Pastor K VUMZATHANG Sunna & Vuina Program

Pastor K Vumzathang (1956 - 2022)
Vuini: 3rd November 2022
Vuitu: EBCC Zion & YPA Zion Veng
A TANCHIN SAULOU
Pastor K Vumzathang(Kum 66), a pa Ginsum Khuptong, a nu Chiinpaam apan October 1, 1956 in Santing khua ah piang hi. Baptisna aneulai in Pastor Sherluoi khut ah tang hi. A zi Nianglianching d/o V.Chinkhokam toh March 14, 1987 in Pastor T. Ngulkam khut ah kiteng uhi. December 12, 1993 in EBC Pastor Ordainna Rev. T. Jamkhothang khut ah tang hi.
Pianpih Sanggam Pasal 5 leh Numei 3nei hi.
A tate :
1. Tanu Lia Vunggelching (GNM)
2. SumPaulson Khuptong, a zi Chinglianniang toh Tapasal khat (tupa) Thang lungmuan mel muman hi.
3. Nu Mawibiakdik @Dikbawi, a pasal Pausuanlian (M.Com;Primary Teacher) toh tanu 2= Chinglalnem leh Hlimnunpui (tunu)nih mel muman hi.
4. Lia Chinghoihkim(Teacher). Laizilna lam ah aman BA sinlel in, GBC ah B Th zou hi.
Teacher leh Pastor sem a a omkhakna munte:
1978 in Lungchin khua ah Teacher nna sem in, miten ngai mahmah ua, aman le nuamsa mahmah hi.
1979 - 1993 in Dawltang khua Vangaitang ah CES ah Teacher sem hi.
1994 - 1998 in P.Munlian ah Pastor sem hi.
1999 - 2001 in Bethkhal ah Pastor sem hi.
2001 - 2003 in Vengnuam Jiribam ah Pastor sem hi.
2004 - 2007 in Tribal Colony Imphal ah Pastor sem hi.
2008 - 2011 in Mata, Lamka ah Pastor sem hi.
2012 - 2016 in Bethlehem, New Lamka G. ah Pastor sem hi.
2017 - 2020 in Kanaan EBCC ah Pastor sem hi.
2020 - in Jordan EBCC ah 02 October 2020 in Toupa gam nna asepna PENSION ta hi.
Vangaitang ah kum 25 vingveng sem in, gambuainate’n nawkkha mahleh ginomtak in sem veve hi. DWC EBC Vangai Division in SEKDOU PASTOR TITLE pehial uhi. A zi toh Imphal a Pastor nna a seplai in, New Lamka a Innmun a neih sunsun Missionary nasepna dingin EBC headquarters ah pekhia uhi. Tu-in Toupa’n Zion Veng ah Inn hoihtak pia in teng uhi.
A natna Hepetitist B in kipan a, hong uang deuhdeuh in a Sin ah CANCER hong om in huai akipan hong hoihzou nawnlou hi. Delhi, Imphal leh Lamka Damdawi Innte ah kikem in, Toupa’n amite hon itpihtu ding honsawl in tuni tanpha in hon sawl lailai hi. It in ngai in khelah chiat mahle hang, a thuakgimnate apan A kianga tawldam hiuhiau ta ding in Toupa’n Dt November 3 20222 in A angsung liimnuam beel di’n A lata hi.
AMEN!!!
TOUPA'N A IT' ATAWLDAMSAKTA.

[@lianzomi855]

Hon it ung,,pu,,thang😭😭😭

[@mctangpuaofficial9076]

Uthuai e lomlom 😭

[@user-ms3rq2qz9n]

Itt huai ei... 😢