اسمع رفيقي | الملا جهاد الحداد | محرم الحرام 1445 هـ

.
‎[ اسمع رفيقي ]
------------
• اسمع رفيقي | الملا جها...
------------
‏‎أداء | الملا جهاد الحداد
‏‎كلمات الشاعر | محمد البدي
------------
‏‎مخطوطة - سيد حيدر البراهيم
‏‎مكساج - احمد البرمكي
توزيع - محمد حليبد
ترجمة - فاضل البراهيم وجواد المطر
‎مونتاج - مهدي حسن
------------
الليلة السادسة من محرم الحرام 1445 هـ - 2023 م
‏‎موكب_الكاظمية
------------
بيني وبينك سفره وعشره .. وخدمة لحسين
قول بأذني بوحشة قبري .. وقت التلقين
إسمع رفيقي .. افهم رفيقي .. وياك حسين
ـــــــــــــــــــــــــــــــــــ
يجي الموت ويفرق بينك و بيني
أريد أخذ عهد منك على سنيني
إذا رحـت الـزياره من بعد عيني
بالحضره لَتـنسى دمعه تهديني
لا تــنـسـى الـراح ويـاك يـا زايـر
واهدي لي اهناك خطوات للحاير
لو دفنوني ورحت بدوني بدربك مشاي
انصب موكب بالمشايه بسم السقاي
بدرب السبايه .. ألزمني رايه .. وياك حسين
ـــــــــــــــــــــــــــــــــــ
تـذكرنـي إذا داخـل لـبـو الـيـمه
إذا ضمّيت بابـه اشركني بالضمه
ومن توصل ضريحه و رايـد اتشمه
(أقلدك) خويه بالدمعات و اللطمه
تـذكر كم عـام ويـاك خـدامه
تضيع و ألقاك بصفوف لطامه
نـفس الطـلبه نطـلب دايـم يمه بـلقبور
ومثل الخادم سيد جاسم ومثل المنظور
ابچي لي يمه .. واحچي لي اسمه .. وياك حسين
ـــــــــــــــــــــــــــــــــــ
عشت وياك عالحلوه وعلى المره
تراهي الحلوه چانت ريحة الحضره
أمانة اعليك تكتب اسمي واتشمره
بـشـبـاك إذا مــا وصـلِـت قـبره
اوعدني وكون وياك تاخذني
لو حتى بخيط شباچ تعقدني
عهد الفرقه و وقت الملقه وكل الأيام
ننعى بحرقه حزة نحره و نذكر السهام
لو حل رحيلي .. يقبل قليلي .. وياك حسين
ـــــــــــــــــــــــــــــــــــ
شكثر مرات سفرة كربله صعبه
ونقول تهون تسوه بالصحن طبه
إذا خـدي توسـد تالي عالتربه
تـذكرني بـيـن الـقـبه و الـقبه
لو ضعت هناك فد يوم بالعبره
موعدنا يصير عد باب السدره
انـده اسـمي و اذكـر شكـلي بين القبتين
يمكن ضايع وارجع زاير بروحي من الطين
(ربِ ارجعونِ ).. لعبرة عيوني .. وياك حسين
ـــــــــــــــــــــــــــــــــــ
يبو اليمه عليك بردت الميمون
خـالي لـلخـيم و النسوه يفترون
يرب كل اربعيـنيه مـع اليمشون
نرد ابكل سنه نتعنى ويّه ام عون
(لا تخاف) تقول أثناء تلقيني
وتدري العباس من ظماي يرويني
من يّجوني و يسألوني بلحظه (الملكان)
راح احچيها بس مذبوحي منطيني امان
دخلت مزاره .. اربح تجاره .. وياك حسين