لا تتركيني - منير البقمي

لاتتركيني
كلمات : محمد الجنيبي
الحان : منير البقمي
توزيع : تون لايف
تصميم : مهدي الراجحي
الكلمات:
يارب عونك لعبدك يالعلي القدير
منهك وعفوك ومدك مال حده مدا
جنبني شرور خلقك يالعليم البصير
وان تاهت النفس ترشدها طريق الهدا
ماعاد تغريني الدنيا وعمري قصير
واول طموحي غدا واخر طموحي غدا
ابحث لقلبٍ ملاه الحزن فرحة عصير
ولضلوعي المسنيه لو كان قطرة ندا
واطيح واسترجع عزومي واحث المسير
واقوم .. واقول ياكبوة جوادي .. فدا
اي والله اعيش غربة فالزمان الاخير
سجين وادور المخرج ولا لي جدا
سجين ذكرى الزمان اللي لياليه خير
وقلوب ناسٍ على الرفقه مافيها صدا
اللي فقدته وانا مازال عمري صغير
واللي فقدته وانا هلحين شيبي بدا
فيني من الشوق مايكسر سنام البعير
ولاني بمرهي على صبرٍ طواه المدا
احاول اهرب من الواقع هروب الضرير
اللي ماهو منقذه حتى لو انه عدا
خفو علّي العتب ياميتين الضمير
من يفقد الوعي مايقدر يجيب الندا
ياراحة البال لايفرح علينا البشير
قنعت في ذمتي ذمة مامعك امعدا
لاتتركيني ترى والله ماني بخير
مري ولو مرةً فاليوم لين اهدا
اللي شويره حديث النفس ماله شوير
النفس ماهيب دايم شورها في قدا