Istentales - Boboreddu

Boboreddu.
Testo: Gigi Sanna - Musica: Daniele Barbato
Arrangiamento: Marino Maillard.
Video Riprese Editing: Peppino Canneddu
Es naschiu già grassotteddu
chimbe kilos at pesau
muttiu l'ana Boboreddu
su pitzinnu fortunau.
Li killiavan su laccheddu
pro drommire su manzanu
unu pede de porcheddu
rosicavat manu manu.
Curre curre Boboreddu
curre curre a irromasare
petza 'e anzone kin porcheddu
non de poder mandihare.
A pitzinnu de tre annos
mandhicavat già s'anzone
a sa sola e kene affannos
karchi prattu 'e maccarrones.
A ses annos andat 'a iscola
e non b'intrat in su bancu
ke lu ponene a sa sola
ka non b'istat unu a fiancu.
Curre curre Boboreddu
curre curre a irromasare
petza 'e anzone kin porcheddu
non de poder mandihare.
Non timiat s'annada mala
ne su frittu o su caente
s'ozzu ki jukiat a pala
li fit de ricostituente.
Deo so grassu in custu mundu
ca appo semper mandhiau
mi preferjo bellu e tundu
ke romasu e fadikau.
Curre curre Boboreddu
curre curre a irromasare
petza 'e anzone kin porcheddu
non de poder mandihare.