Original song បទថ្មី ក្រចេះដកម៉ៃ KaraokeKratie Dorkmai
ฝัง
- เผยแพร่เมื่อ 16 ก.ย. 2024
- Original song បទថ្មី ក្រចេះដកម៉ៃ Karaoke Kratie Dorkmai
ខេត្តក្រចេះ ស្ថិតនៅភាគឦសាននៃប្រទេសកម្ពុជា មានស្ថានភាពដីជាពីរប្រភេទគឺតំបន់ខ្ពង់រាប និងតំបន់វាលទំនាប មានចម្ងាយ ៣៤០គម ពីរាជធានីភ្នំពេញតាមផ្លូវជាតិលេខ៧ ឆ្លងកាត់ស្រុកស្នួល ចម្ងាយ ២៥០គម ពីរាជធានីភ្នំពេញតាមផ្លូវជាតិលេខ៧៣ ឆ្លងកាត់តាមស្រុកតំបែរ និងស្រុកឆ្លូង និងចម្ងាយ ២២០គម តាមផ្លូវទឹកទន្លេមេគង្គ ។ ខេត្តមានព្រំប្រទល់ខាងកើតជាប់នឹងខេត្តមណ្ឌលគីរី ខាងលិចជាប់នឹងខេត្តកំពង់ធំ ខាងជើងជាប់នឹងខេត្តស្ទឹងត្រែង និងខាងត្បូងជាប់នឹងខេត្តត្បូងឃ្មុំ ខេត្តកំពង់ចាម និងប្រទេសវៀតណាម។ ទន្លេមេគង្គហូរកាត់ក្រុង០១ និងស្រុក០៤ ក្នុងចំណោមក្រុង និងស្រុកទាំង០៦របស់ខេត្ត ដែលមានប្រវែង ១៤០គម មានព្រែកធំៗចំនួន៥ ស្ថិតនៅខាងកើតទន្លេមេគង្គ ។ ខេត្តក្រចេះមានផ្ទៃដីធម្មជាតិសរុប ១១.០ ៩៤គម២ ចែកជាក្រុង០១ ស្រុក០៥ មាន ០៥សង្កាត់ ៤២ឃុំ និង២៥៨ភូមិ។(www.kratie.gov...)
ប្រវត្តិខេត្តក្រចេះ ចំពោះប្រវត្តិឈ្មោះខេត្តក្រចេះ គឺនៅមិនទាន់មានឯកសារណាមួយបង្ហាញឲ្យច្បាស់នៅឡើយទេ ។ តែបើតាមការដកស្រង់ចេញពីកំណត់ត្រាប្រវត្តិសាស្ត្រមួយចំនួនបានបង្ហាញផ្សេងៗគ្នាជុំវិញឈ្មោះ និងប្រវត្តិនៃ «ខេត្តក្រចេះ»។ បើតាមឯកសារមួយបានបង្ហាញថា «ខេត្តក្រចេះ» ជាដែនដីប្រវត្តិសាស្ត្រមួយក្នុងកម្ពុជរដ្ឋនៃយើង តាំងពីសម័យចេនឡាមកម្ល៉េះ ដោយហេតុថា «ស្រុកសំបូរ» ដែលស្ថិតនៅតាមដងទន្លេមេគង្គគឺជាអតីតរាជធានីនៃ «ចេនឡាទឹកលិច» មានឈ្មោះថា «ក្រុងសម្ភុបុរៈ»។ តាមពាក្យរបស់ព្រឹទ្ធាចារ្យនៅតំបន់នោះ ក៏ដូចជាតាមឯកសារ មួយចំនួនបានបង្ហាញ ថា«ក្រចេះ»គឺជាពាក្យក្លាយពីភាសាបារាំងថា GATILLE (ហ្គាទីឡេ) ដោយអ្នកបកប្រែឱ្យ អាជ្ញាធរបារាំងពេលនោះនិយាយពុំត្រូវតាមភាសាបារាំងនាំឱ្យពាក្យ GATILLE(ហ្គាទីឡេ) នោះក៏ក្លាយ ជាពាក្យ«ក្រចេះ»។
ឯកសារប្រវត្តិសាស្ត្រនោះបញ្ជាក់ថា ដោយមានការបះបោរប្រឆាំងនៃជនជាតិព្នង ចំពោះបារាំងនាសម័យនោះ ពួកបារាំងបានចាត់កងកម្លាំងបញ្ជូនទ័ព និងចាត់លោក GATILLE ឱ្យផ្គត់ផ្គង់សម្ភារសឹកភ័ស្តុភារ និងបោះទីតាំងមូលដ្ឋានទ័ពនៅចំក្រុងក្រចេះសព្វថ្ងៃនេះ ។ មូលដ្ឋានទ័ពនោះគេឱ្យឈ្មោះថា CAMP LOGISTIQUE DE GATILLE មានន័យជាខេមរភាសាថា ជំរំ GATILLE ។ ដូច្នេះហើយ ទើបមានអ្នកខ្លះយល់ថាពាក្យក្រចេះនេះយកតាមឈ្មោះមេទ័ពបារាំង GATILLE នេះ។
វចនានុក្រមខែ្មររបស់សមេ្តចព្រះសង្ឃរាជ ជួន ណាត ភាគទី១និងភាគទី២ ត្រង់ទំព័រ ៩៣០បោះពុម្ពឆ្នាំ១៩៦៧ សរសេរថា «ក្រចេះ» (ន) (ពាក្យជនជាតិស្ទៀង) ក្របី កំពង់ក្រចេ កំពង់ចម្លងក្របី ក្លាយមកជាពាក្យក្រចេះ ។ ដូចគ្នានេះតាមការរៀបរាប់របស់ចាស់ទុំរស់នៅ ក្នុងតំបន់នេះបានឲ្យដឹងថា
Original song បទថ្មី ក្រចេះដកម៉ៃ KaraokeKratie Dorkmai
នៅសម័យដើមខេត្តក្រចេះមានជនជាតិដើមភាគតិចជាច្រើនរស់នៅ។ មានការទាក់ទងពាណិជ្ជកម្មផ្សេងៗនៅភូមិភាគឦសានទាំងមូលតាមច្រក «កំពង់ចម្លងក្របី» របស់ជនជាតិស្ទៀងឆ្លងពីក្រចេះទៅតំបន់ខាងលើ និងក្រចេះមកតំបន់ខាងក្រោម ហើយតែងតែមកផ្លាស់ប្តូរទំនិញទៅវិញទៅមកនៅកំពង់ចម្លងនេះ។ ផែ្អកទៅតាមឯកសារយោងរបស់លោក ជួប ឃាន ស្តីពីដើមកំណើត និងប្រវតិ្តនាមខេត្តក្រចេះចុះថៃ្ងទី១៨ មេសា២០០១ បញ្ជាក់ថា សម័យកាលក្រុងសម្ភុបុរៈ (ស្តេចលាវ) តែងតែនាំសួយសារផ្សេងៗ មកថ្វាយសេ្តចខែ្មរតាមរយៈកំពង់ចម្លងនេះដែរ។ នេះជាប្រវត្តិខ្លះៗដែលជាប់ពាក់ព័ន្ធនឹងខេត្តក្រចេះ។(kohsantepheapd...)
តាមវចនានុក្រម electronic ឈ្មោះ វចនានុក្រមខ្មែរ ឲ្យនិយមន័យថា ក្រចេះ (សព្វនាម) ឈ្មោះម្សៅក្រអូប ម្សៅក្រចេះ។
បទចម្រៀងនេះត្រូវបានសរសេរឡើងដើម្បីរំលេចឡើងវិញអំពីប្រវត្តិសាស្ត្រខ្មែរយើងនាសម័យចេនឡាដែលបានបែងចែកទឹកដីជាចេនឡានទឹកលិច និងចេនឡាដីគោក។ តាមប្រវត្តិវិទូខ្លះថា ចេនឡាមិនបានបែងចែកជាពីរអ្វីទេ។ ម៉្យាងទៀត បទចម្រៀងនេះក៏ចង់និយាយសម្រស់ស្ត្រីខ្មែរនៅខេត្តក្រចេះម្នាក់ដែលមានរូបសម្បត្តិល្អឯកចោលក្លិនគន្ធាក្រអូបឈ្ងុយគួរជាទីគយគន់ និងប្រាថ្នាចង់បាននៃប្រុសៗទាំងឡាយ។ ជាមួយគ្នានេះ នាងក៏បានដឹងខ្លួនថា មានកម្លោះលួចប្រលោមស្នេហ៍…ពួកគេក៏ផ្តោះផ្តងវាចានឹងគ្នាយ៉ាងផ្អែមល្ហែម។ I-ប-សម្ភុបុរភូមីខេមរា ធានីចេនឡារដ្ឋាដីកេរ កោះទ្រង់កាំពីមេគង្គទន្លេ អូនស្អាតម្ល៉េះទេបុប្ផាក្រចេះ។ II-ស-បងមកពីណាវាចាឲ្យស្រី ឆ្លូងចិត្របុរីចំបក់ស្វាយជ្រះ មកប្រលោមស្នេហ៍បុប្ផាក្រចេះ តើន័យពាក្យនេះយ៉ាងណាមាសមេ? R-ប-ឈ្មោះអូនដូចម្សៅក្រអូបបុប្ផា ឃើញភ្លាមចិន្តាបងខ្វល់រិះរេ ស្រឡាញ់តែផ្កាតាមដងទន្លេ ស្នេហ៍ពីបុព្វេក្រចេះដកម៉ៃ។ III-ប-ស-ស្នេហ៍អើយស្នេហាចារពីអតីត គូពីព្រេងព្រឹទ្ធជាភ័ព្វនិស្ស័យ ស្នួលព្រែកប្រសព្វស្នេហ៍ស្មោះភក្តី ក្រោមមេឃលើដីយើងពីរអង្គារ។ទន្ទឹមនឹងនេះ បទនេះក៏ចង់រំលេចឲ្យកូនខ្មែរបានស្គាល់ និងដឹងអំពីឈ្មោះនៃខេត្តក្រចេះផងដែរ។ សូមជួយចុច Subscribe និងរូបកណ្តឹង !
អ្នកថតចម្លង កាត់តរូបភាពបទនេះឡើងវិញ យកទៅបង្ហោះក្នុងឆាណែល ឬទំព័របណ្តាញសង្គមរបស់ខ្លួន ឬតាមមធ្យោបាយណាក៏ដោយ ដោយគ្មានការអនុញ្ញាត នឹងត្រូវទទួលខុសត្រូវចំពោះមុខច្បាប់ជាធរមាន។
Any copying, pasting or posting of this song on its own channel or social media site without permission will be liable in accordance with applicable law.
អ្នកថតចម្លង កាត់តរូបភាពបទនេះឡើងវិញ យកទៅបង្ហោះក្នុងឆាណែល ឬទំព័របណ្តាញសង្គមរបស់ខ្លួន ឬតាមមធ្យោបាយណាក៏ដោយ ដោយគ្មានការអនុញ្ញាត នឹងត្រូវទទួលខុសត្រូវចំពោះមុខច្បាប់ជាធរមាន។
Any copying, pasting or posting of this song on its own channel or social media site without permission will be liable in accordance with applicable law.
ច្រៀង៖ លោក ឌី ថារ៉េន និងអ្នកស្រី ពេជ្រ ថារី
និពន្ធទំនុកច្រៀង៖ បណ្ឌិត សេង ប៊ុនធឿន
និពន្ធបទភ្លេង៖ លោក ឯល ប៊ុនណា
សម្រួលតន្រ្តី៖ លោក ណាំ ប៊ុណ្ណារ័ត្ន
រចនារូបភាព៖ លោក កឹម វឿន
#sengbunthoeun #សេងប៊ុនធឿន #លោក ឌីថារ៉េន និងអ្នកស្រី ពេជ្រ ថារី
ពិរោះណាស់លោកគ្រូ❤
ពិរោះខ្លាំងណាស់លោកគ្រូ🥰
ពិរោះ ណាស់💗💗💗
ពិរោះលោកគ្រួ❤
❤❤❤
❤❤❤❤
💗💗
🥰🥰🥰
ស្តាប់ហើយពិតជាពិរោះណាស់
ស្តាប់ហេីយនឹកឃេីញដល់ខេត្តក្រចេះណាស់❤
❤❤🎉
❤❤