ไม่สามารถเล่นวิดีโอนี้
ขออภัยในความไม่สะดวก
ฝัง
- เผยแพร่เมื่อ 16 เม.ย. 2018
- 粵詞西曲(諧趣)8首
一心想玉人00:06
行快啲啦喂02:44
扮靚仔04:55
一身蟻06:15
飛哥跌落坑渠08:14
蝦妹共你10:19
有酒今朝醉11:58
加價熱潮14:36
一心想玉人 上官流雲 填詞:劉大道
原曲: "I Saw Her Standing There"
佢成日對我鬼咁親 講真就冇句真
睇佢咁斯文 真係想到我失魂
談情共說愛認真風韻，
噢 我一心想玉人
呢 佢個名叫阿珍
我愛佢珍珠都冇咁真
睇佢咁銷魂 著條鴛鴦繡花裙，
郎情共妾意 心心相印
噢 我一心想玉人
呢 學唱相思引 大跳周身䟴
夢裡都高聲嗌 叫句阿珍 唔...
相親愛 不變心 托亞三姑去說親
佢話呢趟弊 亞珍已經嫁咗人
情人實已嫁 心都灰哂
噢 一於走去轉個運
噢 一於走去轉個運
噢 一於走去轉個運
行快啲啦 上官流雲 填詞: 劉大道
原曲:Can't Buy Me Love 作曲:Paul McCartney
行快啲啦，喂，啦喂，行快啲啦喂，
我招呼嗰個丁老八，佢就夠肥夠邋遢，
一身鮮癩一撻撻，佢學啲狂人披頭髮，
一身污糟，不怕失禮，把口鬼咁滑。
睇真嗰對腳似鴨，佢條腰肥褲又窄，
踎響街邊揾嘢擦，佢唔食燒鵝食燒鴨，
切啲又燒，斬隻豬腳，蝦碌點芥辣。
行快啲啦，喂，一於走去揾嘢擦，
行快啲啦，喂，大注夾，啦，
死啦一對燒乳鴿，佢話最平四蚊八，
擦咗呢餐揾拖拍，佢就連咀都唔抹，
幾蚊身家，一晚輸晒，皆因中發白。
行快啲啦喂，啦喂，行快啲啦喂，喂。
扮靚仔 鄭君綿 填詞：胡文森
原曲: I love you baby
扮靚仔，犘囉街舊鞋唔係曳，美國製，
領呔摩登花式真美麗，扮靚仔，
西裝逗泥唔係貴，咪當曳，人人話佢名貴。
起勢充硬闊少咬批，大疊老西，
鬼子佬屐夠威，查實鞋爛無底，
來頭贈閉最架勢，闊手段，我學齊，
實情我最逗泥。
扮靚仔，絲巾預防流鼻涕，摺到細，
灑啲香水清香兼巍麗，扮靚仔，
恤衫雜牌唔係貴，熨到靚，人人話佢名貴。
起勢充硬闊少靚仔，大疊老西，
皆因為女仔，錢剩埋亦要洗，
由人話我石罅米，你有你話，無問題，
為情最無問題。
一身蟻 (1961) 鄭君綿,鄭碧影 作詞:胡文森
原曲:Day-O
男唱：唉唷唉唷 週身郁躝得一身都蟻
女唱：唉唷唉唷 週身郁躝得一身都蟻
男唱：拮得猶如用利錐拮入格肋底 拮一拮拮得郁身郁勢
女唱：拮得痕痕癢癢真犀利似錐仔 拮幾拮拮得西身西勢
男唱：西吓西吓 西幾西西甩呢一身蟻
女唱：郁吓郁吓 心急急急得擺手擺勢
男唱：蟻咬暗暗抵咯 詐詐諦諦
女唱：喂 猛跳震跌啲蟻 詐詐諦諦
男唱：皆因搖頭揼地衫抆爛 褲都甩 架丟清 今晚認真倒米
唉唷唉唷 西不甩 點西都一身蟻
女唱：唉唷唉唷 西不甩點西都一身蟻
合唱：當作跳舞姿勢 詐詐諦諦 我當跳舞新法 夠曬架勢
個個讚我好野 你咪當曳 失禮 失禮
飛哥跌落坑渠 鄭君綿 李寶瑩 鄧寄塵
原曲:Three Coins In The Fountain 作詞:胡文森
鄭:飛哥跌落坑渠，飛女睇見流淚，
李: (接唱)似醬鴨臭腥攻鼻，飛女夾硬扶住佢，
鄧: (接唱)飛哥跌落坑渠，飛女心痛流淚，
李: (接唱)臭夾壓個的滋味，飛女索著唔順氣，
鄭: (接唱)索嘢索著阿蒙尼，
鄧: (接唱)跳舞好似只彭蜞，
李: (接唱)應該跌落坑渠，百厭終歸會跌跛，
鄭: (接唱)猛咁跳盞卟崩鼻，
鄧: (接唱)一跤撻直唔順氣，
合: (接唱)蠄蚷氣，難下氣，難下氣，
鄭: (接唱)索嘢索著阿蒙尼，
鄧: (接唱)跳舞好似只彭蜞，
李: (接唱)應該跌落坑渠，百厭終歸會跌跛，
鄭: (接唱)猛咁跳盞卟崩鼻，
鄧: (接唱)一跤撻直唔順氣，
合: (接唱)蠄蚷氣，難下氣，難下氣
蝦妹共你 許冠英 作詞:許冠傑,黎彼得
原曲: More than I can say
蝦妹共你 我開親口會夾條脷
實在一睇到你就冚身爽死 我發燒手震又腳痺
蝦妹共你 手拖手確係和味
落夜街雞粥炸麵認真慳皮 我最興幫襯趙發記
* 人係冇十全十美 針都冇話頭頭利
我又冇猛雞兼豆皮 弊呀弊在我冇骨氣
蝦妹望你 咪整色水猛學人哋
就係咁意等我哋做對知己 冇乜必要亂霎氣
* 啦...啦... (重唱 *) 就係咁意等我哋做對知己 我最多喺處罰下企
有酒今朝醉 許冠傑 原曲: Oh Susanna 作詞:許冠傑/黎彼得
童年就八歲 多歡趣 見到狗仔起勢追
爺爺話我最興嗲幾句 買包花生卜卜脆
跳吓飛機 街邊玩吓水
爺爺重教我講呢一句 有酒應該今朝醉
(爺爺重教我講呢一句 有酒應該今朝醉)
行年十八歲 懶風趣 有名高級徒置區
求其係派對仆倒去 見到o交嗚都請佢
咪個謙虛 幾大充有水
連隨問吓佢幾多歲 有酒應該今朝醉
(連隨問吓佢幾多歲 有酒應該今朝醉)
行年廿八歲 金翡翠 鬢影衣香拖靚女
同埋趙阿翠 雙雙對 結果卒之娶咗佢
以為歲晚煎堆 點知雀聲跟咗老許
無謂問過去 盞心碎 有酒應該今朝醉
(無謂問過去 盞心碎 有酒應該今朝醉)
行年六十八歲 腰骨都脆 阿o既風濕中氣衰
人哋窒兩句 濕濕碎 我都o骨聲吞咗佢
嘆吓雙蒸 打牌抽吓水
回頭望過去 始終個句 有酒應該今朝醉
(回頭望過去 始終個句 有酒應該今朝醉)
加價熱潮 許冠傑 作詞:許冠傑/黎彼得
原曲:Rock Around the Clock
你怕！我怕！個個怕！
煙加！酒加！屋租加！
巴士加！的士加！多士芝士乜都加！
加！加！加！加！加！
糖又加！鹽又加！成日咁加任佢話！
其實無他！你住人屋宇下，
佢梗收買路錢挪兩渣，
買佢怕！買佢怕！要加就加！總之慣啦！
牛油又加！蠔油又加！
燃油又話每「卡」七個六，
其實無他，佢石油多到極，
可惜真金白銀貶晒值，
冇法啦！冇法啦！佢加就加！都由佢啦！
紅荳沙！茶葉渣！全部要加慘到極，
陀累全家，靠份糧點夠食，
卒之搾到鼓油都冇滴，
夠啦卦！夠啦卦！咪枕住加，喂！好啦卦！
時時話加！年年話加！
無盡咁加趕到絕，
求助哪吒，我望能生對翼，
即刻飛上月球再搵過食，
就冇有怕！冇有怕！佢加就加！拜拜啦！
(加加加……) (我怕怕 我怕怕怕……)
人人話加！頻頻話加！
成日咁加任佢話，
其實無他，我做人多說話，
係啲加價熱潮風氣下，
八下卦！八下卦！發起爛渣，谷鬼氣嘛！
