StarTalk丨賈思樂入行50年對盧海鵬感情又愛又恨 曾抑鬱症幸獲廖安麗拉出深淵
ฝัง
- เผยแพร่เมื่อ 10 ก.ย. 2024
- 賈思樂(Louie)作客《StarTalk》接受主播詹可琳專訪,喺今年踏入入行50周年嘅Louie即將舉行慶祝演唱會,想趁呢個好機會同久違未見嘅歌迷相聚一番,而佢亦覺得「50年」呢個數字係一個難能可貴嘅里程碑,更應該喺呢個時候開騷,最後經過深思細想扑錘決定搞呢個富有意義嘅個唱。
回顧50年銀色旅途,Louie感嘆光蔭飛逝同時,亦笑言得到最多、最可貴嘅唔係金錢同經歷,而係友誼。講到《蝦仔爹地》呢套代表作,Louie就自爆自己一開始係唔鍾意盧海鵬呢位拍檔,簡直對鵬哥又愛又恨。事關Louie貪靚,每次開工都要企企理理、梳靚個頭,著好套衫,但每次開完廠都會被鵬哥搞到髮型亂曬、衣衫不整,所以當時都有唔開心過。不過Louie都明白鵬哥係為節目著想,比起一時之氣,對鵬哥更多係仰慕之情。Louie亦提及雖然鵬哥身體狀況欠佳,但二人偶然都會相約飲茶,佢就好似阿仔咁照顧同接送鵬哥。
另一方面,令Louie最心痛嘅莫過於係同余綺霞、陳玉蓮呢個「鐵三角」組合從此只得兩人。談及呢段友情,Louie就話三人諗嘢想法好似,又會彼此開解,經常喺佢屋企傾偈傾通宵。所以得知余綺霞患癌時,Louie簡直難以接受,但慶幸係可以喺醫院為好友過最後一個生日。
曾受抑鬱症之苦嘅Louie亦有談及過往呢段經歷,佢就話當時完全封閉自己唔出街、唔工作,而令佢患病誘因係母親離世,Louie難以接受,亦因此向《歡樂今宵》請假。但好在喺Louie最難受嘅期間,有一眾好友將佢拉出深淵,積極幫佢走出陰霾。Louie又呼籲大家喺遇到人生難關或者情緒問題時,千祈唔好收埋收埋,要搵一個可靠、值得信任嘅人去傾訴。
#StarTalk #賈思樂 #詹可琳 #歡樂今宵 #盧海鵬 #余綺霞 #陳玉蓮 #抑鬱症 #蝦仔爹地 #代表作 #演唱會
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0
1955年出世已經係伯伯,但外表仲好年輕,羨慕死細佢八歲嘅李連杰同錢嘉華!🤩🤩🤩🤩🤩🤩🤩
賈思樂係我小時候的偶像🌹現在一樣喜歡他🎉
完全沒有變,一樣很年輕。❤❤❤❤
15.8.24 Thursday
可否唔好再放余綺霞癌病》星期日檔案〉那片段出來?