Tadiwennit n Rachid TIGHILT di radyu n Tizi...

Tagi, d tadiwennit n umaru/anaẓur Rachid TIGHILT i as-yesker mass Hacene HALOUANE, deg tedwilt "D AYEN URAN MEDDEN AY NNIΓ", di Radio Tizi Ouzou, ass n 08/05/2024, ilmend n usiẓreg n ungal "TAWKILT TAMCUMT" i d-yessuffeɣ bab-is ɣur teẓrigin "IMTIDAD" n mass Firas Aldjahmani (yuklalen asennmer d usebɣes...)
Tajmilt ad tuɣal daɣen i waggad yakk i d-yefkan afus n tallelt d uwelleh, abeεda i usiẓreg n wungal-agi. Gar-asen :
Amaru/aneɣmas mass Tahar Ould Amar (ameskar n "Bururu", "Murḍus"...) i as-d-yuran tazwert i udlis-a "Tawkilt Tamcumt").
Mass Hamid Bilek (amaru, amsuqqel n “Ad ḥerqeɣ lebḥer” … u d aqerru n usqamu n uḥric n tmaziɣt, ladɣa ayen yerzan taɣuri d ufran n yeḍrisen yuklalen asiẓreg ɣur teẓrigin Imtidad...)
Mass Muhduremḍan Abdenbi (i as-igerrzen tazibba i "Tewkilt Tamcumt", ladɣa s useɣti d tsebtert...)
TAMAWT :
Wid/tid iran ad ɣren(t) ungal-agi “TAWKILT TAMCUMT”, zemren(t) ad t-afen(t) di kra n tnedlisin mucaεen (di Tizi, Tubiret, Bgayet, Lzzayer tamaneɣt...)
Am akken izemren(t) ad afen(t) kra n yedlisen (n Rachid TIGHILT) i d-yeffɣen yakan "en ligne" di "Lulu.com" deg wassaɣ-agi :
www.lulu.com/f...
Lḥasunik, "awer yefsi waggus i uεerḍi !"

[@ZidaneYessad]

Intaɣed anda ar atnaf w ungal ayi wah !!! Hareɣ ateɣreɣ

[@rachidtighilt6966]

Azul a Zidan. Ungal-a "TAWKILT TAMCUMT" yettnuzu di Tizi akked Tubiret. Ur ẓriɣ ara ma yewweḍ ɣer wanda-nniḍen, akka am Bgayet d Lzzayer tamaneɣt...