الملحمة الشعرية | محمود أسيري - ليلة ١ محرم ١٤٤٦ هـ
ฝัง
- เผยแพร่เมื่อ 30 ก.ค. 2024
- كلمات علي السقاي
ليلة ١ محرم ١٤٤٢هـ
الحسينية الكربلائية - الكويت
00:00 الملحمة الشعرية
00:47 هل يدمعي هالشهر
04:35 يوم الذي راعي الشيم
08:20 حطوا على هالوادي
11:54 زينب لفت يم حسين
16:16 بالله يا شمر
19:38 زينب احتارت
23:10 يبن امي عالتربان
كَلمات القصيدة
هالليله تدوين .. وحي الاساطين .. نجمع مَضامين .. الملحمه الشعريه
و بقصّة اثنين .. زينب و الحسين .. خل مدمع العين .. لا يكُف جَاريّه
من شاعر اِلشاعر .. نروي عن العاشر .. الملحمه الشعريه
.........................................................
اذا كل قصّه تبدي بكان يا ما كان
الجره بعاشور ما كان بمدى الأزمان
بَطل هالملحمه المسبيّه و العطشان
صِدَك عبود غفله هذا شهْر احزان
هـل يـا دمـعي هل شهر عاشورها
و حـزن هاشم و آل أميه اسرورها
آه يـا ويـلاه يـهـلال الـحـرم
سـيـف جور ابنيت بالكون و ظلم
أسـكـتت بالنوح و الون و اللطم
و حـتمت عالناس تدمي اصدورها
صح الذي كال عن هذا الهلال هلال الأهوال من يِهِل بِمحرّم
نتذكَر الشال بضعون العيال جن هذا ترحال للمدامع و الدّم
يا قافله تسافر نروي عن العاشر
الملحمه الشعريه
.......................................................
أُخُوّة زينب وي حسين ما تنقاس
لا عِينٌ رأت لا سِمعت اذن الناس
لذلك وصّه بيها و كَفّل العباس
وصَف مهدي ابن عَبّاد هالإحساس
يـوم الـذي راعـي الشيم انوى يشد الراحله
جـاب الـمحامل للحرم كل فرد وجه حيد إله
طـب لـعد زينب مبتسم عباس راعي المرجله
كـال إلـهـا يا مهجة علي قومي نريد إلكربله
كـالـت لـه خوية محملي ياهو الذي يتكفله
كـال إلـهـا عـيناچ ابشري امرچ نود نتمثله
ما بين الحيود كافلها موجود رَكّبها و بزود رايته تظلَلها
مِن ترجع ردود هلْ يا تَره يعود جفوفه على الزنود يعدّل بمحملها
عن كسرة الخاطر نروي عن العاشر
الملحمه الشعريه
.......................................................
مِن أرض اِلأرُض بعياله يتنقل
وصل وادي الحزن بترابه يتمثّل
و زينب سمعته عن هالأرُض يسأل
وِ ابِن فايز يِوَصّف هالمصاب الحَل
حطّوا على هالوادي حطّوا على هالوادي
يا عزوتي يا رجالي حطّوا على هالوادي
يا قوم انا باسألكم وانا خبير أسماها
هذي أراضي جدّي كرب و بلا سمّاها
يشرب ثراها دمي اُو تبخل علينا ابماها
راضي انا ابهالتربة اُوحطّوا على هالوادي
سبط النبي شلون بيه ضايك الكون نَوَّخ بالضعون و خَيّم بهالتُربه
هنا تورَم متون و يتغيّر اللون و تغورِك عيون زينب من اِلرهبه
من اليجري يا ساتر نروي عن العاشر
الملحمه الشعريه
.......................................................
وين حسين يمضي تتبعه الآجال
الفَزِع ضدّه احتشِد مِن راجل و خيّال
و زينب مِن حَشِدهُم حَسّت بأهوال
يوَصّف عبد الحسين الشرع هالحال
زينب لفت يم حسين... لـچن گابعه بالهم
تـگله يا ضوه عيوني... عليمن هالفزع ملتم
تعنت ليه للخيمــــــــه ... وتفسر الصخر ونتهـا
طبت قعدت اگبالــــــه... وعالخد تهل دمعتهـــا
تـگله اعليك ضلع امك ...المظلومه او مصيبتها
سولف لي يماي العين لا تخفي علي يحسيــن ... عليمن هالفزع صوبين
وأشوف ابكثر عج الخيل ... وادي كربلــــه غيم
محتاره و تشوف متحشَده صفوف و مجرّده سيوف كلها رادت نحره
امر الي بيه خوف صارلها مكشوف و الطاغي ميعوف شيبة ابن الزهره
سيف الذبِح شاهر نروي عن العاشر
الملحمه الشعريه
.......................................................
التخافه و تحذره زينب بَخوها صار
حسين على الترب عكب اهله و الأنصار
و بجَيْة الشمر شيكول ابِن نصّار
شافت ذبحته لو غضّت الأبصار
بالله يـا شـمـر عـنـه دوخِر
إذبحني و خل أخويه حسين و سّدر
تـشـم حسين و إتجلب إبجرحه
و لـن الـشـمر يدفعها إبرمحه
قـومـي يو أذبحج فوق ذبحه
و أخـلـيها إبطول الدهر تذكر
تـكـلـه يـا شـمر بالله دخليه
إو مـا شـافه من الطبرات إييزيه
تـشـوفه يلوج ما غير النفس بيه
و عـيـنه نوب يشبحها و يغمر
مجروحة احساس مخنوكة انفاس لا نحره ينجاس يَبنَ جوشن عوفه
برجله الشمر داس بصدر اشرف الناس مد ايده عالراس نيته معروفه
صار الي ما صاير نروي عن العاشر
الملحمه الشعريه
.......................................................
عكب نار الحزن نار الخيم تسري
و زينب راح بروحتك خدري
بعمُر خمسين تجري و تعثَر و تجري
يِوَصّفها عطيّه بِن عَلي الجَمري
زينب احتارت يوم شبّوا الخيم بالنّار
طلعت اويّاها الحريم زغار وكبار
تصرخ بعالي الصّوت طايح وين يحسين
خدري انهتك وانتَ غياث المستغيثين
عجّل ادركنا لايهتكون النساوين
لمّن سمع ظل ايتقلّب فوق الاوعار
لا تكثري عتبي و انا جثّه بلا راس
راسي كبالج و الجسد بالخيل ينداس
روحي لشّريعه بلكت اتشوفين عبّاس
يكدر على النّهضه ويسل سيفه البتّار
و بحرك الخيام تجمع بالأيتام و شجم طفل هام سحكته الخياله
و شتحمِل آلآم هاي اَصعب ايّام مَيِّتها ما كام ما فزع لعياله
يرض جِثّته الحافر نروي عن العاشر
الملحمه الشعريه
.......................................................
عكب ليل اهدعش بالويل شَك النور
اجت نوك السبي و زينب دمعها يدور
خل نصغي اشيِوَصّف كاظم المنظور
يوم العافت ابن اُمها جسَد منحور
يبن امي عالتربان عفتك رميه
عين العمه ولاشوف ذيچ المسيه
يا خويه خليناك عالغبره عاري
إمغسل إبفيض إدماك والچفن ذاري
روحي بگت وياك والجدم ساري
أمشي وأدير العين للغاضريه
أدري إبسهم مسموم چبدك تگطع
وإصوابه مگبل صاب والمگفه مطلع
إبذاك السهم يحسين گلبي يتكطع
سمه إبضمير إحشاي ناره سريه
غصباٌ علي يحسين عالغبره عفتك
والحجر لو ما چان يفضخ جبهتك
ما چانت إمن السوط تتلوع إختك
نوب أنطي متني ونوب أشگف بديه
.......................................................
الرادود : المُلا مَحمود اسيري
الشاعر : علي السقاي
بارك الله فيكم، وجعل هذا العمل في ميزان حسناتكم.
موفق حبيبي 🇮🇶
موفقين لهذه الخدمة وعظم الله لكم الاجر والمصاب.
نتمنى من الملا المسيري إعادة القاء هذه القصائد التأريخية كاملة وبنفس اللحن القديم الذي سمعناها به.
وبالخصوص قصيدة عبود غفلة وابن نصار وكاظم منظور رحمهم الله
اخوانا امانه الي يجي هذه السنه للحسين والنجف يكولي احنه بخدمتكم
ترويج لهذه القصيدة ب 50$ ع نفقتي .. الله يطيب انفاسك..
واذا تكدر تتواصل وياية ع مود الترويج
اتمنى من الخادم ان يقرا زينب لفت يم حسين كاملة رجاء من احد خدام الحسين احلفك بالحسين اذا قرات تعليقي ان تقرأها
لا تحلفه ... المسألة بيها حقوق نشر ..
أسأل الله أن يوفقك هذا طلب من كل المشاهدين
@@ahmedmhussain2209
كل حقوق ما بيها لان اول من قرأ القصيد المرحوم حمزه الزغير و ايضاً ياسين الرميثي
يااا يعني مقاريها كاملة 😢حرامات حلوة بصوته
أنا اتفق معك
اني ما أحب فكرة "الخليفة" بس محمود أسيري هو خليفة باسم الكربلائي و عن جدارة ، لحد يتوقع الي سواه بهذه القصيدة شي سهل ، ٧ أطوار مختلفة اضافة للطور الثامن الي هو طور القصيدة الأساسي حوّل بينهن بكل سلاسة و بدون تكلّف.
احساس عالي گدر يوصّل النا احساس الفخر و الانكسار و الحزن لحد الدمعة.
لغة جيدة بل ممتازة بـ إعتبار القصيدة بيها أكثر من لهجة من مختلف دول الخليج و العراق.
أحسنت و أجدت ملا محمود و يارب يثبتك على هذا الطريق.
من الشعب العراقي نطالب قصيدة زينب لفت يم حسين بصوتك ملا
هذي القصيدة والسنة اللي طافت (قصائد الشعراء)،، أبدع العندليب والسقاي في تضمين أبيات خالدة وشعراء لا ينساهم التاريخ…
وفقك الله ملا محمود على خدمة محمد وآل محمد
و ايضا العام ابدع قحطان الرميثي في حلقة وصل بين النبي وبيني
شسمها قصيدة العندليب ؟!
@@Zahra_02_bkقصائد الشعراء
@@Zahra_02_bkقصائد الشعراء
@@Zahra_02_bk قصائد الشعراء*
مأجورين اجمعين ان شاء الله
القصائد معبرة وثكيلة
الاخوان لطامة ويعرفون اصول اللطم بالتحويل من الدقة الى ثلاث دقات بدون اي خربطة ونمط واحد
هاي المجالس المحترمة ❤
في هذه المجالس ترتاح النفوس وتطمأن القلوب وتنسا ههموم الدنيا ومتاعبها والامها - ذكر الحسين يزيل الهموم والغموم ويطيب الروح نسألكم الدعاء اخوكم من العراق .
لطامة درجة اولى النقله إلى ثلاث دگات ولا غلطة 😭😭 هنيئا والله
عشت وعاش قلم الشاعر علي السكاي الذي دمج دموع الحاضر بمشاعر والم وصدق تراث الماضي حياكم الله وعظم الله لكم الاجر اجركم على السيد فاطمة الزهراء (عليها السلام)
اخوتنة الكويتيين والخليجيين منو هذي السنة يجي للزيارة الاربعينية ياريت ينطيني خبر احنة بيتنة بالنجف وقريب على شارع كربلاء
الله الله قصيدة كبيرة أحسنت مله محمود أسيري
تحية الك من عراق الحسين العظيم عليه السلام
عمي شنو هالقصيدة ياربي شنو الإبداع الشاعر الرادود كلشي قصيدة الموسم والله
نطالب ب سولفلي يماي العين كاملة اتعجبنا ع هالصوت
الصوت كارثي الله عليك
سبحان الله غالبية القصائد بهذا المكان موفقة وهذه القصيدة مثال على ذلك
سولفِلي يمَاي العَين .
لاتخفي عليه يِحُسين.
عليْمن هال فزع صوبين.
واشوف بكَثر عِج الخيَل.
وادي كَربلاء غَيمَ.
عمي عجزت عن الكلام ماعرف شنو اعلق على جمال القصيدة ودمج تراث الماضي وقصائدة العظيمة والرادود اله بصمة تخبل بصوتة ❤❤
قصيدة متكامله من كلمات الى الرادود الي جان موفق كلش بيها الله يحفظكم بحفظه ويوفقكم لخدمة الحسين
هالله هالله شهل بداع من الشاعر الى الرادود لوحة فنية
الف رحمة على روح موتاك يا مله على هل الاداء وعلى هالقصيدة
مبينين لطامه من الانتقاله إلى الثلاث الدگات الطور النجفي والرادود ماشاء الله اتقن الدور عشره على عشره ماشاء الله الله يحفضكم واللهم صل على محمد وال محمد عن الحسد
قصيدة جدا رائعة وأداء محترف من الرادود الرائع الله يتقبل صالح الاعمال بحق الحسين عليه السلام
شنو هل الابداع ماشاء الله زينب لفت يم احسين. لشاعره حسين الشرع. وصاحب المستهل فاطمه ع
13:16 بس لاحظولي الابداع بهذا المقطع
الله اكبر
اللهم بحق الحسين احفظ هكذا حنجره وهكذا شاعر ابداع بتصوير القصائد الحسينية التراثيه
اتمنه منك مله تقره زينب لفت يم حسين كاملة الله يوفقك
اروع رادود محمود اسيري ربي يحفظك بحق محمد وال محمد
شكد سمعتها بارك الله بيك صدك روعة
يحفظك الحسين
ستبقى أسرة آل محمد أعظم أسرة عرفها الزّمان ❤️
السَّلام عَلى الحسَيْنِ وعَلىٰ عَلِيِ بنِ الحُسَيْن
وَعَلى أَوْلادِ الحُسَيْنِ وَعَلى أَصْحابِ الحُسَين
كل التوفيق يارب بحق نحر الحسين نسألكم الدعاء
أحسنتم .. أبدع الشاعر (السقاي) كعادته ،و بعذوبة صوت الرادود و تركيزه و احترافيته اكتملت اللوحة ،، فعلاً هذا الطرح و الابداع و الاتقان الذي يليق بمنبر الحسين ع . مأجورين
طيب الله انفاسك وحشرك مع محمد وال محمد
❤❤❤ ما شاء الله عليك اداء عظيم جمهورك من العراق
نسألكم الدعاء كثيرا💔
الاخيره لاتوصف كل ماعيدها عبالك اول مره اسمعها ابداع ربي يوفقك
طيب الله انفاسك مله اتمنى تقره قصيده زينب لفت يم حسين الله شاهد صوتك يريح الگلب هذا مطلب اللطامه كلهم والله ❤
عظم الله لك الاجر يارسول الله وياامير المؤمنين ويافاطمة الزهراء وكل العزاء لك ياصاحب العصر والزمان وفقك الله ياملا يشفع لك الحسين
طيب الله انفاسك ملا
24:14ما اجملك يا طور النجفي ❤
أتمنى من الرادود أن يقرأ كل قصيدة منفردة كاملة
بارك الله بكم على هذه الملحمة العظيمة
نتمنى لكم الإبداع المتواصل لخدمة سيد الشهداء
الله شنو هالعظمه الرهيبه القصيده الصوت 😔💔💔💔💔💔
تبارك الرحمن شكثر الملا محمود مبددددععععع والله
اللهم صل على محمد وال محمد
إبداع شاعر وابداع رادود الله.. يثبتكم على خط الحسين
القصيدة عظيمةة و الرادود ابدع
ما شاء الله ، ان شاء الله تكون منظوره من الامام الحسين
اعظم الله لكم الأجر والثواب ملا ❤
ابدعت يا ملا واتقنت و اتعبت من بعدك .. مأجور
مأجور وفي ميزان حسناتك ابدعت بكل ماتعنيه الكلمة من معنى شي جدا صعب بس انت سويته للمتلقي سهل
الله يوفقك ويبارك بيك ويحفظك جدااااا استمتعت بقصيدتك ربي يرزقكم من بركاته حضرتك والشاعر ايضا
بس انت مجهودك اكبر موفقين يارب
سَلَامَ مَنْ قَلْبُهُ بِمُصَابِكَ مَقْرُوحٌ، وَدَمْعُهُ عِنْدَ ذِكْرِكَ مَسْفُوحٌ، سَلَامَ الْمَفْجُوعِ الْمَحْزُونِ، الْوَالِهِ الْمُسْتَكِينِ.
الردود من جيل القديم والخدمين الحسين عليه السلام من صدك ❤❤
رائعة من روائع الشاعر علي السقاي بأداء الرادود المبدع محمود أسيري
ماشاء الله يجنن هالقصيدة ❤
اللي بالكومنتات لا تطوفكم " ارجوزه الولاء" خياليهههههه من اداء محمود اسيري وسيد احمد العلوي
@@user-es1lk5zl1m اسمعي رفرف جناحك
حلقة وصل احله و اقوه منها
كلمات و لحن
اللي قالها محمود اسيري ؟؟؟
@@user-es1lk5zl1m نعم
الف رحمة لوالديك
ربي يرزقك اجر كل من كتب شعر و قره
بارك الله بهل الصوت ❤
مدد سيدي يا رسول الله مدد سادتي ال محمد صلى الله عليكم
عاشت أيدك الله يحفظك ملا ماشاءالله ماشاء الله
#نطالب الرادود الحسيني ❤ بصوته لقصيدة زينب لفت يم حسين عليهم سلام ❤😢
زينب لفت يم حسين/ الله أكبر ولا حول ولا قوه الا بالله العلي العظيم/ بكيت ما تحملت
عظيييمة 🔥🔥
جزاك الله خيرا وجعلها في ميزان حسناتك
فصلت المصيبه بالكامل وفقك الله
الحضور ماعدهم اي تفاعل ويه القصيدة رغم ما هي قوية ...
هاي لو بالعراق جان صار غير شي .😢
وخاصة الرادود صوته كلش قوي وواضح هاي لو يمنا جان گطعوا روحهم من اللطم 😞💔
الله يحفظك ويخليك للمنبر❤
الله يطيب انفاسك سمعت قصيده زينب لفت يم حسين للرادود حمزة الزغير وباسم الكربلائي وسيد فاقد بس اروع صوت صوتك الله يحفظك لو تكمل القصيدة ونسمعها كامله بصوتك والله يحفظكم
اللهم صلي على محمد وآل محمد ع هذا الابداع
وَبَدأتْ نسائمُ شَهرِ الحُسينْ ؛
تَطرقُ قلوبَ عاشِقيه
ْ اللهُمّ وفّقنا لتعزيةِ أبَا عبدِالله ،
وَلا تَحرمنا منَ الدَمعةِ عليهِ ،
اللهُم رَقّقْ فيهِ قلوبَنا ،
وطهّر نفوسَنا ، وَاغسل هُمومَنا
نسألكُم خالصَ الدُعاءِ
في كلّ ليلةٍ من لياليهْ .
عظم الله اجورنا واجوركم
احسنتم ابداع
عظم الله اجركم
إنها حقاً ملحمة شعرية
طيب الله انفاسكم وعظم الله اجركم واحسن الله عزاكم 😢😢😢
*🚩اشملوني بدعواتكم في كل مجالسكم ولطمكم وبكائكم وحزنكم في عشرة الحسين (ع) من حاديها وحتّى وحشتها* ..
*🏴قلدتكم كل زفرة ودمعة وصرخة وخدمة بإسم الحسين* ..
*نسألكم الدعاء في مجالس الحسين ع*
*🚩 أعظم الله اجوركم*
طيب الله انفاسك ملأ
احنه خدام الحسين عليه السلام نطلب منك تقرأ قصيده زينب لفت يم حسين
الله يحفظك أن شاء الله
إبداع جزاكم الله خير هذا مكان مبارك في القصائد الحسينيه
تعطروا بصلاه على محمد وآل محمد وعجل فرجهم ثلاث مرات ❤❤❤
اللهم صل على محمد وآل محمد وعجل فرجهم والعن اعدائهم
اللهم صل على محمد وآل محمد وعجل فرجهم والعن اعدائهم
اللهم صل على محمد وآل محمد وعجل فرجهم والعن اعدائهم
عظم الله اجورنا واجوركم بهذا المصاب الجلل
عظم الله لكم الأجر وبوركتم
اجمل ملحمه شعريه ❤
ما شاء الله
مأجورين أن شاء نسألكم الدعاء
ابداع سبحان الله تعالى
طيب االله انفاسك❤
عظم الله اجرك يا صاحب الزمان
عظم الله اجركم يا شيعة مأجورين وقواكم الله للخدمه اسألكم بحق مصائب هذا الشهر ان تدعون لي بظهر الغيب وحق المؤمن على اخيه المؤمن اسأل الله ان ينفس عني همي وغمي ويريحني مما اتعبني بحق ما حصل في يوم العاشر
احسنتم وبارك الله بكم ووفقكم الله ووفقنا لخدمة الحسين الشهيد واهل بيته عليهم السلام 🥺🤲🏻
احسنتتتت رحم الله والديك
الله الله الله
شني هذا الابداع
موفقين بحق الحسين ❤
تعنـت ليـه للخيمـة
الله وأكبر💔
عاش هالصوت اليقره على الامام الحسين
ما شاء الله مأجورين ❤
السلام عليك يا سيدي ومولاي يا ابو عبد الله الحسين
قصيدة رائعة وقيمة
نرجو تقطيع الملف بحيث يمكننا الذهاب إلى كل مقطع بسهولة من الخلال الضغط على شريط التقدم.
الله مأجورين😭🖤
عظيمه عظيمه عظيمه
الله يحرم شيعة امير المؤمنين وبخصوص خدام الحسين (عليه السلام)
بارك الله بيك واحسنت على هذا الطور في القصيده❤
بروح أبوك اقرأ زينب لفت يم حسين كاملة
ابداع ابداع بالتوفيق
بارك الله فيك إبداع
اللَهُمَّ أَنْتَ ثِقَتِي فِي كُلِّ كَرْبٍ؛ وَأَنْتَ رَجَائِي فِيكُلِّ شِدَّةٍ؛ وَأَنْتَ لِي فِي كُلِّ أَمْرٍ نَزَلَ بِـي ثِقَةٌ وَعُدَّةٌ.
كَمْ مِنْ هَمٍّ يَضْعُفُ فِيهِ الْفُؤَادُ، وَتَقِلُّ فِيهِ الْحِيلَةُ، وَيَخْذُلُ فِيهِ الصَّدِيقُ، وَيَشْمَتُ فِيهِ الْعَدُوُّ؛ أَنْزَلْتُهُ بِكَ، وَشَكَوْتُهُ إلَيْكَ، رَغْبَةً مِنِّي إلَيْكَ عَمَّنْ سِوَاكَ؛ فَفَرَّجْتَهُ عَنِّي، وَكَشَفْتَهُ، وَكَفَيْتَهُ.
فَأَنْتَ وَلِيُّ كُلِّ نِعْمَةٍ، وَصَاحِبُ كُلِّ حَسَنَةٍ، وَمُنْتَهَي كُلِّ رَغْبَةٍ.
دعاء الامام الحسين "ع" في صباح يوم عاشوراء عندما حاصره الاعداء.
صوتك عظيم
احسنتم وفقكم الله لكل خير
زينب لفت يم حسين اتمنة يقرائهة كاملة