مظفر النواب - ياريحان
ฝัง
- เผยแพร่เมื่อ 20 ต.ค. 2024
- اشكَد نده ، نَكَط على الضلع
وانسيت أكَلك يَمته
اشكَد رازقي
ونيَّمته
واشكثر هجرك
عاشر ليالي الهوى
وما لمته
أنت سحنت الليل بكَليبي
وكَلت موش أنت
يامه التراجي
مرجحن
حسَّك الصافي وغفه
ويامه اسفحتلك بالليالي دموع
جانت ترفه
ويامه الدمع
ضوّه سواد العين
وعينك صلفه
وتدري تنيت الدفو
بلهفة ورده
وما جيت . ونيَّمني الثلج
والشته كله اتعدّه
لا بالمحطه رَف ضوه
لا خط اجانه من البعد
لا ريل مر عل السده
والشته كله اتعده
كله اتعده
واعلكَنه للصيف اليجي
روازينه السمره ، مع
من ينزل أول الدفو بنيسان
يهتز النبع
يمكن ايخضر الضلع
يمكن بعد بالروح
يا ريحان
وصله تنزرع
والكَيظ اجانه وانكَضه
ورَد انكَضه
ورَد كيظ أجه
والزلف هجرك فضفضه
وما مش رجه
ولِسَّاع . من همسه تجي من بعيد
يخضرّ الضلع
كل نسمه ترفه
من تفك الباب
يخنكَني الدمع
لِسّاع ، ولذّتنه انكَضت
أهجس عل الكَصايب شمع
وردود أكَلك . يَمته ؟
اشكَد رازقي ونيَّمته
أملّني يا أسمر بيك
كل عمري انكَضه وأمّلته
حتى خيالك بالحلم
خايف يجي وأمّمنته .
كل لحظة من هذا العمر
وعَّت حسافة بكَلبي
يا أول الريحان
يلعطَّيت نوبه بدربي
يا آخر سواجي حنيني وحبي
من يوم طيفك هجر نومي
ما نمت
حنّيه يا جذاب منك
ما شفت
من ظني كَظَّك بالحلم
عنبر فحت
من ردت أجيسك
جست روحي وفرفحت
أترف من اجفافي المهَر
قندون . ما ضايكَ شكر
يا حلو . يا جرة كحل
يا حلو . يا بوسة سهر
يا ترف . يا ييزي قهر
شيضرك . بكل الشته الولهان
لو صحوة مطر ؟
والشته كله اتعده
والكَيظ هَم اتعده
شجاب العشك واشوَده ؟
لا بالمحطه رف ضوه
لا خط اجانه من بعيد
لا ريل مر عل السده .
ولِسّاع مشدودة شبكَتك
عل الخصر
والركَبه من تلتاف
للبوسه ، جسر
بس أنت تدري
لون رصعه بالنحر ؟
والشته شال شليله
من يَمنه عبر
واسألته عنك
يا شته العشاكَ
ما عندك خبر ؟
لك يا شته العشاكَ
ما عندك خبر ؟
والكَيظ اجانه وانكَضه
ورد انكَضه
ورد كَيض أجه
والزلف هجرك فضضه
ورد فضضه
وما مش رجه .
اسمعها بصوت شخص ❤
رحمك الله يا ابو عادل
كسر للقواعد بكلشي مضفر النواب
ولساع مشدوده شبكتك ع الخصر
والشبكه من تلتاف للبوسه جسر
الوصف عظيم
انتَ السحنت الليّل بگليبي وگلت موش انتَ
الله الله الله الله الله الله الله الله الله الله الله الله الله الله الله الله الله ❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤
حتى خيالك بلحلم خايف يجي وأمنته💔
رحمك الله
3:17
رضي الله عنك يا مظفر النواب
مظفر النواب رائعه من روائع العراق
كل لحظه من هذا العمر وعت حسافه بگلبي
ياحلو يابوسة سهر 😻
وانته سحنت الليل بگليبي وكلت موش انته
جميل والله
غناها الفنان الكبير الدكتور فاضل عواد
ويلاه
اشگد نده نگط عالضلع وانسيت اگلك يمته اشگد رازقي ونيمته واشكثر هجر عاشر ايام الهوى وما لمته إنت السحنت الليل بگليبي وگلت موش أنت
نسرين لساع من نسمه تجي من بعيد يخضّر الضلع
قندول ماضايك شكر
من قصيدة يا ريحان..
مظفر النواب
الشته شال إشلِيــله من يمنـه وعـُبــَر
وسالته عنك ياشتا العشاك
ماعندك خـَـــبرْ ؟
وإعلـَكَـنه للصيف اليجي إروازيـنٌه السمره شمِع
من ينزل أوٌل الدفو بنيــسان يهتز الضلِـــع
يمكن يخضر عالضلع
يمكن بعد بالروح , يا ريحان وصله تنزرع
والكَـيظ إجانه وإنكَـضه
و رَدْ إنكَـضـه
و رَدْ كَيــظ إجــه
والزِلـِف هجرك فضـٌـضه
و رَدْ فـَضـٌـضه
ومـــامشْ رِجــــــــــــه
قندول ما ضايك شكر 🤔؟؟!
سمعت عريان؟
شلون غناها دكتور الغناء الجنوبي رياض احمد
مامعنى تالي ريحان وملح هذه كدري وكدرك
معنى قندود ماضايق سكر
القندول هو حافظة السكر
القندون اناء مزخرف مخصوص لوضع الشكر ، بس هذا القندون الجميل و اللامع يفقد شي من جماله بعد ان يوضع فيه الشكر و يتكلس . فهنا يصف الحبيب كالقندون الجديد دون ان يوضع فيه الشكر اي بعده بكامل جماله و لمعانه
راجع معلوماتك غناها رياض احمد
السلام عليكم اخي ما المقصود ب يمته
Zead Khateb يعني الئ متئ
متى
و ما المقصود ب قندون
و اترف من جفاف المهر
للأسف الشديد القصيدة غير كاملة كما ان هنالك اختلاف بسيط في الشكل لكنه كبير في المضمون عن النص الأصلي الذي حفظته من اول مرة وهو لا يقول الزلف عمري فضضه من المرة الاولى بل يكرر والزلف هجرك فضضه ورد فضضه حتى الذكر الأخير حيث يذكر ان العمر سبب للشيب للدلالة على ان الانتظار بدأ من الشباب وان الهجر أول اسباب الشيب ثم اضيف له العمر اخيراً
ومما اذكر من القصيدة
ولسّاع مشدودة شبگتك عالخصر
والرگبة من تلتاف للبوسة جسر
بس انت تدري شلون رصعة بالنحر
والشتا شال شايلة من يمنه عبر
واسأل عنك يا شتا العشاگ ماعندك خبر
والگيض اجانا