P. "Harmonia", Puseta e bllokuar

Tiranë, më 21.01.2022
Drejtuar:
Bashkia Tiranë
Sektori i Komunikimeve Elektronike me Qytetarët,
Drejtoria e Komunikimit me Qytetarët,
Drejtoria e Përgjithshme për Marrëdhëniet me Publikun dhe Jashtë,
Nga:
Komuniteti i Banorëve Pallati “Harmonia”,
Rruga. “Lidhja e Prizrenit”, Nd. 1, H. 3 & 7, Kodi Postar 1019, Njësia nr. 5, Tiranë - Shqipëri,
Përfaqësuar:
Shoqëria Administruese “Përfaqësohu”,
Selia, Rruga. “Grami”, Nd. 10, H. 47, Nr. 11, Yzberish, Kashar, 1050, Tiranë - Shqipëri,
e-mail: [e-mail], TH-cam, “perfaqesohu”, Facebook, “sherbime administrimi ne bashkepronesi”, mobile, whatsapp, viber [phone], NUIS: L61815022K
Lënda: Ankesë për Pusetën e Shiut të Bllokuar
Një shqetësim i vazhdueshëm ka ardhur nga Familjarët në adresë të Administratorit, lidhur me një Pusetë të Ujërave të Bardha, që gjendet përpara Garazhdit të Pallatit në adresën e mësipërme, Pusetë e cila, nuk e luan rolin e saj, në rastet kur bie shi, pasi që bllokohet, dhe i gjithë shiu i rrugës futet në Garazhdin e Pallati, ku gjenden të parkuara 29 Makina, Gjeneratori, Stacioni i Pompave të Ujit dhe Gabina Elektrike 20 kW.
Për këtë shqetësim serioz, Familjarët janë ankuar edhe më herët pranë Bashkisë Tiranë, nëpërmjet shkresave zyrtare të Protokolluara me;
Nr. A-207 Prot, datë 13.11.2007,
Nr. 2146 Prot, datë 08.06.2021
Nr. 2648 Prot, datë 09.07.2021,
Nr. 1906 Prot, datë 09.07.2021,
Bashkia Tiranë, Drejtoria e Përgjithshme e Rrugëve dhe Ndricimit Publik, në përgjigjen e saj Nr. 1906/1 Prot, datë 04.08.2021, më konkretisht përgjigjet:
“Drejtoria e Përgjithshme e Rrugëve dhe Ndricimit Publik”, do të marrë të gjitha masat e nevojshme, për pastrimin e zgarave të shiut, në Rrugën “Lidhja e Prizrenit”, pranë Pallatit “Harmonia”, Njësia Administrative Nr. 5, brenda muajit Gusht 2021.
Aktualisht asgjë nuk ka ndryshuar, puseta apo zgara e shiut, vazhdon të jetë e bllokuar dhe Garazhdet tona vazhdojnë të mbushen me ujë nga kjo pusetë në raste shiu.
Gjithashtu, po ju njohim edhe me linkun, lidhur me përshkrimin video që kemi bërë në terren për këtë Pusetë,
• P. "Harmonia", Puseta ...
I kërkojmë Bashkisë Tiranë, Drejtorisë përkatëse, t’a shikoj me prioritet ankesën tonë, pasi që dëmet që na vijnë nga Bllokimi i kësaj Pusete janë të konsiderueshme, dhe akoma më i konsiderueshëm mund të bëhet dëmi, n.q.s Familjarët nuk do tregohen vigjilent, që uji mos shkoj tek Gabina Elektrike 20 kW pronë e OSHEE,
Nga sa më sipër, kërkojmë nga Bashkia Tiranë, të ndërhyjë seriozisht, për zgjidhjen e këtij problemi, Bllokimi i Pusetës së Shiut përpara Garazhdeve të Banorëve, dhe në të njëjtën kohë, të na vini në dijeni lidhur me veprimet që keni ndërmarrë dhe zgjidhjen që do i jepni.
Faleminderit
Jam në pritje të përgjigjes Tuaj,
me Respekt,
Renaldo BREGU
Protokolluam prane Bashkise Tirane me shkresën me nr. prot. R-1402, datë 21.01.2022.