊戒煙 一齊努力 加油
連戒煙都可以有廣告，勁！🤣
加油呀阿京！
我23年煙齡.戒煙一年6個月.沒有用任何戒煙產品.戒煙時身體好辛苦.小睡會有輕微抽搐.味覺會減弱.頭暈.焦慮緊張.便秘.晚睡會不停夢中食煙.持續半年後.好多都沒晒症狀.但經常心癮會感到想食煙.一年後到現在就會明顯減弱很多.但都時不時想食返.但不會強烈.真心戒煙係要遠離食煙的朋友
我覺得刻意咁諗點戒煙你嘅身心理可能反抗會更犀利，如果停左兩至三星期，你會開始覺得d煙味好臭，記住呢種感覺， 一有心癮就回憶呢個感覺，我就係咁成功左，就算同朋友釣魚3-5個煙鏟係身邊食足一日都冇破戒。
（8年煙齡，成功戒煙2年）
屌！戒煙真係用意志力 ! 我十六歲開始食煙食到46歲話戒就戒 !! 完全真係用自己嘅意志力💪💪💪💪