孝順𡃁仔請嫲嫲食「仙丹」🤯?! 爬出三十樓如何大難不死 😨 獨家分享童年傻事💩百厭𡃁仔之匪夷所思
ฝัง
- เผยแพร่เมื่อ 28 ก.ย. 2022
- 今次講百厭𡃁仔都勾起左我好多回憶，估唔到有咁多人都不約而同同我有同樣嘅Idea同行動力，真係好值得鼓掌👏🏻🤣 有一啲我睇完都覺得後悔，點解以前我諗唔到嘅呢😮💨 不過唔緊要，而家做唔到百厭𡃁仔⋯都仲可以做百厭靚仔（好似係除非唔係）
#機動電視台 #鄭中基 #一人一個百厭𡃁仔之匪夷所思
-------------------------------------------------
自機友會員制正式啟動🥳 每月$19＋$1就可以睇到更多專屬影片（包括匪夷所思刪減片段、NG精華片等），仲有機會同我哋直播傾計添！為咗歡迎會員嘅加入，我哋仲準備咗經典表情包Sticker，可以喺留言，社群，直播或者首播嘅聊天使用❤️快啲加入啦！
要用電腦開我哋頻道首頁，係訂閱制隔離就可以「加入」喇！
電話可以用呢條link: / @rtv_runningteam
Follow us👇🏻👇🏻👇🏻
機動IG @rtv_runningteam
/ rtv_runningteam
FB: / runningteamltd
鄭中基 @tinyeyes39
/ tinyeyes39
FB: / ronaldchengofficial
Flickr: www.flickr.com/photos/zzj/
湘姐 @sheung_sheung_sheung
/ sheung_sheung_sheung
FB: / hhsheung
TH-cam: / @sheungjei
MamaStep @mama.step
/ mama.step
TH-cam: / @mama_step
Jacky @wyhjacky
/ wyhjacky
九虎 @charles_9tiger
/ charles_9tiger
大佬好嘢 @daailouhouye
/ daailouhouye
Shop here: www.daailouhouye.com/
我唔係投稿，但係度好想向鄭中基先生及團隊表達感謝🙌睇得出你地每條片花好多時間拍攝，就算觀眾來稿節目，事前你地要度稿，又要綵排一次，跟住拍攝大半日同埋漫長後期製作...我估個channel未必賺緊大錢，可能只係收支平衡，但係團隊一直好有熱誠拍攝，好值得尊敬🙌特別感謝鄭中基，我覺得你開channel唔係為錢（錢你大L把，你明知香港拍youtube好難經營但仍選擇開台）我覺得你開台只係為興趣，為左帶俾香港人開心。你用你以前喺電視台、電影圈累積嘅經驗製作影片，令上youtube嘅普羅大眾都可以睇到咁高質嘅製作🙌你令香港人再次歡笑，多謝你🙌仲有，值得一提，鄭中基呢類上晒岸嘅明星，有晒光環，大可以咩都唔做，淨係Q埋手每日收版權稅、收租過日子，都足以過住榮華富貴嘅生活。好多你嘅行家上晒岸就收山，或者得閒返大陸上綜藝節目講幾句Lam下人仔仲爽，但係你偏偏選擇經營勁難喺香港賺大錢嘅youtube，你嘅精神，真係好值得尊敬！呢d先係為香港有貢獻嘅藝人！
你以為冇賺錢，其實佢呢個channel 賺嘅錢分分鐘已經多過你全家😂
我都有一單童年傻事分享：
話說細個嘅時候好鍾意返大陸玩煙花，有一次跟屋企人去完番禺市郊玩煙花，咁玩唔曬就拎返去廣州市嘅屋企，咁廣州市當時已經禁止燒煙花，而我又驚啲煙花會過期，於是就出去揾個空地偷偷咁燒煙花，當時我正向天發射緊一種叫做「龍吐珠」（即係一碌好幼嘅棍裡面會噴出好多唔同顔色煙花珠珠）嘅煙花，正當我玩得好開心嘅時候....有人喺我後面大嗌...
街坊阿叔：喂～！死仔，你做咩喺度燒煙花？
我：吓？
我俾佢嚇一嚇，跟住轉身向住佢，並將揸住煙花嘅一雙手垂下，而嗰支「龍吐珠」仍然好似噴火咁樣係度（蕉～蕉～蕉）噴「火球」係咁射個街坊大叔，而嗰個大叔被我射到左閃右避，不停嗌佢老母
harry potter
笑死，好有畫面
匪而所思系列真係 keep 到集集都咁好笑🤣🤣🤣
BTW 自機友 sticker 加咗九虎正呀
期待大佬整多集 part 2 交貨😍😍
我細個最百厭係... (千萬唔好學) 我有3個哥哥，當年佢哋玩bb彈鎗玩到好沉迷，仲會自己整針彈 (當然我冇玩過針彈，傷害人嘅嘢我唔會做) 當年我哋住觀塘巴士總站唐樓4樓 (清拆重建果喥) ，雖然我係一個善良嘅小女孩，但耳濡目染之下都同哥哥一齊响屋企用bb彈射樓下小巴佬同埋熟食檔d人，仲以為自己係特種部隊咁，掀起窗簾射完之後即刻匿埋。(我最優秀嘅成績係射中洗碗哥哥嘅patpat) 真係超級曳
我好過你，我直接拿石頭砸踩緊單車的啊伯，啊伯倒地之後即刻追著我
細個嗰陣新年返大陸都會放煙花，有隻煙花叫小蜜蜂，點完之後就真係會飛嚟飛去，有次呀哥放嗰陣唔小心放錯方向，隻小蜜蜂一嘢飛咗入屋，跟住成間屋都係白煙，成班大人包括呀爺呀嫲老豆老母呀叔姑姐嬸嬸全部人都嚇親，走出嚟問咩事，好彩都係話咗兩句咩事都無又可以繼續去玩😂
Wee
唔好開名，投稿定第二集😂
細個有一次唔記得點解同同學打交，打打下我一腳唔小心俾個同學推低我，咁啱就坐左係個垃圾桶度，之後個同學就走左去廁所痾尿，咁我梗係唔忿氣，就跟佢尾入廁所，見到佢企係個尿槽度痾緊尿，我就一手將佢推落個尿槽，然後件事唔記得點解會俾老師知道咗，打電話叫家長嚟左學校。 不過最匪夷所思嘅係有個女同學話見到我坐垃圾桶好似幾好玩，然後佢又坐埋一份，最後佢都有份俾人罰😂
Weeeee
投稿下集
記得細個小學嗰陣學校已經有內聯網，啲老師都會用個網sd email比其他老師做工作野，學生一般都好少用個網，但係一樣有account比學生的。
咁嗰時大約小三，同我呀媽去左我表妹屋企玩，
佢嗰陣小一，學校岩岩派左email比佢地登入學校個內聯網，佢同我講佢地個預設密碼係123456，username就係學生證number。
而個number呢，就係8位數跟年份班別學號順落，所以岩岩派acc嗰陣好容易入到其他未改密碼既戶口。
當年我因為有打機玩cso同跑online，已經學識左用速成打字，
唔知咩叫check ip既我居然用姑姐屋企部電腦，求其入左一個小一既戶口，send左一封for全校所有老師學生連埋校長既信出去，個內容係咁的：
「我屌哂你地依班廢物」
.
之後大約三個字後，學校打電話去比我姑姐問發生乜事，之後先一層層咁發現原來佢依個ip既電腦send左番咁既信出去，
我比我老母當場狠狠打左巴，仲跪埋係到喊住咁道歉。
事後番到學校當然係教員室門口罰企，仲記得好清楚嗰陣有個老師埋黎問我「你話我地全部廢物?咁你比我地教你係咩呀?」
我屋企人聽到佢咁講野好嬲.. 仲調轉話我有唔岩佢都唔應該咁講野， 最後結果係我好真誠咁同個戶口主人既嗰位同學道歉，個老師同我道歉😇
可唔可以拍一個竉物匪夷所思😂因為竉物啲怪事多到笑死
這個我也想看🤣
有得諗
贊成
寵物定竉物？
我有故事分享！我係美國，我隻狗6-7 個月大個陣最喜歡吃屎，吃Canadian goose 屎。其他動物😮😮唔吃。有次，一不留神，隻狗吃得太多，返到公司，…….. 頂，隻狗嘔到公司成地屎加嘔吐物。
釘書機釘手指嗰單嘢我細過都試過🤣釘落手嗰下係完全唔痛嘅但掹返出嚟嗰陣就痛到PK
仲有細個嗰陣當細我兩歲嘅細妹仲讀緊幼稚園嘅時候，有一日佢用鉛筆刨（唔係大大部嗰種）刨刨下鉛筆嘅時候突發奇想，想知道鉛筆刨係點樣刨到鉛筆嘅，於是佢就攝咗隻手指入鉛筆刨到刨
到我因為聽到佢嘅慘叫而跑出客廳嗰陣，佢隻手指已經血肉模糊，狀況十分恐怖💩💩
最後有冇被人打就唔記得啦，不過佢依家隻手指都睇唔出發生過啲咁恐怖嘅事
隻倉鼠居然survived！好厲害！倉鼠好容易被嚇死的🥺🥺😢😢
哈~多謝大佬,多謝機動咁多位🤣🤣
Weeeee~~~~~記得CLS👍👍👍👍
支持機動電視台RTV💪💪💪☺️💕💕💕
翹首期盼🎉等到匪夷所思啦😂
這個系列真的好看
好高級嘅用字呀
我哋啲觀衆真高汁
我覺得炸彈嗰個贏咗喎，登埋報邊有得輸ww
最威水🤣家族留傳
威威豬
想睇果份剪報
Weeeee~希望第二集上到😂。
細個一年班嗰陣，屋企人經常會踩單車載我翻學，大概15分鐘車程度。有一次，舅父如常用單車送我翻學，咁係期間我用隻左腳對咗入去個後轆度😮。直接搞到地面成一條血路😅。最後送去醫院鏠咗13針，仲要單腳跳三個月先行翻😂。至今我都記得舅父比家人屌到飛起嘅畫面😂。
單車都咁傷..我小六放咗入電單車個轆度。單腳跳咗個幾月🙂老豆仲要次次都好遲先嚟接我放學。
試過，同你一樣，不過無你縫十三針咁勁，但都好傷，成塊皮扯咗出嚟，都係幾個月先好番。
匪而所思...絕對是機動王牌系列,...次次都笑Q死😂🤣🤣🤣👍
請問可以喺邊度投稿,如果可以再拍多次個百厭仔系列,我都想投稿😊
facebook
你喺度留comment 投稿都得架
@@adrianwong8093 😮😮😂❤
ok thx
4:34「我頂唔順啦」笑到流眼水🤣🤣🤣
☝🏻
我前一份工嘅工作地點間舖冇廁所，要去大廈嘅公廁，我都見過屎橋，好震撼。佢係打直並唔係打橫，考慮到樓上返工嘅都係白領成年人(一係係我老闆一係係個保安，都唔會有死𡃁仔)，我估佢唔係特登做出嚟掛
我見過最撚震憾係做馬拉松event helper嗰陣去公廁，一條完整嘅屎橋橫亙喺廁所板後面嗰part...嚇撚到我打倒退出去
當時後面超多人排隊，最後都真係有個勇士入咗去痾，真係好佩服
Weeee 唔好開名 第一次投稿🙌🏻
記得我嗰陣時兩三歲，阿爸喺梳化瞓咗，我瞓醒覺得肚餓於是落街去買點心飯食，就順便拎咗阿爸部電話、著咗對鞋、錢都冇拎、著住條尿片底褲就直接出門口去買飯
一落到街諗住轉彎去間鋪，點知發現間舖唔見咗(執咗笠），準備過馬路去對面搵，突然就被兩個阿姨抱起，啱好有個警察經過，叫咗個警察問我：小妺妹你屋企喺邊度？爸爸媽媽呢？我話：爸爸喺屋企瞓覺，我想去買排骨飯！之後我帶埋警察到屋企樓下😂
之後我阿爸起身發現屋企門開住、我又唔見咗，衝出屋企搵我，咁啱我帶咗警察嚟，阿爸瘋狂道歉之後抱我返屋企😂阿爸被我激到哭笑不得😂到而家我中五都仲講緊我呢件威水史😂
😂好想知係幾多年前既事，今時今日咁樣實俾人攪大件事
@@osmanthus1000 2007定2008左右😂
3:30 呢度笑死我 🤣
11:05 笑死我x2🤣🤣🤣
嚟多集百厭𡃁仔🙌🏻‼️‼️‼️
weeeeee 希望第二集會讀我呢篇
好記得係小學一年班嘅事，嗰年學校要起新大樓，所以搞咗個籌款活動
咁就俾咗全校學生一人一個紙袋，叫我地返去叫老豆老母呀、親朋戚友嗰啲籌款
籌完錢就要喺個紙袋背面mark低哂啲善長人翁嘅名，仲要寫佢地捐咗幾多錢
我就貪得意塞哂屋企盒大富翁入面啲錢落個袋度，後面啲名全部亂作，例如: 陳大文 $1000
後尾到deadline嗰日先望到啲同學仔個紙袋，心諗: 仆街啦，原來要裝真錢...
我即刻淆底，收埋個袋。個老師行過嚟想收嘢，我就老吹，話整唔見咗
結果俾人留咗堂半個鐘，跟住就不了了之...
我大紧肚睇依条片，笑得好开心，我突然之间睇到一半醒起需要胎教😅
經你聲演過之後好笑到我透唔到氣😂
Weeee
小學嗰陣學校大食會,我地幾條友撻咗一支2L可樂同一條萬樂珠鼠咗去廁所,然後塞咗條萬樂珠落支可樂度仲要擰埋個蓋, 於是佢個樽裡面嘅壓力越嚟越大,最後就個蓋就爆咗,啲可樂好似火箭咁垂直射,射到天花個風扇,個風扇就打散曬啲可樂,濺到成個男廁周圍都係可樂,之後即刻就走佬番班房扮冇事發生過。
wee 希望有第二集
中學一年級個陣上DT堂(設計與應用科技)，我同死黨(A)成日好快做完阿sir比我地既課堂習作，之後阿sir會好好心咁帶我同A去佢個私人房到拎玩具砌，砌完可以拎返屋企。有一次我地同樣好快做完習作入去拎野玩個陣，佢聽到出面有同學叫佢，佢仲好好心咁同我同A講: "拿你地拎完就出返黎喇，都慣左架啦你地，唔好搞其他野"，咁佢間房有一個區專係放比我地學生砌既額外玩具，我無聊之際見到有幾支膠樽野係阿sir枱面又細細樽，褲袋都袋得走，跟手就拎走左支，落堂小息去廁所玩，倒出黎個陣係白色，一加水就會變透明，當時覺得好好玩，跟手就溝埋然後倒係走廊位(我同A上堂個一層)。倒完清潔阿姐係到鬧我地做咩亂咁玩水，仲拎地拖拖到周圍都係，個陣我同A都已經笑到傻左。之後再上堂，咁岩個日就係校長巡樓巡堂(個校長成日著高跟鞋﹑行路總有日有仆街個種)，行到個到就聽到好大聲既"呀"聲同"硼"聲，出去睇先知原來校長仆左街，入院發現有骨折。事後睇返查到個D係我同A既傑作，個阿sir超好心幫我地頂曬同埋被調左校。
最後一提呢位阿sir於2021年因疫情離開左。😭😭
個阿sir真係好有義氣RIP
Oh nooooooooooooo🥹點解好人都咁快離開人世
被調校即係比人炒咗RIP
@@deater234 可能係官校？
@@300blackcats 小弟中學讀官校
大佬教整屎橋嗰part笑到hihi🤣🤣🤣
其實鄭中基應該自己整一集😂😂🤣
睇佢個款一集應該都講唔曬。
最百厌冠军👍
終於出匪夷所思啦！！等咗超耐
😅😅😂😂😂😅今集匪夷所思故事好鬼CLS
我細過都比同學用鉛筆插到個膝頭，到宜家隔咗三十年都仲有點黑色😂
聽完大佬個屎橋 笑到停唔到🤣🤣🤣
名副其實「屎橋」
睇你片好開心，我唔應該食飯時睇😅
你知規矩
Weeee~
唔好開名thx 投稿俾第二集
記得小一個陣 唔知係學校教我吸煙係對身體唔好 定係我係唔知邊度聽返嚟 同時我阿婆又吸煙 我仲要知佢啲煙擺喺邊 於是我一嘢抌晒阿婆兩包煙喺客廳個垃圾桶 仲要用啲紙巾遮住佢扮冇嘢 咁可想而知俾人發現咗啦
之後嗰日全家都鬧過我 嗰陣覺得人生好黑暗 明明我係對阿婆好
Weeeee~
細個個陣冇咩好玩，周不時都係玩下玩具。不過有一次突發奇想，想試下可吾可將隻紅色落克人公仔個頭塞入個鼻入面(隻落克人公仔個頭有隻角)，點知真係俾我得左，塞左入去。之後我就不停將個頭攞出黎又塞入去，點知玩左幾次就吾小心卡住左個公仔頭。咁諗住揾方法攞返出黎啦，點知又越整越入。最後冇計唯有同屋企人講我塞左個公仔頭入鼻度，婆婆聽完即刻打俾我阿媽，阿媽個下連野都吾做，即刻飛返黎屋企帶我睇急診。我最記得去到醫院，被人送左去手術室入面，d醫生用強光照住我個鼻窿，用夾將個頭夾出黎。後來個護士將個公仔頭俾返我阿媽，阿媽諗都冇諗直接將個頭掟落垃圾桶，至此隻落克人冇鬼左個頭🥲
我有個朋友😉小學果時發脾四,用把「張小泉」冇包膠嘅較剪,一野剪個拖牌條線,有火花,跳埋屋出面個大制
係我朋友吖😜
😂😂鄭中基makes it extra funny🤣🤣 笑死我!!
Weeeeee
細個新年返大陸好鍾意玩煙花，
咁玩到冇嘢好玩就同我表弟兩個開始炸嘢，（炸牛屎已經滿足唔到我地）
咁我吔就搵到間爛屋，
入邊有一幅獨立嘅爛牆，
咁我地就將啲「魚雷」綁埋一嚿，
塞係幅牆啲窿入邊，
然後一點火boow一聲，
幅牆俾我地炸霖咗，
咁都好彩～我地即刻走冇俾人發現到。
投稿定第二集😂
細個嗰陣，住係村屋，有時阿爸阿媽要晾衫都會上天台，咁就會得番我自己一個係屋企。有次，老豆上左天台晾衫，我就周圍搵野玩，好死唔死俾我係廚房個垃圾桶度搵到個打火機，然後係好奇心驅使下，我開始搵野燒，初時搵啲廁紙，燒著左都一吹就熄，之後就開始燒毛巾，太大火都係扔落個洗手盤淋水同吹熄佢。燒下燒下就開始大膽起上嚟，走左去我阿媽放名牌袋既房間，燒佢放袋個櫃隔離個窗簾，點知原來窗簾係愈吹愈大火😂，然後啲火一發不可收拾，咁燒到阿媽放袋個櫃度😂
結果咩袋都俾我燒哂😂😂
冇比你媽打？
@@ningchan4123 冇俾阿媽打，都感覺到佢當時有幾崩潰。😂
細個有段時間好興玩紅外線筆，
試過買返嚟喺屋企射落樓下(住低層)，
又試過射去對面樓其中一個單位嘅廚房(同對面樓隔住個廣場)，
咁啱嗰家人嘅太太入廚房，
見到牆上面有laser紅點，
即刻勁驚咁搵嘢封住個窗😂
我懷疑佢係咪睇得太多電影以為俾sniper瞄😂
正❤
WEE~~隻比卡超係咪識得百變小櫻, 哈哈~~
Weeee, 我要投稿🙋🏻♀️
小學一年班既時候lunch係家長送飯，
有一次媽咪買左壽司比我食，但係我就唔食wasabi既～咁岩呢個時候我隔離個同學仔出左去廁所，佢個飯壺又咁岩打開左喎～咁我就順手將我唔食既wasabi揤晒落佢碗飯到攪攪攪，攪攪攪，然後返黎我同佢講請你食咖😊😅之後我比人罰企左成個午息
😂wee～當年都已經上中學，有日唔知點解想整鬼一個男同學，跟住同另一班同學一起將個男同學張凳痴滿曬雙面膠，仲係要x型咁痴，所以冇可能搣得甩😂跟住下一堂課上課嘅時候，老師問佢點解唔坐低，跟住嚟睇到佢張凳全部都係膠，所以佢企左一堂課。落課之後，個老師就話幾個平時好曳嘅同學叫佢地冇搞咁多野，and then我地班主任去查cctv諗住睇下到底係邊個做，點知就發現係我地班友，佢諗住上班會就公審我地，但係個cctv唔知點解突然間放唔出。btw張凳放左喺過道好耐，唔知宜家點😂😂
會唔會出part 2呀？估諗住會抽到我寫嘅讀出嚟就播比阿媽睇吓😅
Weeeeee~~
小學二年班有一次係屋企煮野食，當時自己一個係屋企，炸一啲冷凍炸雞，屋企人突然返咗來，我就臨急臨忙將啲沒炸熟嘅雞同埋啲油倒落個大碟然後再放入一個大鐵煲，（可能當時驚爸爸媽媽鬧點解自己係廚房煮野） 之後就若無其事咁返入廳坐，當然我係完全忘9lan記啲炸雞重係個煲裡面。時隔一個月後，我爸爸想用個鐵煲，一打開個蓋， weeeeee～ 一碟融融爛爛生嗮虫嘅野呈现係佢面前，佢都估到係我嘅傑作，好在佢又冇發嬲只是问係唔係我做嘅，我就好尴尬咁話係。諗翻起都覺得幾on9....
暴龍哥的喜劇天份真的是隨心而出。
大佬好嘢👍👍 湘姐💛💛step媽媽💛💛💋💋
一字頭單車，剛剛係香港興起，好多人都會用部單車衝落樓梯。見人衝以為好易，諗都無諗就係公屋條樓梯衝落下層，點知落左兩，三級自己一驚就剎車，連人帶車轆落廿幾級樓梯，好彩個背脊落地先😅
代課老師唔知點解令我諗返起以前小學嗰陣嘅牧師🤣
以前小學係基督教學校 每朝早會都會有校長或者其他老師分享唔知啲咩嘅 嗰陣有一次係學校嘅牧師分享 佢話佢以前細個大約小學嗰陣 可能個miss講書講到攰啦 咁就坐係佢張枱度 但係因為佢實在好唔鍾意 佢第一次直接攞把鉸剪剪9個miss條裙🤣個次比佢miss話佢 同佢講唔好再咁做 去到第二次個miss又坐佢張枱 佢直接燒9咗個miss條裙🤣🤣最後結果係點已經唔記得咗 但係嗰陣個個忍笑忍得好辛苦🤣🤣
大佬示範疴屎真係笑到我痴線！！🤣🤣🤣🤣🤣🤣🤣🤣🤣
細個好鍾意睇屋企人煮飯
但覺得電飯煲煮飯會出啲蒸氣出泥好煩又會搞到廚房好熱
有一次望住個電飯煲 諗左好耐 覺得佢好煩 忍唔住 用兩隻手指仔禁實個蒸氣孔唔比啲蒸氣出嚟😂
一開始都無咩野，但過多幾廿秒就痛到飛起 縮手但又唔夠膽大叫大喊
自己一個行返出廳望住兩隻紅晒既手指又痛又驚 到最後頂唔順先同呀媽講
最後去左醫院 兩隻手指仔包到成條臘腸卷咁大碌 比呀媽笑左好耐🥲
Weeeeeee, 話說小學既時候成日會約埋班朋友一齊去柯尿，有一次幾個同學仔一齊柯尿而我又夾住本功課簿，柯柯下幾個同學仔一齊玩飛象過河，姐係一邊喺尿兜柯尿一邊走位向左或者向右咁移動去下一個尿兜而期間需要keep住柯尿，點知有下走位既時候太過大意，夾唔實本簿然後成本跌左落個尿兜，結果成本簿比d童子尿射到濕晒滴水
之所以IT老師捉到係因為佢畀人照肺，唔憤氣梗係死都要搵到個兇手出嚟🤣我公司個IT就係咁，明明做捉全套防毒，但咁橋畀黑客入到黎del左公司既file，於是IT無啦啦畀老細diu
Wee 我又投稿😂😂
小學戈陣學校中午有得搭食，食完午飯個個就自己做功課啦，我又見做完冇野做喎，望住支墨水筆玩咗陣，跟住拆開咗諗下唔知啜佢會唔會好似飲管咁啜到啲墨汁出黎呢，跟住我一秒啜入口，feel到唔對路😂一口噴出黎，仲嚇到隔離同學仔尖叫爆喊，成枱成條校裙藍曬，跟住老師就跟進啦⋯從此我就比人笑做「藍精靈」笑左一排😂
睇完笑到傻咗😂😂😂
Weeee~~
細個嗰陣住嗰度樓下有個平台，好多細路同街童喺度玩，我好中意整濕啲紙巾掟9佢地😂，嗰陣住10樓，又有次有個嬸嬸喺平台曬被，我同哥哥輪流睇下邊個掟中張被，最後皆大歡喜大家都掟中，後尾個嬸嬸發現有人掟紙巾，好L嬲咁喺樓下望上嚟睇下睇唔睇到邊一戶掟出嚟，嗰陣我屋企係喺近窗邊既天花板整枝棍要嚟掠衫，啲衫一字排開剛剛好遮到大半個窗，我地就匿啲衫之間無被發現，佢一擰轉頭又掉，玩得好開心
最後佢收返啲被，無曬一段時間
最慘既佢喺附近面包舖返工，我地平時返學都有去嗰度買面包，佢仲成日讚我兩兄弟好乖好聽話😂
到最尾佢都唔知係我地
支持機動電視台……支持Real HongKongers ……支持香港議會……Real News✋👍🙏
Weee~
小學三年班自己喺屋企溫書太無聊，書枱有塊鏡仔，望住自己個樣覺得條眉太粗，諗起阿媽平時會攞把修眉剪修眉，就諗住有樣學樣，黎手攞起把大鉸剪就咁打橫貼住條眉咁剪落去，兩條都剪完，先驚覺自己條眉疏到好似冇眉咁濟😂
第二日返到學校，我用兩隻手指遮住兩條眉，同學笑9完我之後仲教我去護理室攞兩塊膠布痴住（我冇咁做），就一直用手指遮住遮到有個修女見到問我做咩，叫我放開手，我話「你應承我，唔笑我 我就放」個修女好認真咁答我「好 我唔笑」點知我一放手，個修女呠一聲笑左出黎😑自此呢件事就出名到我中學畢業😂😂
Weeee~~~
聽媽咪講返
細過我返幼稚園嘅時候（唔記得k幾）
學校咁安排我坐窗邊位
我好百厭咁開晒啲窗（估計兩個𥦬）
個時係冬天
我自己就縮埋喺窗下面🤭
跟住冇幾耐，老師就安排見家長🤪
老師話好多同學都冷病咗🥶🥶🥶
就係因為你個女開唒啲窗
但佢自己就縮埋一舊
😂😂😂😂😂
要比個警告家長，叫個女唔好再做🤣
但我完全唔記得有呢件事😂
好正😂😂
其實整個整古朋友系列都好喎
屎橋真心癲😂😂
唔好開名，投稿定第二集😂
細個有一次唔記得點解同同學打交，打打下我一腳唔小心俾個同學推低我，咁啱就坐左係個垃圾桶度，之後個同學就走左去廁所痾尿，咁我梗係唔忿氣，就跟佢尾入廁所，見到佢企係個尿槽度痾緊尿，我就一手將佢推落個尿槽，然後件事唔記得點解會俾老師知道咗，打電話叫家長嚟左學校。 不過最匪夷所思嘅係有個女同學話見到我坐垃圾桶好似幾好玩，然後佢又坐埋一份，最後佢都有份俾人罰😂
會唔會有part 2
weeeeeeeee！投定稿等第二集！記得細個新年同屋企人返大陸鄉下！新年大陸好興放煙花咁我地成班細路同我地阿爸阿媽買左勁多煙花係我地住嘅大型屋苑有個好空草地放結果我地班細路就忽發奇想咁攞一大堆擺左個陣之後一次過放到最後發生左一場火災我地當然想救下火但係結果係救唔到跟著我就提出不如走乜都唔好理到最尾聽返黎唔知邊家報撚左消防搞到要成幾架消防車先救到場火跟著第二日行過草地見撚到成大個草地都黑撚左我笑左出黎之後搞到管理處要出通告話以後都唔比放煙花！咁當然之後我地成班細路都無理到照放😂😂😂😂
我要油紅色嗰句我笑爆
笑到PK😂😂😂😂😂😂😂
Wee~~~果年中二，好鍾意同個同學去搭熱狗巴貪佢有窗又舒服，有日買左盒雞蛋同鵪鶉蛋，上上層，響上面掉落去，見到途人嚇親就匿埋笑，開車途中又掉人地啲開縫車同天窗度，到總站係大尾督，去到停車場就響人地啲車上面打蛋，點知我響架車車頭啪啪左兩下預備開蛋，個司機彈左起身，嚇到我同同學高速跑走。
事後有一次隨手掉左舊壽司響尾隨我地巴士既開縫車到，點知條友渣上前叫停我地部巴士，走上黎鬧鳩我地，原來佢係警察啲說話何奇難聽仲掉返舊飯落我度，中途仲有呀叔話拉佢就岩架喇。自始就無再咁玩喇。
諗到一件童年趣事
話說我五歲嘅時候睇左鄭中基嘅《喜馬拉雅星》，冇幾耐就坐飛機去旅行，由於套戲影響深刻，係飛機度排隊去洗手間嘅時候經過一個坐住嘅鬼佬同佢講“俾曬d錢我～俾曬d錢我～俾曬d錢我～”（做埋電影入面嘅動作）😂我阿媽覺得又瘀又好笑
投稿定第二集
Wee……話說細個讀中學果時同另一個同學住喺公屋既5樓。當時部lift起跳係5、8、11、14咁樣，所以我同我同學係永遠搭唔撚到落樓既，因為落到黎5樓己經爆滿。谷鳩氣我地決定黎個大整蠱。進行當日我地準備咗兩頁龍虎犳既彩頁，分別係擘脾同埋擘脾。我地先走上8樓撳lift、以免樓下看更知道係5樓既人做(其實我地又著撚住校服，好撚on9)。當Lift門一開，無人，立即撳11樓。我地就要係三層樓既時間，拎啲彩頁出黎，貼鳩落前內門度，好似一對門神咁。然後喺11樓出返去。完成後落返5樓如常撳lift落樓。當架Lift上到最頂，我地睇住架lift層層停，一定接左好撚多人，即係話對門神就係不停出現(開門關門)。結果如我地所料，一開門，我地見到好撚多人，有男有女但係全撚部dup曬頭，於是我同同學仔就迫入去，我記得當時忍笑果吓真係忍撚到仆街…………不過……諗返真係好衰，如果有人記得，喺度講返聲sorry.
我有投稿～ 但無被讀出～
睇完呢集，我發現自己細個原來好L乖
原島件事👍👍
Wee~細個嗰陣時好興扭蛋 咁岩又出咗個整蠱人系列 我又咁岩抽中咗兩個臭蛋🤣咁當然係拎返學啦 一拎到返去d男同學見到個個都好好奇本來係諗住放學先玩點知真係咁岩得咁橋下一堂就係數學測驗個臭蛋突然之間跌咗落地下跟住個同學一嘢踩爆咗🤣嗰陣味呢一世永遠難忘我仲記得個阿Sir一推開個課室門口揞住個鼻大叫全部緊急疏散🙈除咗我個班隔離嗰兩班都要一齊落禮堂緊急疏散🤣🤣🤣全級測驗取消之後就收咗封警告信🤣
weeeeee 投稿
話說小學的時候天真爛漫， 成日成班男仔好鐘意係操場用隻手指玩槍戰。有一次大家一路玩一路打左入廁所， 結果我躲左入廁所， 為左可以睇到對手我企左上個廁格上面， 正當我好興奮用手指指住同學個頭的時候， 聽到‘’格勒‘’一聲， 廁所塊版比我踏穿左個洞。好彩我反應敏捷， 拿返隻腳出來， 冇濕， 之後跑左出去當冇事發生。
點知個同學報寸， 督左我出來， 結果要見家長
好彩最後賠錢了事， 冇記過。
WEE🤣🤣🤣細個果陣時挽紙巾，將D紙巾浸落水樽整左支豆漿咁嘅野，老豆收工番黎見到以為豆漿飲左，嚇到我即刻認衰仔...呢支係紙巾整嘅豆漿🤣🤣🤣
鉛芯好似後來都唔係用鉛
反而咬鉛筆外殻先會中毒
真•天竺鼠車車😂
大家細個都大癲🤯
之前有同學講過試過將釘書機釘落耳仔 之後真係有個耳窿😂
我都試過特登釘手指。大大力一啪就啪左落去。不過粒釘仲食住左係個釘書機度。但係手指都有兩個窿。痛到仆街。果陣公公係正隔離。勁驚俾人鬧。所以即刻扮冇野。忍住痛咁同公公講：公公。我出露台玩。。。同樣Kai嘢仲有塞隻手指入部開緊嘅風扇入面。。。
Weee唔好開名，出賣呀哥系列😂
細個嗰陣，我呀哥已經想成為一位偉大嘅科學家，佢有次襯呀爸呀媽唔喺屋企，柯咗一篤好大篤嘅尿落個痰罐度，然後將佢放入雪櫃嘅冰格，睇吓佢最後會唔會結冰。最後係冇結冰嘅，因為呀媽返到屋企，打開個雪櫃發現咗😂
Weeee 唔好開名 希望會有第二集🙏🏻
係我小學嘅時候，好中意玩尋寶遊戲。有一次趁老豆唔係屋企，地氈式咁係佢間房尋寶，發現左門後面有一件釣魚背心，咁就逐個逐個袋去尋寶啦！點知比我搵到一串嘅condom! 當時仲係好細個，唔知道呢串野係咩！所以我攞住呢串野去問我啊嫲，我就問：嫲嫲！呢串咩黎架？我啊嫲大驚失色就問：你邊到攞返黎架？我就話：係爸爸件背心搵出黎架！啊嫲就話：細佬仔唔好玩呢啲野，快啲放返原位。當時，我打開左個包裝，發現好似氣球咁，所以我就入左水落個condom咁 ，再打埋個結！就完全呢個水彈！ 我發現點揼都唔會爆 ，所以我第二日返學校同啲同學仔講：我屋企有點揼都唔爛嘅水彈！你地有冇啊！（好串嘅語氣）佢地個個都唔信呢個世界有點揼都唔爛嘅水彈，所以我放學就帶晒佢地返屋企 我地開晒啲condom入晒水 ，四五個同學仔一齊係我屋企個廳到玩，點知我老豆返到黎屋企，發現左我地玩緊佢嘅condom佢就大叫：你知唔知呢到老豆買得好貴架！ 從此以後，喺我屋企冇再發現condom….
"屌你，好玩喎"，正🤣🤣🤣🤣🤣🤣
拆彈車，堅料喎🤣
weee~~~~等第二集~~~~
話說小學臨暑假前總會有段時間考晒試教晒書日日返學冇野做齋玩等放假，
小四果陣成班同學就約埋某日一齊開大食會，我負責帶飲品。
當日朝早老豆仲借左個可以裝到十幾罐汽水嘅旅行冰袋俾我，提我記得拎雪櫃啲汽水走，
我執執下啲汽水果陣，發現有一pack嘉士x同汽水擺埋一齊，於是就執左幾罐入袋拎返學校。
返到學校，放低晒啲汽水後，幾個男同學圍埋角落頭一齊開箱(?)啲嘉x伯，
個feel就好似發現某人床下底收埋鹹書咁圍埋一齊睇。
大家好識趣咁拎杯裝走晒啲酒再收起啲罐，但未飲就開始high high地，
仲有人唔知點解會拎樽以羅果子鹽返學校，話猜枚猜輸左就要含一啖果子鹽再飲一啖酒。
大家都細個唔知咁樣溝有乜事發生，淨係以為會溝到變果汁酒。
輸左果位同學就拎住樽鹽大大啖含落口，再豪邁咁啪一啖酒。
然後唔駛半秒，佢好似凌凌發嘅劉以達咁嘔泡嘔左成分鐘，仲濁到有啲辛苦。
我地嘗試搵清水俾佢，但成個課室都係得罐裝同枝裝汽水(同埋我地啲啤酒)。
結果嘔到尾佢用返自己杯野漱口lur清晒啲果子鹽先完到件事。
好彩冇驚動到老師，事後都拿拿聲清理返現場，我仲好乖咁收集晒成班嘅汽水罐拎落學校門口個回收箱😅
聲明：未成年唔好亂飲酒呀！！！
大佬真係好撚正
搵到老豆咸書嗰個簡直係魯迪烏斯
笑死我😂
Weeee
細個果時放左學同班同學去食東東雲吞麵，襯個同學行開咗 ，立即拎張紙巾出嚟，用檯面上一罌罌調味料做餡，包到好似隻雲吞咁放入佢碗雲吞既匙羹上。佢返到嚟一口將隻雲吞擺入口，滿口都係豆瓣醬及辣椒油，想吐返出嚟又吐唔到 ，又成個口裡面黐住紙巾。😂
好仆街🤣東東雲吞麵，好耐冇聽話呢個名，以前成日幫襯
Good job
啱啱喺抖音睇到
Weeeeee
幼稚園下午放小息嘅時候去遊樂場到玩sir滑梯 本身我都好有秩序咁排隊 上到滑梯頂 我前面仲有個同學仔未sir落去 佢仲要係到扭扭擰擰 坐係到唔sir落去 叫佢又唔肯郁 咁我又等唔切 係佢未sir落去之際推左佢落地下…..然後佢冚爆咗個嘴 佢係地下喊緊嘅時候我先慢慢咁sir落地下問候佢😂
WEEEE～～～可5可以表演下筆芯加廁紙點整印第安人吹箭～
細個嗰陣唔知係邊到搵到過期火箭煙花，然後隔籬屋唔知邊個仆街仔突發奇想將火箭射入一個成日嘈交嘈到拆天嘅鄰居屋企度….最後佢係人哋屋企前園嘅閘門啲窿窿度射啲火箭入去個前園到…宜家成廿幾年都無人知係邊個射火箭🙃 但個日之後嗰家人就唔好再嘈過交….
拆蛋嗰個好嘢啲，開展覽咁全卷展示哂出嚟。試問一個普通人有乜機會開展覽
支持
Weeeee for下一集（如果有😂）
唔出名thanks🥹
兩個故仔都係關於屎
話說我細個好鍾意睇卡通片
跟住套卡通片到咗最後一集最後嗰幾個moment嘅時候
我突然之間急屎 就衝咗去廁所門口準備一完就即刻mok褲即刻屙
點知我實在係忍唔住 當套卡通片結束嘅嗰一刻
我就喺個廁所門口大嗌我忍唔住啦 除咗條褲 大左😂 最後係阿媽攞筷子 夾咗落垃圾袋度dum😂
第二個故仔係關於我阿哥
話說佢中學嘅時候 我老竇脾氣仲係超級差郁啲就會鬧人嗰啲
所以我同我阿哥都好小心翼翼唔想做錯任何一件事俾佢屌
然後有一次我阿哥屙完屎之後冇水衝廁
佢又怕因為冇衝廁比老竇鬧 我哋就一齊諗有咩辦法可以將舊屎塞入去個馬桶入面
然後我呀哥就攞咗個鮑魚刷 係咁壓係咪壓 諗住壓到佢入條渠 後尾見唔成功就攞返個鮑魚刷上嚟 發現全部屎都吉晒入去個鮑魚刷入面 佢就攞出去後樓梯個垃圾桶抌咗佢 但係就滴到成條路都係屎水😰
Weeee 我記得我同我哥哥細個反鄉下 因為隔離左右屋企都唔關門 隔離屋個啊婆(7x)拜神 我哥拎個點着左既炮仗🧨 拋左入啊婆張拜神枱既枱底 個啊婆跪底準備開始 聽到bang bang bang 嚇到啊婆以為有鬼😂
仲有個係以前大陸啲老一輩好鍾意養雞 又係我哥哥 拎嚿石頭揼中隻準備生蛋既雞 我哥揼中左仲好開心咁笑話隻雞係度轉圈😂 個主人最後黎叫我啊媽賠錢 最搞笑既係粒雞蛋出左一半仲有一半係個雞媽媽度😆
細個百厭嘅事跡唔多，只有一次唔知點解隻手骨折咗成個禮拜屋企人先發現，同一次突然興起揼晒屋企啲書同玩具落街 (兩樣都係屋企人講返我知)
自己有印象嘅得一樣，對比其他投稿算好少嘢，以前屋企個廳係吊燈，有一排又好鐘意玩跳繩，嗰日唔記得係單純想玩lasso定打條繩上吊燈做泰山，就企咗上梳化一嘢fak條繩過去，就咁打爛咗幾個燈膽XD仲幾乎整損我細佬，嚇到我工人姐姐呆咗企喺隔籬唔知點算，好彩最終都冇俾人鬧