زايديٍ دون عزه بالرماح وبالشباري 🔥 مهداة لرجل الاعمال سالم ال مرهي 🔥 فهد ال صبيح & فايز الدوسري

زايديٍ دون عزه بالرماح وبالشباري🔥👏🏻
مهداه لرجل الاعمال سالم ال مرهي
كلمات الشاعر فهد ال صبيح
اداء المنشد فايز الدوسري
كلمات العمل
شوقي اللي ما يزيد الا ليا زاد انتظاري
علم اللي يحسبن الشوق مع نوح الحمامه
و علم اللي يحسبني شاعرٍ في كل طاري
ما عرفت الا الكريم و ما جهلت الا الهلامه
لي حضوري ف الغمام و لي نظامي و انتشاري
عقب اللي ما تعرف الناس موقعه و نظامه
من غروري في قصيدي لا مدح قحط الصحاري
ينقلب وجه الصحاري ربل فـ عيون الثمامه
انكساري مستحيل و لا يدور لـ انكساري
دام في قلبي شعور و دام في نفسي كرامه
امدح الطيب و اشوش و انتهض و اشب ناري
لابسٍ درعي و اردد قربوا سرج النعامه
( ما دعس خشم الريال و ما فلق جمع الضواري
غير ابن طبخان سالم لا تقلط في مقامه )
مرحبا بالصامل اللي نوخ البنك التجاري
دون ربعه يوم غيره يلتفت لـ الانهزامه
حي راسٍ لـ النواميس ايتصدر و انتحاري
ايه سالم لا غدا لـ النار قدحه و انشعامه
والله ان امر ابو مسفر معا وجهه و اماري
لين ما تسير الجبال و لين ما تقوم القيامه
ابن عمٍ فالمواقف لا بدا الميقاف ضاري
و ابن عمٍ شاع ذكره فـ الطويل من العدامه
يكتب التاريخ مجدٍ سيرته بالعز جاري
سطر امجادٍ ترازم فالسماء فوق الغمامه
يحذف المليون حذفة مشلحه ويقول داري
الشجاع اللي يهوز الموت و يبرهن كلامه
شامخٍ مثل الجبال و ما تزعزه الذواري
كل يوم يحط له فـ الطيب بصمه من بهامه
ايتبسم لـ الامور الكايده و الوضع طاري
حي عين اللي يهز المعضله بـ الابتسامه
( زايديٍ دون عزه بالرماح و بالشباري
وبالسيوف اللي تطوع من رفع خشم عرامه )
من يقول ان المدايح تنتهي و الليل ساري؟
المدايح تبتدي لا دنق الليل بظلامه
خيل العليا لا جاك الموت و الوضع اظطراري
ينكتب لك كل عمر و تفهق حدود السلامه
ال مرهي فعلهم شعشع على وجه الغداري
عزوتٍ من طيبها فالعز طالة كل قامه
ال مرهي و الفعل يكتب و لـ التاريخ قاري
ربعنا اللي تنثني و تلوذ من دون الجهامه
مجدهم ماله شبيه و صرحهم ماهوب عاري
فعلهم مثل اليقين و مدحهم فرض و شهامه
..
للتواصل والاستفسارات :
الحسابات الرسمية لـ منصة بصمة الابداع .
‏Official Whatsapp :
الرابط محادثة الواتساب المباشر :
wa.me/message/...
[phone]
‏Official Snapchat :
/ a_thane2
‏Official Twitter :
/ a_thane2
‏Official Instagram :
/ a_thane2
ـــــــــــــــــــ

[@Basmhalebda3]

تشرفوني في منصات التواصل الاجتماعي :
alfan.link/a_thane2

[@user-ek8zw3gq1j]

كفو ونعم صح لسانك 👍

[@yehiamo9732]

ابداع و تميز ماشاء الله

[@user-sz3te9pk2w]

ابداععع

[@B--jt5mt]

اتقي الله في رمضان أوقفو الشيلات
انا متابع معكم لاكن في رمضان لا اتابع أحد شهر الفضيل ❤

[@ziy-505]

الرجال ذا رزقه وماهوب موقف رزقه يوم العيد جاي كل واحد يدور الرزق قبل العيد

[@KAEARNINGTIPS]

Konse desh ke ho aap

[@ziy-505]

Saudi Arabia