Lazos de Amor Mariano - Konsagrashon - Nos Tata - Kor Magali Juliana - Corpus Christi - 1 yüni 2024

Kor Magali Juliana ta kanta Kantika di Ofrenda “Nos ta ofresé” , tambe “Hosanah” i “Nos Tata” (Orashon di Nos Senor), durante Selebrashon di Santa Eukaristia ku Konsagrashon na Hesus pa medio di Mama Maria, riba Fiesta di Corpus Christi.
Debotonan na Mama Maria ku ta pertenesé na Grupo di Orashon “Lasonan di Amor Mariano” (Lazos de Amor Mariano): Ta kuminzá ku Exposishon di Santisimo - Rev. Oscar Cuellar Renteria ta kanta “Tantum Ergo”.
E Grupo Lazos de Amor Mariano (LAM) ku ta den diferente pais a bin ku misionero for di Colombia bishitá nos isla. Nan ta yuda konsagrá hende na Hesus pa medio di Maria ku e método di San Luis Maria Grignion de Montfort.
Awe 1 di yüni, riba Solemnidat di Corpus Christi, durante Santa Eukaristia presidi pa Rev. Oscar Cuellar Renteria tur esnan ku ta deseá i a risibi preparashon, a wòrdu konsagrá na Hesus pa medio di La Birgen Maria, i tur esnan ku a konsagrá kaba por a renobá nan konsagrashon na Hesus pa medio di Mama Maria.
Parokia La Birgen del Carmen, Groot Kwartier, Kòrsòu - 1 yüni 2024