ارد على ملاحظاتك يا بوسعود .. اولا السعر ،، السعر مؤخرا ارتفع سعره بمبالغة ولا قبل محد كان يرغب فيه ،، لكن بالمقابل تبي جيب ٦ سلندر عملي و قوي بهذا السعر شنو تشتري؟ مافيه خيارات! ثانيا تحكم السكان ،، اتفق معاك وانا عندي سوبر سفاري باب واحد ٢٠١٩ و سوبر سفاري طويل ٢٠٢١ واعاني من نفس المشكلة. ثالثا العزل ،، للعلم الفتك تغير العزل فيه من ٢٠١٠ وطالع ،، سوبر سفاري ٢٠٠٩ ونازل جدا ممتاز العزل فيه رابعا الشاشة ،، كثير ناس وانا اولهم ما نستخدم الشاشة الا للمسجل فقط !! لا نافغيشن ولا غيره ،، التلفون يكفي 😅 خامسا الانارة ،، الانارة ممتازة فيه ولو انها هيلوجين مقارنة بالسوبر القديم زينون ،، ايضا زينون ٢٠٠٩ انارته سيئه!! سادسا سكان رود ،، والله ومن تجربة ان سكان الرود افضل من كينغ او تف دوق ،، وعن تجربة هذا الكلام سابعا المكيف ،، بحكم اني من البحرين و جونا دايما رطب ف اشوف المكيف جيد جدا (المكيف الامامي بدون الخلفي) ثامنا الار بي ام ،، القير التماتيك جدا مريح في الخط وداخل المدينة ،، القير العادي ايضا معقول بس شرط لا يطوف الار بي ام ٣٨٠٠ عشان ما يفتح الكام الثاني ويزيد الصرف تاسعا التانكي الاحتياطي ،، من تضغط على الدقمة راح تلاحظ ليت بالدقمه نفسها وراح تلاحظ يعبي شوي شوي عاشرا حاملات الاكواب ،، اتفق معاك والله ١٠٠٪ هههههههه الحين اعطيك الحلول حق المشاكل او العيوب هذي ،، بسم الله: اولا السعر ،، اشتر الموتر برمضان عشان تستفيد من العروض واذا بغيت مستخدم اشتر بالصيف يكون سعره نازل ثانيا الليت بتحكم السكان ،، فيه محلات معتمدة تركب الليت البرتقالي اللي يركب عند دقمة الفتحة وايضا يركبون ليتات عند الدوسات الداخلية وايضا تركب الليتات على ازرار تحكم السكان ثالثا العزل ،، ايضا فيه محلات معتمدة تركب لك عوازل حرارية وعوازل صوتية رابعا الشاشة ،، فيه شاشات تركب بمكان التخزين العلوي ،، بحيث تكون فرارة المسجل بمكان الشاشة ،، ويلغى مكان التخزين العلوي او مكان الشحن اللاسلكي و تركب الشاشة خامسا الانارة ،، الحل ب ٨٠ دينار بحريني فقط ،، ليد يركب على فيشة الوكالة و الانارة (ك لون) بالضبط نفس زينون سوبر سفاري ٢٠٠٩ ،، و قوة و توزيع الانارة لا تسولف بعد!! سادسا سكان رود ،، فيه شركات مثل فوكس وتف دوق وكينغ حلوا المشكلة لكن انا عن تجربتي الشخصية افضل الوكالة وفيه اللي يمدح وفيه اللي يذم سابعا المكيف ،، انا اشوفه مناسب لكن فيه ناس تعدل على المراوح وتركب كهرب (لا انصح ابدا) وفيه ناس تبدل الكمبرسرس للمكيف وتركب كمبرسر لمكينة ٤٥٠٠ او كمبرسر باص نيسان!! ثامنا الار بي ام ،، للتماتيك جدا ممتاز لكن للقير العادي عندك حلين يا تركب ترس خامس استرالي او تركب ترس خامس ٤٥٠٠ وبالحالتين راح يفرق معاك لكن بتواجه مشاكل بالمستقبل ،، القير راح يون عندك وغالبا بيلكش بخامس تاسعا التانكي ،، وضحتها بان فيه ليت بالدقمة نفسهغ من تضغطها راح تعرف انك شغلت التانكي الاحتياطي عاشرا حاملات الاكواب ،، لا تعليق 😂 بالنهاية كلمة اوجها للفتك ،، نحبه نحبه نحبه!
مشكور على المقطع يبن عمي. طبعا انا مع السيارات سادي 🤣. السوبر سفاري هي السيارة الوحيده اللي تحملتني. الحاجة الثانية السفاري هو رقم واحد في الرملة والمناطق الصحراوية. بالنسبة لي تصلح سيارة اساسية. صرفية البنزين للتعبية الواحدة تمشي ٦٥٠ إلى ٧٠٠ كيلو وهذا رقم حلو بغض النظر عن كم قيمة التعبية للتانكي. مؤشر التانكي غير دقيق لأن النص يساوي الربع او اقل من الربع . السيارة سبحان الله تنحب وتنعشق كأنها آدمي، ما ادري هي المشكلة عندي انا او اللي مقتنين السيارة مثلي 🤣 يعني طول الوقت اناظرها واصورها واهتم فيها واحط فيها اضافات وهي مصدر سعادة من ناحية السفر والتمشية والتطعيس. مميزات السيارة تغطي على عيوبها. واللي يسوق السيارة اول مره محتمل يكرهها بسبب ثقلها ولكن مع الوقت تتعود على ثقلها ويطلع لك عضلات 💪 ومع الوقت ممكن ما تتقبل تسوق سيارة غيرها . بالتوفيق للجميع واسأل الله يبارك لكم فيما أعطاكم
الفتك الموديل الحالي له في الخدمة (٢٥) سنه ! وما زال يُباع !؟ اعتقد الناس تحبه لوجود الدفرنسين وقوة وصلابة ومرونة الهيكل والشاسيه بعد العمر الطويل والتعديل والتزويد والله أعلم
الله يعطيك العافية. وافي ماقصرت. بس بغيت اقول ان فيه شغلات اكثر ممكن تعتبر عيوب حسب وتختلف حسب الشخص. يعني ضيق السيارة مقارنة بالتيوتا مثلاً، اللي بيستخدمها عائلية مافيها اماكن تثبيت كراسي الاطفال، مافيه تبريد وتدفئة في الكراسي على سعره. بالمقابل السيارة تصميمها قديم شوي ويعتبر بسيط وهذا يعتبر ميزة للاستخدام الاوف رود واعطال اقل وصلابة ومتانة واداء ممتاز في البر وخصوصاً في الرمال الناعمة. احب اضيف شغلة بخصوص تانكي البترول الاحتياط، الباترول نظامه يعبي من الاحتياط للتانكي الرئيسي فيبين لك الاحتياط ينزل والر ئيسي يزيد
اتفق معك ١٠٠٪ الجيل القديم من نيسان كان اريح بالخط ولاكن نيسان رجعت التروس الحاشره لانها حاطه في حسابها انك تقدر تقلص وراك حموله و تسافر عادي ف لو حط سادس بيموت العزم والقير كل شوي يرد نمر ثم ان القير ذا تصميمه واحد و له خط انتاج دفعو عليه مليارات ف لو بغو يجددو الخط علشان يصنعو قير جديد يحتاجو مليارات من تصميم و تجديد و تجارب ف هم ريحو راسهم و عطوك القير القديم العملي
@@نايف-ع3ن7ك المواتر الامريكية هم ملوك السحب واقوى من الفتك بالسحب والتحميل وتجيك 10 و 8 نمر.. ف هذا مو عذر الفتك السوبر سفاري موتر توقف تطويره من فتره عشان كذا باقي ينزل ب 5 نمر
@@IF9 الامريكي معروف ماحد جاب طاريه قلت لك الفتك لو خلو الترس الخامس مريح الموتر صعب يقلص اوزان وهو مرتاح ايضا ذكرت لك ان نيسان انشاءت خط الانتاج في ٩٧ تقريبا و بدت تنزل الباترول y61 من ٩٨ والى يومك هذا ترى نفس القطع الاساسيه ودام الناس عاجبها ليش يطور و يدفع مليارات الناس تاخذ ولا فارق معها حتى شاص تيوتا و الربع نفس الحال الناس يبونها بمواصفاتها بنفس المكينه والقير ف المصنع مابيقول لا بالعكس توفر عليه تعديل و تطوير و تكاليف 🤣
السلام عليكم ورحمه الله و بركاته قواك الله خوش فيديو استمتعت فيه لاني فخور بسيارتي اللي شاريها من 99 البابطين و للحين عندي و اسافر عليها ماشاء الله تبارك الرحمن موتر جامد صراحه اللي عندي ضفت له بعض الامور مثل تبديل المسجل الاصلي لانه قديم مافيه لا يو اس بي ولا فتحه ايه يو اكس يعني يا رادو او شريط ههه ركبت شاشه معاها كاميرا خلفيه و ايضا لبست الكشنات لانه مثل ما ذكرت الجلد حار بالصيف هذا تبديل داخل المقصوره اما امور الماكينه فهي 4500 ستوك مع تقدمها بالعمر و الاحساس بالحر بالصيف و المكيف ما يلحق قمت بازاله المروحه الاصليه الكلتش و تركيب مراوح كهربائيه بالاضافه الى تكبير حجم الراديتور والحمدلله ضبطت الامور و ما عاد يحتر حتى بالاشاره الجراره ثابته ماشاءالله تقريبا هذه الامور الاساسيه رغم اني اقدر اغير و اعدل و اضيف لكن ما ودي العب فيها مكيفه و موفيه و اسافر عليها خطوط سياره ثقه تبارك الرحمن سواء بالشارع او بالبر صحيح السعر كثير للموديلات الحديثه رغم عدم تطويرها الا ان الشركه قاصده و مستهدفه شرايح معينه و لها محبين خصوصا بالخليج عندنا سوقه قوي اتمنى فقط يعدلون على بعض الامور مثل اضافه الامور الاساسيه مع المحافظه على البساطه مثل تعديل على صرف البنزن و مكان الشاشه و الاضائه الداخليه و عزل الصوت يعني شغلات تواكب العصر و التقدم الزمني لمنه الان كثير ماركات طلعت فيها خيارات و مميزات تنافس الباترول باسعار ارخص بكثير بالنهايه الناس اذواق و كل شخص له اسلوب و طريقه في الاستخدام انا شخصيا افضل السياره هذه عن السيارات الحديثه اللي كها كمبيوترات و مميزات لدرجه تخليك انك تفقد فيها السعور بمتعه بالقياده بالضبط مثل اجهزه السمارت فون زاد ذكاءها و المستخدم اصبح اكثر غباءا للاعتماديه العمياء و السموحه على الاطاله بارك الله فيك والله يحفظ الجميع
توني مطلع 2022 من الوكاله قير عادي، القير جدا خشن وتقشيته ثقيله، بس هذا ممكن يخف مع الوقت بحكم ان الموتر يديد. اللي صدمني ان السكان او الدركسون حيل ثقيل. ممكن يكون عيب مصنعي راح اوديه اشيك عليه. بس اللي ما توقته ويفرق حيل عن الموديلات القديمه ان المكيف ثللج وتبريده جدا قوي
@@saifal5olanii447 بس شلون بتطيح الكفاله. أنا وديته والوكاله سوو عليه فحص جدا بسيط وقالو ما فيه شي. مستحيل لان فرق كبير بينه وبين اي سفاري 2022 حتى أول واحد ساقه من الوكاله قال ثقيل.
اذا مايصلح لك خله عنك يصلح لغيرك. انت كثير سوالف ماعندك شي تصوره ) لو العيوب هذي موجوده ماكان كل الناس تشتريه وسعره ارتفع بالنسبه للمكيف افضل من التويوتا وهذا كلام اهل تويوتا وكلام الجمهور
شوف الفتك احلى مافيه انه محتفظ بقوه بديه يعني المداقر والكبوت للحين حديد قوي عكس الباقي بس تتراكى عليه ينطعج البدي المكيف حلو اما عن التانكي الاضافي بنفس الدقمه فيها نور اذا شغال النور يعني التانكي الاضافي شغال واحلى مافيه بالبر نظام التعليق مرن وخفيف لاكن تبي عزل وكشخة لاتدور فيه هو حق واحد يبي موتر بر بحر مايهمه التكنولوجيا والراحة والعزل والموديل من 2002. الى 2004 افضلهم من ناحيه الوسع والطبلون عمس الجديد الطبلون يتقشر من الشمس وللعلم يبيله واحد يصونه مايهمل لانه اذا فتح حلقه جننك ويبيله واحد فاهم في كهربته اما من ناحية السعر حده بالكثير الفل 13000 وواجد عليه وبخصوص الرجفه اذكر قالوا من التواير الي كانوا عليه دانلوب وغيروا الى بريدجستون او المعاوني او الركب ممكن تحتاج شد براغيها شوي مو كثير موضوعه يطول بس بالبر يطرب وناعم
تانكي الفتك ياحبيبي اذا حولت التانكي الصغير الى الكبير طريقه خروج البانزين نفس الحنفيه يصب البانزين الصغير على بالكبير وتقدر تفتح غطاء تانكي البانزين الكبير وتشوف بعينك انه التانكي الصغير يحول البانزين للتانكي الكبير وضوح العين وتطلع علامه صوب الدقمه
@@mohammedeqab7042 التماتيك اوفر لان الموتر يبدل نمر بسرعه يبدل على ٢٠٠٠ وبسرعه بينما العادي امن تكون بزحمه ممكن تشد على الاول الين ٣٥٠٠ اربي ام علشان ما تشد اول و ثاني وحتى لمن تعدي اشاره غالبا تشد على الموتر و تبدل ببطئ وذا يصرف 😂
الله يعطيك العافيه ! والله كلامك صح بس بنسبه لي عيبه بس السعر حيل رفعو من سعره + انه في مواصفات انشالت عن القديم كان عندي ٢٠٠٦ و شكلي راح اخذ واحد جديد
شخصيا جالس هالفترة أفكر اخذ السيارة لكن للأسف السعر عالي وبعد الفيديو بديت أتوجه من الموضوع وشكلي بغير رأيي ويفترض اني ماخذ سيارة من الوكالة ليش اروح أضيف عليها إضافات قصدي تعديل العيوب هاذي الشغلة الي تزعل شوي
من وجهه نظري السعر هو الي حيخليني اصرف النظر عنه بسبب قله الامور البسيطة الناقصه لو كملت فيها كان الواحد ممكن يتشجع عليه .. انا من الاشخاص الي م احب تعديل او الاضافات ابغى موتر شد بلد
مع أنه ما استخدمه كثير إلا أنه من أفضل من غطا له تجربه مع إختلافي على بعض النقاط لكن أكثر ما أعجبني ذكرك لتجربة الصرفية وأنها قيادة غير إقتصادية ونصف العداد مشاك ٢٨١ تقريبا فيها دوسات من الصفر ويصل إلى سرعة ١٦٠ يعني لو كانت السرعة أقل يبي يمشي إكثر ولو جبنا سيارة إقتصادية وكانت قيادتنا غير إقتصادية إكيد راح تستهلك فالزبدة الرقم هذا من سيارة ثقيلة ومرتفعة وبدون إنظمة إقتصاد يعتبر الصرفية ممتازة اما من وجهة نظري هذه السيارة هي الإفضل بالرحلات المتنوع تظاريسها حتا بالخطوط السريعة تتفوق على كثير من السيارات الأمريكية بالطرق اللي فيها إهتزاز غير تفوقها بالصحرا وعملانيتها تلقا موديل الثمانينيات يعمل بشكل جيد فهي مناسبة ولكن ليت يرخصون سعرها شوي
انا راعي فتك من موديل ٢٠٠٤ وخليته بعد ماصارو الاطفال يشترونه وطيرو اسعاره حاله حال الاند الجديد الوكالت ترفع الاسعار وقبل لا يوصل للوكاله مبيوع اكيد بيوصل هالارقام الخياليه
معاون السكان هو المشكلة. والنيسان ما تبي تحل المشكلة واساساً ما اقترحت الحل. واللي اكتشف الحل هم مستخدموا الفتك. للأسف الشركة خلاص اتخذت قرار بانتاج هذا الموديل ولكن بدون أي تطوير عليه. لأن اساساً الشركة قررت ايقاف انتاجه بسبب استهلاكه العالي جداً للوقود (ولذلك لا يباع لا في اوروبا ولا امريكا). ولكن بدلاً من ايقاف انتاج المصنع قرروا يكملون ولكن بدون تطوير. بطلعة الروح حطوا بخاخ fuel injector عقب ما كل سيارات الكرة الارضية ركبت بخاخات.
وين سعر معقول الله يسعدك سعره واصل ٢٠٠ الف، موتر كفو ويطربك بس السعر يخليك تهون خصوصاً ان الشكل له ١٧ سنة ماتغير والمكينة من ٢٠٠٢ ان ماخاب ظني نفس النظام ماتطورت
اول شي ماقتلنا الموتر باب واحد ولا بابين ثاني شي التانكي السبير اذا ضغطت سب تانكي يولع ليت فالدقمه الي تحت ثالث شي الموتر يلف بسرعه لانه خفيف شي طبيعي ورابع شي موتر نيسان باترول تاخذه مش حق الدلع ١٠٠٪ الي ياخذه بيكون ٧٠٪ حق بر وكشتات وعملي و٣٠٪ كشوخي وراحه وسلامتكم
ياناس السياره هاذي تصميمها انتهى عصره من زمان السياره ذي نفس كل شي فيها من ٩٨ لاتتوقع منها تكون مثل باترول ٤٠٠ او الجيل الاخير من الباترول السياره هاذي مصنعه لان عليها طلب في الخليج بنفس الاشياء الي فيها يبون موتر قوي قير عادي بنفس الدفرنسات و الدبلات و جديد ف لو رفعو و عدلو كل شي سعره بيصير فلكي و مبيعاته بتطيح و بيضطرون يوقفو تصنيعه لان ماحد بيشتري فتك ب٢٤٠ الف حتى الشاص و الربع من تيوتا نفس الحال يصنع الى يومنا هذا لان عليه طلب بالمواصفات القديمه ولا المواتر ذي زمانها انتهى من سنين طويله جدا و صعب جدا تغيير كثير من الاشياء في المواتر ذي لان الشركة عندها خط تصنيع كل مسمار يتعدل عليه راح يكلف الشركة مليارات ف دام السوق ماشي ماهم مضطرين 😂😂
@@alquran489 الفتك راح يغيرونه مع موديل ٢٤ محرك الفتك راح ينتهي و راح تنزل تحديثات و تطويرات على السياره وبالنسبه لي هاذي بدايه النهايه لدرجه اني قاعد احاول ادبر مبلغ و اشتري فتك جديد او مخزن بحيث اوقفه عندي للزمن لان خلاص الظاهر بيصير مثل اللاندكروزر ٢٠٠٧ يوم غيرو شكله صار للاسواء
@@alquran489 ما التغيير مو دايما يكون للافضل من وجهة نظرنا بعض الاحيان يطورو اشياء تنعكس علينا بالسلب ولو على الشكل الكلاسيكي ف متواجد بكثره باترول ٤٥٠٠ من ٩٨ وكذلك اللاندكروزر من موديل ٩٨ منتشر الاثنين عليهم طلب عالي وللعلم نيسان حسنت الباترول للافضل ف زادت عليه محرك الفتك بينما تيوتا ضلت على محركها و غيرت السياره بالكامل وكثير ناس اتجهو للشاص و الفتك بدال اللاندكروزر
ارد على ملاحظاتك يا بوسعود ..
اولا السعر ،، السعر مؤخرا ارتفع سعره بمبالغة ولا قبل محد كان يرغب فيه ،، لكن بالمقابل تبي جيب ٦ سلندر عملي و قوي بهذا السعر شنو تشتري؟ مافيه خيارات!
ثانيا تحكم السكان ،، اتفق معاك وانا عندي سوبر سفاري باب واحد ٢٠١٩ و سوبر سفاري طويل ٢٠٢١ واعاني من نفس المشكلة.
ثالثا العزل ،، للعلم الفتك تغير العزل فيه من ٢٠١٠ وطالع ،، سوبر سفاري ٢٠٠٩ ونازل جدا ممتاز العزل فيه
رابعا الشاشة ،، كثير ناس وانا اولهم ما نستخدم الشاشة الا للمسجل فقط !! لا نافغيشن ولا غيره ،، التلفون يكفي 😅
خامسا الانارة ،، الانارة ممتازة فيه ولو انها هيلوجين مقارنة بالسوبر القديم زينون ،، ايضا زينون ٢٠٠٩ انارته سيئه!!
سادسا سكان رود ،، والله ومن تجربة ان سكان الرود افضل من كينغ او تف دوق ،، وعن تجربة هذا الكلام
سابعا المكيف ،، بحكم اني من البحرين و جونا دايما رطب ف اشوف المكيف جيد جدا (المكيف الامامي بدون الخلفي)
ثامنا الار بي ام ،، القير التماتيك جدا مريح في الخط وداخل المدينة ،، القير العادي ايضا معقول بس شرط لا يطوف الار بي ام ٣٨٠٠ عشان ما يفتح الكام الثاني ويزيد الصرف
تاسعا التانكي الاحتياطي ،، من تضغط على الدقمة راح تلاحظ ليت بالدقمه نفسها وراح تلاحظ يعبي شوي شوي
عاشرا حاملات الاكواب ،، اتفق معاك والله ١٠٠٪ هههههههه
الحين اعطيك الحلول حق المشاكل او العيوب هذي ،، بسم الله:
اولا السعر ،، اشتر الموتر برمضان عشان تستفيد من العروض واذا بغيت مستخدم اشتر بالصيف يكون سعره نازل
ثانيا الليت بتحكم السكان ،، فيه محلات معتمدة تركب الليت البرتقالي اللي يركب عند دقمة الفتحة وايضا يركبون ليتات عند الدوسات الداخلية وايضا تركب الليتات على ازرار تحكم السكان
ثالثا العزل ،، ايضا فيه محلات معتمدة تركب لك عوازل حرارية وعوازل صوتية
رابعا الشاشة ،، فيه شاشات تركب بمكان التخزين العلوي ،، بحيث تكون فرارة المسجل بمكان الشاشة ،، ويلغى مكان التخزين العلوي او مكان الشحن اللاسلكي و تركب الشاشة
خامسا الانارة ،، الحل ب ٨٠ دينار بحريني فقط ،، ليد يركب على فيشة الوكالة و الانارة (ك لون) بالضبط نفس زينون سوبر سفاري ٢٠٠٩ ،، و قوة و توزيع الانارة لا تسولف بعد!!
سادسا سكان رود ،، فيه شركات مثل فوكس وتف دوق وكينغ حلوا المشكلة لكن انا عن تجربتي الشخصية افضل الوكالة وفيه اللي يمدح وفيه اللي يذم
سابعا المكيف ،، انا اشوفه مناسب لكن فيه ناس تعدل على المراوح وتركب كهرب (لا انصح ابدا) وفيه ناس تبدل الكمبرسرس للمكيف وتركب كمبرسر لمكينة ٤٥٠٠ او كمبرسر باص نيسان!!
ثامنا الار بي ام ،، للتماتيك جدا ممتاز لكن للقير العادي عندك حلين يا تركب ترس خامس استرالي او تركب ترس خامس ٤٥٠٠ وبالحالتين راح يفرق معاك لكن بتواجه مشاكل بالمستقبل ،، القير راح يون عندك وغالبا بيلكش بخامس
تاسعا التانكي ،، وضحتها بان فيه ليت بالدقمة نفسهغ من تضغطها راح تعرف انك شغلت التانكي الاحتياطي
عاشرا حاملات الاكواب ،، لا تعليق 😂
بالنهاية كلمة اوجها للفتك ،، نحبه نحبه نحبه!
الله يعطيك العافيه اقسم بالله كلامك صح عندي فتك 2020 راح اسوي كل الي قلته
واذا تسمح اقدر اتواصل معاك ؟
احسن واحد في العالم جلد السيارة شفت ملايين المقاطع ما لقيت صادق زيه
معنا فتك 2016 خليجي نص فل ممتاز ماشاءالله فتحه وثلاجه وفوق المسجل درج والعزم والقوه كل شي ممتاز
وبترول وديفرش ن شلون
مشكور على المقطع يبن عمي.
طبعا انا مع السيارات سادي 🤣. السوبر سفاري هي السيارة الوحيده اللي تحملتني. الحاجة الثانية السفاري هو رقم واحد في الرملة والمناطق الصحراوية. بالنسبة لي تصلح سيارة اساسية. صرفية البنزين للتعبية الواحدة تمشي ٦٥٠ إلى ٧٠٠ كيلو وهذا رقم حلو بغض النظر عن كم قيمة التعبية للتانكي. مؤشر التانكي غير دقيق لأن النص يساوي الربع او اقل من الربع . السيارة سبحان الله تنحب وتنعشق كأنها آدمي، ما ادري هي المشكلة عندي انا او اللي مقتنين السيارة مثلي 🤣 يعني طول الوقت اناظرها واصورها واهتم فيها واحط فيها اضافات وهي مصدر سعادة من ناحية السفر والتمشية والتطعيس. مميزات السيارة تغطي على عيوبها. واللي يسوق السيارة اول مره محتمل يكرهها بسبب ثقلها ولكن مع الوقت تتعود على ثقلها ويطلع لك عضلات 💪 ومع الوقت ممكن ما تتقبل تسوق سيارة غيرها . بالتوفيق للجميع واسأل الله يبارك لكم فيما أعطاكم
صدقت والله السيارة الي يسوقها ما يبي غيرها خلاص وعلى عيوبها تحبها حب مو طبيعي و لو تجيب لي اغلى السيارة رح اختار الفتك
كم تعبيها فل للتانكيين، وهل الصرفية اللي انت ذكرتها للتانكي الأساسي ولا التانكيين كلهم؟
ونوع البنزين احمر او اخضر
الفتك الموديل الحالي له في الخدمة (٢٥) سنه ! وما زال يُباع !؟ اعتقد الناس تحبه لوجود الدفرنسين وقوة وصلابة ومرونة الهيكل والشاسيه بعد العمر الطويل والتعديل والتزويد والله أعلم
للتزويد ممتاز بس تبي شي افضل بالوعر بذات عليك بالربع
الله يعطيك العافية. وافي ماقصرت. بس بغيت اقول ان فيه شغلات اكثر ممكن تعتبر عيوب حسب وتختلف حسب الشخص. يعني ضيق السيارة مقارنة بالتيوتا مثلاً، اللي بيستخدمها عائلية مافيها اماكن تثبيت كراسي الاطفال، مافيه تبريد وتدفئة في الكراسي على سعره. بالمقابل السيارة تصميمها قديم شوي ويعتبر بسيط وهذا يعتبر ميزة للاستخدام الاوف رود واعطال اقل وصلابة ومتانة واداء ممتاز في البر وخصوصاً في الرمال الناعمة. احب اضيف شغلة بخصوص تانكي البترول الاحتياط، الباترول نظامه يعبي من الاحتياط للتانكي الرئيسي فيبين لك الاحتياط ينزل والر ئيسي يزيد
الفتك من افضل السيارات ولاكن حافظ عليه ويدوم معك وكل عيوبه عاديه الى البنزيم لو ينزل قير 6 نمر يكون احسن وسلامتكم 🫡
اتفق معك ١٠٠٪ الجيل القديم من نيسان كان اريح بالخط ولاكن نيسان رجعت التروس الحاشره لانها حاطه في حسابها انك تقدر تقلص وراك حموله و تسافر عادي ف لو حط سادس بيموت العزم والقير كل شوي يرد نمر ثم ان القير ذا تصميمه واحد و له خط انتاج دفعو عليه مليارات ف لو بغو يجددو الخط علشان يصنعو قير جديد يحتاجو مليارات من تصميم و تجديد و تجارب ف هم ريحو راسهم و عطوك القير القديم العملي
@@نايف-ع3ن7ك المواتر الامريكية هم ملوك السحب واقوى من الفتك بالسحب والتحميل وتجيك 10 و 8 نمر.. ف هذا مو عذر الفتك السوبر سفاري موتر توقف تطويره من فتره عشان كذا باقي ينزل ب 5 نمر
@@IF9 الامريكي معروف ماحد جاب طاريه قلت لك الفتك لو خلو الترس الخامس مريح الموتر صعب يقلص اوزان وهو مرتاح ايضا ذكرت لك ان نيسان انشاءت خط الانتاج في ٩٧ تقريبا و بدت تنزل الباترول y61 من ٩٨ والى يومك هذا ترى نفس القطع الاساسيه ودام الناس عاجبها ليش يطور و يدفع مليارات الناس تاخذ ولا فارق معها حتى شاص تيوتا و الربع نفس الحال الناس يبونها بمواصفاتها بنفس المكينه والقير ف المصنع مابيقول لا بالعكس توفر عليه تعديل و تطوير و تكاليف 🤣
الفتك من أجمل و أروع المواتر❤️
الي عجبني في الفتك ان الصدامات حديد قويه تتحمل الصدمات و انه يقبل التعديل و وجود الونش الامامي و التانكي الاضافي ذي من افضل المميزات
بتصدم فيه حيطة يعني والا أيش مافهمتك 😂
@@Abduljabbar_Al_Maamari لا يخوي بس قصدي انه يتحمل مب زي السيارات الثانيه من صدمة بسيطه وينعدم الموتر😂
سياره ممتازه انصحك فيها بس اذا بتستخدمه يوميًا ترا تحتاج ١٥٠٠ ريال بنزين بالشهر بدون مبالغه
@@Igcigxigxig فيه سيارات واجد افضل منها مثال سييرا AT4X او رابتر F150 R او رام TRX وغيرها
@@Sa_701 ايه وبعد ٥ سنين فك الكبوت ياابن عمي فك الكبوت ماراح تلقى مثل الياباني بالجوده السيارات الي انت قلتها قيمتها فوق ٣٠٠ الف وفوق كذا حقت اغنياء
يالبيه هو وعيوبه في ذمتي انه موتر كفو الى ابعد درجة
كيف صرفة البنزين
@@احمد-ل1ط7حشخل مخابي
اشرايك في القير العادي او التماتك
@@احمد-ل1ط7ح ماينفع موتر اساسي ابدا الى اذا بتقدر على بنزينه
@@ابوخالد-ش6م7د اذا انت حق نفوذ وبراري القير العادي وانت مغمض والتماتيك برضه حلو ويأدي الغرض بس الفتك مايطربك الى اذا كان قير عادي خاصه لتعديل بس معلومه القير العادي يجيك حاشر اكثر من التماتيك التماتيك لا يجيك مريح
يظل افضل موتر
السلام عليكم ورحمه الله و بركاته قواك الله خوش فيديو استمتعت فيه لاني فخور بسيارتي اللي شاريها من 99 البابطين و للحين عندي و اسافر عليها ماشاء الله تبارك الرحمن موتر جامد صراحه اللي عندي ضفت له بعض الامور مثل تبديل المسجل الاصلي لانه قديم مافيه لا يو اس بي ولا فتحه ايه يو اكس يعني يا رادو او شريط ههه ركبت شاشه معاها كاميرا خلفيه و ايضا لبست الكشنات لانه مثل ما ذكرت الجلد حار بالصيف هذا تبديل داخل المقصوره اما امور الماكينه فهي 4500 ستوك مع تقدمها بالعمر و الاحساس بالحر بالصيف و المكيف ما يلحق قمت بازاله المروحه الاصليه الكلتش و تركيب مراوح كهربائيه بالاضافه الى تكبير حجم الراديتور والحمدلله ضبطت الامور و ما عاد يحتر حتى بالاشاره الجراره ثابته ماشاءالله تقريبا هذه الامور الاساسيه رغم اني اقدر اغير و اعدل و اضيف لكن ما ودي العب فيها مكيفه و موفيه و اسافر عليها خطوط سياره ثقه تبارك الرحمن سواء بالشارع او بالبر صحيح السعر كثير للموديلات الحديثه رغم عدم تطويرها الا ان الشركه قاصده و مستهدفه شرايح معينه و لها محبين خصوصا بالخليج عندنا سوقه قوي اتمنى فقط يعدلون على بعض الامور مثل اضافه الامور الاساسيه مع المحافظه على البساطه مثل تعديل على صرف البنزن و مكان الشاشه و الاضائه الداخليه و عزل الصوت يعني شغلات تواكب العصر و التقدم الزمني لمنه الان كثير ماركات طلعت فيها خيارات و مميزات تنافس الباترول باسعار ارخص بكثير بالنهايه الناس اذواق و كل شخص له اسلوب و طريقه في الاستخدام انا شخصيا افضل السياره هذه عن السيارات الحديثه اللي كها كمبيوترات و مميزات لدرجه تخليك انك تفقد فيها السعور بمتعه بالقياده بالضبط مثل اجهزه السمارت فون زاد ذكاءها و المستخدم اصبح اكثر غباءا للاعتماديه العمياء و السموحه على الاطاله بارك الله فيك والله يحفظ الجميع
افضل موتر على مرر التاريخ ولا راح ينافسه اي موتر
توني مطلع 2022 من الوكاله قير عادي، القير جدا خشن وتقشيته ثقيله، بس هذا ممكن يخف مع الوقت بحكم ان الموتر يديد. اللي صدمني ان السكان او الدركسون حيل ثقيل. ممكن يكون عيب مصنعي راح اوديه اشيك عليه. بس اللي ما توقته ويفرق حيل عن الموديلات القديمه ان المكيف ثللج وتبريده جدا قوي
لا مو عيب مصنعي انا معي فتك ٢٠١٨ شفه فحسابي الدركسون ثقيل طبيعي ماهو عيب ولا اي شي
@@حسامّ_24 طيب انا سايق فتك 2021 الدركسون وايد اخف. انا اللي عندي اتعب لمن اسوقه بالمدينه. كل اللي ساقوه قالو ثقيل. ابي حل لانه السياره حيل متعبه بالقياده.
@@ahmadalwazzan384 ركب له ستيرنق 2009 يكون كهربه وبيصير الدركسون خفيييف والمكيف لازم تشغل المكيف الخلفي او الثلاجه ويصير ثلج 👌🏽
@@saifal5olanii447 بس شلون بتطيح الكفاله. أنا وديته والوكاله سوو عليه فحص جدا بسيط وقالو ما فيه شي. مستحيل لان فرق كبير بينه وبين اي سفاري 2022 حتى أول واحد ساقه من الوكاله قال ثقيل.
ركبله ستيرقنق بوكس 2009 وعيش واهم شي تسوي برمجه عشان يضبط معاك ومايحصل خلل فالسكان فيما بعد
يازينه بعيوبه🥹❤
مهما صار الفتك يبقى الاقوى بين جميع السيارات
صح لسانك
المطبل مشكله عشان كذا لازخينهم بسعر على هالموتر المتخلف
الفتك موتر و كفو قوي مستخدمة من عام 2016 للحين معي والله ان قيمة فيه
@@اححمدا الله يعطيك خيره ويكفيك شره يارب
@@IF9 والله الي لازخينهم بالسعر حقين الكرتون موتر مصندق تنفخ عليه يقلب ومابه مميزات زي الفتك ولا قوة دبلات ودفرنسات وقير
هذا النيسان يصلح للي يحب يسب موتره دايم
التانكي الاضافي بالنيسان مو مثل التايوتا
النيسان اذا ضغطت الزر يعبي من الثاني للاول بمدة 5 دقايق تقريبا يخلص
ملاحظاتك في محلها ...لكن فكره السيارة تحاففظ على النمط القديم لذلك بعض اللمسات تحسها راح وقتها بس المصمم متعمد
اذا مايصلح لك خله عنك يصلح لغيرك. انت كثير سوالف ماعندك شي تصوره ) لو العيوب هذي موجوده ماكان كل الناس تشتريه وسعره ارتفع
بالنسبه للمكيف افضل من التويوتا وهذا كلام اهل تويوتا وكلام الجمهور
كل كلامه صح ورب الكعبه 🤣🤣 بس نحبه شنو نسوي
سيارة كلاسك عن المكينة والقير والدبلات والدفرنشات والقوى حق بر حق تطعيس لعن خيره هدز وفلتر وطرب ف محيتاج هالموصفات تبي موصفات خذ لك بلاتتنيم
شوف الفتك احلى مافيه انه محتفظ بقوه بديه يعني المداقر والكبوت للحين حديد قوي عكس الباقي بس تتراكى عليه ينطعج البدي المكيف حلو اما عن التانكي الاضافي بنفس الدقمه فيها نور اذا شغال النور يعني التانكي الاضافي شغال واحلى مافيه بالبر نظام التعليق مرن وخفيف لاكن تبي عزل وكشخة لاتدور فيه هو حق واحد يبي موتر بر بحر مايهمه التكنولوجيا والراحة والعزل والموديل من 2002. الى 2004 افضلهم من ناحيه الوسع والطبلون عمس الجديد الطبلون يتقشر من الشمس وللعلم يبيله واحد يصونه مايهمل لانه اذا فتح حلقه جننك ويبيله واحد فاهم في كهربته اما من ناحية السعر حده بالكثير الفل 13000 وواجد عليه وبخصوص الرجفه اذكر قالوا من التواير الي كانوا عليه دانلوب وغيروا الى بريدجستون او المعاوني او الركب ممكن تحتاج شد براغيها شوي مو كثير موضوعه يطول بس بالبر يطرب وناعم
كل شي قلته ممكن امشيه الا موضوع المكيف بالنسبه لي أساسي في السياره ومافيه مجامله مهما كنت ارغب السياره !
الي يميزه ما يتقارن مع اي سيارة متميز عن الجميع 😌
موتر قوي لكن مليان عيوب بسبب ان نيسان ما طوروه المكينه والمحركات من 2002 ما تغيرت !
كل العيوب تنبلع الا الصرفيه العاليه جداً .. ياليت منه ديزل اتوقع يكتسح سيارات الاف رود
الصرفية ٤ كم للتر. يعني مثل صرفية الجمس شكمانين.
تانكي الفتك ياحبيبي اذا حولت التانكي الصغير الى الكبير طريقه خروج البانزين نفس الحنفيه يصب البانزين الصغير على بالكبير وتقدر تفتح غطاء تانكي البانزين الكبير وتشوف بعينك انه التانكي الصغير يحول البانزين للتانكي الكبير وضوح العين وتطلع علامه صوب الدقمه
بالنسبه لصرفية البانزين اكيد انه افضل بما انه توماتيك والاربي ام مريح اكثر من العايدي
صرفية القير العادي افضل للمعلوميه ، كنت اشوف العادي يصرف اكثر لانه حاشر قيره وطلع عكس 😅
@@mohammedeqab7042 التماتيك اوفر لان الموتر يبدل نمر بسرعه يبدل على ٢٠٠٠ وبسرعه بينما العادي امن تكون بزحمه ممكن تشد على الاول الين ٣٥٠٠ اربي ام علشان ما تشد اول و ثاني وحتى لمن تعدي اشاره غالبا تشد على الموتر و تبدل ببطئ وذا يصرف 😂
اذا ركبت عليها مكينه تويوتا هل يختلف صرفيه او لا
تقمه تانكي الحياتي مايشتغل الا لما يكون البنزين اغلى من النص
الله يعطيك العافيه ! والله كلامك صح بس بنسبه لي عيبه بس السعر حيل رفعو من سعره + انه في مواصفات انشالت عن القديم
كان عندي ٢٠٠٦ و شكلي راح اخذ واحد جديد
اذا تبي تاخذ خذ 2016 مافيه مثله ماشاءالله تبارك الرحمن
وليه مو 2017 وفوق احسه يمدحونه وحسنوه وافضل بكل شي
@@حازمالعتيبي-ز3ف صحيح ٢٠١٧ وفوق افضل من قبل
وللمعلومه ترا السفاري يطلع من الوكاله بدون فلتر مكيف بعد السيرفس ال 40 الف يحطون لك فلتر مكيف يقصون داخل الدرج ويركبون لك فلتر
صحيح اخوي هذا اللي صار معاي بالوكاله بس ماني عارف هل فيه ضرر انهم قصو الديكور وحطو فلتر
الله المستعان قص قص ماغيره عشان فلتر كنت بشتريه وكنسلت
@@ya3gop67 لا فيه ضرار لأن الفلتر يجي معه غطاء يسد الفتحه المقصوصه نفس الشفر
والله تشكر على هاذة الشرح الروعة ❤
السياره قوية ولا عليها كلام … مشكلتها القير خمس نمر والمكينه حاشره مو مريحه .. لو يزيدون نمرتين في القير
شكرا. عبد. العزيز. والله. انك. كا نك. تنصح. اخوك. يعني. مخلص
شخصيا جالس هالفترة أفكر اخذ السيارة لكن للأسف السعر عالي وبعد الفيديو بديت أتوجه من الموضوع وشكلي بغير رأيي ويفترض اني ماخذ سيارة من الوكالة ليش اروح أضيف عليها إضافات قصدي تعديل العيوب هاذي الشغلة الي تزعل شوي
انا ناوي عليه مع عيوبه جازلي شكله
للأمانة كنت ناوي عالفتك لاني راعي نيسان أصلا لكن الآن قررت أشتري FJ لان حرام أروح أحط مبلغ وقدره وأروح أخسر عليه ما تسوى علي يا خوك
الي يقهر شركة نيسان ياخي حلو هذي المشاكل والله ماهي صعبه عليكم
انا رايي ان الفتك صنع البر وعن تجربه جبار لا تاخذه اتوقع انك تبي تلقي مواصفات BMW
من وجهه نظري السعر هو الي حيخليني اصرف النظر عنه بسبب قله الامور البسيطة الناقصه لو كملت فيها كان الواحد ممكن يتشجع عليه .. انا من الاشخاص الي م احب تعديل او الاضافات ابغى موتر شد بلد
نعم كلام سليم يازين الجيب بدون تعديل الي ماوراه الا المشاكل الزايده
بدون زحمه اريد عيوب ford explorer St 2022
مسؤولي نيسان ولا لهم نيه يصلحون شي في السيارة كأنهم يقولون إحمدوا ربكم باقي نصنعها لكم
الشرهه علينا إحنا اللي ما نصنع سيارات
😁😂
والله عيوبها كثييير
مع أنه ما استخدمه كثير إلا أنه من أفضل من غطا له تجربه مع إختلافي على بعض النقاط لكن أكثر ما أعجبني ذكرك لتجربة الصرفية وأنها قيادة غير إقتصادية ونصف العداد مشاك ٢٨١ تقريبا فيها دوسات من الصفر ويصل إلى سرعة ١٦٠ يعني لو كانت السرعة أقل يبي يمشي إكثر ولو جبنا سيارة إقتصادية وكانت قيادتنا غير إقتصادية إكيد راح تستهلك فالزبدة الرقم هذا من سيارة ثقيلة ومرتفعة وبدون إنظمة إقتصاد يعتبر الصرفية ممتازة اما من وجهة نظري هذه السيارة هي الإفضل بالرحلات المتنوع تظاريسها حتا بالخطوط السريعة تتفوق على كثير من السيارات الأمريكية بالطرق اللي فيها إهتزاز غير تفوقها بالصحرا وعملانيتها تلقا موديل الثمانينيات يعمل بشكل جيد فهي مناسبة ولكن ليت يرخصون سعرها شوي
ركب جهاز استجابة الدعسه وادعيلي انا مركب من اول ماطلعته من الوكاله التماتيك عيبه دعسته كهربا وضالمته حيل
اللي عجبني في هذا الفيديو ان تويوتا جالس على كرسي ولابس رسمي ويقول انا ماقلت حاجه حتى اللي بالتعليقات رجعوا على تويوتا يارجل خلك مستمع
انا راعي فتك من موديل ٢٠٠٤ وخليته بعد ماصارو الاطفال يشترونه وطيرو اسعاره حاله حال الاند الجديد الوكالت ترفع الاسعار وقبل لا يوصل للوكاله مبيوع اكيد بيوصل هالارقام الخياليه
سبحان الله عقب المقطع هذا وبهالوكت الحين كنسلت اشتري سفاري الجديد مع انه ارخص عندنا بقطر منكم من وكاله ١٩٠ الف بحول ع الكلوزر بدون تيروبو ٢٠٢٣ جي اكس
نيسان سوبر سفاري ٢٠٠٤ في ليتات ب تحكم السكان ليه م حطوله ب مديل ٢٠٢٢ شي غريب🤣
بنسابة للمكيف تعمل له مروحة تبرير اضافة تشوف المكيف يثلج
وش نوع المروحه اللي تركب له اذا عندك فديو لو سمحت
الان في اخر الاعوام هذا الموتر ثلاث ارباعه موتر برررري وصخور واوديه اوف رود مو مطلوب منه اكثر من كذا
صدقت والله العيب هو سعره
وصلت العيب الثالث وهونت عنه😢
التانكي الاحتياطي يشتغل و تولّع العلامة اذا التانكي الاساسي اقل من النص
غالي علي ماش،،،
ال sub tank فيه لمبه برتقاليه اذا ظغطت تطلع على الزر
اكثر واحد عطا الموتر حقه من سب ومدح 😂
قواك الله على الفيدباك 👍 عندي مثله اصفار في مشكله عندي رجفه من سرعه 80 لي 100 سويت للتواير ميزان مرتين ولا اكو فايده مادري شنو الحل ياريت تفيدني
الله يقويك شكرا على مرورك. والله ما عندي علم على الحل بس ان شاء الله المشاهدين يفيدونك 👍
تركيب معاون سكان كنق وتركيب لوكات دبل برازيلي او من ماركه نيسان بس الارخص برازيلي ونفس جودة الاصلي
لازم تغير مساعد دركسون عندك انواع واجد فيه كينق ودبينسون وفوكس وركب فاصل فرارات الدبل عشان يخف الموتر وتخف الصرفيه عندك وتروح الرجه
معاون السكان هو المشكلة. والنيسان ما تبي تحل المشكلة واساساً ما اقترحت الحل. واللي اكتشف الحل هم مستخدموا الفتك. للأسف الشركة خلاص اتخذت قرار بانتاج هذا الموديل ولكن بدون أي تطوير عليه. لأن اساساً الشركة قررت ايقاف انتاجه بسبب استهلاكه العالي جداً للوقود (ولذلك لا يباع لا في اوروبا ولا امريكا). ولكن بدلاً من ايقاف انتاج المصنع قرروا يكملون ولكن بدون تطوير. بطلعة الروح حطوا بخاخ fuel injector عقب ما كل سيارات الكرة الارضية ركبت بخاخات.
مشكلتك مساعد دركسون معروف ها العيب في الفتك من المصنع غيره بواحد رياضي وادعيلي مو مره غالي رخيص
يالحبيب التانكي الاضافي بزره يطلع ليت اذا شغلته
انت جاي تطلب مواصفات سياره غاليه ماهو سيارت بر
فتك راح يغير 2025
او يلغى
توني مطلعه من الوكاله ٢٠٢٣ سفاري كامل موصفات ١٥الف
ماشاءالله الله يوفقك موتر له مميزات وله عيوب ولكن الطابع الكلاسيكي الي فيه مستحيل تلقاه باي موتر وحاليا في اواخر جيل السيارات الي لهذا متعه باقتنائها
بالكويت سعره ١٥ الف دينار ؟
هذا سعر الربع توماتيك صح ؟
ابيض وجه رسمي بكنسل اشتري الموتر😂😂😂
اكبر عيب صرفية البترول
كل العيوب الي ذكرها عيوب رفاهيه ليش تاخذ سياراة عمليه رح خذ سياراة المانيه على كلامك
السلام
كم وزنه
كم وزن الند .
كم وزن التاهو .
الله يوفقكم
بس ترا فيه شي غلط انا عندي ٢٠٢١ وعلمت النتاكي الاحتياطي لم طق تطلع علمه
لونه صفر
كنت ناوي اشتري فتك لكن بعد الفيديو هونت
عيوبك معقولة اخوي جزاك الله خير
ترا فيه علامه صب التانكي انها قاعد تعبي علامه صفرا صوب الدقمه يعني قاعد يعبي واذا طفت يعني عبا وخلص يا انك ماأنتبهت يا ماتشتغل فالموتر عندك
شكرا. على. الرد. عبد. العزيز
نيسان عمومآ متأخرة عشرين سنة عن باقي المنافسين تحس ان السيارة موديل 2000 او 2001
اشتري فتك قديم واضبطه من معاونات الي مكينه ما يكلف حتي ٣ الاف دينار انت تبيه للبر تدفه ١٨ الف دينار ليش 😮
بس لاتنسا انه موتر قابل للتعديل اذا بس ركبتله فلتر بيختلف معك
وبعد مهم تركب له هدرز لان هدرز الوكالة جدا صغير
@@Abu_Da7m2006 اي هدرز الوكاله صغروه علشان مايعطي كامل القوه
صحيح 💯
في السعوديه عندنا سعر معقول لكن مو مرغوب بزياده
وين سعر معقول الله يسعدك سعره واصل ٢٠٠ الف، موتر كفو ويطربك بس السعر يخليك تهون خصوصاً ان الشكل له ١٧ سنة ماتغير والمكينة من ٢٠٠٢ ان ماخاب ظني نفس النظام ماتطورت
@@justkhalid1529 لو غيرو شكله بيصير ماهو مرغوب الفتك اتمنى يبقى زي ماهو وخط الانتاج يستمر لين 2030 تبغا تطور خذ البلاتينيوم الفتك زي الشاص والربع سيارات قويه كلاسيكيه ماتتغير وتراه اجود منهم لان مكينته حديد
اكلمك عن الفتك ربع - راحة رساوة عزم
قير عادي سفاري ضغطه عالي 120 ضغط 3 تماتيك ضغطه ممتاز
الجمس تسوق ١٦٠ الضغط ١٨٠٠
صحيح التماتيك افضل
الاكسنت تمشي 200 والضغط قبل الواحد 😂😂😂😂😂😂
حتى التكايه اذا حطيت 2 ستاربكس ضيقه عليهم
ماذكرت المكيف حار
الله يعز اللاند 2007 🫡
موتر ماعليه كلام بس سعرة مبالغ فيه وزود على سعر صرفية بنزين سي جدا
الله يعينك عليه
ابشرك تم ايقافه لصرفيته
الباترول كل خمس سنوات يتجدد ويجيك واحد يقول يكد 30 سنه ؟ مدفوع فيه قيمته 15مره 😂 سلملي ع التايوتا بلا قراشيع
صوت السنسر زي صوت صني نيسان ٢٠٠٣
كافي ان مكينتة حديد وتكد 600 الف اذا استعمالك محترم
هذي مهي عيوب
الي مايطول العنب حامض عنه يقول رجعه وطس دورلك كسره
اول شي ماقتلنا الموتر باب واحد ولا بابين ثاني شي التانكي السبير اذا ضغطت سب تانكي يولع ليت فالدقمه الي تحت ثالث شي الموتر يلف بسرعه لانه خفيف شي طبيعي ورابع شي موتر نيسان باترول تاخذه مش حق الدلع ١٠٠٪ الي ياخذه بيكون ٧٠٪ حق بر وكشتات وعملي و٣٠٪ كشوخي وراحه وسلامتكم
فتك يصرف بنزين من الحشره هذا الي يخلي سياره تصرف بنزين
الفتك قير عادي البككس ( الدفرنش ) حاشر على ١٢٠ الاربي ام على ٣
يعني القير عادي يصرف اكثر من التماتيك بسفاري؟
ياناس السياره هاذي تصميمها انتهى عصره من زمان السياره ذي نفس كل شي فيها من ٩٨ لاتتوقع منها تكون مثل باترول ٤٠٠ او الجيل الاخير من الباترول السياره هاذي مصنعه لان عليها طلب في الخليج بنفس الاشياء الي فيها يبون موتر قوي قير عادي بنفس الدفرنسات و الدبلات و جديد ف لو رفعو و عدلو كل شي سعره بيصير فلكي و مبيعاته بتطيح و بيضطرون يوقفو تصنيعه لان ماحد بيشتري فتك ب٢٤٠ الف حتى الشاص و الربع من تيوتا نفس الحال يصنع الى يومنا هذا لان عليه طلب بالمواصفات القديمه ولا المواتر ذي زمانها انتهى من سنين طويله جدا و صعب جدا تغيير كثير من الاشياء في المواتر ذي لان الشركة عندها خط تصنيع كل مسمار يتعدل عليه راح يكلف الشركة مليارات ف دام السوق ماشي ماهم مضطرين 😂😂
@@alquran489 الفتك راح يغيرونه مع موديل ٢٤ محرك الفتك راح ينتهي و راح تنزل تحديثات و تطويرات على السياره وبالنسبه لي هاذي بدايه النهايه لدرجه اني قاعد احاول ادبر مبلغ و اشتري فتك جديد او مخزن بحيث اوقفه عندي للزمن لان خلاص الظاهر بيصير مثل اللاندكروزر ٢٠٠٧ يوم غيرو شكله صار للاسواء
@@alquran489 التغيير الاساسي بيكون المحرك وهذا ما عجبني بصراحه لان ما يميز الفتك عن منافسيه الا محركه و دفرنسات ف لو غيروها ماعاد يلزمني الموتر الجديد
@@alquran489 ما التغيير مو دايما يكون للافضل من وجهة نظرنا بعض الاحيان يطورو اشياء تنعكس علينا بالسلب ولو على الشكل الكلاسيكي ف متواجد بكثره باترول ٤٥٠٠ من ٩٨ وكذلك اللاندكروزر من موديل ٩٨ منتشر الاثنين عليهم طلب عالي وللعلم نيسان حسنت الباترول للافضل ف زادت عليه محرك الفتك بينما تيوتا ضلت على محركها و غيرت السياره بالكامل وكثير ناس اتجهو للشاص و الفتك بدال اللاندكروزر
ياخي وقف السياره و اشرح كذا خطر تصور و تشرح و تسوق
ب العكس ابرد مكيف النيسان وثاني شي النيسان اذا تبيه يبرد شغل المكيف الي وراى ويزيد برودته اذا عندك جهاز قياس الهواء شوف الفرق وشكراً
رجل حقاني
اخر شي واضح رايح النويصيب مداوم 😂
😂😂😂😂😂
لو يطورون الفتك محد يشتريه
جاي من مرسدس وتقول مشكله العزل الله يهديك
حدة 9 الاف
ابشر ان شاءالله بكلم لك الوكاله يعدلون العيوب ولاتزعل