ขนาดวิดีโอ: 1280 X 720853 X 480640 X 360
แสดงแผงควบคุมโปรแกรมเล่น
เล่นอัตโนมัติ
เล่นใหม่
潤餅𩛩jūn-piánn-kauh、皮𩚨𩚨phuê khiū-khiū、菜脆脆tshài tshè-tshè、味甜甜uī tinn-tinn、潤餅皮jūn-piánn-phuê、塗豆麩thôo-tāu-hu、滸苔粉hóo-thî-hún、nóo-lih、滸苔hóo-thî、草仔粿tsháu-á-kué、艾粄hiānn-pán、紅龜粿âng-ku-kué、紅粄âng-pán、粿葉仔kué-hio̍h-á、月桃葉gue̍h-thô-hio̍h、弓蕉葉king-tsio-hio̍h。食物，是咱台灣人的記持內面真重要的部分。每一个重要的節日，攏會有伊代表性的食物，予逐家看著這項食物，就知影節日欲來矣，欲倚矣。若按呢，代表清明的食物是啥物咧？今仔日的台語聽有無，咱就來和逐家做伙探討。若講著清明，上蓋有代表性的食物，當然就是潤餅𩛩囉！清明是按怎愛食潤餅𩛩咧？其實，這是因為台灣的清明有敆寡寒食節留落來的風俗。寒食節袂當食燒的，所以免動著鼎的潤餅𩛩，正正就適合這个節日。另外，清明時食潤餅，其實也有實際上的原因喔！觀眾朋友恁共想看覓，清明逐家去培墓，外口彼日頭是猛甲欲著火，去遐就閣硩墓紙、燒金，舞甲全身軀全塗沙，汗流sám滴，人閣pik-tshik，轉來若閣食燒飯、啉燒湯，你敢食會落去？這時，食一𩛩冰冰涼涼，皮𩚨𩚨、菜脆脆、滋味閣甜甜的潤餅，敢毋是上適合咧？所以潤餅就按呢一直成做清明上有代表性的食物。潤餅的做法是佇潤餅頂面，先囥兩葉仔脆脆的青菜，青菜頂面格糝寡塗豆麩和滸苔粉通欶水，增加潤餅𩛩的氣味，最後才閣共各種攢好的料夾起去、捲起來、尾溜共拗入來，按呢就是一𩛩真好食的潤餅𩛩囉！滸苔粉就是華語講的『海苔粉』，華語的『海苔』，台語有分做nóo-lih和滸苔兩種；若欲簡單分，會當直接拈來食，一片一片的，抑是提來包佇壽司，也就是華語講的『海苔壽司』，外面彼塊大大塊的就叫做nóo-lih，啊若糝佇潤餅𩛩抑是一般的餅啦，四秀仔頂面粉粉的，彼就是滸苔。潤餅𩛩的料和肉粽相，各地攏無仝款，所以隨人有隨人懷念的氣味。另外一種清明真有代表性的食物，就是草仔粿，草仔粿也有人講是鼠麴草粿；客家有一種真親像的食物喔，叫做艾粄。草仔粿和艾粄的外形和做法攏真親像，敢若是草仔粿較捷摻鼠麴草，艾粄是囥艾草。草仔粿和艾粄大部份攏是做鹹的，包菜脯米，也就是菜脯絲、焦的香菇、紅蔥頭、豆乾、蝦卑遮的料。草仔粿也是冷冷仔食，外皮𩚨𩚨甜甜，閣有鼠麴草抑是艾草的芳味。餡炒甲鹹鹹、芳芳。清明培墓煞，身軀洗洗咧，咬一喙仔，彼味甜甜、鹹鹹、𩚨𩚨、脆脆的滋味，啊！真正有夠讚啦！若講草仔粿是做鹹的，按呢紅龜粿都大部份是做甜的囉。紅龜粿客家共叫做紅粄，伊的外形小可鴨卵形，色紅紅，粿的頂面會用粿模去頓彼个龜甲的形，下面會舒粿葉仔，也就是華語講的『黃槿』，月桃葉抑是弓蕉葉。清明若拜紅龜，通常是拜舊墓，若是新墓一般袂用紅龜，會用青色抑是白色的龜粿來拜，這也是清明真有代表性的食物。講到遮，觀眾朋友敢有發現，台灣人是真知影按怎食的民族，干焦清明的食物就有遮爾濟講究。
To-siā!!
請問pik-chik是啥物意思? 我無法度揣佇網路
@@diface7389 教育部網路字典有喔! "迫促": 迫切、急迫。例：這件代誌較迫促，愛先處理。
很棒，清楚又親切
好棒的節目，好題材❤
真正有夠讚 !!
感謝支持！ ^_^
讚讚讚
月桃的台語我我有聽過人家是說"硬桃"，是兩種都能說嗎?
潤餅是潤餅，春卷是春卷，春卷是炸的。
潤餅餃好像可以。
學了很多臺語 但聽了很累 感覺老師是費了九牛二虎之力講臺語
To-siā a-sìn lāu-su
潤餅𩛩jūn-piánn-kauh、皮𩚨𩚨phuê khiū-khiū、菜脆脆tshài tshè-tshè、味甜甜uī tinn-tinn、潤餅皮jūn-piánn-phuê、塗豆麩thôo-tāu-hu、滸苔粉hóo-thî-hún、nóo-lih、滸苔hóo-thî、草仔粿tsháu-á-kué、艾粄hiānn-pán、紅龜粿âng-ku-kué、紅粄âng-pán、粿葉仔kué-hio̍h-á、月桃葉gue̍h-thô-hio̍h、弓蕉葉king-tsio-hio̍h。
食物，是咱台灣人的記持內面真重要的部分。每一个重要的節日，攏會有伊代表性的食物，予逐家看著這項食物，就知影節日欲來矣，欲倚矣。若按呢，代表清明的食物是啥物咧？今仔日的台語聽有無，咱就來和逐家做伙探討。
若講著清明，上蓋有代表性的食物，當然就是潤餅𩛩囉！清明是按怎愛食潤餅𩛩咧？其實，這是因為台灣的清明有敆寡寒食節留落來的風俗。寒食節袂當食燒的，所以免動著鼎的潤餅𩛩，正正就適合這个節日。
另外，清明時食潤餅，其實也有實際上的原因喔！觀眾朋友恁共想看覓，清明逐家去培墓，外口彼日頭是猛甲欲著火，去遐就閣硩墓紙、燒金，舞甲全身軀全塗沙，汗流sám滴，人閣pik-tshik，轉來若閣食燒飯、啉燒湯，你敢食會落去？這時，食一𩛩冰冰涼涼，皮𩚨𩚨、菜脆脆、滋味閣甜甜的潤餅，敢毋是上適合咧？所以潤餅就按呢一直成做清明上有代表性的食物。
潤餅的做法是佇潤餅頂面，先囥兩葉仔脆脆的青菜，青菜頂面格糝寡塗豆麩和滸苔粉通欶水，增加潤餅𩛩的氣味，最後才閣共各種攢好的料夾起去、捲起來、尾溜共拗入來，按呢就是一𩛩真好食的潤餅𩛩囉！
滸苔粉就是華語講的『海苔粉』，華語的『海苔』，台語有分做nóo-lih和滸苔兩種；若欲簡單分，會當直接拈來食，一片一片的，抑是提來包佇壽司，也就是華語講的『海苔壽司』，外面彼塊大大塊的就叫做nóo-lih，啊若糝佇潤餅𩛩抑是一般的餅啦，四秀仔頂面粉粉的，彼就是滸苔。潤餅𩛩的料和肉粽相，各地攏無仝款，所以隨人有隨人懷念的氣味。
另外一種清明真有代表性的食物，就是草仔粿，草仔粿也有人講是鼠麴草粿；客家有一種真親像的食物喔，叫做艾粄。草仔粿和艾粄的外形和做法攏真親像，敢若是草仔粿較捷摻鼠麴草，艾粄是囥艾草。
草仔粿和艾粄大部份攏是做鹹的，包菜脯米，也就是菜脯絲、焦的香菇、紅蔥頭、豆乾、蝦卑遮的料。草仔粿也是冷冷仔食，外皮𩚨𩚨甜甜，閣有鼠麴草抑是艾草的芳味。餡炒甲
鹹鹹、芳芳。清明培墓煞，身軀洗洗咧，咬一喙仔，彼味甜甜、鹹鹹、𩚨𩚨、脆脆的滋味，啊！真正有夠讚啦！
若講草仔粿是做鹹的，按呢紅龜粿都大部份是做甜的囉。紅龜粿客家共叫做紅粄，伊的外形小可鴨卵形，色紅紅，粿的頂面會用粿模去頓彼个龜甲的形，下面會舒粿葉仔，也就是華語講的『黃槿』，月桃葉抑是弓蕉葉。
清明若拜紅龜，通常是拜舊墓，若是新墓一般袂用紅龜，會用青色抑是白色的龜粿來拜，這也是清明真有代表性的食物。講到遮，觀眾朋友敢有發現，台灣人是真知影按怎食的民族，干焦清明的食物就有遮爾濟講究。
To-siā!!
請問pik-chik是啥物意思? 我無法度揣佇網路
@@diface7389 教育部網路字典有喔! "迫促": 迫切、急迫。例：這件代誌較迫促，愛先處理。
很棒，清楚又親切
好棒的節目，好題材❤
真正有夠讚 !!
感謝支持！ ^_^
讚讚讚
月桃的台語我我有聽過人家是說"硬桃"，是兩種都能說嗎?
潤餅是潤餅，春卷是春卷，春卷是炸的。
潤餅餃好像可以。
學了很多臺語 但聽了很累 感覺老師是費了九牛二虎之力講臺語
To-siā a-sìn lāu-su