Birinchi o‘zbek arxeolog-mutaxasisi Yahyo G‘ulomov

Yahyo Gulomov 1908-yilning 1-may kuni Toshkentning Shayhontohur dahasidagi Oqmajid mahallasida dunyoga kelgan. Samarqanddagi Oʻzbekiston Pedagogika akademiyasini 1930-yilda tugatgan Gʻulomovning Ilmiy faoliyati 1933-yildan boshlangan. 1938-1950-yillarda Xorazm arxeologiya-etnografiya ekspeditsiyada Xorazmning sugʻorilish, dehqonchilik va shahar madaniyatining shakllanishi hamda rivojlanish tarixi boʻyicha ilmiy tekshirish ishlari olib borgan Gʻulomov Oʻzbekistonda tarix va arxeologiya sohalari boʻyicha oʻziga xos baynalmilal ilmiy maktab yaratgan.
Yahyo Gʻulomov, ayniqsa, Toshkent tarixi va uning yodgorliklarini tadqiq etishga alohida ahamiyat bergan. 1966-yildagi Toshkent zilzilasi oqibatlarini tugatish boʻyicha shaharda boshlangan ulkan qurilishlar munosabati bilan Toshkentning arxeologik obidalarini qayd etish va oʻrganish maqsadida maxsus Toshkent arxeologiya ekspeditsiyasini tashkil qilgan.
Yahyo Gulomov koʻp yillik ilmiy izlanishlar mahsuli oʻlaroq, “Xiva shahrining yodgorliklari” “Quyi Zarafshon vodiysida ibtidoiy madaniyat va sugʻorma dehqonchilikning paydo boʻlishi” kabi asarlarini yozgan. Shuningdek, 4 jildli “Oʻzbekiston tarixi”, 2 jildli “Samarqand tarixi” va “Buxoro tarixi” asarlarining ham asosiy mualliflaridandir. Bundan tashqari, 135 ta risola, tarix hamda arxeologiyaning turli masalalariga oid koʻplab maqolalar yozib qoldirgan.
Vafotidan song, 2002-yilda Yahyo Gulomov “Buyuk xizmatlari uchun” ordeni bilan taqdirlanadi. Buyuk olimning nomi esa Toshkentdagi koʻchalardan biriga hamda Oʻzbekiston fanlar akademiyasi Arxeologiya institutiga beriladi.

[@ГулсанамМусирова]

Qanday qilib bu kasbni egallash mumkun ?