شيلة قبيلة السوطه | كلمات عيد بن مرضي | أداء نجم عتيبه
ฝัง
- เผยแพร่เมื่อ 8 ก.ย. 2024
- .
كيف اببدى عقب ماطال الغياب
فترةٍ عدت بعيد عنّ الشعر
ادرج الأقدام في روس الهضاب
ويستريح البال في مد النظر
كل ماهبت ونور الشمس غاب
كل خافي في معاليقي ظهر
لو طموحي غير عن بعض الشباب
مير احس بسجتي وّسعة صدر
والشعر أحيان للشاعر عذاب
يستبيح الوقت ويعلّ الفكر
فـ القصايد ماطرقنا كل باب
ماندوّر غير الآدهى والآمّر
راكب اللي تعتلي فوق السحاب
تطوي الأميال ساعات السفر
ماعليها من غبار ولا ضباب
كان رب الكون خلاقه ستر
رحلتي فيها ذهاب بلا إياب
لين اقضي لازمي وانهي الأمر
لو ظروفي لونها لون الغراب
عند ربعي مايجملني عذر
كانها بالشعر فالخافق ذاب
وللجزاله راهنٍ دمي مهر
وكانها بالفعل انا قد الصعاب
الحزام اللي يشد به الظهر
اجتمعنا وأشهد إنّ هذا الصواب
تعتبر من أجمل أيام العمر
ليلةٍ فيها الفرح والطيب طاب
والله إنّ وجودكم عز وفخر
مرحبا بالطيبين ابلا حساب
خل من عده على اعداد المطر
قسمنا الترحيب يوم الوقت شاب
يوم حال المملكة جوع وفقر
ماندوّر غير تلعات الرقاب
حشمةٍ للضيف حسكات الوبر
الكرم فالأكل ولا فالشراب
والكرم لا جات ميلات الدهر
كم خصيمٍ يوم ظن الظن خاب
ولا كسب غير الغبينه والقهر
ماله إلا السيف مصقول النصاب
يبتر أرقاب المعاديّه بتر
سلمنا وقت التحدي والحراب
الحمياء والشجاعه والسطر
والرفيق يعيش مرفوع الجناب
في كنفنا عز واجلال وقدر
لا زهمنا يبشر برد الجواب
فالسعه ولا بحزات القشر
لجل عينه نثنيّ خشوم الركاب
ولا يشوف بعينه الا مايسر
فعلنا ماهو مثل ضيح السراب
مثل ضلعٍ شامخ وموج وبحر
نلبس الطيبه مثل لبس الثياب
ولو ابى احصر طيبنا ماله حصر
اسمنا المحسوب يحسب له حساب
السواط إنّ غاب ولا إنّ حضر
نطوي البيداء على مخلب وناب
وكل دارٍ فوقها ولنّا ممر
والبدايه والنهايه في الخطاب
ماذكرنا غير شيٍ مختصر
خاتمتها ماذكر وسط الكتاب
الصلاة على النبي سيد البشر
#عيد_مرضي
وكفوووو ي ابن مرضي وصح السانك
ونعم بالسواط كلهم وعلى رأسهم زميلي عبدالرحمن بن مرضي السواط
عاش ابو مرضي
ونعم ي ي بو مرضي
والنعم
👍