Рождество Пресвятой Богородицы | Проповедь прот. Владимира и иер. Димитрия

Седмица 13-я по Пятидесятнице. Суббота перед Воздвижением. Глас 3.

Поста нет.
Рождество Пресвятой Владычицы нашей Богородицы и Приснодевы Марии.
Прпп. Иоанна (1957) и Георгия (1962), исповедников (Груз.).
Иконы Софии, Премудрости Божией (Киевской). Чтимых икон Рождества Богородицы: Сямской (1524), Глинской (XVI), Лукиановской (XVI), Исааковской (1659). Икон Божией Матери: Курской-Коренной "Знамение" (1295), Почаевской (1559), Домницкой (1696), Холмской и Леснинской (1696).
Евангельские Чтения
Утр. - Лк., 4 зач., I, 39-49, 56. Лит. - Флп., 240 зач., II, 5-11. Лк., 54 зач., X, 38-42; XI, 27-28.
Молитвы
Тропарь Божией Матери пред иконой Ее Знамение
глас 4
Яко необоримую стену и источник чудес/ стяжавше Тя раби Твои,/ Богородице пречистая,/ сопротивных ополчения низлагаем./ Темже молим Тя:/ мир граду Твоему даруй/ и душам нашим велию милость.
Кондак Божией Матери пред иконой Ее Знамение
глас 4
Честнаго образа Твоего знамение празднующе людие Твои, Богородительнице, имже дивную победу на сопротивныя граду Твоему даровала еси. Темже Тебе верою взываем: радуйся, Дево, христиан похвало.
Тропарь Божией Матери пред иконой Ее Почаевской
глас 5
Пред святою Твоею иконою, Владычице,/ молящиися исцелений сподобляются,/ веры истинныя познание приемлют/ и агарянская нашествия отражают./ Темже и нам, к Тебе припадающим,/ грехов оставление испроси,/ помыслы благочестия сердца наша просвети/ и к Сыну Твоему молитву вознеси// о спасении душ наших.
Ин тропарь Божией Матери пред иконой Ее Почаевской
глас 4
К Богородице прилежно ныне притецем грешнии и смиреннии, и припадем к дивному образу Ея, иже на горе Почаевстей: к немуже умильно взирающе и молящеся Царице Владычице из глубины душевныя вопием: О Пречудная Дево, Мати Господа Вышняго, от лет древних избравшая обитель Почаевскую в место селения Своего! Землю отечественную нашу в православии и мире утверди, и спаси всех предстоящих и молящихся Тебе умиленною душею и сокрушенным сердцем, пред Пречистым Твоим образом со слезами. Не отврати рабы Твоя тщи: Тя бо едину Надежду имами.
Кондак Божией Матери пред иконой Ее Почаевской
глас 1
Источник исцелений и веры Православныя утверждение/ Почаевская Твоя икона, Богородице, явися,/ темже и нас, к ней притекающих,/ от бед и искушений свободи,/ лавру Твою невредиму сохрани,/ Православие во окрест стоящих странах утверди/ и грехи разреши молитвенник Твоих:// елика бо хощеши, можеши.
Тропарь Божией Матери пред иконой Ее Глинской
глас 4
Днесь благовернии людие, осеняемии святым Богоматери образом, во умилении глаголем: Владычице, помози рабом Твоим в напастех, скорбех и болезнех, обременены бо грехми многими, и избави ны от всякаго зла, молящи Сына Твоего, Христа Бога нашего, спасти души наша.
Кондак Божией Матери пред иконой Ее Глинской
глас 8
Аще и многажды икона Твоя, Богородице, уносима бысть с места явления, обаче чудесне в пустыню возвращашеся, отонудуже всем верным подает благо потребное.