• ជីវិតមានតម្លៃ ដោយ អាស្រ័យគុណធម៌

- Dhamma Home 👏🏻
━━━━✥◈✥━━━━
៙. ខ្ញុំមើលចំណុចល្អរបស់អ្នកដទៃ ព្រោះខ្ញុំខ្លួនឯង ក៏មិនមែនជាមនុស្សល្អសម្បូរបែប រវល់ទៅត្រួតត្រាពិនិត្យការភ្លាំងភ្លាត់អ្វី នៃអ្នកដទៃនោះឡើយ ។
• សត្វលោកសុទ្ធតែជា អ្នករងគ្រោះ ព្រោះដោយបរមត្ថ គ្មានអ្នកណាធ្វើ អកុសលមូល ឱ្យខ្លួនឯងទេ, តែគួរ អបអរសាទរ នឹងសេចក្ដីល្អដែលបានជាទីពឹងសម្រាប់ឆ្លងអន្លង់នៃវដ្ដសង្សាររៀងៗ ខ្លួន ។
• បើយើងកំណត់បានថា គ្រប់គ្នាជា អ្នករងគ្រោះ ដូច្នេះការស្អប់គ្នា រមែងមិនមានឡើយ ។ ព្រោះ បើដកលោភៈទោសៈ មោហៈ ចេញហើយ គឺជាព្រះអរហន្ត ហ្នឹងឯង.៕៚
៙. ជាការពិតណាស់ ដែលមនុស្សយើងចូលចិត្តចង់បានរបស់ដែលខ្លួនឯងគ្មាន ដោយគិតថា នុ៎ះគឺជាសេចក្ដីសុខ, រហូតដល់ភ្លេចថា សេចក្ដីសុខពិតប្រាកដនោះ គឺនៅត្រង់ការពេញចិត្តនឹង របស់ដែលខ្លួនឯងមាន ឯណេះទេតើ.៕៚
៙. រស់នៅម្នាក់ឯង មិនមែនគ្មានតម្លៃនោះទេ, តែដែលគ្មានតម្លៃនៃការរស់នៅ, ព្រោះ ការចិញ្ចឹមជីវិតដោយការបៀតបៀនខ្លួនឯង និង អ្នកដទៃ ។
• ជីវិតមានតម្លៃ ដោយ អាស្រ័យគុណធម៌.៕៚