油塘阿翁火鍋館｜羊腩煲｜海鮮刺身糖水甜品｜蝦碌情侶Halook.foodie

店名：阿翁火鍋館/半島漁港
地點：油塘鯉魚門道80號鯉魚門廣場2樓208B號鋪
追蹤我 Follow Me
★Facebook專頁: 蝦碌HalookCouple情侶
★Instagram/TH-cam: Halook.foodie
1.古法雙東羊腩煲
羊腩煲非常出色，羊腩淋身，醬汁惹味，配料豐富，有枝竹，馬蹄，冬菇，大蔥，仲要系份量十足，羊腩份量足，炆嘅時間又充足，真心推介
2.環球海鮮盤
會配上時令海鮮，今日有蟶子，扇貝，魚，蝦同埋生蠔，樣樣新鮮
3.刺身拼盤
刺身肥美，今日有蝦、三文魚、帶子同螺頭，師傅會因應時令海鮮，自行提供四款
4.至尊水餃皇
水餃皇不愧水餃皇，有成只嬰兒拳頭咁大，食嘅時候發現去面嘅餡料有六隻蝦，食到嘅時候都我哋都哇左一聲，勁香麻油味
5.阿翁極級牛頸脊
佢可以選擇本地手切肥牛或者極級牛頸脊，咁話明極級牛頸脊，梗系試試佢啦，佢會用人頭去分返我地嘅份量，2-3人會系細份，但唔好以為細份就真系好少，嗰度都有十幾塊，油脂分布均勻，入口好好食
6.蠔皇鮑魚扣鵝掌
鮑魚非常淋身，唔駛好用力就咬開，非常正，鵝掌正，不過記住趁熱食
食完上邊幾個菜式，就可以打邊爐啦😂，不過大家要注意，如果想選湯底（冬瓜瑤柱鍋，皮蛋芫茜鍋，招牌鴛鴦鍋，清湯鍋同龍蝦鍋「需另+88」）只可以選擇重慶辣雞鍋，另外二個鍋（豬骨鍋及羊腩鍋）只可以加湯打邊爐。想食羊腩鍋嗰啲第一時間叫叫咗湯底先叫羊腩鍋就要加錢，尼一點大家要注意。
咁我哋叫咗羊肉片，雪花肥牛，鮮蝦滑，墨魚滑，魚滑，響鈴，炸魚皮，碟碟都份量十足，另外店家都設有自助食品吧，提供數十本蔬菜、竹笙、生根同埋丸類等，啤酒汽水任飲，切記量力而為，唔好浪費。
呢個任飲任食海鮮火鍋：
星期一至四
成人價$268
星期五六日，公假及前夕
成人價$298
小童半價, 八點打後入座八折優惠
現時仲有做緊生日優惠，凡於生日月份享用任飲任食海鮮火鍋（可享免費或者半價優惠）
3-4位：生日者可獲半價優惠
5位以上：生日者可獲免費
多過一位生日者，生日者可獲
半價優惠
總價連加一（$590）