萬千星輝頒獎典禮|煒哥閃盡紅地毯 車家齊心同入場 Hera山聰定欣成最佳
ฝัง
- เผยแพร่เมื่อ 10 ก.ย. 2024
- 萬千星輝頒獎典禮|煒哥閃盡紅地毯 車家齊心同入場 Hera山聰定欣成最佳
一班藝人悉心打扮現身《萬千星輝頒獎典禮2022》紅地毯,實行未攞獎之前各出奇謀率先鬥一番, 最後就由 陳山聰 陳曉華 同 胡定欣 得到最佳衣著藝人獎,而由頭閃到落腳再加低胸又中空嘅視后熱門人選 陳煒 就可以話閃盡全場喇,煒哥就話繼續由合作廿多年嘅好友為自己打造戰衣,希望以氣勢先勝一丈最佳服裝獎咁話。
而啱啱傷腳嘅 「車總」 林敏聰有傳臨場缺席,不過最後就同「車太」 江美儀 仲有芊芊蔓蔓兩位千金一齊現身,而Rosita同江美儀仲非常性感,阿驄仲話幾痛都要到場支持食咗「視后丸」嘅老婆喎。
陳豪 同 胡定欣 一齊壓軸現身,定欣嘅貼身短裙黑絲仲低調性感,喺旁邊先會發現幾咁Sexy呀。 女配角候選人之一 姚子羚 同啱啱宣佈訂婚嘅 馬國明 一齊入場,馬明仲話婚禮一切交晒由靚湯全權負責,仲話要向全TVB公認最佳老公陳豪學嘢呀。
喺《金宵大廈》系列合作無間嘅 陳山聰 同 李施嬅 呢晚再次合體,山聰以全白西裝同特別返港出席嘅施嬅一齊受訪,仲預先夾過打扮呀。而全場最性感嘅可能係 JW王灝兒嘅紅色大露背長裙喇,佢仲話咁性感打扮心情好緊張,不過最後決定照喺大日子著上陣。
佢哋嘅《痞子》拍檔 周嘉洛 同 陳瀅 就以襯絕一黑一白現身,打扮有少少宮廷風黃翠如 就同千年拍檔 洪永城 一齊出現喇。雖然天氣有少少凍,不過無阻 劉穎鏇 以一身大馬設計師設計嘅手造裙低胸又曬長腿喇。
喺《美麗戰場》各有唔同故事嘅 陳曉華 劉佩玥 仲有 蔣家旻 呢日打扮亦一樣有唔同韻味,Hera仲為貼身打扮要忍口減肥,至於「反骨琪」Angel亦低胸大騷本錢,阿Moon亦由設計師朋友為佢度身設計一襲高貴白裙。
趙希洛 同三太 樊亦敏 以近似顏色一齊出現,呢兩位《愛.回家》同事,仲話事前做足準備先現身呀。入圍最受歡迎電視女角色嘅 龔嘉欣 嘅淺綠色薄紗裙隱約見到一雙美腿,佢就話今年想以比較特別嘅顏色出場,仲認為更加顯白呀。
白西裝打扮出現嘅 賴慰玲 原來當中著住性感肚兜,可惜大家只能夠憑空想像喇。男士方面多數以西裝打扮出現,而青春活潑但係獨缺Gigi炎明熹嘅After Class就齊齊以校服風出現喇。至於Chantel同Gigi先後稱有外地留學打算,呢日佢哋對外傳會解散就直接打破傳聞喇。
《港女野人》呢日就非常野性,打扮各有性感美態,但係有苦自己知,因為呢日風大又低溫令佢哋邊行邊震呀。《聲夢》成員 文凱婷 同兩位男士一齊現身,佢仲為咗增高而著咗超高踭鞋登場。至於《聲夢2》嘅三位女將,仲有其他成員都一樣花盡心思打扮呀。
#萬千星輝頒獎典禮 #紅地毯 #最佳衣著藝人獎 #陳山聰 #陳曉華 #胡定欣
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0 - บันเทิง