MCN Economy- “SHELL” tërhiqet nga Shqipëria

Ka qenë vetë kompania Shell që ka bërë me dije se ka vendosur të tërhiqet nga kërkimet në Shpirag, madje edhe se po vlerëson mbylljen e operacioneve në Shqipëri. Në lidhje me këtë vendim inxhenieri i hidrokarbureve, Profesor Doktor Fatmir Hoxha, në ‘MCN Economy’ u shpreh se nafta në Shpirag ishte zbuluar më herët se ta merrte Shell projektin, por ekzistojnë zëra se nxirret naftë nga persona privatë dhe nuk dihet se ku shkon.
Ai tha se një kompani sheh interesin e saj në radhë të parë dhe vlerësimet e fizibilitetit janë të ndryshme për kompani të ndryshme, por një problem qëndron në faktin se ekspertët nuk pyeten as nga të huajt dhe as nga qeveria. Ndërkohë eksperti i ekonomisë Pano Soko tha në studion e MCN Economy se me këtë lloj teknologjie që ekziston deri më tani, nafta nuk del rentabël.