Vota Xiomara Maduro 3 MES riba Movimiento Electoral di Pueblo MEP

Un saludo cordial. Mi Nomber ta Xiomara Maduro y mi ta forma parti di Movimiento Electoral di Pueblo. Un movecion politico den cual mi ta milita ya pa 15 aña. Ma forma parti di Parlamento di Aruba pa 8 aña y ma sirbi mi Pais 7 aña komo Minister di Finansa y Cultura. Nos a pasa den momentonan dificil, pero nos a dirigi nos esfuerso y sacrificio pa traha duro pa awe Aruba por ta stabiel y riba un bon caminda.
Cultura, bo tin cu bib’e. Den e sector di cultura nos a logra restaura, mantene y conserva nos Monumentonan, nos a brinda reconocemento na varios baluarte, nos a facilita les di arte gratis na scol di Arte na San Nicolas, y pronto lo restaura a tarima unico den caribe, Cas di Cultura. Y hopi importante, nos a rebiba e animo pa duna balor na nos dianan nacional y celebranan dignamente.
Riba e tereno di Finansa, nos a crea espacio fiscal cu cual Aruba por reduci su debe y haci inversion necesario. Nos a demostra disciplina financiero, entregando presupuesto 2023,2024,2025 na tempo na Parlamento. Nos a crece e credibilidad financiero di Aruba, nos a logra presenta presupuestonan cu surplus desde aña 2023, nos a cumpli cu tur norma financiero acorda den e ley di supervicion, y nos ta logrando pa duna cada bes mas yudansa na gruponan den necesidad den nos comunidad.
Mi a traha na un manera serio, dedica, transparente, y semper na interes di e bienestar general di Pais Aruba. Cu tur respet y fo’i un curason gradici, mi kier pidi bo humildemente pa bo sosten, pa nos por sigui traha na bienestar di Pais Aruba.
Vota Xiomara Maduro 3 MES riba Movimiento Electoral di Pueblo MEP.
#XiomaraMEP #X3 #FuerteyCapaz #Democracia2024