ទោះបីផ្ទៃដីតូចនៅក្រោយផ្ទះ អ្នកស្រី កែវ គឹមសាន ព្យាយាមដាំបន្លែធម្មជាតិដោយមិនបារម្ភពីទីផ្សារ

សៀមរាប៖ អ្នកស្រី កែវ គឹមសាន ដាំសាឡាតតាមបែបធម្មជាតិនៅក្រោយផ្ទះក្នុងទំហំផ្ទៃដីតូចល្មម ដោយមិនបារម្ភពីបញ្ហាខ្វះទីផ្សារដូចកសិករដទៃឡើយ។ កសិករវ័យ៥៥ឆ្នាំរូបនេះ ជឿជាក់យ៉ាងដូច្នេះ ដោយសារបន្លែសាឡាតធម្មជាតិដែលអ្នកស្រីដាំលើរាននេះ ត្រូវបានម៉ូយមកទិញដល់ផ្ទះរាល់ថ្ងៃ បើទោះជា តម្លៃទីផ្សារទាបក៏ដោយ ថ្លៃក៏ដោយ អ្នកស្រីនៅតែលក់អស់។ កសិករ គឹមសាន បានប្រាប់ឲ្យដឹងថា សាឡាតរបស់អ្នកស្រីក្នុងមួយរងអាចលក់បាន២០ម៉ឺនរៀល។
នៅក្នុងទីធ្លាផ្ទះរបស់អ្នកស្រី កែវ គឹមសាន ដែលស្ថិតនៅក្នុងឃុំកៀនសង្កែ ស្រុកសូទ្រនិគម ខេត្តសៀមរាប មានដាំបន្លែជាច្រើនដូចជា សាឡាត, ស្លឹកខ្ទឹម, ជី និងបន្លែផ្សេងៗ។ កសិករដែលដាំបន្លែសាឡាតលើរានរូបនេះ បានប្រាប់ឲ្យដឹងថា តម្លៃសាឡាត ឡើងចុះតាមរដូវកាល។ បើទោះបី មានការប្រែប្រួលតម្លៃក៏ដោយ ក៏អ្នកស្រីនៅតែប្រកបរបរនេះដដែល ជាពិសេស សាឡាតរបស់អ្នកស្រីលក់ឲ្យម៉ូយមិនគ្រប់ផង។
ក្នុងមួយខែកសិករ កែវ គឹមសាន អាចរកចំណូលបានជាង១លានរៀល ពីបន្លែដែលដាំនៅក្នុងទីធ្លាផ្ទះ។ បន្លែសាឡាតរបស់អ្នកស្រី ថែទាំដោយដាក់ជីកំប៉ុស និងលាមកសត្វផ្សេងៗ ដើម្បីបង្កើនគុណភាពបន្លែ។
#Agricultural
#Farmer
#Cambodia
#Vegetable
#Natural_Food
--------------------------------------------------------------------
ThmeyThmey News Social Media:
thmeythmey.com/
/ thmeythmey
/ thmeythmeyvideonews
/ thmeythmeynews
/ thmeythmey

[@kantikulshreshtha2040]

Beautiful shearing ❤❤❤❤🎉🎉🎉🎉

[@amataktv]

ពិតជាល្អ

[@nitaheng4406]

ឆា