Eronda yangi prezident qasamyod qabul qildi

Eronning yangi prezidenti, islohotchi siyosatchi, kardioxirurg Ma'sud Pezeshkiyan 30-iyul kuni Tehronda qasamyod qabul qilar ekan, mamlakatni iqitisodiy sanksiyalar girdobidan olib chiqish uchun kurashishini ma'lum qildi. Yangi lider ikki hafta ichida yangi hukumat tarkibini e'lon qiladi.
Inauguratsiya marosimida 70 dan ziyod mamlakatlar vakillari, Tojikiston rahbari Emomali Rahmon, XAMAS siyosiy lideri Ismoil Haniya hamda "Islomiy jihod" harakati lideri Ziyod al-Nahalih ham ishtirok etdi.
Eron yadroviy dasturi tufayli qo'llangan sanksiyalar natijasida mamlakatda inflyatsiya darajasi 40 foizga yetgan: ayni damda 1 AQSh dollari 584 ming riyol.
Yangi prezident Eron Falastin genotsid, okkupatsiya va qamoq qiynoqlaridan ozod mustaqil davlatga aylanishi uchun kurashishini ma'lum qildi.
Eron bayonotiga ko'ra, mamlakatning yadroviy dasturi tinch maqsadlarga qaratilgan: yadroviy qurollarga emas, elektr quvvati va onkologik kasalliklarni davolash uchun radioizotoplar ishlab chiqarishga xizmat qiladi.